

Bota
Gjykatësi ia ndalon DOGE-it shpërbërjen e mëtejme të USAID-it
Published
2 months agoon
By
UBTnewsNjë gjykatës federal në Shtetet e Bashkuara vendosi që Departamenti për Efikasitet Qeveritar (DOGE) me gjasë e ka shkelur Kushtetutën kur tentoi ta mbyllë Agjencinë Amerikane për Zhvillim Ndërkombëtar (USAID), dhe e urdhëroi DOGE-n të mos e ndërmarrë asnjë veprim të mëtejshëm kundër kësaj agjencie.
Gjykatësi i Qarkut në Mariland, Theodore Chuang, përmes një vendimi fillestar, e urdhëroi këshilltarin e presidentit amerikan Donald Trump, Elon Musk, dhe agjencinë që ai e udhëheqë që t’ia kthejë qasjen në sistemin kompjuterit të USAID-it punonjësve me kontratë të agjencisë – përfshirë mijëra punonjësve që u pezulluan nga puna në fund të shkurtit.
Ky vendim vjen pas padisë së ushtruar nga punonjësit dhe ish-punonjësit e USAID-it, të cilët pretendojnë se Musku dhe DOGE nuk kishin autoritet për ta mbyllur agjencinë e mandatuar nga Kongresi amerikan.
“Vendimi i sotëm është fitore e rëndësishme kundër Elon Muskut dhe sulmit të tij përmes DOGE-it ndaj USAID-it, Qeverisë amerikane dhe Kushtetutës”, tha Norm Eisen, kreu i Fondit për Mbrojtjen e Demokracisë Shtetërore dhe avokat i 26 paditësve anonimë në këtë çështje.
Vendimi i gjykatës u kritikua nga Shtëpia e Bardhë.
“Gjyqtarë të pabindur po minojnë vullnetin e popullit amerikan në përpjekjet e tyre për ta penguar presidentin Trump ta zbatojë agjendën e tij”, tha zëdhënësja Anna Kelly.
“Administrata Trump do të dorëzojë ankesë ndaj kësaj padrejtësie dhe do të luftojë kundër të gjithë gjyqtarëve aktivistë që ndërhyjnë në ndarjen e pushteteve”, shtoi ajo.
Duke folur për Fox News, Trump konfirmoi se synon ta ankohet ndaj vendimit.
Gjykatësi Chuang tha se ka prova që Musk ushtroi autoritet të madh që ligjërisht i rezervohet një zyrtari të organizatës, derisa po shërbente në një pozicion të vazhdueshëm qeveritar.
Shtëpia e Bardhë pretendon se Musk nuk kishte një pozitë qeveritare, por ishte vetëm këshilltar i Trumpit.
Chuang gjithashtu konstatoi se Musk dhe DOGE nuk kishin autorizim nga Kongresi për të ndërmarrë hapa drejt shpërbërjes së agjencisë.
“Nuk ka asnjë statut që autorizon Degën Ekzekutive të mbyllë USAID-in”, shkroi ai.
USAID është agjencia kryesore e qeverisë amerikane përgjegjëse për administrimin e ndihmave të huaja civile dhe asistencës për zhvillim. Ajo operon në më shumë se 100 vende, duke shpërndarë miliarda dollarë ndihma të huaja çdo vit dhe punëson rreth 10,000 njerëz në mbarë botën.
USAID-i është agjencia kryesore e Qeverisë amerikane përgjegjëse për administrimin e ndihmave të huaja civile dhe ndihmave për zhvillim. Ajo vepron në më shumë se 100 vende, duke shpërndarë miliarda dollarë ndihma çdo vit dhe punëson rreth 10.000 njerëz në mbarë botën.
USAID-i është i pranishëm në Kosovë prej vitit 1999, dhe prej atëherë ka investuar më shumë se 1 miliard dollarë në zhvillimin e Kosovës.
Administrata Trump e ka kritikuar programin e USAID-it si joefikas dhe të papërputhshëm me interesat e SHBA-së, duke argumentuar se disa nga funksionet e agjencisë mund të kryheshin nga Departamenti i Shtetit. Kritikët thonë gjithashtu se disa programe sociale dhe kulturore të financuara nga USAID-i nuk përputhen me misionin e tij thelbësor./REL/

