Lajmet

Gjysma e 63 mijë ukrainasve të akomoduar në hotelet buzë detit pritet të largohen nga Bullgaria

Deri më 12 maj, gjithsej 252 mijë e 826 njerëz që ikën nga lufta në Ukrainë kishin mbërritur në Bullgari.

Published

on

Drejtoresha e Agjencisë Shtetërore për Refugjatët, Mariana Tosheva ka thënë se refugjatët ukrainas të vendosur në hotelet bregdetare bullgare do të zhvendosen deri në fund të muajit. Tosheva tha se për momentin 63 mijë ukrainas janë duke qëndruar në hotelet buzë detit.

Sipas Toshevës, situata është dinamike dhe më shumë se gjysma e atyre 63 mijë ukrainasve nuk pritet të qëndrojnë në Bullgari.

Tosheva duke folur në Radion Kombëtare Bullgare të dielën, tha se më shumë se 33 mijë vende për akomodim janë konfirmuar në objektet komunale për të pritur refugjatët e zhvendosur nga hotelet buzë detit. Objektet komunale që strehojnë refugjatët ukrainas do të marrin mbështetje në shumën prej 15 leva/ditë për person.

Tosheva tha se programi për akomodimin e refugjatëve ukrainas në hotelet bullgare, të cilët marrin ndihmë shtetërore për këtë, ishte rënë dakord të përfundonte më 31 maj. Ajo tha se masa ishte shpallur si e përkohshme dhe se nga 1 qershori “faza e integrimit fillon, pasi këta njerëz kanë pasur kohë të vendosin se, të thonë nëse janë të gatshëm të gjejnë punë dhe ku”.

Tosheva tha se shqetësimet e ukrainasve që duhet të zhvendosen janë të kuptueshme. Ajo theksoi se askush nuk do të lihet jashtë në rrugë. Tosheva tha se ukrainasit në Bullgari po kërkojnë në mënyrë aktive punësim dhe citon shifra që tregojnë se 70% duan të fillojnë punën menjëherë, 17% janë të gatshëm ta bëjnë këtë më vonë, pas një deri në gjashtë muaj. Më shumë se 60% e ukrainasve që erdhën në Bullgari pas fillimit të luftës kanë diploma të arsimit të lartë dhe 30% kanë diploma të arsimit profesional, tha ajo.

Tosheva tha se 2 mijë e 441 ukrainas hynë në Bullgari të shtunën, por 2 mijë e 792 u larguan. Ajo vuri në dukje se është vërejtur qe një jave se numri i ukrainasve që largohen nga Bullgaria është më i lartë se numri i të ardhurve.

Deri më 12 maj, gjithsej 252 mijë e 826 njerëz që ikën nga lufta në Ukrainë kishin mbërritur në Bullgari. Më shumë se 103 mijë prej tyre janë me status të mbrojtjes së përkohshme./BTA/

Lajmet

Kaçanik: Arrestohen dy persona pasi u kapën duke përgatitur qeset me marihuanë për shitje

Published

on

By

Janë arrestuar dy persona Kaçanik, pasi janë hasur me substanca narkotike. Të dyshuarit meshkuj kosovarë ishin duke përgatitur qeset me marihuanë për shitje. 

Policia në raportin 24-orësh gjihtashtu njoftoi se kanë konfiskuar substancën si dhe para në vlerë 295 euro..

“Janë arrestuar dy të dyshuar meshkuj kosovarë, pasi janë hasur duke përgatitur substancë narkotike për shitje. Në vendin e ngjarjes janë konfiskuar rreth 68 qese të mbushura me substancë narkotike që dyshohet të jetë marihuanë me peshë rreth 31.14 gramë dhe para të gatshme 295 euro. Me vendim të prokurorit të dyshuarit janë dërguar në mbajtje”, thuhet në raportin nga Policia e Kosovës.

Continue Reading

Lajmet

Zyrtari policor goditet me veturë në Zubin Potok

Published

on

Një zyrtar policor ka pësuar lëndime pasi është goditur nga një veturë gjatë një kontrolli në Zubin Potok.

Sipas raportit të policisë, rasti ka ndodhur më 21 tetor, rreth orës 16:25, kur njësiti policor ishte në pikë kontrolli. Gjatë tentimit për ta ndaluar një veturë, drejtuesi i saj është larguar me shpejtësi duke goditur një nga zyrtarët policorë.

“Vetura e dyshuar nuk është arritur të ndalohet”, thuhet në raportin 24-orësh./S.K/PK/

Continue Reading

Lajmet

Nora Gjakova në mesin e kampioneve botërore e olimpike në Romë

Published

on

Kampionia olimpike nga Kosova, Nora Gjakova, po merr pjesë në Akademinë e Federatës Ndërkombëtare të Xhudos (IJF) që po mbahet në Romë të Italisë.

Siç shkruan Federata e Xhudos në Kosovë, Gjakova ka përfunduar me sukses pjesën teorike të shkollimit dhe tashmë po ndjek pjesën praktike të trajnimit, përkrah kampioneve të tjera botërore e olimpike, nën udhëheqjen e Daniel Lascau.

Kjo akademi ka për qëllim licencimin dhe ngritjen profesionale të trajnerëve të xhudos në nivel ndërkombëtar./S.K/EO/

Continue Reading

Lajmet

Skandal në Maqedoninë e Veriut, klubi shqiptar suspendohet nga të gjitha ligat!

Published

on

Një skandal i rëndë ka shpërthyer në basketbollin vendor, pasi Federata e Basketbollit të Maqedonisë së Veriut ka marrë vendim që të suspendojë nga të gjitha ligat klubin shqiptar KB “Shkupi”.

Sipas reagimit të klubit, arsyeja zyrtare e këtij vendimi është borxhi financiar i klubit në vlerë prej 590.000 denarësh.

Megjithatë, drejtuesit e klubit theksojnë se situata është pasojë e mosmarrjes së mjeteve të premtuara nga Ministria e Sportit, fonde të cilat KB “Shkupi” duhej t’i merrte me kohë për të mbuluar obligimet e veta financiare.

Ajo që ka tronditur opinionin sportiv është fakti se për suspendimin e klubit ka votuar edhe anëtari shqiptar i bordit, duke ngritur pikëpyetje serioze mbi mbrojtjen e interesave të sportit shqiptar dhe të vetë klubit që përfaqëson një traditë të gjatë në basketbollin e Shkupit.

Me këtë vendim, KB “Shkupi” përjashtohet nga të gjitha aktivitetet zyrtare të Federatës, gjë që pritet të shkaktojë pasoja të mëdha për lojtarët, trajnerët dhe komunitetin sportiv shqiptar në vend.

Ky zhvillim ka ngjallur reagime të ashpra në opinion, ku kërkohet urgjentisht rishikimi i vendimit dhe ndërhyrja e institucioneve përkatëse për të shmangur një dëm të pariparueshëm për sportin shqiptar në Maqedoninë e Veriut./S.K/EO/MK/

Continue Reading

Të kërkuara