Gjyldane Kiçmari është e bindur se 68 deputetët e Kuvendit të Kosovës kanë vepruar kundërligjshëm dhe me tendencë kur votuan pro shkarkimit të saj nga Bordi i KOSTT-it.
Kiçmari në një intervistë për Ekonomia Online ka sqaruar se Ligji për Parandalimin e Konfliktit të Interesit ia ka mundësuar që të mbajë pozitën e anëtares së Bordit në KOSTT dhe pozitën në Autoritetin e Aviacionit Civil të Kosovës.
Madje ajo thotë se edhe ministria e Drejtësisë dhe Agjencia Kundër korrupsionit kanë konstatuar se mund t’i mbajë të dy pozitat.
“Vendimin e Kuvendit e konsideroj si vendim te kundërligjshëm dhe tendencioz. Është vendim i kundërligjshëm, sepse Ligji për Parandalimin e Konfliktit të Interesit ma lejon ushtrimin e dy pozitave, jo vetëm ligji, por edhe opinioni i Ministrisë së Drejtësisë që referohet në nenin 13 paragrafin 2 gjithashtu edhe AKK-ja ka nxjerr opinion për rastin tim dhe ka konsideruar që unë kam të drejtë t’i mbaj dy pozita, drejtore në njësinë e auditimit të brendshëm në ASHN dhe anëtarë e Bordit të drejtorëve në KOSTT”.
Ajo thotë me tej se emërimi në Bord është bërë me konkurs publik dhe sa ka qenë kandidatja me numrin maksimal të pikëve.
“Emërimi është bërë me konkurs publik, ne kemi aplikuar në Ministrinë e Punëve të Brendshme, dosjet tona janë përcjell në Komisioni për Ekonomi, Punësim, Tregti, Industri dhe Investime Strategjike, ata i kanë selektuar kandidatët, i kanë thirr në intervistë i kanë vlerësuar. Derisa thuhet nga deputetet se kam pasë konflikt interesi pse atëherë në këtë fazë të selektimit të dokumenteve për kandidatë për anëtar të bordit të drejtorëve nuk e kanë identifikuar. Jam përzgjedh dhe jam ftuar në intervistë në komision dhe kam qenë kandidatja me numrin maksimal të pikëve. Emrat janë dërguar për votim në Kuvendin e Kosovës në seancën e datës 28.10.2020 ku edhe jam votuar”.
Thotë se ka kërkuar që t’i ndalet paga dhe të më caktohet kompensimi i shpenzimeve të udhëtimit dhe shpenzimeve tjera të lidhura me të nga Sekretari i Kuvendit, Komisioni për Ekonomi dhe ai për Buxhet.
“Përveç kësaj, unë nuk kam kërkuar nga Kuvendi pagë shtese dhe as kompensim të shpenzimeve tjera, mirëpo kam kërkuar që të më ndalet paga në KOSTT, po e ritheksoj të më ndalet paga, dhe të më caktohet kompensimi i shpenzimeve të udhëtimit dhe shpenzimeve tjera të lidhura me të, për te marr pjesë në mbledhjet e Bordit ashtu siç thotë Ligji për Parandalimin e Konfliktit të Interesit”.
“Këto kërkesa ja kam drejtuar Komisionit për Ekonomi, Industri, Ndërmarrësi dhe Tregti, në momentin që e kam marrë shkresën prej AKK-së, për dyshim për konflikt të interesit ju kam drejtuar Kuvendit, në kohën kur unë e kam marrë kërkesën prej AKK-së Kuvendi nuk ka pas konstituim, iu kam drejtuar me kërkesën për ndalimin e pagës Sekretarit te Kuvendit. Sekretari i Kuvendit ma ka kthyer përgjigjen se nuk është kompetent me ma caktuar një shumë për me shërbyer në KOSTT. Sapo janë formuar Kuvendi dhe komisionet, më datën 07.05.2021 ju kam drejtuar Komisionit për Ekonomi, Industri, Ndërmarrësi dhe Tregti me ‘Kërkesë për ndalimin e pagës dhe përcaktimin e kompensimit për angazhimin anëtarë e Bordit ne KOSTT’. Komisioni e ka trajtuar kërkesën dhe më datë 2 qershor e ka përcjell te Komisioni për Buxhet, Punë dhe Transfere. Komisioni për Buxhet, Punë dhe Transfere brenda anëtareve të vet e ka krijuar një komision nga tre anëtar, i cili me ka thirr për me dhënë mendimin tim dhe mua nuk më ka kthyer përgjigje”.
Madje ajo me kërkesë i është drejtuar edhe kryetarit të Kuvendit Glauk Konjufca, por që nuk ka marrë përgjigje, duke shtuar se vendimet nën ndikimin e njerëzve te caktuar dhe në kundërshtim me ligjin, raporton EO.
