Gjyldane Kiçmari është e bindur se 68 deputetët e Kuvendit të Kosovës kanë vepruar kundërligjshëm dhe me tendencë kur votuan pro shkarkimit të saj nga Bordi i KOSTT-it.
Kiçmari në një intervistë për Ekonomia Online ka sqaruar se Ligji për Parandalimin e Konfliktit të Interesit ia ka mundësuar që të mbajë pozitën e anëtares së Bordit në KOSTT dhe pozitën në Autoritetin e Aviacionit Civil të Kosovës.
Madje ajo thotë se edhe ministria e Drejtësisë dhe Agjencia Kundër korrupsionit kanë konstatuar se mund t’i mbajë të dy pozitat.
“Vendimin e Kuvendit e konsideroj si vendim te kundërligjshëm dhe tendencioz. Është vendim i kundërligjshëm, sepse Ligji për Parandalimin e Konfliktit të Interesit ma lejon ushtrimin e dy pozitave, jo vetëm ligji, por edhe opinioni i Ministrisë së Drejtësisë që referohet në nenin 13 paragrafin 2 gjithashtu edhe AKK-ja ka nxjerr opinion për rastin tim dhe ka konsideruar që unë kam të drejtë t’i mbaj dy pozita, drejtore në njësinë e auditimit të brendshëm në ASHN dhe anëtarë e Bordit të drejtorëve në KOSTT”.
Ajo thotë me tej se emërimi në Bord është bërë me konkurs publik dhe sa ka qenë kandidatja me numrin maksimal të pikëve.
“Emërimi është bërë me konkurs publik, ne kemi aplikuar në Ministrinë e Punëve të Brendshme, dosjet tona janë përcjell në Komisioni për Ekonomi, Punësim, Tregti, Industri dhe Investime Strategjike, ata i kanë selektuar kandidatët, i kanë thirr në intervistë i kanë vlerësuar. Derisa thuhet nga deputetet se kam pasë konflikt interesi pse atëherë në këtë fazë të selektimit të dokumenteve për kandidatë për anëtar të bordit të drejtorëve nuk e kanë identifikuar. Jam përzgjedh dhe jam ftuar në intervistë në komision dhe kam qenë kandidatja me numrin maksimal të pikëve. Emrat janë dërguar për votim në Kuvendin e Kosovës në seancën e datës 28.10.2020 ku edhe jam votuar”.
Thotë se ka kërkuar që t’i ndalet paga dhe të më caktohet kompensimi i shpenzimeve të udhëtimit dhe shpenzimeve tjera të lidhura me të nga Sekretari i Kuvendit, Komisioni për Ekonomi dhe ai për Buxhet.
“Përveç kësaj, unë nuk kam kërkuar nga Kuvendi pagë shtese dhe as kompensim të shpenzimeve tjera, mirëpo kam kërkuar që të më ndalet paga në KOSTT, po e ritheksoj të më ndalet paga, dhe të më caktohet kompensimi i shpenzimeve të udhëtimit dhe shpenzimeve tjera të lidhura me të, për te marr pjesë në mbledhjet e Bordit ashtu siç thotë Ligji për Parandalimin e Konfliktit të Interesit”.
“Këto kërkesa ja kam drejtuar Komisionit për Ekonomi, Industri, Ndërmarrësi dhe Tregti, në momentin që e kam marrë shkresën prej AKK-së, për dyshim për konflikt të interesit ju kam drejtuar Kuvendit, në kohën kur unë e kam marrë kërkesën prej AKK-së Kuvendi nuk ka pas konstituim, iu kam drejtuar me kërkesën për ndalimin e pagës Sekretarit te Kuvendit. Sekretari i Kuvendit ma ka kthyer përgjigjen se nuk është kompetent me ma caktuar një shumë për me shërbyer në KOSTT. Sapo janë formuar Kuvendi dhe komisionet, më datën 07.05.2021 ju kam drejtuar Komisionit për Ekonomi, Industri, Ndërmarrësi dhe Tregti me ‘Kërkesë për ndalimin e pagës dhe përcaktimin e kompensimit për angazhimin anëtarë e Bordit ne KOSTT’. Komisioni e ka trajtuar kërkesën dhe më datë 2 qershor e ka përcjell te Komisioni për Buxhet, Punë dhe Transfere. Komisioni për Buxhet, Punë dhe Transfere brenda anëtareve të vet e ka krijuar një komision nga tre anëtar, i cili me ka thirr për me dhënë mendimin tim dhe mua nuk më ka kthyer përgjigje”.
