Kronikë e zezë

Gjykata sot pritet të marrë vendim për ish-policin që akuzohet për vrasje të rëndë

Published

4 years ago

on

Gjykata Themelore në Gjilan sot pritet të marrë vendim për ish-policin Vllaznim Hamdja, i cili akuzohet se ka vrarë tani të ndjerin Lulzim Spahiun.

Në seancën e fundit të mbajtur më 8 shtator, prokurori Isuf Sadiku dhe mbrojtësja e familjes së dëmtuar, avokatja Vlora Kadriu, kanë kërkuar dënim maksimal ndaj të akuzuarit.

Ndërsa, avokati i të akuzuarit, Ymer Huruglica ka kërkuar që ndaj të akuzuarit të bëhet rikualifikimi i veprës penale në dy mundësi “tejkalimi i mbrojtjes së nevojshme” apo “vrasje në gjendje të tronditjes së rëndë mendore”.

Shpallja e vendimit për këtë rast do të bëhet sot nga ora 13:15.

Në aktin akuzues thuhet se pas aksidentit, Hamdija del nga vetura dhe pas një mosmarrëveshje lidhur me aksidentin në mes tij, viktimës dhe djalit të viktimës, Blend Spahiu, i njëjti e nxjerr armën zyrtare nga brezi.

Aty thuhet se dëshmitarja Miradije Halili dhe Besnik Limoni përpjeken që ta ndalojnë të mos gjuajë me armë, pasi viktima hyn në kamion dhe e mbyll derën, i akuzuari afrohet tek dera e kamionit ku dritarja ishte hapur dhe shkrep në drejtim të viktimës, duke e goditur atë në pjesën nën vetullën e syrit të djathë, ku viktima vdes në vendin e ngjarjes.

Për këto veprime ai akuzohet se ka kryer veprën penale “vrasje e rëndë” nga neni 173, paragrafi 1, nënparagrafi 1.5 të Kodit Penal, vepër kjo e dënueshme me jo më pak se dhjetë vjet burgim ose me burgim të përjetshëm.

Tutje, sipas dispozitivit të dytë të aktit akuzues, i akuzuari në kundërshtim me ligjin për armët, ka mbajtur armë në pronësi, kontroll ose posedim dhe atë dy pistoleta të llojit “Bereta”, ku njëra është gjetur në dollapin e ulëses së parë të pasagjerit në veturën e tij, bashkë me mbi 50 fishekë, kurse gjatë bastisjes në shtëpinë e tij, janë gjetur edhe 7 karikatorë të armës zyrtare dhe 76 fishekë, të cilat armë dhe municion janë konfiskuar nga Policia e Kosovës.

Për këtë ai akuzohet se ka kryer veprën penale “mbajtja në pronësi, kontroll ose posedim të paautorizuar të armëve” nga neni 366 paragrafi 1, të Kodit Penal, vepër kjo e dënueshme me gjobë deri në shtatëmijë e pesëqind euro ose me burgim deri në pesë vjet.

Kurse në dispizitivin e tretë të aktakuzës, Hamdija akuzohet se më 29 dhjetor 2019, pas mesnate, në restorantin “ELMA” në fshatin Malishevë, ka përdorë armën, në atë mënyrë që derisa ishte duke dëgjuar muzikë folklorike dhe duke pirë pije alkoolike, nxjerrë pistoletën e llojit “Bereta”, e cila është me gaz, dhe me të njëjtën shkrep disa herë në brendësi të restaurantit, në drejtim të tokës.

Me këto veprime, ai akuzohet se ka kryer veprën penale “përdorimi i armës apo mjetit të rrezikshëm”, nga neni 367, paragrafi 1 e 3 të Kodit Penal, vepër e cila dënohet me burgim prej një deri në tetë vjet. /BetimipërDrejtësi

Related Topics:
Continue Reading

Kronikë e zezë

Arrestohen dy të dyshuar për fajde në Prizren

Published

2 days ago

on

February 20, 2026

By

Dy burra janë arrestuar në Prizren, nën dyshimin se kanë kryer veprën penale të fajdesë, duke e detyruar viktimën të paguajë kamatë mujore prej 100%.