“Me datë 5 gusht menjëherë pas raportimit të Bordit të KOSTT në Komisionin për Ekonomi, Industri, Ndërmarrësi dhe Tregti kam pranuar e-mail nga koordinatori i komisionit, me të cilin e-mail kërkohet që unë të deklarohem se cilën nga pozitat do ta zgjedh për të vazhduar më tej”.
“Këtë kërkesë e kam konsideruar si kërkese tendencioze dhe të kundërligjshme bazuar në Ligjin për Parandalimin e Konfliktit të Interesit dhe opinionet e AKK dhe Ministrisë së Drejtësisë dhe i kam shkruar kërkese Kryetarit të Kuvendit z. Konjufca si dhe i kam vënë ne kopje të gjithë deputetet e komisioneve për të trajtuar çështjen time. Në kërkesën time drejtuar Kryetarit të Kuvendit i kam kërkuar që të marr veprime për caktimin e kompensimit sipas ligjit si dhe jam deklaruar se deri sa kam të drejt ligjore t’i mbaje të dy pozitat do të vazhdoj t’i mbaj”.
“Kuvendi veproj si veproj dhe unë u shkarkova. Është e çuditshme thirren se janë nxjerrës te ligjeve, thirren se e zbatojnë ligjin e në fakt po marrin vendime me tendencë, nën ndikimin e njerëzve te caktuar dhe në kundërshtim me ligjin”.
Po ajo është e bindur në të drejtën se mund t’i mbajë dy pozita dhe thotë se nuk do të dorëzohet, duke iu drejtuar të gjitha institucioneve përkatëse.
“Qytetarët duhet të informohen drejtë se ligjin në këtë rast e kanë shkel deputetët dhe jo unë, e kanë shfrytëzuar mundësinë para mediave me dhënë opinionin e tyre në institucionin më të larte, mirëpo akoma dua me shpresuar se gjykata do ta merr vendimin e ligjshëm. Unë jam vajzë, motër nënë dhe bashkëshorte e dikujt, pra jam grua dhe fal atyre që më përkrahin nuk do të dorëzohem, para atyre që me arsyetime të pa ligjshme, apo edhe pa përvoje në trajtimin e çështjeve të tilla, duan të mos na lënë me punuar për të mirën e pasurive tona, pra KOSTT”.
68 deputetët të Kuvendit të Kosovës votuan pro shkarkimit të Kiçmarit nga detyra për konflikt interesi.
Mbështetje shkarkimit të Kiçmarit i ka dhënë edhe PDK-ja.
Friedrich Merz u zgjodh kancelar i Gjermanisë, në raundin e dytë të votimit nga deputetët e Bundestagut.
Merz mori 325 vota pro në Bundestag, për të arritur shumicën, nga 316 që ishin të nevojshëm për t’u bërë kancelar.
Lideri konservator i Gjermanisë, Friedrich Merz, papritur nuk arriti shumicën në një votim parlamentar për t’u bërë kancelar, sipas BBC.
Dështimi i tij ishte i pashembullt në historinë politike moderne gjermane dhe anëtarët e Bundestagut u mblodhën për një votim të dytë të martën pasdite.
Merzit i duheshin 316 vota në Bundestagun me 630 vende, por siguroi vetëm 310, në një goditje të rëndësishme për liderin demokristian, dy muaj e gjysmë pasi fitoi zgjedhjet federale të Gjermanisë.
Koalicioni i tij me qendrën e majtë ka vende të mjaftueshme në parlament.
Sipas kushtetutës së Gjermanisë, nuk ka kufi se sa votime mund të mbahen, por nëse nuk arrihet shumica absolute prej më shumë se gjysma e anëtarëve të Bundestagut brenda 14 ditëve, atëherë një kandidat mund të zgjidhet me shumicë të thjeshtë.
Në orët pas votimit mbizotëronte një atmosferë konfuzioni në parlament.
Kryetarja e Bundestagut, Julia Klockner, fillimisht tha se po planifikonte një votim të dytë për nesër, por sekretari i përgjithshëm i demokristianëve, Carsten Linnemann, tha se ”ishte e rëndësishme të ecim përpara”.
“Evropës i duhet një Gjermani e fortë”, tha ai për televizionin gjerman.
Disfata e Merz u pa nga komentatorët politikë si një poshtërim, ndoshta i shkaktuar nga një grusht anëtarësh të pakënaqur të SPD-së social-demokrate, e cila nënshkroi dje një marrëveshje koalicioni me konservatorët.
Presidenti i Bundestagut u tha deputetëve se nëntë nga 630 deputetët mungonin, tre abstenuan dhe një fletë votimi u shpall e pavlefshme./ATSH/
Mbretëria e Bashkuar dhe India kanë nënshkruar një marrëveshje të rëndësishme tregtare, pas tre vitesh negociatash të ndërprera herë pas here, e cila synon të nxisë ndjeshëm shkëmbimet ekonomike mes dy vendeve.