Madje ajo me kërkesë i është drejtuar edhe kryetarit të Kuvendit Glauk Konjufca, por që nuk ka marrë përgjigje, duke shtuar se vendimet nën ndikimin e njerëzve te caktuar dhe në kundërshtim me ligjin, raporton EO.
“Me datë 5 gusht menjëherë pas raportimit të Bordit të KOSTT në Komisionin për Ekonomi, Industri, Ndërmarrësi dhe Tregti kam pranuar e-mail nga koordinatori i komisionit, me të cilin e-mail kërkohet që unë të deklarohem se cilën nga pozitat do ta zgjedh për të vazhduar më tej”.
“Këtë kërkesë e kam konsideruar si kërkese tendencioze dhe të kundërligjshme bazuar në Ligjin për Parandalimin e Konfliktit të Interesit dhe opinionet e AKK dhe Ministrisë së Drejtësisë dhe i kam shkruar kërkese Kryetarit të Kuvendit z. Konjufca si dhe i kam vënë ne kopje të gjithë deputetet e komisioneve për të trajtuar çështjen time. Në kërkesën time drejtuar Kryetarit të Kuvendit i kam kërkuar që të marr veprime për caktimin e kompensimit sipas ligjit si dhe jam deklaruar se deri sa kam të drejt ligjore t’i mbaje të dy pozitat do të vazhdoj t’i mbaj”.
“Kuvendi veproj si veproj dhe unë u shkarkova. Është e çuditshme thirren se janë nxjerrës te ligjeve, thirren se e zbatojnë ligjin e në fakt po marrin vendime me tendencë, nën ndikimin e njerëzve te caktuar dhe në kundërshtim me ligjin”.
Po ajo është e bindur në të drejtën se mund t’i mbajë dy pozita dhe thotë se nuk do të dorëzohet, duke iu drejtuar të gjitha institucioneve përkatëse.
“Qytetarët duhet të informohen drejtë se ligjin në këtë rast e kanë shkel deputetët dhe jo unë, e kanë shfrytëzuar mundësinë para mediave me dhënë opinionin e tyre në institucionin më të larte, mirëpo akoma dua me shpresuar se gjykata do ta merr vendimin e ligjshëm. Unë jam vajzë, motër nënë dhe bashkëshorte e dikujt, pra jam grua dhe fal atyre që më përkrahin nuk do të dorëzohem, para atyre që me arsyetime të pa ligjshme, apo edhe pa përvoje në trajtimin e çështjeve të tilla, duan të mos na lënë me punuar për të mirën e pasurive tona, pra KOSTT”.
68 deputetët të Kuvendit të Kosovës votuan pro shkarkimit të Kiçmarit nga detyra për konflikt interesi.
Mbështetje shkarkimit të Kiçmarit i ka dhënë edhe PDK-ja.
Rektori i UBT-së, Prof. Dr. Edmond Hajrizi, ishte folës në edicionin e 12-të të Akademisë Diplomatike për Diplomatë të Rinj, ku në fokus ishte potenciali transformues i inteligjencës artificiale në marrëdhëniet ndërkombëtare dhe praktikën diplomatike.
Gjatë diskutimit, Rektori Hajrizi trajtoi mundësitë dhe sfidat që sjellin teknologjitë e reja për diplomacinë bashkëkohore, duke vënë në pah ndikimin e inteligjencës artificiale në zhvillimin e praktikave diplomatike dhe bashkëpunimin ndërkombëtar.
Diskutimi theksoi rëndësinë e inovacionit, përshtatshmërisë dhe qasjeve të përgjegjshme ndaj teknologjive të reja, në një kohë kur inteligjenca artificiale po krijon perspektiva të reja për të ardhmen e diplomacisë.
Pjesëmarrja në këtë akademi pasqyroi rëndësinë e ndërveprimit ndërmjet akademisë, teknologjisë dhe diplomacisë, si dhe të dialogut mbi mënyrat se si inovacioni mund të kontribuojë në zhvillimin e praktikave diplomatike në të ardhmen.
Rektori i UBT-së, Prof. Dr. Edmond Hajrizi, së bashku me stafin akademik të institucionit, mori pjesë në Simpoziumin Ndërkombëtar “Vizioni Hapësinor i Kosovës 2050”, që po mbahet në Prishtinë, me pjesëmarrjen e arkitektëve, urbanistëve dhe ekspertëve nga Kosova dhe bota.