I nxehti ekstrem ka ardhur herët në gadishullin iberik. Jugu i Spanjës pritet të përballet me temperatura që arrijnë deri në 40 gradë Celsius në fund të majit, teksa vera pritet të hetë edhe më e nxehtë.
Agjencia meteoroligjike e Spanjës, Aemet tha se kjo valë të nxehti është e zakonshme në muajt e mëvonshëm të verës.
Në disa pjesë jugore të gadishullit temperaturat maksimale shkojnë mbi 40 gradë Celsius dhe vlerat minimale nuk do të bien nën 20 gradë. Këto temperatura maksimale janë midis pesë dhe 10 gradë mbi kufirin normal për këtë kohë të vitit.
Temperaturat e larta janë për shkak të pranisë së zonave me presion të lartë mbi gadishull dhe mbërritjes së një mase ajri të thatë dhe të ngrohtë mbi gadishull nga Afrika e Veriut.
Dy ditët më të nxehta pritet të jenë e enjtja dhe e premtja dhe vala e të nxehtit parashikohet të zgjasë të paktën deri të shtunën kur paqëndrueshmëria atmosferike mund të sjellë re, re pluhuri dhe rënie të temperaturës.
Tre vjet më parë, disa pjesë të Spanjës përjetuan majin më të nxehtë ndonjëherë, me temperatura në aeroportin e Seviljes që arritën 41 gradë Celsius.
Spanja regjistroi temperaturën më të lartë të regjistruar ndonjëherë në gusht 2021, në qytetin andaluzian të Montoro, në 47.4 gradë Celsius.
Aktualitet
Estonia nis revolucionin digjital në shkolla: Inteligjenca Artificiale, pjesë e çdo klase
Published
12 hours agoon
May 28, 2025
Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.
Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.
U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.
Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”
Ministrja estoneze e arsimit, Kristina Kallas, gjatë një vizite në Londër ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”
Bota
Izraeli bombardon shtëpinë e gazetarit në Gaza – 8 të vdekur
Published
15 hours agoon
May 28, 2025By
UBTNews
Të paktën tetë persona janë vrarë dhe disa të tjerë janë plagosur pas një sulmi ajror të ushtrisë izraelite që goditi shtëpinë e gazetarit Osama el-Arbid në zonën As-Saftavi, në veri të Rripit të Gazës, mëngjesin e sotëm. Sipas raportimeve të Al Jazeera, gazetari el-Arbid i ka mbijetuar sulmit dhe është nxjerrë i gjallë nga rrënojat.
Burime shëndetësore të Al Jazeera-s konfirmojnë se që nga orët e para të mëngjesit, të paktën 15 persona janë vrarë nga bombardimet izraelite në pjesë të ndryshme të Gazës.
Në një tjetër incident tragjik, tre palestinezë humbën jetën pasi ushtria izraelite hapi zjarr ndaj një grupi qytetarësh pranë një pike shpërndarjeje të ndihmës humanitare, e ngritur nga një organizatë e mbështetur nga Izraeli dhe SHBA.
Ndërkohë, në qytetin jugor të Rafahut, autoritetet lokale raportuan për 46 persona të plagosur dhe shtatë të zhdukur si pasojë e një sulmi tjetër ajror të martën.
Situata në Gaza vazhdon të përshkallëzohet, ndërsa organizatat ndërkombëtare për të drejtat e njeriut po bëjnë thirrje për ndaljen e menjëhershme të dhunës dhe mbrojtjen e civilëve, përfshirë gazetarët dhe punonjësit humanitarë.
Bota
Mbreti Charles dhe Princi William shprehin keqardhje për ngjarjen në Liverpool
Published
1 day agoon
May 27, 2025By
UBTNews
Mbreti Charles ka reaguar pas incidentit të rëndë që ndodhi dje gjatë festës së klubit në Liverpool, ku një makinë hyri në turmë, duke lënë rreth 50 persona të lënduar.
Pallati Buckingham përmes një deklarate shprehu tronditjen e thellë të Mbretit Charles dhe Mbretëreshës Camilla për ngjarjet e pakëndshme që ndodhën.
“Është vërtetë shkatërruese që një festë e gëzueshme për shumë njerëz përfundoi në rrethana të tilla shqetësuese,” thuhet në deklaratë.
Edhe Princi William i Uellsit reagoi, duke shprehur keqardhjen e tij për situatën dhe solidaritetin me të plagosurit dhe shërbimet e emergjencës.
“Në këtë moment të vështirë, shpirti i qytetit të Liverpoolit do të jetë mbështetja dhe ngushëllimi për të gjithë,” theksoi ai.

Shqipëria, një nga pesë vendet europiane më mikpritëse për amerikanët

Valë e të nxehtit ekstrem godet Spanjën

iPhone po arrin më në fund Samsung në garën me megapikselë

Zgjidhje të thjeshta për ndjesinë e thartirës

Si i shpëtoi burgut shkrimtari Paulo Coelho

Seriali “Harry Potter” gati për xhirime – ja kush janë tre yjet e rinj

Ka një mënyrë se si të siguroheni të mos humbni kurrë motivimin e stërvitjes

Gisele Bündchen thotë se e ka “rikthyer nën kontroll” jetën e saj

Zyrtare: Prishtina e blindon me kontratë të re Ardian Mujën
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur