Lajmet

Greva më e madhe në historinë e Britanisë së Madhe, ndërpritet shërbimi mjekësor

Kolegji Mbretëror i Infermierisë (RCN) tha se grevat do të vazhdojnë për aq kohë sa do të nevojitet.

Published

on

Shërbimi Shëndetësor Kombëtar i Britanisë (NHS) po përballet me ndërprerje masive, pasi dhjetëra mijëra punonjës janë bërë pjesë e grevës më të madhe në historinë e Britanisë së Madhe.

Kolegji Mbretëror i Infermierisë (RCN) tha se grevat do të vazhdojnë për aq kohë sa do të nevojitet, ndërsa sindikata “Unite” paralajmëroi për një cikël të vazhdueshëm të protestave të punonjësve, shkruan ATSh.

Drejtuesit e sindikatave i kanë kërkuar qeverisë të veprojë për të parandaluar aktet e mëtejshme të grevës, por ministrat në Angli kanë sinjalizuar se nuk janë gati të zbatojnë një nga pikat kryesore të mosmarrëveshjes, të paguajnë për 2022-2023.

Priten trazira në të gjithë Anglinë pasi infermierët nga RCN-ja do të bashkohen me mjekët e kujdesit emergjent të GMB-së dhe “Unite”, punonjësit e urgjencave dhe stafin tjetër të shërbimeve të ambulancave.

Kjo është hera e parë që punonjësit e ambulancave dhe infermierët dalin në grevë në të njëjtën ditë.

Infermierët do të bëjnë sërish grevë të martën, punonjësit e ambulancave sërish të premten dhe fizioterapistët të enjten.

Drejtuesit e NHS-së thanë se kjo do të jetë java më shkatërruese e grevave deri më tani, por ata u kërkuan njerëzve që të kërkonin kujdes urgjent nëse do të kishin nevojë dhe të merrnin pjesë në takime siç ishte planifikuar, nëse nuk ishin kontaktuar paraprakisht.

Sindikatat në Uells pezulluan kryesisht veprime të ngjashme pasi qeveria e Uellsit doli me një ofertë të përmirësuar pagash të premten.

Ndërkohë, Downing Street tha se dëshiron të shikojë përpara dhe “jo mbrapa” kur bëhet fjalë për negocimin e pagave me sindikatat shëndetësore.

Zëdhënësi zyrtar i kryeministrit Rishi Sunak, i pyetur se cili është plani i tij për t’i dhënë fund grevave, tha: “Ne duam të vazhdojmë të diskutojmë se si mund të gjejmë një rrugëzgjidhje me sindikatat”.

“Rritja e pagave mbi inflacion nuk është e pranueshme, duke pasur parasysh ndikimin që do të kishte tek taksapaguesit dhe rrezikun e rritjes së presioneve inflacioniste”, tha ai.

“Ne duam të gjejmë një rrugëzgjidhje. Ne mendojmë se mënyra e duhur për ta bërë këtë është të flasim për ofertën e pagave të vitit 2023-2024, përpara se propozimet t’i dorëzohen organit të rishikimit të pagave”, shtoi ai. 

Lajmet

Krimet kundër njerëzimit nuk falen, përkujtohet masakra në Studime të Vushtrrisë

Published

on

By

Në 26-vjetorin e masakrës serbe në Studime të Vushtrrisë u kërkua drejtësi për 116 shqiptarët e vrarë më 2 maj 1999.

Në akademinë përkujtimore, të organizuar nga Komuna e Vushtrrisë, u kërkua edhe unitet politik.

Kryeministri në detyrë, Albin Kurti, tha se strategjia gjenocidale serbe përfshiu edhe fshatrat e Vushtrrisë ku mbeten të vrarë 116 civilë.  Ai theksoi se vetëm me dënim për ata që kryen këtë masakër familjarët do të gjejnë prehje, dhe paqja do të jetë e qëndrueshme.

Kryetari i Vushtrrisë, Ferit Idrizi tha se masakra e 2 majit ka lënë gjurmë të mëdha e te pashlyeshme, ndërsa kriminelët serbë që kryen këtë masakër ende nuk janë dënuar.

Në këtë akademi përkujtimore i pranishëm ishte edhe kryetari i Aleancës për Ardhmërinë e Kosovës, Ramush Haradinaj i cili tha se i paharruar është kujtimi për të gjithë të rënët për liri.

Sokol Gjata, në emër të familjarëve, kërkoi që amaneti i martirëve dhe të rënëve për liri mos të harrohet në zyrat e shtetit.

26 vjet më parë, më 2 maj të vitit 1999, forcat serbe vranë dhe masakruan 116 civilë të pafajshëm shqiptarë. Këta të fundit u nxorën nga kolona e qindra njerëzve që kishin marrë rrugë për Shqipëri. Dëshmitarët kishin deklaruar se 116 civilët u pushkatuan brenda dy orëve.

