Në seancën gjyqësore për vrasjen e Liridona Ademaj trupi gjykues ka refuzuar propozimet e mbrojtësve të të akuzuarve, Naim Murseli,Kushtrim Kokalla dhe Granit Plava për plotësimin e procedurës së provave.
Edhe sot në gjykatore u sollën me pranga në duar të akuzuarit, derisa u shoqëruan me siguri të lartë.
E qysh në nisje të seancës i akuzuari, Naim Murseli kërkoi konsultim me avokatin e tij.
Fillimisht kryetarja e trupit gjykues, Fatmire Dërmaku bëri të ditur se mbrojtësit e të akuzuarit kanë parashtruar kërkesa të reja.
Mbrojtja e Naim Murselit ka kërkuar rikontruim të vendit të ngjarjes, ndërsa, avokati i të akuzuarit, Kushtrim Kokalla ka kërkuar të dëgjohet dëshmitari Tafil Kokalla.
E mbrojtësi i Granit Plavës ka kërkuar që klientit të tij t’i bëhet ekspertizë shtesë lidhur me gjendjen psikike të Granit Plavës në kohën e kryerjes së veprës penale.
Kryetarja e trupit gjykues, Fatmire Dërmaku tha se prokuroria ia ka lënë në dorë të vendos trupit gjykues për kërkesat e mbrojtjes së Kokallës dhe Plavës.
“Avokati i të akuzuarit, Kushtrim Kokalla Ndrec Doda ka propozuar dëgjimin e dëshmitarit Tafil Kokalla në cilësi të dëshmitari, ndërsa me 23 janar 2026 mbrojtësi i të akuzuarit, Granit Plava, Skender Gojani ka parashtruar kërkesë me të cilën ka kërkuar nxjerrjen e një ekspertize shtesë lidhur me gjendjen psikike të Granit Plavë në kohën e kryerjes së veprës penale, si dhe më 27 janar 2026 mbrojtësit e të akuzuarit, Naim Musreli avokatit Teuta Zhinipotoku dhe Shemsedin Piraj kanë parashtruar kërkesë me të cilën kanë kërkuar të bëhet rikonstruimi i vendit të ngjarjes të shtjellohet si provë CD – komunikimi i tij mes të akuzuarit dhe fëmijëve të tij si dhe kërkohet hartografia e telefonave që janë marrë në ditën kritike”, tha ajo.
Sa i përket kërkesës së mbrojtjes së Naim Murselit për rikontriubim të vendit të ngjarjes, prokurorja, Javorka Perlinçeviq e konsideroi të pasafatshme.
“Në seancën e mbajtur më 22.12 .2025 gjykata të gjitha palëve iu ka dhënë mundësinë që propozimin për nxjerrjen e provave të reja t’i dorëzojnë deri më datën 09 janar 2026 konsideroj se ky propozim është i dorëzuar jashtë afatit ligjore dhe që nuk është respektuar udhëzimi i gjykatës dhe i njëjti nuk duhet të pranohet”, tha ajo.
Rikonstruimin e vendit të ngjarjes dhe ekspertiza për gjendjen psikike të të akuzuarit Granit Plava u kundërshtua edhe nga avokati i familjes së Liridona Ademaj, Leutrim Syla i cili konsideroi se këto dyja nuk do të ndryshojnë gjendjen faktike.
Sa i përket dëgjimit si dëshmitar të Tafil Kokallës pati pajtueshmëri edhe nga mbrojtja e familjes Ademaj.
