Lajmet

Gratë ruse në protestë, kërkojnë kthimin e ushtarëve nga Ukraina

Published

on

Të paktën dy gra, Anna Bogatchenko dhe Anastasia Slavik, janë përballur me aktakuzë për organizimin e një aktiviteti publik të paautorizuar, pas protestës së tyre në Moskë. Ato, së bashku me rreth 20 gra dhe nëna të ushtarëve të mobilizuar rusë, protestuan përballë Ministrisë së Mbrojtjes, duke kërkuar kthimin e burrave dhe djemve të tyre që po luftojnë në Ukrainë.

Protesta, e cila u zhvillua më 21 shtator, përkon me dyvjetorin e dekretit të presidentit rus, Vladimir Putin, për mobilizimin e burrave në atë që autoritetet ruse e quajnë “operacioni i posaçëm ushtarak” në Ukrainë. Gratë shpalosën pankarta me kërkesat e tyre dhe kërkuan takim me ministrin e Mbrojtjes, Andrei Belousov.

Pas disa orësh proteste, kur ato shpallën se do të qëndronin gjatë natës, policia ndërhyri dhe shpërndau protestueset me forcë, duke arrestuar përkohësisht disa prej tyre. Të dyja, Bogatchenko dhe Slavik, u thirrën në një stacion policor për të dhënë dëshminë e tyre.

OVD-Info, një organizatë që monitoron shkeljet e të drejtave të njeriut në Rusi, raportoi për aktakuzat ndaj dy grave, duke theksuar se këto veprime përbëjnë një shkelje të drejtave të tyre për të protestuar.

Mobilizimi i pjesshëm, i shpallur nga Putin në vitin 2022, kishte si rezultat largimin e qindra mijëra qytetarëve rusë nga vendi për të shmangur thirrjen në ushtri. Mungesa e një dekreti zyrtar për përfundimin e mobilizimit e lejon autoritetin të mbajnë ende burrat të dislokuar në Ukrainë.

Situata ka sjellë një ndjesi të thellë pasigurie dhe tensioni në Rusi, ndërsa pushtimi i Ukrainës vazhdon të ketë pasoja të rënda për vendin, përfshirë humbje të mëdha në jetë dhe një ekonomi të dëmtuar. Kritikët e luftës janë shtypur me ligj, duke ndaluar çdo formë proteste kundër Forcave të Armatosura.

Protestat e grave ruse përballë Ministrisë së Mbrojtjes përfaqësojnë një shenjë të guximit dhe përpjekjes për të rikthyer burrat e tyre në shtëpi, në një kohë të vështirë për vendin dhe popullin e saj./UBTNews/

Lajmet

Ia vodhi babait mbi 24 mijë euro, arrestohet 34-vjeçari në Shtime

Published

on

Një person është arrestuar të martën për vjedhjen e 24 mijë e 800 eurove në banesën e babait të tij, në rrugën “14 Dhjetori” në Shtime, gjatë periudhës kohore nga 22 gushti deri më 18 tetor të këtij viti.

Sipas njoftimit të Policisë, arrestimi u bë pasi ankuesi, një shtetas i Kosovës që jeton dhe punon jashtë vendit, më 19 tetor kishte vërejtur mungesën e parave.

Gjatë ekzaminimit të vendngjarjes, policia nuk ka konstatuar shenja thyerjeje apo dëmtime që do të tregonin hyrje me forcë në banesë.

“Si rezultat i hetimeve intensive, më 21.10.2025, policia ka identifikuar dhe arrestuar të dyshuarin B.N. (34 vjeç) – djalin e ankuesit, i cili është intervistuar në prani të avokatit mbrojtës dhe ka pranuar kryerjen e veprës penale”, thuhet në njoftim.

Me urdhër të prokurorit të shtetit, i dyshuari është dërguar në ndalim policor për 48 orë. Hetimet lidhur me rastin janë duke vazhduar./S.K/EO/PK/

Continue Reading

Lajmet

Rekord i ri, 43 gola në një natë në Champions League

Published

on

Gjithsej, 43 gola janë shënuar në 9 ndeshjet e para të javës së tretë në Champions League, ku aktualisht shihet një dominim i frikshëm nga ekipet e mëdha.

14 skuadra zbritën në fushë në orën 21:00, pas dy ndeshjeve të pasdites, ku takimi që spikati më shumë ishte Arsenal-Atletico Madrid.

Pjesa e parë u mbyll pa gola, por në të dytën “Topçinjtë” dominuan frikshëm, duke shënuar plot 4 herë, me ekipin e Simeones që ishte i pafuqishëm për t’u kundërpërgjigjur.

