Lajmet

Gjykata Evropiane kërkon nga Rusia më shumë angazhim në parandalimin e dhunës në familje

Kjo ndodhi krahas “problemeve sistematike në sigurimin e ndjekjeve penale dhe dënimeve”.

Published

on

Gjykata Evropiane e të Drejtave të Njeriut i ka kërkuar Rusisë që të trajtojë “shkallën marramendëse” të dhunës në familje ndaj grave, përcjell UBT News.

Gjyqtarët i bënë thirrje Moskës të prezantojë masa të reja krahas “problemeve sistematike në sigurimin e ndjekjeve penale dhe dënimeve”.

Vendimi erdhi pas një rasti që përfshinte katër gra ruse, të cilat ishin abuzuar nga partnerët e tyre. Gjykata Evropiane tha se autoritetet ruse kishin dështuar t’i mbronte ato nga dhuna dhe t’i përgjigjeshin rasteve të tyre siç duhet.

Një prej grave u rrëmbye nga burri i saj në vitin 2017 dhe iu prenë duart me sëpatë në një pyll. Më vonë ajo rifitoi funksionin e kufizuar të dorës së majtë, ndërsa bashkëshorti i saj u dënua me 14 vjet burg.

Moska u urdhërua t’u paguajë katër grave gjithsej mbi 450,000 euro dëmshpërblim, shpenzime mjekësore dhe tarifa ligjore.

Gjykata rekomandoi që Rusia duhet të bëjë “ndryshime urgjente në ligjin dhe praktikën e brendshme për të parandaluar shkeljet e ngjashme”. Rusisë i’u kërkua që të prezantojë një përkufizim ligjor të dhunës në familje në forma të ndryshme, si dhe urdhra kufizues dhe mbrojtës.

Mari Davtyan, avokate dhe aktiviste për të drejtat e grave që përfaqësonte dy gra në këtë rast, ka përshëndetur këtë vendim.

“Nuk është hera e parë që gjykata vëren dështimin e Rusisë për të përmbushur detyrimet e saj për mbrojtjen nga dhuna në familje, por këtë herë gjykata theksoi qartë dhe në detaje masat që Rusia duhet të marrë”, tha Davtyan në një postim në Facebook.

Përpjekjet e mëparshme për të krijuar masa kundër dhunës në familje që do të parandalonin këto krime janë përballur me rezistencë nga autoritetet ruse.

Sulmi ndaj një anëtari të familjes në vend aktualisht klasifikohet vetëm si kundërvajtje e dënueshme me gjobë prej vetëm rreth 60 €./UBTNews/

Botë

Sllovenia e shpall Netanyahun non-grata

Published

on

Sllovenia e ka shpallur kryeministrin izraelit Benjamin Netanyahu si persona non-grata.

Qeveria e udhëhequr nga Robert Golob ka miratuar një rezolutë që e shpall kryeministrin izraelit Benjamin Netanyahu person non-grata.

Sipas sekretares së Ministrisë së Jashtme Neva Grasic, masa vjen pas të njëjtave masave të miratuara korrikun e kaluar kundër ministrave izraelitë Itamar Ben Gvir dhe Bezalel Smotrich, të cilët u akuzuan për ekstremizëm.

Profili zyrtar X i qeverisë thotë se me këtë vendim, ata duan t’i dërgojnë një mesazh të qartë Izraelit se Sllovenia pret që vendimet e gjykatave ndërkombëtare të respektohen, si dhe e drejta ndërkombëtare humanitare./S.K/KP/

Continue Reading

Botë

Italia dërgon 24 karabinierë në Kosovë para zgjedhjeve lokale të 12 tetorit

Published

on

Ambasada italiane në Prishtinë ka njoftuar se Italia ka dërguar 24 karabinierë italianë në Kosovë para zgjedhjeve lokale të 12 tetorit.

Nga ambasada thonë se karabinierët janë dërguar për të ndihmuar forcimin e sigurisë para zgjedhjeve lokale bashkë me partnerët e tjerë evropianë.

“Jemi të lumtur të mirëpresim në Kosovë 24 karabinierë italianë, të cilët së bashku me partnerët tanë evropianë do të ndihmojnë në forcimin e sigurisë para zgjedhjeve të ardhshme lokale. Si pjesë e #EUROGENDFOR, ata po formojnë Njësinë Policore të Formuar Rezervë të EULEX-it (RFPU), duke punuar për të mbështetur stabilitetin dhe për të ndërtuar besimin brenda komuniteteve”, thuhet në njoftim.

