Lajmet nga UBT

Gjuha Angleze dhe Edukimi përfundojnë suksesshëm edicionin e sivjetshëm të Akademisë Ndërkombëtare Verore

Në këtë akademi janë zhvilluar disa ligjërata tematike nga folës të ndryshëm, si Natka Jankova Alagjanovska dhe Saska Jovanovska.

Published

on

Në kuadër të “Global UBT Fest 2022”, Akademia Ndërkombëtare Verore e Gjuhës Angleze dhe Edukimit, ka përfunduar aktivitetet e saj, duke realizuar prezantime dhe punëtori me ekspertë dhe profesionistë vendorë dhe ndërkombëtarë, si dhe studentë, të fokusuar në temën: “Përshtatja ndaj sfidave të procesit mësimor në periudhën post COVID-19”, me ç’rast u reflektua në sfidat që institucionet e arsimit ballafaqohen sot, dhe çfarë mund të bëhet në të ardhmen.

Në këtë akademi janë zhvilluar disa ligjërata tematike nga folës të ndryshëm, si Natka Jankova Alagjanovska dhe Saska Jovanovska kanë realizuar një diskutim të hapur me studentë rreth temës: “Gabimet më të shpeshta në shkrimin akademik”, teksa Farije Latifi Retkoceri ka shtjelluar zhvillimin e kapaciteteve për udhëheqje arsimore, si dhe profesoresha Denis Celcima ka folur rreth rëndësisë së motivimit për studime të gjuhës angleze.

Gorge Kokolas ka folur për temën: “The Zest Vaccine”, teksa ka ofruar njohuri të reja për studentët rreth kësaj teme, Donna Lee Fields ka diskutuar për temën: “The Ethic of Excellence”, teksa Xhevahire Jashanica ka organizuar një ligjëratë tematike për paraqitjen e fenomenit të bulizmit gjatë procesit mësimor.

Ndër të tjera, janë zhvilluar edhe disa ligjërata të tjera tematike nga folësit: Harea Fejza, Albiona Fazliu, Vita Sadiku, Besarta Demaku, Nora Suhodolli, Erona Elezi, Sinem Atamsoy Kosar, Blerona Sadiku, Leonë Hasani, Mohammed Hafizur Rahman, Adrijana Hadzi- Nikolova, Arjana Cakaj, Blend Bucolli, Arlinda Bricori, Abetare Ahmeti, Ardit Zejnullahu, Laureta Morina, Luizë Zeqiri, si dhe profesoresha Xhevahire Millaku Topanica.

Temat u përcollën me forumin “Evolucioni i arsimit“ si një kornizë e qëndrueshme e fokusuar në të ardhmen, e cila i përgjigjet përshtatjes, kreativitetit dhe inovacionit të të gjitha aftësive që studentëve do t’iu nevojiten për të qenë të suksesshëm në karrierën e tyre, forum i cili u shtjellua nga Prof. Assist. Alma V. Lama dhe më pas u bë edhe shpërndarja e certifikatave për pjesëmarrësit në këtë akademi.

Lajmet nga UBT

Ceremonia e parë e certifikimit për Startup School: Një model i ri edukimi në Kosovë

Published

on

By

Me një ceremoni solemne, u shënua një moment historik në sistemin arsimor dhe ekonomik të Kosovës: për herë të parë, në vend po pilotohet një program i strukturuar për zhvillimin e ndërmarrësisë tek nxënësit e shkollave të mesme. Programi “UBT Startup School”, i konceptuar si një shkollë praktike e ndërmarrësisë, sjell një qasje të re, inovative dhe ndërdisiplinare në edukimin e të rinjve, me synim ndërtimin e kapaciteteve të tyre për të menduar si ndërmarrës, për të zhvilluar ide dhe për të filluar startup-e të qëndrueshme.