I organizuar nga Ministria e Mjedisit dhe Planifikimit Hapësinor, me mbështetjen e GIZ-it, simpoziumi përbën një platformë të rëndësishme për diskutimin e së ardhmes së planifikimit hapësinor në Kosovë, mbrojtjen e mjedisit dhe krijimin e qyteteve e vendbanimeve më funksionale, më të gjelbra dhe më të qëndrueshme.
Me mbi 20 vjet përvojë në arsimin e lartë, kërkimin shkencor dhe inovacionin, UBT ka ndërtuar kapacitete të rëndësishme akademike dhe profesionale në arkitekturë, planifikim urban dhe zhvillim të qëndrueshëm, duke e vënë dijen dhe ekspertizën në shërbim të zhvillimit të Kosovës. Në këtë kuadër, UBT ka themeluar Institutin për Planifikim, pjesë përbërëse të institucionit, i cili angazhohet në hulumtim shkencor, inovacion dhe zhvillim në fushën e planifikimit hapësinor dhe urban, me synimin që njohuritë akademike dhe zgjidhjet inovative të shndërrohen në kontribut konkret për qytetet, komunat dhe institucionet e vendit.
Një rol të veçantë në këtë drejtim e ka Fakulteti i Arkitekturës dhe Planifikimit Hapësinor, një nga qendrat kryesore të arsimit dhe ekspertizës profesionale në këtë fushë në Kosovë. Përmes programeve akademike, kërkimit shkencor dhe bashkëpunimit ndërkombëtar, UBT kontribuon në përgatitjen e profesionistëve dhe zhvillimin e praktikave bashkëkohore të planifikimit urban. Programi i tij në planifikim urban dhe zhvillim të qëndrueshëm, i pari i këtij lloji në Kosovë sipas të dhënave institucionale, përfaqëson një nga përpjekjet e rëndësishme për avancimin e kësaj fushe në vend.
Në nivel ndërkombëtar, UBT është anëtare institucionale e Association of European Schools of Planning (AESOP), International Society of City and Regional Planners (ISOCARP) dhe European Association for Architectural Education (EAAE), duke marrë pjesë aktive në rrjetet akademike dhe profesionale të këtyre organizatave. Përmes këtij angazhimi, si dhe prezantimit të modelit dhe përvojave të tij në konferenca, simpoziume dhe forume ndërkombëtare, UBT kontribuon në shkëmbimin e dijes, zhvillimin e ideve inovative dhe ndërlidhjen e ekspertizës vendore me praktikat ndërkombëtare në arkitekturë dhe planifikim urban.
Kjo ekspertizë plotësohet nga fushat e mjedisit dhe infrastrukturës së qëndrueshme, ndërtimit, bujqësisë, energjisë dhe teknologjisë, duke krijuar një bazë të gjerë ndërdisiplinore për përgatitjen e kuadrove të së ardhmes, zhvillimin e hulumtimeve dhe hartimin e zgjidhjeve inovative për banimin, infrastrukturën dhe mjediset urbane. Përmes bashkëpunimit me institucione publike, komuna, universitete dhe partnerë profesionalë në Kosovë dhe në nivel ndërkombëtar, UBT synon të mbështesë një qasje më sistemore, të integruar dhe të bazuar në ekspertizë për planifikimin dhe zhvillimin e qëndrueshëm.
Në këtë kontekst, UBT Smart City dhe modeli i qytetit 10-minutësh përfaqësojnë një qasje që synon t’i afrojë shërbimet kryesore, hapësirat publike, gjelbërimin dhe nevojat e përditshme të qytetarëve, duke krijuar mjedise më të qasshme, më funksionale dhe më miqësore ndaj mjedisit. Përmes ndërthurjes së planifikimit hapësinor, arkitekturës, teknologjisë digjitale, inteligjencës artificiale dhe inovacionit, kjo qasje synon të kontribuojë në qytete që shfrytëzojnë më mirë resurset, nxisin mobilitetin e qëndrueshëm dhe përmirësojnë cilësinë e jetës.
Në përputhje me vizionin strategjik UBT 5S, institucioni vazhdon të promovojë një model zhvillimi ku arsimi, kërkimi shkencor dhe teknologjia lidhen me nevojat reale të shoqërisë.
Pjesëmarrja në Simpoziumin Ndërkombëtar “Vizioni Hapësinor i Kosovës 2050” riafirmon përkushtimin e UBT-së për të qenë partner aktiv i institucioneve të Kosovës, duke kontribuar me ekspertizë profesionale, hulumtime dhe ide inovative në planifikimin e së ardhmes së vendit.
