Aktualitet

Greqi, 300 mijë euro shpërblim për zbulimin e grabitësve që mbytën nënën pranë foshnjes

Published

on

Autoritetet greke ndërmorën hapin e rrallë për të ofruar një shpërblim në para për informacionin që çon në arrestim për një dhunim “barbar” në shtëpi në periferi të Athinës, në të cilin hajdutët mbytën një nënë të re pranë foshnjës së saj 11 muajshe të martën.

Ministri për rendin publik, Michalis Chrisochoidis, e përshkroi vrasjen si “veçanërisht të urryer”, dhe qeveria njoftoi një shpërblim prej 300,000 euro (365,000 $), transmeton Syri.net.

Televizioni shtetëror ERT tha se viktima 20-vjeçare ishte duke fjetur me burrin dhe foshnjën e saj kur tre burra hynë në shtëpinë e tyre në Glyka Nera para agimit, pasi vranë qenin e familjes. Ajo ishte e lidhur dhe e mbytur, ndërsa burri i saj 32-vjeçar, një pilot i aviacionit civil, ishte gjithashtu i lidhur dhe i rrahur.

“Rrallë ndeshet me një barbaritet të tillë në Greqi, në shoqërinë greke, madje edhe midis kriminelëve,” tha Chrisochoidis, duke shtuar se dy skuadra detektivësh ishin ngritur për të trajtuar hetimin.

Policia tha se viktima ishte një shtetase britanike e martuar me një grek, por  nuk identifikoi asnjë.

Vjedhësit u larguan duke marrë me vete para dhe bizhuteri.

Continue Reading

Aktualitet

Ish-ambasadori i Holandës: Protestoni me dinjitet, Gjykata Speciale duhet të shfuqizohet

Published

on

Ish-ambasadori i Holandës në Kosovë, Robert Bosch, ka ftuar qytetarët e Kosovës që nesër të protestojnë me dinjitet, pa dhunë e pa slogane të këqija.

Bosch që ishte ambasador në Kosovë kur u themelua Gjykata Speciale, thotë se kjo gjykatë ka devijua nga qëllimi që ishte krijuar.

Ai ka thënë se pavarësisht që u konfirmua që nuk ka pasur trafikim të organeve, Specialja po vazhdon të veprojë pa asnjë mbikëqyrje.

Ajo u krijua mbi bazën e akuzave për trafik organesh. Kur gjyqtari Williamson përfundoi se kjo nuk kishte ndodhur, arsyeja e ekzistencës së saj u zhduk dhe procesi duhej të ndalej. Tani kjo gjykatë, e cila supozohet të jetë një gjykatë kosovare, vepron pa asnjë mbikëqyrje”, thotë ai për Nacionalen.

Ish-ambasadori Bosch thotë se Gjykata Speciale nuk ka asnjë transparencë. Madje, me pranimin e provave të fundit nga Shërbimi Sekret i Serbisë, vetëm sa e minon besimin.

Siç u vendos nga BE-ja, BE-ja duhet të shohë çfarë po bëjnë ata keq, sepse nuk tregojnë asnjë transparencë, gjë që është shumë keq. Gjithashtu, pranimi i të ashtuquajturave prova nga shërbimi sekret serb e minon edhe më tej besueshmërinë e tyreS, tha Bosch.

Ai kërkoi që kjo gjykatë të shfuqizohet, dhe të themelohet një Gjykatë për krimet e luftës në Ukrainë.

Continue Reading

Aktualitet

Westerlund: Udhëheqësit politikë të jenë më të guximshëm, të marrin vendime

Published

on

Ambasadori i Suedisë në Kosovë, Jonas Westerlund foli lidhur me vendimin që pritet të dalë nga Gjykata Kushtetuese deri të premten e 8 gushtit, duke thënë se ndonëse ekziston si prirje që këto çështje t’u drejtohen gjykatës, udhëheqësit politikë do duhej të ishin më të guximshëm dhe të merrnin vendime pa i referuar të gjitha pyetjet gjykatës.

Ai shtoi se ani pse të gjithë duhet të presim vendimin e Gjykatës Kushtetuese, ata që janë në pozita për të mbrojtur Kushtetutën do të duhej të mbanin përgjegjësitë dhe të luanin rolin e tyre në drejtimin e mbrojtjes së saj dhe funksionimit demokratik të shtetit të Kosovës.

“Dua të them, ka një sërë pyetjesh që Gjykata Kushtetuese do të duhej t’i trajtonte. Njëra prej tyre do të ishte: çfarë ndodh nëse Parlamenti nuk arrin të konstituohet dhe a do të duhej kjo të trajtohej si çështje për të ardhmen? Që të mos ndodhë më? A ka nevojë për një sqarim në Kushtetutë? Kjo është një pyetje tjetër. Po mendoj për të ardhmen. Pra, pyetje të tilla do të duhej t’i trajtonte Gjykata Kushtetuese”, tha Westerlund.

Ai shtoi se ekziston edhe një fenomen tjetër në botën perëndimore, ku pyetje i dërgohen vazhdimisht gjykatës duke theksuar se kjo është një prirje që vjen nga ana tjetër e Oqeanit Atlantik. Westerlund përmendi faktin se udhëheqësit politikë në mbarë botën do të duhej të jenë më të guximshëm dhe të marrin vendime dhe jo vetëm t’i referoni të gjitha pyetjet gjykatave.

.

Continue Reading

Aktualitet

Pas takimit me Osmanin, Sorensen pritet të takohet me Kurtin

Published

on

Përfaqësuesi i Bashkimit Evropian për dialogun Kosovë–Serbi, Peter Sorensen, pas takimit me presidenten Vjosa Osmani, do të takohet edhe me kryeministrin në detyrë Albin Kurti.

Takimi me presidentën u zhvillua në kabinetin e presidentes Osmani, mirpo nuk është bërë e ditur se mund të ketë konferencë për media pas takimit.

Takimet e emisarit Sorensen vijnë në kohën e krizës institucionale në Kosovë dhe protestave në Serbi që siç vlerësojnë njohësit e rrethanave politike, kanë bërë që për muaj të tërë të mos ketë ndonjë zhvillim domethënës në procesin e dialogut midis Kosovës dhe Serbisë.

Continue Reading

Aktualitet

​Emisari i BE-së për dialog takon sot presidenten Osmani

Published

on

Emisari i posaçëm i BE-së për dialogun Kosovë-Serbi, Peter Sorensen, do të vizitojë sot Kosovën.

Sipas një njoftimi të Presidencës, ai do të takohet fillimisht me presidenten Vjosa Osmani.

“Në orën 10:00, presidentja e Republikës së Kosovës, Vjosa Osmani pret në takim përfaqësuesin e BE-së për Dialog, Peter Sorensen”, thuhet në njoftim.

Continue Reading

Të kërkuara