Ky program është rezultat i një bashkëpunimi të ngushtë mes UBT, Quality Kosova dhe partnerit strategjik GIZ, dhe u pilotua me sukses për herë të parë në Kosovës. Ngjarja e sotme shënoi ceremoninë e parë zyrtare të shpërndarjes së certifikatave për pjesëmarrësit, duke vërtetuar se trajnimi i ndërmarrësisë në këtë nivel është i realizueshëm, i nevojshëm dhe jashtëzakonisht i mirëpritur nga nxënësit dhe komuniteti i biznesit.

Ceremonia nisi me fjalën përshëndetëse të Dr. Besnik Skenderi, i cili theksoi rëndësinë e kësaj nisme si një gurthemel për ndërtimin e një shoqërie të bazuar në dije, krijimtari dhe vetëpunësim.

Më pas, Prof. Dr. Edmond Hajrizi, President i Quality Kosova dhe Rektor i UBT-së, u ndal në rëndësinë që ka përgatitja e të rinjve për sfidat e ekonomisë moderne:

Me këtë program po sjellim një model të ri arsimor në Kosovë. Nxënësit nuk janë vetëm përfitues të njohurive teorike, por pjesëmarrës aktivë në ndërtimin e zgjidhjeve reale, të bazuara në inovacion dhe logjikë biznesi. Kjo është ndërmarrësia e së ardhmes që ne duam të ndërtojmë që sot”, tha Rektori Hajrizi.

Përfaqësuesi i GIZ, z. Hans-Juergen Cassens, në fjalën e tij përgëzoi organizatorët për guximin për të eksperimentuar me një model të ri edukativ dhe shprehu mbështetjen e GIZ-it për projekte që ndikojnë drejtpërdrejt në zhvillimin ekonomik të vendit përmes fuqizimit të rinisë dhe nxitjes së inovacionit.

Pjesa kryesore e ngjarjes ishte ceremonia e shpërndarjes së certifikatave për nxënësit dhe bizneset që morën pjesë në nivelin e parë të trajnimit. Programi ka përfshirë një përmbajtje të pasur praktike: nga ideimi i produkteve, deri tek ndërtimi i planeve të biznesit dhe njohuritë bazë mbi menaxhimin financiar, marketingun digjital dhe dizajnimin e modeleve të qëndrueshme të startup-eve.

Kjo është hera e parë që një program i tillë u zbatuan në mënyrë të organizuar për nxënës të shkollave të mesme në Kosovë, çka e bën këtë një moment të rëndësishëm për politikbërjen në arsim dhe ekonomi.

Continue Reading

Lajmet nga UBT

UBT mbështet industrinë ushqimore përmes trajnimeve praktike dhe bashkëpunimeve strategjike

Published

on

By

Në kuadër të bashkëpunimit të vazhdueshëm ndërmjet Fakultetit të Shkencave të Ushqimit në UBT dhe industrisë ushqimore në Kosovë, janë realizuar me sukses dy trajnime profesionale për stafin e kompanisë “Sach Pizza Corporation”, e cila operon në 18 lokacione në Kosovë dhe është zgjeruar edhe në Shqipëri dhe Maqedoni të Veriut.

Trajnimi i parë, i udhëhequr nga Prof. Asoc. Dr. Mergim Mestani, u fokusua në temën: “Faktorët që ndikojnë në Sigurinë Ushqimore: Higjiena/Sanitaria, Siguria në Punë dhe Kujdesi ndaj Mjedisit”.

Ky trajnim trajtoi çështje kyçe si:

  • Higjiena personale dhe ambientale në industrinë ushqimore;
  • Parandalimi i kontaminimeve mikrobiologjike, kimike dhe fizike;
  • Identifikimi i rreziqeve në vendin e punës dhe masat parandaluese;
  • Menaxhimi i mbetjeve ushqimore dhe ndikimi në mjedis;
  • Edukimi i vazhdueshëm i punonjësve për mbajtjen e standardeve të sigurisë.

Pjesëmarrësit u angazhuan në diskutime praktike dhe morën materiale vizuale dhe video edukative që ndihmuan në thellimin e njohurive të fituara.