Sipas Policisë së Kosovës, pas arrestimit dhe intervistimit, me vendim të prokurorit, të dyshuarit janë dërguar në mbajtje, ndërsa rasti po hetohet nga autoritetet kompetente.

Continue Reading

Kronikë e zezë

Arrestohet serbi në Jarinje për ryshfet ndaj zyrtarit policor

Published

2 days ago

on

February 20, 2026

By

Sipas raportit të fundit 24-orësh të Policisë së Kosovës, në Pikën e Kalimit Kufitar në Jarinje është arrestuar një i dyshuar, shtetas i Serbisë, pasi ka ofruar 50 euro ryshfet një zyrtari policor.

Policia bën të ditur se rasti ka ndodhur në PKK Jarinje, ku i dyshuari ka tentuar t’i japë para zyrtarit gjatë kryerjes së detyrës zyrtare.

Pas intervistimit, me vendim të prokurorit, i dyshuari është dërguar në mbajtje, ndërsa hetimet për këtë rast po vazhdojnë si “Dhënie e ryshfetit”.

Continue Reading

Kronikë e zezë

Katër raste të dhunës në familje brenda 24 orëve

Published

2 days ago

on

February 20, 2026

By

Sipas raportit njëditor të Policisë se Kosovës, në 24 orët e fundit janë regjistruar disa raste të dhunës në familje në Prishtinë dhe Pejë.

Në Prishtinë është raportuar se një person ka dëmtuar veturën e ish të dashurës së tij duke e goditur me shqelm. Viktima, nga frika, është larguar nga vendi i ngjarjes, ndërsa rasti është duke u hetuar.

Po ashtu në Prishtinë, një burrë i dyshuar është arrestuar pasi, pas një mosmarrëveshjeje, kishte sulmuar fizikisht bashkëshorten e tij, duke i shkaktuar lëndime trupore. Viktima ka pranuar tretman mjekësor, ndërsa me vendim të prokurorit kujdestar i dyshuari është dërguar në qendrën e mbajtjes.

Në Pejë, një tjetër i dyshuar është arrestuar pasi kishte sulmuar fizikisht bashkëshorten e tij pas një mosmarrëveshjeje. Me vendim të prokurorit ai është liruar në procedurë të rregullt.

Ndërkohë, në një raport shtesë për një rast tjetër në Pejë, policia ka njoftuar se i dyshuari është arrestuar dhe, pas intervistimit, me vendim të prokurorit është dërguar në mbajtje. Hetimet për rastet janë duke vazhduar.

Continue Reading

Kronikë e zezë

Dy të arrestuar në Obiliq për armëmbajtje pa leje

Published

2 days ago

on

February 20, 2026

By

Sipas raportit të Policisë se Kosovës, në 24 orët e fundit janë regjistruar dy raste të armëmbajtjes pa leje në Obiliq.

Rasti i parë ka ndodhur në fshatin Mazgit, Obiliq, ku është arrestuar një burrë i dyshuar, pasi gjatë kontrollit policor i është gjetur dhe sekuestruar një revole me 16 fishekë. Me vendim të prokurorit, pas intervistimit, i dyshuari është liruar në procedurë të rregullt.

Ndërkaq, në rrugën “Guri i Plakës” në Obiliq, është arrestuar një tjetër burrë i dyshuar, pasi gjatë kontrollit i është gjetur dhe konfiskuar një revole me 26 fishekë. Edhe në këtë rast, me vendim të prokurorit, i dyshuari është liruar në procedurë të rregullt, ndërsa rasti vazhdon në procedurë të rregullt.

Continue Reading

Të kërkuara