Për UBT-në, qytetet e së ardhmes duhet të ndërtohen mbi parimet e planifikimit të mirëfilltë, qëndrueshmërisë mjedisore, zgjerimit të hapësirave të gjelbra, infrastrukturës cilësore dhe inovacionit, me synimin që Kosova të zhvillojë vendbanime më të mençura, më gjithëpërfshirëse dhe më të mira për të jetuar, sot, dhe për gjeneratat e ardhshme.
Ekipi First Kosova është vlerësuar me dy çmime në kuadër të FIRST Global Challenge 2026 në Korenë e Jugut, duke u dalluar për angazhimin në rrjetet sociale dhe për video-tregimin (video storytelling) gjatë garës ndërkombëtare të robotikës.
Përveç suksesit në garën e robotikës, ku Kosova u rendit e katërta në botë në kuadër të aleancës me Greqinë, Poloninë dhe Meksikën, ekipi është vlerësuar edhe për mënyrën se si e dokumentoi dhe komunikoi përvojën e tij në këtë ngjarje globale.
Çmimet për rrjetet sociale dhe video-tregimin vlerësojnë rëndësinë e komunikimit kreativ në prezantimin e punës së ekipeve, përvojave të tyre dhe ideve që qëndrojnë prapa zgjidhjeve teknologjike. Përmes përmbajtjeve digjitale, ekipi First Kosova ka përcjellë momente nga gara, përkushtimin e të rinjve dhe bashkëpunimin ndërkombëtar, duke e bërë rrugëtimin e tij të dukshëm për publikun.
Në një garë që bashkon të rinj nga 191 shtete, komunikimi digjital është një mënyrë e rëndësishme për të treguar se inovacioni nuk kufizohet vetëm te ndërtimi i robotëve, por përfshin edhe aftësinë për të rrëfyer ide, përvoja dhe histori që frymëzojnë të tjerët.
Kryeministri i Shqipërisë, Edi Rama, ka përsëritur akuzat ndaj opozitës, duke deklaruar se protestat e shoqëruara me akte dhune nuk përfaqësojnë studentët dhe aspiratat e tyre. Të premten në mëngjes, Rama ka qëndruar pranë një kioske të djegur dhe të dëmtuar gjatë protestave të një dite më parë.
Ai ka theksuar se, sipas tij, protestat nuk lidhen drejtpërdrejt me problemet apo kërkesat legjitime të qytetarëve, por janë pjesë e një agjende tjetër, për të cilën ka fajësuar opozitën.
Kreu i qeverisë u ka bërë thirrje qytetarëve për durim dhe qëndresë përballë dhunës, ndërsa ka pranuar se qytetarët përballen me probleme konkrete, të cilat, sipas tij, do të trajtohen nga institucionet.
“Si mund të jenë studentët? Si mund të jetë investimi i prindërve tek fëmijët e tyre kjo gërmadhë? Kjo nuk ka lidhje fare me studentët. E gjithë kjo flamë nuk është flamë studentore”, ka deklaruar Rama në një video të publikuar në Facebook.
Ai ka pretenduar se protestat po shfrytëzohen nga aktorë që synojnë destabilizimin e vendit dhe pengimin e përparimit të Shqipërisë.
Rama e ka cilësuar gjithashtu si jo të rastësishme kohën e protestave, duke e lidhur atë me procesin e integrimit evropian të Shqipërisë, pas mbylljes së një kapitulli në rrugën drejt anëtarësimit në Bashkimin Evropian.
“E gjithë kjo që po ndodh nuk është rastësi”, ka theksuar ai.
Në deklaratën e tij, kryeministri ka shprehur shqetësimin për përfshirjen e të miturve në protestë, duke i akuzuar organizatorët se po i nxisin ata të përdorin maska, të dëmtojnë infrastrukturën publike dhe të përplasen me Policinë. Ai ka pretenduar gjithashtu se, përveç opozitës, pas protestave qëndrojnë edhe aktorë të huaj që, sipas tij, nuk e duan Shqipërinë të qetë dhe në rrugën drejt integrimit evropian.
Ndërkohë, protestat janë shoqëruar me përplasje mes protestuesve dhe Policisë, si dhe me djegie e dëmtime të pronës publike dhe private. Forcat e rendit kanë përdorur gaz lotsjellës dhe ujë me presion për shpërndarjen e turmave dhe rikthimin e rendit.
Ndërkaq, 16 personat e arrestuar pas protestës së 13 tetorit pritet të dalin para Gjykatës së Tiranës, ku do të shqyrtohet masa e sigurisë ndaj tyre.
Lajmet2 months ago
Sport2 months ago
Aktualitet2 months ago
Lajmet2 months ago