Sipas marrëveshjes, firmave britanike do t’u lehtësohet eksporti në tregun indian, veçanërisht për produkte si uiski, automjete dhe mallra të tjera industriale, ndërsa India do të përfitojë nga ulja e tarifave për veshje dhe këpucë që eksporton në Mbretërinë e Bashkuar.
Sekretari britanik i Biznesit, Jonathan Reynolds, e përshkroi marrëveshjen si “masive” për bizneset dhe konsumatorët britanikë, duke shtuar se ajo pritet të sjellë përfitime të mëdha ekonomike në dekadat e ardhshme. Qeveria britanike vlerëson se kjo marrëveshje do të rrisë tregtinë vjetore dypalëshe me 25.5 miliardë paund deri në vitin 2040, përtej nivelit aktual prej 41 miliardë paund.
Marrëveshja nuk përfshin ndryshime në politikat e imigracionit, përfshirë edhe ato që lidhen me studentët indianë në Britani, sqaroi qeveria britanike.
Marrëveshja vjen teksa India synon të shndërrohet në ekonominë e tretë më të madhe në botë dhe të rrisë eksportet e saj në 1 trilion dollarë deri në vitin 2030. Mbretëria e Bashkuar, nga ana tjetër, po kërkon të forcojë pozitat e saj tregtare pas Brexit-it dhe në sfondin e tensioneve globale mbi tarifat.
Friedrich Merz shprehu besimin se do të zgjidhet kancelar i Gjermanisë në raundin e dytë të votimit në Bundestag, pas humbjes së ngushtë në raundin e parë, ku i munguan vetëm gjashtë vota për të siguruar shumicën.
Në një deklaratë përpara grupit parlamentar të CDU/CSU, Merz tha: “Nuk ka të bëjë me mua, ka të bëjë me demokracinë. Jam i sigurt se se do ia dalim shumë shpejt”.
Ai njoftoi gjithashtu se do t’i përmbahet planit të tij për të vizituar Parisin, duke u shprehur i sigurt për fitoren në raundin e dytë.
“Do t’i përmbahem orarit tim, duke filluar nga nesër“, thuhet se i komunikoi Merz, presidentit francez.
Humbja e Merz në votimin e parë ishte një surprizë për CDU-në, e cila së bashku me SPD-në ka 328 mandate në Bundestag, më shumë se kuorumi prej 316 votash të nevojshme. Kjo është hera e parë në historinë e republikës federale që një kancelar i ardhshëm nuk arrin të sigurojë shumicën në votimin fillestar, pavarësisht fitores në zgjedhje dhe krijimit të një koalicioni.
BE-ja planifikon të vendosë tarifa për mallrat nga Shtetet e Bashkuara me vlerë 100 miliardë euro nëse negociatat midis Uashingtonit dhe Brukselit dështojnë në lidhje me uljen përfundimtare të tarifave të shpallura amerikane ndaj anëtarëve të Unionit, raportoi Bloomberg, duke cituar burime të paidentifikuara dhe të informuara mirë.
Burimet thanë se lista e tarifave të reja të propozuara evropiane kundër SHBA-së do t’u shpërndahet shteteve anëtare që nesër dhe se konsultimet do të zgjasin një muaj para finalizimit të listës.
Ata deklaruan se lista mund të ndryshojë gjatë asaj kohe. Komisioni Evropian (KE) do ta ndajë këtë dokument me SHBA-në këtë javë në përpjekje për të filluar negociatat për uljen e tarifave të SHBA-së me BE-në .
Në negociatat midis BE-së dhe SHBA-së, të cilat filluan muajin e kaluar, është arritur pak përparim dhe pritet që shumica e tarifave të SHBA-së të mbeten në fuqi , raportoi Bloomberg.
BE-ja ka vendosur tashmë tarifa për mallra amerikane me vlerë 21 miliardë euro, në përgjigje të tarifave prej 25% të Presidentit të SHBA-së, Donald Trump, mbi eksportet e çelikut dhe aluminit.
Më herët këtë muaj, BE-ja ra dakord të shtyjë zbatimin e këtyre masave për 90 ditë, pasi SHBA-të ulën të ashtuquajturën normë reciproke për shumicën e eksporteve të BE-së në 10 për qind nga 20 për qind, ndërsa negociatat janë duke u zhvilluar.
Trump vendosi gjithashtu një tarifë prej 25 përqind për importet e automjeteve nga BE-ja, si dhe për disa pjesë këmbimi për automjete. Presidenti i SHBA-së po shqyrton vendosjen e tarifave për importet e drurit, produkteve farmaceutike, gjysmëpërçuesve, mineraleve të rralla dhe kamionëve nga BE-ja.
Lajmet nga UBT3 months ago
Lajmet4 weeks ago
Lajmet nga UBT1 week ago
Lajmet nga UBT2 months ago