Continue Reading

Lajmet

Hapet Ambasada e Republikës së Kosovës në Malajzi

Published

on

By

Sot hapet Ambasada e Republikës së Kosovës në Kuala Lumpur, Malajzi, duke shënuar një moment të veçantë dhe një hap të rëndësishëm në angazhimet e Kosovës për forcimin e lidhjeve me vendet e Azisë Juglindore dhe zgjerimin e pranisë së saj diplomatike në këtë rajon strategjik.

Kështu thuhet në një komunikatë për media të Ministrisë së Punëve të jashtme, ku theksohet se Malajzia ka qenë një ndër vendet e para që ka njohur pavarësinë e Kosovës, dhe hapja e ambasadës në kryeqytetin e saj përfaqëson një dëshmi të përkushtimit të ndërsjellë për të avancuar bashkëpunimin dhe për të thelluar marrëdhëniet e ndërtuara mbi respektin dhe mirëkuptimin reciprok.

Hapja e Ambasadës në Kuala Lumpur nuk është vetëm një zgjerim i pranisë sonë diplomatike, por edhe një shprehje konkrete e vullnetit tonë për të ndërtuar ura miqësie, bashkëpunimi dhe zhvillimi me një nga rajonet më dinamike në botë. Jemi mirënjohës për mbështetjen e vazhdueshme të Malajzisë dhe të përkushtuar për ta çuar këtë partneritet në nivele të reja,”deklaroi Ministrja e Punëve të Jashtme dhe Diasporës, Donika Gërvalla.

Ambasada e Kosovës në Kuala Lumpur synon të shërbejë si një urë e re bashkëpunimi në fushat e diplomacisë, tregtisë, shkëmbimeve kulturore dhe përkrahjes së qytetarëve të Kosovës në këtë pjesë të botës. Kjo hapje është rezultat i punës së vazhdueshme institucionale dhe përkushtimit strategjik për afirmimin ndërkombëtar të Republikës së Kosovës.

Continue Reading

Lajmet

Presidentja Osmani pritet me nderime të larta shtetërore në Malajzi: “Faleminderit Kryeministër Anwar Ibrahim për mikpritjen!”

Published

on

By

Presidentes së Republikës së Kosovës iu organizua pritje me nderime të larta shtetërore në Kompleksin qeveritar Perdana Putra në Putrajaya në Malajzi.

Presidentja Osmani falënderoi për pritjen në këtë shtet.

Faleminderit Kryeministër Anwar Ibrahim për mikpritjen!”, shkroi presidentja Osmani.

Kreu i shtetit të Kosovës ka udhëtuar për vizitë zyrtare në Federatën e Malejzisë, me ftesë të Kryeministrit YAB Dato’ Seri Anwar Ibrahim.

Më parë, Zyra e Presidentes së Kosovës ka bërë të ditur se në kuadër të kësaj vizite, presidentja Osmani do të dekorojë me Medalje Presidenciale të Meritave Kryeministrin aktual të Malejzisë, Anwar Ibrahim, si dhe ish-kryeministrin Abdullah Ahmad Badawi, në shenjë mirënjohjeje për kontributin e tyre në mbështetje të Kosovës.

Presidentja Osmani, në prezencë të korit diplomatik dhe të ftuarve të tjerë, do ta hapë zyrtarisht Ambasadën e Republikës së Kosovës në Kuala Lumpur, një hap i rëndësishëm në forcimin e pranisë diplomatike të Kosovës në rajonin e Azisë Juglindore.

Presidentja Osmani do të zhvillojë gjithashtu takime me përfaqësues të Dhomës Kombëtare të Tregtisë dhe Investimeve të Malajzisë (NCCIM), si dhe me përfaqësues të sektorëve të rëndësishëm të ekonomisë malajziane, përfshirë prodhimin, teknologjinë dhe turizmin. Me këtë rast, do të diskutohet për mundësitë konkrete të bashkëpunimit ekonomik mes dy vendeve dhe tërheqjes së investimeve në Kosovë”, thuhet në njoftimin e Zyrës së Presidentes së Kosovës.

Continue Reading

Lajmet

26 vjet nga masakra e Studimes së Vushtrrisë

Published

on

By

Sot mbushen 26 vjet nga koha kur në Studime të Vushtrrisë forcat kriminele serbe vranë 116 shqiptarë të pafajshëm.

Këta të fundit u nxorën nga kolona e qindra njerëzve që kishin marrë rrugë për Shqipëri.

Nga dëshmitarët mësohet se 116 civilët u pushkatuan brenda dy orëve.

Kjo ditë do të kujtohet sot me një akademi përkujtimore në Studime.

Continue Reading

Të kërkuara