“Edhe në përmbajtje, përveç çështjes së afatit e kundërshtojmë rikonstruimin e vendit të ngjarjes, konsiderojmë se është zvarritje e procedurës nuk ka as edhe një fakt që ka me ndërruar nga ajo çka ka deklaruar i pandehuri gjatë marrjes në pyetje dhe duke ditur se rikonstriuimi bëhet me dëshmitarë duke i marrë në pyetje veç e veç tashmë është fakt se aty dëshmitarë nuk kemi pas, si rrjedhojë dhe nuk ka se si të kryhet ky rikonstruim për të vërtetuar një gjendje tjetër faktike. Për propozime e mbrojtësve e të akuzuarve Granit dhe Kushtrim lidhur me propozimin e mbrojtësit Granit Plavës konsiderojmë se ekspertiza e pranuar për të njëjtin ka qenë e plotë si në përmbajtje ashtu edhe në metodologji si rrjedhojë edhe konsiderojmë se duhet të refuzohet ky propozim pasi që është edhe në kundërshtim me parimin e ekonomizimit dhe nuk di s ecka ka me vërtetua më tepër se ekspertiza e parë. Në raport me propozimin e avokatit Ndrec Dodaj që të akuzuarit Kushtrim Kokalla konsiderojmë se secili dëshmitar që mund të na sqaroj më shumë lidhur me këtë çështje është në interes edhe tonin dhe gjithë të pranishmëve kështu që nuk e kundërshtojmë”, theksoi ai.
Avokati i Naim Murselit, Shemsedin Piraj u shpreh se kanë të drejtë të propozojnë prova deri në përfundim të shqyrtimit kryesor.
“Nuk ka nevojë me mbajt ligjërata për procedurë penale… Palët kanë të drejtë të propozojnë prova deri në përfundim të shqyrtimit kryesor. Arsyetimet e kolegut të palës së dëmtuar që propozimet nuk janë relevante, këto janë shumë relevante ne e dimë që shumë dëshmitarë në vendin e ngjarjes nuk ka pas, kemi propozuar rikonstiruimin e vendit të ngjarjes, pikërisht është fjala për konstatimin e ekspertit të mjekësisë ligjore profesor, Naim Uka… Afatshmëria, nuk vinë në shprehje”, deklaroi ai.
Se trupi gjykues ka refuzuar propozimet e mbrojtësve për plotësimin e procedurës së provave, tha kryetarja e trupit gjykues, Fatmire Dermaku.
“Refuzohen propozimet e mbrojtësve për plotësimin e procedurës së provave konkretisht të mbrojtësit të akuzuarit, Kushtrim Kokalla, avokatit Ndrec Dodaj, për dëgjimin e dëshmitarit Tafil Kokalla pasi një dëshmi e tillë nuk është relevante dhe nuk do të kontribuoj asgjë në ndriçimin e çështjes. Refuzohet propozimi i mbrojtësit të Granit Plavës, Skender Gojani për nxjerrjen e ekspertizë plotësuese psikiatrike pasi që gjykata konsideron s enjë propozim i tillë është i pabazuar i pambështetur në prova konkrete pasi të njëjtit i është bërë një ekspertizë psikiatrike dhe nuk ka pasur vërejtje në këtë ekspertizë gjithashtu në sallë ka qenë eksperti dhe mbrojtësi dhe i akuzuari kanë parashtruar pyetje dhe kjo çështje ka mund të trajtohet edhe në këto prentendime. Refuzohet propozimi i mbrojtësve të Naim Murselit për rikonstruimin e vendit të ngjarjes pasi që gjykata konsideron se një propozim i tillë për arsye të paraqitura të njëjtat fakte nuk janë kontestuese mes palëve dhe të njëjtat mjaftueshëm janë elaboruar gjatë dëgjimit të dëshmitarëve”, deklaroi ajo.
Trupi gjykues ka refuzuar edhe kërkesën e mbrojtjes së Naim Murselit të shtjellohet si provë CD komunikimi i tij me fëmijët si dhe nxjerrja e hartografisë së telefonave.
Liridona Ademaj ishte vrarë më 29.11.2023 në ora 20:25, në rrugën “Dalip Alshiqi” në fshatin Bërnicë të Prishtinës
Lajmet2 months ago
Lajmet2 months ago
Lajmet2 months ago
Live2 months ago