Kulturë

Gjylije Rexha sjell librin e ri dedikuar fushës së medias

Published

5 years ago

on

“Radio nga valët në rrjet”, është libri i radhës i autores Prof.Dr.Gjylije Rexha, që u botua më 23 nëntor të këtij viti.

Në këtë libër, autorja ka sintetizuar njohuritë e saj mbi ‘medien e sfondit’, ka trajtuar radion në funksionin e saj gjithëpërfshirës, duke iu kundërvënë të gjitha teorive dhe qasjeve që kanë parashikuar “shuarjen” e saj.

Në një intervistë në Radio Campus, Rexha foli rreth vështirësive që ka hasur gjatë botimit të librit dhe të mirat që përfitohen nga ky libër.

“Përgatitja e librit ka nisur prej kohësh. Nuk ka qenë fare e vështirë duke marrë parasysh se libri përmbledhë çështje të cilat kanë dalë prej gjeneratës në gjeneratë, gjatë punës me studentët e UBT-së”, tregoi ajo.

Ajo tutje shtoi se në vendin tonë ka shumë studentë të entuziazmuar dhe që do t’i shërbenin botës së medias me përkushtim dhe korrektësi.

“Ka jashtëzakonisht shumë të rinj të entuziazmuar në fushën e medias. Në fund të kursit të çdo gjenerate kemi arritur që të marrim përgjigjje të tilla të cilat na dëshmojnë që ka shumë të rinj të cilët janë në gjendje që të punojnë radio dhe t’i shërbejnë botës së medias”, shtoi Rexha.

Ndërkaq, e pyetur nëse radiogazetaria po e humb vlerën apo rëndësinë në publikun kosovar, ajo ka treguar që duhet të jepet më shumë përkushtim për të mos u zbehur media e sfondit.

“Nëse bëni një debat të gjatë në radio, askush nuk do të ju dëgjojë sepse do të shndërrohet në një monotoni që nuk ofron dinamikë. Prandaj është e rëndësishme dinamika që ofrojmë për të mos humbur interesimi në radio”, ka thënë ajo.

Për fund, prof. Gjylije Rexha dha edhe një këshillë për të gjithë studentët të cilët dëshirojnë t’i shërbejnë botës së medias.

“Së pari, për ata të cilët dëshirojnë të nisin rrugën e studimeve, ejani në UBT – studioni Media dhe Komunikim, përfshihuni në Campus Radio. Mos u dekurajoni nga fakti që mund të thonë se radio është media që nuk ka aq shumë dëgjueshmëri, sfidoni veten”, ka shtuar prof. Gjylije Rexha.

“Radio nga valët në rrjet” është libri i tretë i publikuar nga prof. Gjylije Rexha pas librave “Etosi i humbur” dhe “Politics and the Public Media in Kosovo”./UBTNews

Related Topics:
Continue Reading

Magazinë

Katy Perry thyen parashikimet: turneu “The Lifetimes” sjell fitime marramendëse

Published

13 hours ago

on

September 1, 2025

By

Katy Perry ka mbyllur gojët e skeptikëve duke publikuar shifrat e para të fitimeve nga turneu botëror The Lifetimes Tour.

Sipas Billboard, këngëtarja ka shitur mbi 1.1 milion bileta, duke gjeneruar më shumë se 80 milionë dollarë (rreth 73.6 milionë euro) vetëm nga shfaqjet në SHBA, Kanada dhe Australi — ndërsa pjesa më e madhe e turneut ende nuk ka nisur.

Superylli i popit e nisi etapën në Amerikën e Veriut më 7 maj në Hjuston, duke vizituar mbi 20 qytete, përpara se të vazhdonte në Kanada dhe Australi, ku 13 koncertet e saj u shitën plotësisht, shkruan DailyMail.

Turneu, i konceptuar si një spektakël teatror rreth figurës së Perry-t si “shpëtimtare e botës” mes një kaleidoskopi fluturash, pritet të përfshijë 91 shfaqje në pesë kontinente. Kërkesa për biletat ka qenë e madhe, sidomos në Azi.

Në Kinë, ku janë planifikuar gjashtë shfaqje, biletat u shitën për vetëm një minutë. Për të përballuar interesin, Perry ka shtuar data shtesë në Paris, Australi dhe Kinë. Turneu do të ndalet në Evropë, me shfaqje në qytete si Londra, Mançesteri, Parisi, Berlini, Roma dhe Barcelona.

Ky sukses i madh vjen vetëm disa muaj pasi mediat britanike raportuan se Perry po përballej me shitje të dobëta në disa qytete.

Të dhënat e reja, tregojnë të kundërtën, duke e pozicionuar The Lifetimes Tour si një nga turnetë më fitimprurëse dhe më të shtrira të karrierës së saj.

Continue Reading

Magazinë

“Më falni, më duhet të shërohem”, Jessie J shtyn turneun botëror pas operacionit të dytë për kancerin e gjirit

Published

15 hours ago

on

September 1, 2025

By

Këngëtarja britanike Jessie J ka njoftuar se do të shtyjë turneun e saj të ardhshëm për shkak të një ndërhyrjeje të dytë kirurgjikale që duhet të kryejë, pas diagnostikimit me kancer të gjirit.

Në një video të publikuar në Instagram, 37-vjeçarja, emri i vërtetë i së cilës është Jessica Ellen Cornish, tha se operacioni nuk është serioz, por duhet të kryhet brenda këtij viti, pikërisht në mes të datave të turneut.

