Lajmet

‘Global UBT Fest 2021’ po vjen

UBT hap zyrtarisht regjistrimet për festivalin akademik të dijes “Global UBT Fest 2021”

Published

on

UBT hap zyrtarisht regjistrimet për festivalin akademik të dijes “Global UBT Fest 2021”

Festivali më i madh akademik i dijes në Evropë, “Global UBT Fest 2021” po vjen edhe këtë verë, me shumë aktivitete të larmishme, me qëllim ngritjen e dijes, inovacionit dhe zhvillimit.

Rektori i UBT-së, prof.dr Edmond Hajrizi, hapi zyrtarisht regjistrimet për këtë ngjarje madhore akademike, e cila që do të ketë më shumë se 30 shkolla ndërkombëtare verore, forume, simpoziume, samite, gara e aktivitete kulturore-artistike.

“Sot po e bëjmë hapjen e thirrjeve për aplikim për ‘Global UBT Fest 2021’, i cili është festivali më i madh i dijes në Evropë, që përmban shumë aktivitete në fusha të ndryshme të jetës”, është shprehur rektori Hajrizi.

Ai tha se ky festival do të jetë i shtrirë në të gjitha qendrat e UBT-së, me një sërë aktivitetesh që do të kontribuojnë në zhvillimin e reziliencës, inovacionit dhe zhvillimit të qëndrueshëm.

“Ky festival i cili kap përmasa globale, do të sjellë në Kosovë ekspertë, artistë, si dhe studentë vendorë dhe ndërkombëtarë, duke e forcuar imazhin e Kosovës në aspektin global”.

“Festivali do të mbahet në formë të kombinuar, duke synuar që më shumë të mbahet në formë fizike, varësisht prej situatës me pandeminë”, u shpreh ai.

Global UBT Fest është një pjesë integrale e  UBT-së. Mijëra njerëz bëhen pjesë e ligjeratave të zhvilluara nga Akademitë Verore dhe po ashtu marrin pjesë në aktivitete të ndryshme të tilla si forume, samite, gara, punëtori,  dhe ngjarje të tjera. Akademitë Verore organizohen nga po ato Fakultete që ofrojnë mësim gjatë vitit akademik në UBT.

Global UBT Fest është krijuar për të përmbushur nevojat e studentëve, mësimdhënësve/profesorëve në të gjithë botën dhe individëve të cilët kërkojnë mundësi të ngritjes personale dhe profesionale  në disiplina të ndryshme. Studentët nga UBT dhe nga institucione të tjera mund të përfitojnë nga Global UBT Fest duke përmirësuar njohuritë e tyre paraprake ose fitojnë njohuri të reja në zhvillimin e tyre të mëtutjeshëm. Ata që nuk dëshirojnë të ndjekin Akademitë Verore por të marrin pjesë vetëm në aktivitete të tjera, për qëllime të përgjithshme, janë gjithashtu të mirëpritur të marrin pjesë.

Kreditë (ECTS-të) e fituara në Akademitë Verore mund të ekuivalentohen dhe të njihen në UBT ose universitete të tjera, nëse ndiqen rregullat dhe plotësohen të gjitha kushtet.

Festivali më i madh akademik i dijes “Global UBT Fest 2021” do të mbahet nga 1 korrik deri më 31 korrik, dhe do të jetë falas për të gjithë pjesëmarrësit e interesuar.

Apliko tani: Regjistrimet për “Global UBT Fest 2021”

Lajmet

Osmani takon presidenten e Zvicrës: Po e shkruajmë bashkë kapitullin e ri

Published

on

By

Presidentja Vjosa Osmani, ka nisur vizitën shtetërore në Zvicër, me ftesë të Këshillit Federal të Zvicrës.

Në një postim në Facebook, e para e shtetit tonë ka falënderuar për mikpritjen, miqësinë dhe nderimin presidenten zvicerane Karin Keller-Sutter.

Kjo vizitë e parë shtetërore në Zvicër që po fillon në rezidencën zyrtare të Këshillit Federal të Zvicrës është dëshmi se bashkë po shkruajmë kapitullin e ri të historisë së partneritetit midis shteteve dhe popujve tanë”, ka shkruar Osmani.

Continue Reading

Lajmet

Maqedonia e Veriut pritet të nënshkruajë marrëveshje për partneritetit strategjik me Britaninë

Published

on

By

Maqedonia e Veriut pritet të bëhet vendi i parë nga Ballkani Perëndimor që nënshkruan marrëveshje për partneritetit strategjik me Britaninë e Madhe.

Marrëveshja në vlerë rreth 6 miliardë euro pritet të nënshkruhet të enjten në Londër nga një delegacion i Qeverisë maqedonase, i udhëhequr nga zëvendëskryeministri Aleksandar Nikolovski.

Megjithatë, hollësitë e këtij partneriteti dhe kushtet sipas të cilave Maqedonia e Veriut do të marrë burimet financiare nga Britani, nuk janë bërë të ditura ende.

Autoritetet maqedonase dhe Londra e mohojnë se marrëveshja përfshin pranimin e emigrantëve në Maqedoni, të cilëve nuk u është pranuar azili në Britani.

Është diçka që nuk na ka shkuar kurrë në mendje dhe askush nuk na e ka kërkuar”, u tha kryeministri Hristijan Mickoski anëtarëve të partisë së tij VMRO DPMNE në Shkup, të dielën.