PSG shkaktoi një tërmet, duke marrë fitoren e tretë në po kaq ndeshje, kësaj radhe duke mundur Leverkuesenin në Gjermani me rezultatin e thellë 2-7.

Të dyja ekipet ngelën me 10 lojtarë, ndërsa në listën e golashënuesve i pranishëm ishte edhe Dembele, i cili sapo u kthye nga një dëmtim.

Interi gjithashtu tregoi forcën në Belgjikë, duke mundur 0-4 debutuesit e Royal Union.

Haaland dhe Bernardo Silva i dhanë fitoren 0-2 Manchester Cityt kundër Villarrealit.

Surpriza më e madhe erdhi nga Holanda, ku Napoli u mposht me rezultatin e thellë 6-2 nga PSV-ja.

Në sfidat e tjera, Dortmund mundi 2-4 Copenhagen, ndërsa Newcastle triumfoi 3-0 me Benficën.

Sa i përket sfidave të orës 18:45, Barcelona mundi 6-1 Olympiacosin, ndërsa Kairat Almaty-Pafos u mbyll pa gola./S.K/Tch/

Continue Reading

Lajmet

Dy të vrarë me armë zjarri në Durrës

Published

on

Dy persona kanë vdekur pasi janë qëlluar për vdekje nga armë zjarri pranë një karburanti në Manëz të Durrësit. Ngjarja e rëndë ka ndodhur në orët e para të mëngjesit të sotëm, ku sipas informacioneve të para, bëhet me dije se si pasojë e një konflikti janë qëlluar A. K (23-vjeçar) dhe F. P (33-vjeçar).

Policia e shtetit ka njoftuar se ka shpallur në kërkim autorin e veprës D.P.

Durrës- Informacion paraprak:

“Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.

Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.

Shërbimet e Policisë po vijojnë kontrollet intensive për kapjen e shtetasit D. P. Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit.”, thuhet në njoftim./S.K/TopChannel/

Continue Reading

Lajmet

Britania e Madhe nikoqire e Samitit të Procesit të Berlinit për vendet e Ballkanit Perëndimor

Published

on

Britania e Madhe do të jetë sot nikoqire e mbajtjes së Samitit të Procesit të Berlinit për vendet e Ballkanit Perëndimor, me qëllim promovimin e bashkëpunimit rajonal dhe ofrimin e sigurisë e zgjerimit.

Procesi i Berlinit është një platformë ndërkombëtare që bashkon qeveritë e të gjashtë vendeve të Ballkanit Perëndimor, së bashku me partnerë të tjerë evropianë.

Qëllimi i tij është të rrisë bashkëpunimin rajonal, të mbështesë zhvillimin ekonomik dhe të përshpejtojë përpjekjet për një përafrim më të ngushtë evropian të Ballkanit Perëndimor.

Qeveria e Britanisë së Madhe do të punojë me Gjermaninë, si iniciatore e Procesit të Berlinit, mbi prioritetet e përbashkëta në Ballkanin Perëndimor.

Sipas raportimeve, liderët ballkanikë do të priten fillimisht nga kryeministri britanik, Keir Starmer. Më pas, ata do të priten nga Sekretari i Jashtëm i Mbretërisë së Bashkuar.

Nga ora 15:00 do të nisë seanca plenare me dy panele: njëri me temën “Ambicia dhe Vizioni Strategjik”, ndërsa paneli tjetër do të trajtojë temat “Zgjerimi, Migracioni dhe Siguria”.

Kosova përfaqësohet nga kryeministri në detyrë, Albin Kurti, ndërsa Shqipëria nga kryeministri i saj, Edi Rama.

Kryeministri Starmer do të presë udhëheqës dhe përfaqësues të lartë nga vendet e Ballkanit Perëndimor si Kosova, Shqipëria, Bosnja e Hercegovina, Mali i Zi, Maqedonia e Veriut dhe Serbia, si dhe nga shtete partnere të BE-së, përfshirë Austrinë, Francën, Gjermaninë, Italinë e Greqinë.

Këtë vit, Samiti zhvillohet në një moment simbolik, pasi përkon me 30-vjetorin e Marrëveshjes së Paqes së Dejtonit, 30-vjetorin e gjenocidit të Srebrenicës, 50-vjetorin e Aktit Final të Helsinkit dhe 80-vjetorin e përfundimit të Luftës së Dytë Botërore dhe themelimit të Kombeve të Bashkuara.

Përndryshe, Mbretëria e Bashkuar kishte qenë nikoqire e këtij procesi edhe në vitin 2018. /S.K/EO/

Continue Reading

Të kërkuara