Lajmet nga UBT

Gjimnazi UBT – shkolla ideale për fëmijët tuaj

Gjimnazi UBT ofron dy drejtime: Gjimnazin e Shkencave natyrore dhe Gjimnazin e Shkencave shoqërore.

Published

3 years ago

on

Edukimi dhe shkollimi duhet t’i përgjigjen kuriozitetit të fëmijës suaj dhe parimet moderne metodike do t’i mundësojnë atij të zhvillojë talentin dhe të përmbushë të gjithë potencialin e tij në Gjimnazin UBT, përmes mbështetjes së mësimdhënësve, vizitave të ndryshme, ligjëratave teorike e praktike, lojërave, shoqërimit, njohjes me botën përreth tij dhe krijimit të miqësive të reja.

Fëmijët tuaj nuk zgjedhin të vazhdojnë shkollimin në Gjimnazin UBT vetëm për përfitimin e njohurive të reja, por edhe për të gjitha cilësitë e mira dhe të veçanta, të cilat i përgatisin ata dhe i bëjnë individë të suksesshëm që kontribuojnë në shoqëri dhe kujdesen për vendin dhe botën në përgjithësi.

Gjimnazi UBT është një shkollë e mesme e cila kombinon mësimdhënien kurrikulare me teknologjinë e informacionit CLASSROOM 3.0, e cila është fushë e veçantë për të nxitur dhe zhvilluar talentet e reja, duke kërkuar përsosmërinë edhe jashtë aktivitetit të rregullt mësimor.

Gjimnazi UBT ofron dy drejtime: Gjimnazin e Shkencave natyrore dhe Gjimnazin e Shkencave shoqërore, dhe është institucion i arsimit të mesëm të lartë, me kurrikulë të përshtatur në standardet më të mira evropiane dhe amerikane, ku të rinjtë do të kenë mundësi të orientohen drejtë një profesioni të dëshiruar dhe përmes profesionistëve të përgatiten për të arritur suksese në të ardhmen.

Gjimnazi UBT, përpos kurrikulës inovative të mësimit dhe praktikës, ofron edhe lëndë zgjedhore në kuadër të edukimit STEAM;

Lëndët zgjedhore STEAM ndahen në:

  • Realitet i Shtuar dhe Virtual;
  • Bazat e Inteligjencës Artificiale;
  • Hyrje në Programim;
  • Siguria Kibernetike;
  • Zhvillimi i Ueb Aplikacioneve;
  • Aplikacionet Mobile.

Related Topics:
Continue Reading

Aktualitet

UBT organizon konferencën ‘Inovacioni dhe Mbrojtja e Pronësisë Intelektuale’

Published

10 hours ago

on

April 16, 2025

By

Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.

Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.

Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.

Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.

Agjenda ka përfshirë edhe pika të tjera si: 
  • Prezantime nga përfaqësues të lartë të institucioneve relevante,
  • Diskutim të hapur dhe mundësi për rrjetëzim profesional,
  • Përmbyllje me përmbledhje të konkluzioneve kryesore.

/UBT News/

 

Continue Reading

Aktualitet

Fillon konferenca për tranzicionin e energjisë në UBT

Published

11 hours ago

on

April 16, 2025

By

Ka filluar konferenca ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, e organizuar nga UBT i cili po mbahet në Parkun Shkencor, Inovativ dhe Teknologjik të UBT-së në Lipjan.

Në këtë konferencë po merr pjesë Rektori i UBT-së, Prof. Dr. Edmond Hajrizi, ministrja e Ekonomisë, Artane Rizvanolli, kryesuesja e Komunitetit Nacional CIGRE, Pranvera Dobruna-Kryeziu dhe Ymer Fejzullahu, kryetar i Bordit të ZRRE.

Të ftuar të tjerë janë po ashtu ekspertë të fushës së energjisë elektrike në vend.


UBT News do të ju sjell informacionet kryesore të kësaj konference me rëndësi.

Vlen të përmendet se edhe studentët e UBT-së po e ndjekin këtë ngjarje.

 

 

 

 

 

Continue Reading

Lajmet nga UBT

Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin

Published

1 day ago

on

April 15, 2025

By

Emisioni n’Ritëm në Campus Radio me autore dhe moderatore Albina Zeneli pati të ftuar Prof. Ass. Dr. Armend Ymeri i cili njëherësh është dhe Dekan i Fakultetit të Inxhinierisë së Energjisë në UBT.

Me të diskutuam për konferencën ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, ngjarje kjo që do të mbahet nesër me fillim nga ora 08:30 në Kampusin Inovativ të UBT-së në Lipjan.

“Kemi ftuar ekspertë të fushës që do të ndajnë përvojat e tyre me të pranishmit, do të jenë Pranvera Dobruna, Artane Rizvanolli, përfaqësues mga KEK, KOSTT dhe KEDS”, u shpreh Z. Ymeri.

Përndryshe, Dekani ka bërë thirrje që studentët të marrin pjesë sepse sipas tij i’a vlen dhe madje thekson se kuadrot e reja të UBT-së janë me fat për mundësitë që ofrohen.

Continue Reading

Lajmet nga UBT

Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës

Published

2 days ago

on

April 14, 2025

By

Me rastin e Ditës Memoriale të të Mbijetuarve të Dhunës Seksuale gjatë luftës në Kosovë, studentët e vitit të parë dhe të tretë, të Fakultetit të Psikologjisë, nën mbikëqyrjen e Prof. Violeta Zefi, morën pjesë në një ngjarje të organizuar nga Qendra Kosovare për Rehabilitimin e të Mbijetuarve të Torturës.

Gjatë kësaj ngjarjeje, studentët e Fakultetit të Psikologjisë kishin mundësinë të dëgjonin historinë rrëqethëse të Ramadan Nishorit, një nga të mbijetuarit e dhunës seksuale gjatë luftës në Kosovë. Nishori, në një rrëfim në Ditën Memoriale të të Mbijetuarve të Dhunës Seksuale gjatë luftës, tha se ishte dhunuar nga policët serbë në vitin 1998, derisa po mbahej në stacionin policor në Drenas.

“Për drejtësinë. Për të vërtetën. Për shërimin tim dhe të gjithë atyre që vuajnë në heshtje.”, shprehet Ramadan Nishori, ndërsa u drejtohet me një thirrje të gjithë të mbijetuarve.

Kjo ngjarje e organizuar sot, më 14 prill, ishte një përvojë e thellë reflektimi dhe ndërgjegjësimi për studentët e UBT-së, duke theksuar rëndësinë e mbështetjes për të mbijetuarit e dhunës seksuale gjatë luftës në Kosovë.

Fjalimi i Ramadan Nishorit dhe gjithë përvoja e këtij aktiviteti ishin një mundësi për studentët që të kuptonin më thellë pasojat e dhunës seksuale dhe rëndësinë e rehabilitimit të të mbijetuarve.

Continue Reading

Të kërkuara