Kulturë

Gjithçka që dimë deri më tani për albumin e ri të këngëtares së njohur, SZA

Published

5 years ago

on

Pyetjet nuk kanë të ndalur rreth yllit të njohur të RnB, SZA. Fansat e saj janë në pritje për albumin e 2-të të artistes nga St. Louis Missouri, pas suksesit të albumit të parë komercial “CTRL”. Tashmë kanë kaluar pothuajse 4 vite që kur ajo ka publikuar ndonjë projekt.

SZA ka premtuar se së shpejti do të publikojë albumin e saj të radhës, duke treguar edhe artistët e tjerë me të cilët ka bashkëpunuar.

E pyetur se kush do të jetë pjesë e albumit të radhës, në intervistën e saj me Kerwin Frost ajo nuk zhgënjeu duke përmendur emra të njohur si: BROCKHAMPTON, Justin Timberlake, Post Malone dhe Jack Antonoff.

Këngëtarja amerikane gjithashtu duket se është e zënë pasi la të kuptohet se po plotëson edhe albumet e artistëve të tjerë. Ajo postoi një shkrim në Twitter duke thënë se kishin punuar në këngë bashkë me një yll tjetër si Lizzo.

“Mbrëmë punuam deri në orën 05:00 të mëngjesit me Lizzon, një eksperiencë e vërtetë, atmosferë e paharrueshme, e adhuroj mikeshën time”, postoi ajo në Twitter.

Çfarë mund të shpresojnë fansat nga projekti i ardhshëm?

E pyetur nga POPSUGAR për pritshmëritë e saj, ajo u shfaq e vendosur për t’i zbuluar ato: “Përcaktimi ka vdekur dhe është harruar, dhe askujt nuk i bën nder apo ndihmë”, tha ajo. SZA vazhdoi: “Mendoj se RnB u përdor si metodë për të përcaktuar muzikën e njerëzve me ngjyrë dhe artistët me ngjyrë të cilët shprehin ndenjat e tyre me një mënyrë emotive dhe ritmike përmes muzikës”, përfundoi ajo./UBTNews

(Ulis Hamiti, student i vitit të parë në Media dhe Komunikim në UBT)

Related Topics:
Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

10 hours ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Prishtina organizon ngjarje për 250-vjetorin e SHBA-së, theksohet partneriteti Kosovë–SHBA

Published

13 hours ago

on

June 30, 2026

By

Kryetari i Komunës së Prishtinës, Përparim Rama, ka njoftuar organizimin e një ngjarjeje të veçantë nën patronatin e Kryeqytetit me rastin e 250-vjetorit të pavarësisë së Shteteve të Bashkuara të Amerikës.

Ngjarja, me titull “America and Kosova – A Freedom Story for the Next 250 Years”, do të mbahet më 2 korrik, duke filluar nga ora 10:00, në Emerald në Prishtinë.

Sipas Ramës, aktiviteti synon të vërë në pah partneritetin e veçantë ndërmjet Kosovës dhe SHBA-së, si dhe të trajtojë historinë e lirisë dhe miqësisë mes dy vendeve.

Ai ka theksuar se kjo ngjarje do të fokusohet në bashkëpunimin e vazhdueshëm që, sipas tij, ka kontribuar në ndërtimin e së ardhmes dhe forcimin e marrëdhënieve ndërmjet dy shteteve./A.K/

Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

14 hours ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

1 day ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Të kërkuara