Kulturë

Gruaja e mbretit Charles II, Camilla dhe Dua Lipa së bashku në Booker Prize 2022

Camilla ndoqi ngjarjen me motrën e saj, Annabel Elliot.

Published

on

Nuk është e zakonshme të hasni në Queen Consort, Camilla Parker Bowles, e as nuk do të prisnit të përplaseni me ikonën e muzikës, Dua Lipa!

Mjerisht, kjo ndodhi për të dyja teksa u takuan në ceremoninë e ndarjes së çmimeve Booker Prize në Londër.

Camilla ndoqi ngjarjen me motrën e saj, Annabel Elliot, dhe ato ndanë ca momente së bashku me Lipën.

Gjatë takimit të tyre, Dua i tha Camilla-s se ajo fatkeqësisht nuk do të performonte në event, duke lënë të kuptohet se ndoshta mbretëresha është një fanse e fshehtë e muzikantes. Ajo shtoi se ishte “plotësisht e nderuar” që ishte zgjedhur për të mbajtur fjalimin kryesor të natës.

Dhe Dua nuk ishte e vetmja që ndihej e nderuar, pasi në Twitter, fansat kishin shumë për të thënë për takimin e dy grave kaq me ndikim.

“Më pëlqen që Dua Lipa, princesha e popit po bisedon me Camilla Queen Consort”, shkroi një fans i emocionuar në Twitter.

“Është fantastike të kesh Madhërinë e Saj këtu, sepse ajo vërtet interesohet për autorët, dhe edhe nëse nuk mund të vinte në vitet e mëparshme, ajo gjithmonë sigurohet që t’i shohë”, tha sekretarja e Fondacionit Booker Prize, Eve Smith.

“Kështu që kur morëm vesh se ajo do të vinte – supozuam se ajo nuk do të vinte, thjesht, e dini, kur Mbretëresha vdiq dhe ajo [Camilla] u bë bashkëshortja e Mbretit, ne disi supozuam se kjo mund të ishte një nga gjërat që ajo duhej të linte të kalonte – por jo, ajo është këtu, kështu që është shumë mirë”, vazhdoi Smith./UBTNews/

Lajmet

Vazhdojnë punimet për rinovimin e teatrit ODA në Prishtinë

Published

on

Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.

Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.

Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.

Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.

Ndërkaq, Teatri i Operës dhe Baletit në Prishtinë është në fazën e fundit të projektimit./A.K/

Continue Reading

Lajmet

“Palimpsest”, projekt artistik që rikthen në vëmendje trashëgiminë muzikore shqiptare

Published

on

Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.

Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.

Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.

Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.

Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/

Continue Reading

Lajmet

Kosova dhe Çekia diskutojnë bashkëpunimin në fushën e trashëgimisë kulturore

Published

on

By

Ambasadorja e Kosovës në Çeki, Albesjana Iberhysaj-Kapitaj, ka zhvilluar një takim me drejtoreshën e përgjithshme të Institutit Kombëtar për Mbrojtjen e Monumenteve të Republikës Çeke, Naděžda Goryczková, për të shqyrtuar mundësitë e bashkëpunimit dypalësh në fushën e trashëgimisë kulturore.

Gjatë takimit u diskutua për shkëmbimin e ekspertizës dhe praktikave profesionale ndërmjet institucioneve të të dyja vendeve, me fokus të veçantë në konservimin, restaurimin dhe mbrojtjen e monumenteve.

Përvoja e gjatë e Republikës Çeke në ruajtjen e trashëgimisë kulturore u vlerësua si mundësi e rëndësishme për forcimin e kapaciteteve dhe avancimin e standardeve të institucioneve të Kosovës në këtë sektor. /E.A/

 

Continue Reading

Lajmet

Tetova prezanton programin “Nëntori në Festë 2026” me aktivitete kulturore e artistike

Published

on

Qendra e Kulturës në Tetovë ka prezantuar programin “Nëntori në Festë 2026”, i cili përfshin një sërë aktivitetesh kulturore dhe artistike që do të zhvillohen nga 17 deri më 28 nëntor.

Programi përfshin ekspozita personale dhe kolektive, koncerte muzikore, aktivitete folklorike dhe shfaqje teatrale, ndërsa do të kulmojë me aktivitetet e organizuara më 28 nëntor, në kuadër të shënimit të kësaj date.

Ndër aktivitetet e parapara janë ekspozita personale “Rrënjë të padukshme”, koncerti “Rok përrallë në vjeshtë”, koncerti folklorik me fëmijë, koncerti vjetor i Qendrës së Kulturës “Festojmë Nëntorin”, si dhe paraqitjet e ansambleve dhe grupeve artistike.

Programi përfshin gjithashtu ekspozita në hapësirat kulturore dhe shkollore të Tetovës, koncertin e Ansamblit Shtetëror dhe një shfaqje teatrale nga Teatri i Tetovës.

Aktivitetet do të përmbyllen më 28 nëntor me programin “Festojmë 28 Nëntorin”, i cili do të mbahet në INQ “Ilo Anteski Smok” në Tetovë.

Përmes këtij kalendari, Tetova do ta shënojë muajin nëntor me aktivitete që ndërthurin muzikën, artin pamor, folklorin dhe teatrin./A.K/

Continue Reading

Të kërkuara