Teknologji

Google blen kompaninë e sigurisë kibernetike për 5.4 miliardë dollarë

Njësia do të integrohet në divizionin e Google Cloud dhe do të sjellë siguri maksimale për konsumatorët e biznesit.

Published

on

Ditën e mërkure Google njoftoi se ka nënshkruar një marrëveshje për blerjen e Mandiant, një kompani e shquar e sigurisë kibernetike për 5.4 miliardë dollarë.

Njësia do të integrohet në divizionin e Google Cloud dhe do të sjellë siguri maksimale për konsumatorët e biznesit.

Platforma e Google Cloud përdoret nga një numër i konsiderueshëm kompanish të mëdha dhe një ndërprerje në fund të 2021 nxori Spotify, Snapchat, Etsy dhe Discord offline.

Mandiant nuk është një kompani shumë e njohur por është një prej atyre të cilat ndërhyjnë kur gjërat shkojnë keq. Është kompania që zbuloi hakimin SolarWinds dhe u punësua nga Equifax për të kontrolluar praktikat e saj të sigurisë pas një problemi kritik në 2017.

Operatori celular Amerikan T-Mobile ka hyrë në bashkëpunim me kompaninë pas thyerjes së sigurisë në 2021. Gjithashtu punon me banka dhe qeveri vendesh në sulme të profilit të lartë kur janë të përfshirë aktorë shtetërorë.

Mandiant ka qenë pjesë e FireEye përpara se të blihej në 2013-ën dhe më pas të dilte më vete vitin e kaluar.

Lajmi vjen pak pasi Bloomberg raportoi se Microsoft ishte i interesuar për blerjen e kompanisë./PCWorld Albanian

Teknologji

Të tjerë “mbështjellës” për serinë iPhone 17 rrjedhin përpara ngjarjes së 9 shtatorit

Published

on

Apple ka konfirmuar zyrtarisht një ngjarje lansimi për 9 shtator, ku kompania pritet të zbulojë iPhone 17, iPhone 17 Air, iPhone 17 Pro dhe iPhone 17 Pro Max.

Ndërsa presim njoftimin, një informator ka ndarë “mbështjellës” të rinj për linjën iPhone 17.

Evan Blass, ka përdorur X për të ndarë “mbështjellësit” për iPhone 17 nga marka e njohur Urban Armor Gear (UAG).

Ato tregojnë dizajnin e kamerës së pasme për modelet iPhone 17 Air dhe Pro.

Pritet që iPhone 17 të duket shumë i ngjashëm me iPhone 16 që po del në treg, ndërsa 17 Pro dhe 17 Pro Max do të kenë një modul të ridizajnuar të kamerës së pasme. Ato tregojnë edhe “prerjet për butonin e Veprimit, si dhe Kontrollin e Kamerës”.

 

Continue Reading

Teknologji

Ja pse telefonat do të bëhen edhe më të shtrenjtë vetëm brenda pak muajsh

Published

on

Këtë vit, TSMC (Taiwan Semiconductor Manufacturing Company) rriti çmimet për prodhimin e çipave.

Vitin tjetër, pritet që TSMC të rrisë më tej kostot me 5-10% të tjera për të luftuar tarifat e SHBA-së, luhatjet e tregut dhe faktorë të tjerë të jashtëm, duke çuar në telefona inteligjentë më të shtrenjtë për konsumatorin.

Çipat e TSMC aktualisht përdoren në të dy telefonat Apple dhe Samsung, shkruajnë mediat e huaja.

Telefonat iPhone 17 do të përdorin çipat A19 këtë muaj, ndërsa seria Samsung Galaxy S26 ka shumë të ngjarë të përdorë Snapdragon 8 Elite Gen 2 (ose 8 Elite Gen 5) të Qualcomm vitin e ardhshëm.

Si çipat e serisë A ashtu edhe procesorët Snapdragon prodhohen në fabrikat e TSMC, dhe të dy kompanitë nuk pritet të ndalojnë së bëri biznes me prodhuesin me bazë në Tajvan së shpejti.

iPhone 17 – veçanërisht iPhone 17 Pro dhe iPhone 17 Pro Max – ka shumë të ngjarë të shohin një rritje çmimi këtë vit, dhe do ta dimë me siguri kur të zbulohen më 9 shtator. Për momentin, rritja e çmimit të përfolur është rreth 50 dollarë.

Continue Reading

Teknologji

E kemi pritur të gjithë! TikTok sjell risi për përdoruesit

Published

on

TikTok ka nisur përmirësimin e sistemit të mesazheve direkte, duke prezantuar funksione të reja për përdoruesit mbi moshën 16 vjeç.

Tani, përveç mesazheve të zakonshme, përdoruesit mund të dërgojnë mesazhe zanore, imazhe dhe video deri në një minutë në DM.

Zëdhënësi i TikTok, JaShel Jones, ka konfirmuar se funksionet do të bëhen të disponueshme për të gjithë përdoruesit gjatë javëve në vijim.

Kujdes: nëse shtypni dhe mbani butonin e mikrofonit për të regjistruar një mesazh zanor, ai do të dërgohet automatikisht sapo ta lëshoni, përveç nëse e anuloni duke e tërhequr majtas ose lart.

Përdoruesit mund të dërgojnë deri në nëntë imazhe ose video në të njëjtën kohë – një hap që afron TikTok më shumë me platformat e tjera sociale.

Continue Reading

Teknologji

WhatsApp teston heqjen e lajmeve të rreme me anë të Al

Published

on

Meta po punon në një veçori të WhatsApp që u lejon përdoruesve të verifikojnë dezinformimin dhe lajmet e rreme në biseda, në kohë reale dhe pa dalë nga aplikacioni.

Butoni quhet Ask Meta AI dhe u zbulua nga faqja e specializuar e internetit WaBetaInfo.

Për të verifikuar përmbajtjen e një lajmi, zgjidhni Ask Meta AI nga menyja e aplikacionit dhe përmbajtja do të përcillet automatikisht te chatbot-i i Metës, të cilit përdoruesi do t’i bëjë një pyetje specifike.

Për momentin, veçoria është e disponueshme vetëm për disa përdorues si provë dhe ajo do të shpërndahet gradualisht për të gjithë.

Kompania e Mark Zuckerberg synon të frenojë përhapjen e dezinformimit, i cili përhapet me shpejtësi përmes bisedave.

Mbetet të shihet se si do të funksionojë ky sistem, i cili mbështetet në Inteligjencën Artificiale (IA), pa mbikëqyrje njerëzore. /KP/

Continue Reading

Të kërkuara