Trajnimi i dytë, i udhëhequr nga Prof. Asoc. Dr. Medin Zeqiri, u përqendrua në temat:

  • “Pritja dhe Komunikimi me Klientët në Pikat e Shitjes”
  • “Prezantimi Vizual i Ushqimeve për Konsumatorët”

Ky trajnim synoi rritjen e cilësisë së shërbimit ndaj klientit përmes zhvillimit të aftësive të komunikimit dhe prezantimit profesional, si dhe përmirësimin e përvojës së konsumatorit në pikat e shitjes.

Ky bashkëpunim konkret ndërmjet UBT-së dhe kompanisë Sach Pizza reflekton angazhimin e institucionit për të ofruar arsim praktik, të lidhur ngushtë me tregun e punës. Studentët e Fakultetit të Shkencave të Ushqimit në UBT përfitojnë nga vizitat studimore dhe praktikat profesionale në këtë kompani, ndërsa disa prej tyre tashmë janë të punësuar në sektorin ushqimor.

Continue Reading

Lajmet nga UBT

Publikohen librat “Mekanika I dhe II” nga Prof. Naser Morina! Autori flet për veçantitë e dy vëllimeve

Published

on

Dje në ambientet e UBT-së u promovuan dy libra nga profesori i Fakultetit të Inxhinierisë së Ndërtimit dhe Infrastrukturës në UBT, Prof. Naser Morina.

I njëjti ishte sot i ftuar në “n’RITËM” me Albina Zeneli ku u diskutuan dy vëllimet “Mekanika I” dhe “Mekanika II”.

Libri i parë fokusohet në parimet themelore të mekanikës së trupave në gjendje të qëndrueshme, duke trajtuar temat si:

Sistemet e forcave konkurrente komplanare, ekuilibri e trupave të ngurtë, analizën e trarëve dhe strukturave të ndryshme, si dhe përcaktimin e sistemit statikisht të përcaktuar.

Kurse, vëllimi i dytë përshkruan konceptet më dinamike të mekanikës dhe lëvizjes së trupave.

Profesori Morina thekson rëndësinë e madhe që librat kanë për studentët duke përmendur faktin që UBT vlerë të madhe u kushton veprave që do të mbetën gjatë në kujtesën e lexuesve e madje apelon të rinjtë që mos ta harrojnë zakonin e leximit.

Linku: https://www.facebook.com/photo/?fbid=1223919273069270&set=pb.100063536255412.-2207520000

N’RITËM – Nga e hëna në të premte nga ora 13:00-15:00. /UBT News/

 

 

 

 

Continue Reading

Lajmet nga UBT

Intervistë me Dr. Sc. Hazir Cadraku! Siguria në punë: Themel i shëndetit dhe produktivitetit

Published

on

Fakulteti i Inxhinierisë së Ndërtimit dhe Infrastrukturës në UBT organizoi një ngjarje të rëndësishme në kuadër të Ditës Botërore të Sigurisë dhe Shëndetit në Punë, duke sjellë në vëmendje çështjet thelbësore që lidhen me sigurinë, shëndetin dhe mirëqenien në vendin e punës.

E, pikërisht për këtë temë n’RITËM pati të ftuar Dr. Sc. Hazir Cadraku i cili njëherësh është ligjerues në departamentin e Inxhinierisë Ndërtimore dhe Infrastrukturë.

Me të diskutuam gjerë e gjatë për sigurinë në vendet tona të punës dhe masat parandaluese që duhet t’i marrim që të ulet rreziku që kanoset në ambientet e punës

Përndryshe, siguria në vendin e punës është një aspekt i rëndësishëm për mbrojtjen e shëndetit dhe mirëqenies së punonjësve. Ajo përfshin një seri masash që synojnë të parandalojnë aksidentet dhe dëmtimet që mund të ndodhin gjatë punës, duke krijuar një ambient të sigurt dhe të shëndetshëm.

N’RITËM vjen në Campus Radio – 100.7FM çdo ditë pune nga ora 13:00 deri 15:00 me Albina Zeneli.

TUNE IN: https://www.ubt-uni.net/en/media-events/ubt-radio-campus/

/UBT News/

Continue Reading

Të kërkuara