Për të, marrëveshja është “historike”, sepse qasja në 6 miliardë euro kredi të favorshme, “do të sjellë një revolucion investimesh në vend, një cikël investimesh vërtet historik, që do të thotë punë, ndërtim, zhvillim”, tha Mickoski, duke përmendur ndërtimin e hekurudhave, autostradave, spitaleve dhe konvikteve studentore.

Ambasadori britanik në Shkup, Mattheë Laëson, gjithashtu mohoi spekulimet për dërgimin e emigrantëve në Maqedoni, duke theksuar se bashkëpunimi në këtë fushë do të lidhet me luftën kundër rrjeteve kriminale dhe shkëmbimin e informacionit të inteligjencës./REL/

Continue Reading

Lajmet

Presidentja Osmani nis vizitën në Zvicër, pritet nga presidentja zvicerane

Published

on

By

Presidentja e Republikës së Kosovës, Vjosa Osmani, është pritur sot nga Presidentja e Konfederatës Zvicerane, Karin Keller-Sutter, në Lohn Manor – rezidenca zyrtare e Këshillit Federal të Zvicrës.

Kjo pritje u zhvillua në kuadër të vizitës shtetërore që Presidentja Osmani po realizon këto ditë në Zvicër.

Në takim me Presidenten Osmani janë edhe kryetari i Drenasit, Ramiz Lladrovci, kryetari i Obiliqit, Xhafer Gashi dhe Qemajl Aliu, kryetari i Komunës së Shtimes.

Pas takimit bilateral, Presidentja Osmani do të pritet me nderime ushtarake në Sheshin Federal në Bernë. Më pas, të dyja presidentet do të japin deklarata për media nga Ndërtesa e Parlamentit/Këshilli Federal.

Vizita do të vazhdojë me një konferencë të përbashkët për media të dy lidereve, ku pritet të diskutohen marrëdhëniet dypalëshe, bashkëpunimi ndërkombëtar dhe roli i diasporës kosovare në Zvicër.

Gjatë qëndrimit në Zvicër, Presidentja Osmani do të zhvillojë gjithashtu një takim me mërgatën shqiptare në qytetin e Gjenevës.

Continue Reading

Lajmet

Kryediplomatja evropiane Kallas këtë javë viziton Serbinë dhe Kosovën

Published

on

By

Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, do ta vizitojë Kosovën më 22 maj, në kuadër të një turneu që do ta nisë më 21 maj në Ballkanin Perëndimor, ka bërë të ditur Shërbimi Diplomatik i BE-së.

Kallas do të udhëtojë edhe në Serbi dhe në Maqedoninë e Veriut gjatë vizitës së saj të dytë në rajon, ka njoftuar Brukseli, të mërkurën.

Në Kosovë, përfaqësuesja e Lartë Kallas do të takohet me përfaqësues të partive politike dhe të organizatave të shoqërisë civile”, thuhet në një njoftim të BE-së.

Shefja e diplomacisë evropiane ka planifikuar të mbajë edhe një konferencë për media, më 22 maj.

Kallas do ta vizitojë Kosovën në kohën kur autoritetet kosovare po përsërisin thirrjet për heqjen e masave ndaj vendit nga ana e BE-së, madje kanë kërkuar që kjo të ndodhë para vazhdimit të dialogut për normalizim marrëdhëniesh me Serbinë.

BE-ja, në anën tjetër, ka kërkuar shtensionim situate në Kosovë, teksa Kosova po vazhdon me mbylljen e institucioneve paralele serbe në veri të vendit, gjë që ka nxitur reagimin e Brukselit.

Në Prishtinë, Kallas pritet të vizitojë edhe Misionin e BE-së për Sundim të Ligjit (EULEX), si dhe komandantin e misionit paqeruajtës të Organizatës së Traktatit të Atlantikut Verior (NATO) në Kosovë – KFOR, Enrico Barduani.

Vizita e Kallasit në Prishtinë këtë javë ishte paralajmëruar nga presidentja e Kosovës, Vjosa Osmani, e cila ka thënë se për shkak të vizitës së saj të planifikuar zyrtare në Zvicër nuk do të mund ta priste kryediplomaten evropiane në Kosovë.

Para vizitës në Kosovë, Kallas do të qëndrojë në Serbi.

BE-ja ka njoftuar se Kallas do ta takojë në Beograd presidentin Aleksandar Vuçiq, kryeministrin Gjuro Macut, si dhe ministrin e Jashtëm, Marko Gjuriq, atë për Integrime Evropiane, Nemanja Staroviq, dhe kryetaren e Kuvendit, Ana Bërnabiq, dhe grupet parlamentare opozitare.

Ndërkaq, kryediplomatja evropiane në Shkup do ta takojë kryeministrin Hristijan Mickoski, ka bërë të ditur Brukseli.

Në kryeqendrën maqedonase, Kallas “do ta hapë Dialogun e parë për Siguri dhe Mbrojtje ndërmjet BE-së dhe Maqedonisë së Veriut me ministrin për Punë të Jashtme dhe Tregti, Timço Mucunski”, ka njoftuar Shërbimi Diplomatik i BE-së./REL/

Continue Reading

Të kërkuara