Lajmet

Gjilani e Kumanova janë shembulli më i mirë i bashkëpunimit ndërkufitar

Published

5 years ago

November 12, 2020

Betim Gashi

Kryetari i Komunës së Gjilanit, Lutfi Haziri dhe ai i Kumanovës, Maksim Dimitrievski, pas marrëveshjes së binjakëzimit, kanë deklaruar se këto dy komuna janë shembulli më i mirë i bashkëpunimit ndërkufitar për 17 vite.

Kreu i Gjilanit, Lutfi Haziri, pasi falënderoi kryetarin Dimitriesvki për bashkëpunimin, tha se në të ardhmen do t’i integrojnë edhe më shumë aktivitetet ekonomike, kulturore e arsimore.

“Bashkëpunimi ynë ndërkufitar ka kulmuar me hapjen e vendkalimit kufitar, për qarkullimin e njerëzve dhe mallrave. Komunikimi i njerëzve, familjeve, ekonomisë dhe biznesit, është synimi ynë. Besojmë shumë që do ta kemi edhe mbështetjen e dy qeverive tona, Prishtinës dhe Shkupit. Besojmë shumë që mikro-regjioni europian, ku përfshihet Presheva, Bujanoci dhe 17 komunat tjera, do të zhvillohet shumë si shembull i mirë i bashkëpunimit në Ballkanin Perëndimor”, tha Haziri.

Kurse, kryetari i Kumanovës, Maksim Dimitrievski, pasi e falenderoi Hazirin për bashkëpunimin 17-vjeçar, tha se ky është një shembull i mirë i bashkëpunimit, jo vetëm në nivel lokal, por edhe në atë regjional.

“Jemi dy komuna në zonë kufitare, kemi aplikuar me një numër të madh të projekteve të përbashkëta, të cilat veçse jemi duke i implementuar. Pra bëhet fjalë për tri projekte të përbashkëta. Njëra nga nismat kryesore të të partneritetit dhe miqësisë sonë është hapja e vendkalimit kufitar që tashm është bërë realitet”, tha ai./UBTNews

Related Topics:komuna e Gjilanit Maksim Damianovski

Up Next

Arrihet marrëveshja për përdorimin e rrugëve që kalojnë nëpër Zonën e Veçantë të Mbrojtur të Manastirit të Deçanit

Don't Miss

Zemaj: Po tentojmë ta funksionalizojmë Fondin dhe Ligjin për Sigurime Shëndetësore

Lajmet

Humb jetën pasi i rrokulliset traktori

Published

8 minutes ago

September 15, 2025

UBTnews

Një person ka humbur jetën në komunën e Zubin Potokut, pasi traktori që po drejtonte është rrokullisur.

Sipas policisë, në vendin e ngjarjes kanë dalë menjëherë njësitë relevante të Policisë së Kosovës, si dhe ekipet e emergjencës, ku mjeku kujdestar ka konstatuar vdekjen e viktimës në vendngjarje.

Me vendim të prokurorit të rastit, trupi i pajetë është dërguar në Institutin e Mjekësisë Ligjore (IML) për obduksion.

Hetimet për të sqaruar rrethanat e aksidentit janë në vazhdim./D.B/KP

Lajmet

Gjithçka gati për startin e Ligës së Kampionëve 2025/26

Published

2 hours ago

September 15, 2025

UBT News

Liga e Kampionëve e UEFA-s, kompeticioni më prestigjioz për klube në futbollin evropian, rikthehet këtë javë me një tjetër sezon që pritet të sjellë emocione dhe duele të zjarrta mes skuadrave më të mira të kontinentit.

Sezoni 2024/25 solli për herë të parë formatin e ri të garës, duke hequr fazën klasike të grupeve dhe duke e zëvendësuar atë me një ligë me 36 ekipe, secila me nga tetë ndeshje.

Nga kjo fazë u kualifikuan 24 ekipe në raundet eliminatore, derisa finalja u luajt në Allianz Arena ku PSG dominoi Interin me një fitore historike 5-0 triumfi më i thellë në historinë e finales së Champions League.

Edhe këtë vit, do të zhvillohen 144 ndeshje gjatë tetë javëve të fazës së ligës.

Tetë ekipet më të mira kalojnë direkt në fazën e 1/16-ve, ndërsa skuadrat nga vendi i 9-të deri në të 24-tin do të luajnë play-off për t’u kualifikuar më tej. Finalja e madhe do të luhet në Puskás Arena të Budapestit, më 30 maj 2026.

Sezoni i ri i Ligës së Kampionëve premton spektakël, surpriza dhe emocione deri në finalen e madhe të Budapestit./S.K/KP/

Lajmet

Gjendet pa shenja jete një person në Prishtinë

Published

4 hours ago

September 15, 2025

UBTnews

Policia e Kosovës njofton se dje është gjetur pa shenja jete në banesën e saj grua në Prishtinë.

Sipas raportit të policisë, me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.

“Prishtinë/ 14.09.2025 – 10:58. Është gjetur pa shenja jete në banesën e saj viktima femër kosovare. Njësitet policore dhe ekipi mjekësor kanë dal në vendin e ngjarjes, ku edhe është konstatuar vdekja e viktimës. Me vendim të prokurorit, trupi i pajetë i viktimës është dërguar në IML për obduksion”, thuhet në njoftimin e Policisë./D.B/KP

Aktualitet

26 vjet nga Beteja e Kaqandollit

Published

5 hours ago

September 15, 2025

UBT News

Sot bëhen 26 vjet nga beteja e Kaqandollit dhe ishte njëra ndër betejat më të lavdishme të Ushtrisë Çlirimtare të Kosovës.

Beteja e Kaqandollit, ishte beteja e parë frontale në Llap që e zhvilloi UÇK-ja kundër forcave serbe.

Gjatë kësaj beteje treditore nga radhët e UÇK-ës ranë 7 dëshmorë të Ushtrisë Çlirimtare të Kosovës: Bekim Maliqi, Bekim Lushaku, Naim Zhegrova, Fadil Sejdiu, Habib Zeka, Islam Rekaliu dhe Selim Rekaliu./S.K/KP/