“Fatkeqësisht, më duhet të bëj operacion të dytë. Nuk është ndonjë gjë erioze, por duhet ta kryej para fundit të vitit e për fat të keq, kjo bie në mes të një turneu që e kisha planifikuar,” tha ajo e cila bëri të ditur në qershor se ishte diagnostikuar me kancer në fazë të hershme, ndërsa operacionin e parë e kreu në fund të atij muaji. Në korrik, tregoi se nuk kishte përhapje të sëmundjes dhe se ndjehej mirë.

Ndërhyrja e dytë është e domosdoshme. Edhe pse nuk dha shumë detaje, kishte shpjeguar se synon një rikuperim estetik pas mastektomisë, për të rregulluar pamjen e gjoksit.

“Po jetoj momentin, po e përqafoj këtë rrugëtim dhe po shkoj me rrjedhën… më vjen keq. Jam e trishtuar… por duhet të shërohem, duhet të jem më mirë – dhe e di që kjo është zgjedhja e duhur,” shtoi ajo në mesazhin e saj.

Jessie J konfirmoi se pjesa evropiane e turneut, e planifikuar për tetor 2025, është shtyrë për prill 2026. Ndërsa turneu në SHBA, i planifikuar për nëntor, është anuluar, për shkak të pamundësisë për të gjetur një periudhë të përshtatshme me sallat koncertale.

“Ju lutem kini durim me ne për pjesën amerikane të turneut. Dua ta realizoj, por vetëm kur të jetë koha e duhur. Mund të ndodhë më vonë këtë vit… ose më herët, nuk e di ende,” u shpreh ajo.

Këngëtarja theksoi se po përpiqet të balancojë të gjitha sfidat që po përjeton, por se shëndeti është përparësia e saj absolute.

“Po mundohem të bëj më të mirën. Po përpiqem të menaxhoj të gjitha gjërat që po ndodhin në jetën time dhe energjinë që duhet të ndaj. Më duhet të shërohem. më falni, më vjen keq…” përfundoi ajo.

Continue Reading

Lifestyle

Pse shtatori është muaji i përsosur për pushime?

Published

15 hours ago

on

September 1, 2025

By

Nëse po i merr në shtator pushimet, në fakt po bën një super zgjedhje. Shtatori është muaji perfekt për të udhëtuar dhe këto arsye e provojnë:

Çmime më të lira

Vera është piku i çmimeve të larta dhe kur mbaron, çmimet pësojnë zbritje. Pikërisht, ky është momenti yt për të marrë bileta apo për të rezervuar apartamente apo dhoma hoteli.

Më pak turma

Ke dashur të vizitosh një monument kulture, apo të darkosh në restorant të njohur, por shumë njerëz kanë ndarë të njëjtin mendim me ty? Shtatori njihet si muaji i rikthimit në punë, fundi i pushimeve, për ty mund të jetë muaji kur përjeton aventurat e viziton vendet që dëshiron.

Moti

Të gjithë i duan mbrëmjet buzë detit në verë, por e ke parasysh që ndonjëherë është aq vapë sa nuk do të kesh kontakt fare as me rrobat? Epo, shtatori të ofron gjithë freskinë që ti kërkon.

Temperatura e ujit

Në shtator, deti vijon të jetë i ngrohtë dhe mikpritës, ndaj mund ta shijosh të gjithin për vete (ose me shumë pak njerëz përreth).

Mënyra më e mirë për t’u përshëndetur me verën

Të gjithë nëpër zyra dhe ti në plazh…Kur bën pushimet në shtator, e mbyll verën siç duhet!

Continue Reading

Magazinë

Zoë Kravitz kritikon serialin “Friends”: Disa shaka duhet të mbeten në vitet e 90-ta

Published

16 hours ago

on

September 1, 2025

By

Zoë Kravitz ka kritikuar sitcom-in klasik “Friends”, duke thënë se disa nga shakatë e tij nuk kanë përballuar mirë kohën dhe do të duhej të mbeteshin në vitet e 90-ta.

Aktorja ndau mendimin për serialin, ku luanin Jennifer Aniston, Courteney Cox dhe i ndjeri Matthew Perry, gjatë një interviste për People.

Kravitz theksoi se shakatë homofobike dhe disa referenca të tjera janë problematike për standardet e sotme: “Nëse shikoni Friends tani, do të thoni, ‘Uau, kjo është…’”– tha ajo, duke shtuar se është nostalgjike për modën, qytetin e New Yorkut dhe kulturën e viteve të 90-ta, por disa elemente duhet të mbahen thjesht si kujtime të kohës, shkruan DailyMail.

Zoe Kravitz në premierën e sezonit të dytë të “Big Little Lies” në New York City, 29 maj 2019. Komentet erdhën gjatë promovimit të filmit të saj të ri “Caught Stealing”, ku bashkëpunon me Austin Butler. Butler u pajtua me Kravitz, duke thënë: “Po, mbajeni këtë në vitet e 90-ta”.

Kritikat e Kravitz përputhen me reflektime të mëparshme të krijuesve të serialit, të cilët kanë pranuar se disa histori dhe shaka nuk ishin të përshtatshme dhe do të donin t’i kishin ndryshuar.

Nga ana tjetër, David Schwimmer, i njohur për rolin e Ross, ka mbrojtur serialin duke theksuar se për kohën e tij, Friends ishte inovativ në trajtimin e marrëdhënieve dhe çështjeve të seksualitetit.

Continue Reading

Të kërkuara