Italia thekson se mbetet e përkushtuar për paqen dhe sigurinë në Kosovë dhe në gjithë Ballkanin./S.K/KP/

Continue Reading

Aktualitet

Shkatërrohen sot armët e vogla dhe të lehta ilegale

Published

on

Policia e Kosovës sot organizon ceremoninë e shkatërrimit të armëve të vogla dhe të lehta ilegale.

Kjo ngjarje do të mbahet në ambientet e Metal 05 SH.P.K. në fshatin Prelez, magjistralja Prishtinë- Ferizaj, me fillim nga ora 09:30.

Në njoftimin e Policisë në Facebook, thuhet se në ceremoni do të marrin pjesë, Drejtori i Përgjithshëm i Policisë së Kosovës Kolonel Gazmend HOXHA, zt. Nuno QUEIRÓS, Përfaqësues i Përhershëm i UNDP-së në Kosovë, përfaqësues nga Zyra e BE-së në Kosovë, përfaqësues nga Ambasada gjermane, franceze, suedeze, britaneze, holandeze, norvegjeze si dhe zyrtarë të lartë të institucional.

“Ky aktivitet mbështetet nga Programi i Kombeve të Bashkuara për Zhvillim (UNDP) përmes Programit për Siguri dhe Siguri në Kosovë (KSSP), me mbështetje financiare nga Gjermania, Suedia, Mbretëria e Bashkuar, Franca, Holanda dhe Norvegjia, si dhe përmes Vendimit të Këshillit (PESK) 2024/3006 të datës 2 dhjetor 2024, në mbështetje të aktiviteteve të çarmatimit dhe kontrollit të armëve të SEESAC në Evropën Juglindore, me qëllim zvogëlimin e kërcënimit nga armët e vogla dhe armët e lehta (SALW) të paligjshme dhe municionit të tyre”, shkruhet në njoftim./S.K/EO/

Continue Reading

Aktualitet

Sot do të dorëzohet padi në Prokurori kundër kryeparlamentarit Dimal Basha

Published

on

Sot do të dorëzohet kallëzim penal dhe padi në Prokurorinë Speciale, ndaj kryeparlamentarit të vendit, Dimal Basha.

Këtë do ta bëjë ish-ushtari i UÇK-së, Agim Pllashniku, përmes përfaqësuesit të tij ligjor, avokatit Gent Gjini.

Padia lidhet me pretendimet e Bashës për financimin e Ushtrisë Çlirimtare të Kosovës nga kartelët e drogës dhe për bashkautorësinë e tij për publikimin e këtyre pretendimeve në një revistë shkencore të një universiteti në ShBA.

Avokati Gent Gjini bëri të ditur se kallëzimi penal dhe padia do të dorëzohet në ora 13:20.

“Ditën e premte në Prokurorinë Speciale në ora 13:20 do të dorëzojmë kallëzimin penal dhe padinë ndaj Dimal Bashës për propagandën në përhapjen e fakteve jo të vërteta ndaj Ushtrisë Çlirimtare të Kosovës. UÇK-ja është financuar nga kartelët e drogës, e ku Dimal Basha këto pretendime i ka theksuar në një revistë shkencore në një universitet në SHBA, e po ashtu faktit se Dimal Basha ka bashkëpunuar me një autore dhe kanë përhapur fakte kundër UÇK-së, duke dhënë informata kësaj autore në publikimin e kësaj reviste kundër popullatës shqiptare. Andaj unë si avokat dhe një përfaqësues i UÇK-së të premten do të procedojmë kallëzimin penal, ku do të kërkojmë që gjatë hetimit të kësaj çështje të merret në tërësi revista e publikuar dhe do të kërkojmë nga Prokuroria Speciale që Dimal Bashës t’i ndalohet ushtrimi i pozitës së kryeparlamentarit, përderisa çështja të trajtohet dhe të hetohet nga Prokuroria Speciale. Universiteti amerikan do të na sigurojë revistën shkencore dhe do të shprehet vepra penale që ka kryer Dimal Basha”, tha Gjini./S.K/EO/

Continue Reading

Të kërkuara