Sport

Gjiganti i Premier League-s ka shfaqur interes për shërbimet e Albion Rrahmanit

Me shumë gjasë e ardhmja e tij nga sezoni i ardhshëm do të jetë larg Rumanisë.

Published

on

Albion Rrahmani po përjeton një super sezon me Rapid Burcurest-in dhe me shumë gjasë e ardhmja e tij nga sezoni i ardhshëm do të jetë larg Rumanisë.

Sipas mediumit rumun “Fantatik”, sulmuesi kosovar ka zgjuar interesimin e Aston Villës.

Me Rrahmanin, i cili kaloi nga Ballkani te Rapidi për shumën e 600 mijë eurove, pati një impakt të madh te skuadra aktuale.

“Interesim i madh për Rrahmanin nga Aston Villa. Sipas burimeve tona, Aston Villa është e interesuar për Rrahmanin, lojtar në profilin e Unai Emery”, ka zbuluar gazetari Horia Ivanovic.

Gazetari Alin Buzarin, i pranishëm në studio, deklaroi në emision se e sheh Albion Rrahmanin si lojtarin më të mirë në Superligën e Rumanisë.

“Për mua ai është lojtari më i mirë në Superligë për momentin. Para Coman dhe mbi Darius Olaru. Një lojtar për të cilin janë dhënë 600 mijë euro dhe ka luajtur 15 ndeshje për Rapid”, deklaroi ai.

Albion Rrahmani këtë edicion numëron gjithësej 13 gola dhe tri asistime në 15 paraqitje në kampionatin romun. Teksa, vlera e tij në tregun e transefrimeve arrin në shifren e 1.4 milion eurove./UBTNews/

Lajmet

​Nis Superliga e Kosovës në futsall këtë fundjavë

Published

on

Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.

Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.

Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.

Skuadra e FC Obiliqit do të pushojë këtë javë./S.K/KP/FFK-Futsal/

Continue Reading

Lajmet

​Ish-lojtari i Arsenalit ndërron jetë në moshën 21 vjeçare

Published

on

Futbollisti i Chichester City dhe ish-lojtari i akademisë së Arsenalit, Billy Vigar, ka ndërruar jetë në moshën 21-vjeçare pas një lëndimi të rëndë në tru të pësuar gjatë një ndeshjeje kundër Wingate & Finchley.

Sulmuesi u përplas jashtë fushës në përpjekje për ta shpëtuar topin, duke pësuar dëmtime serioze.

Ai u vendos në koma të induktuar dhe iu nënshtrua një operacioni, por nuk arriti të mbijetojë.

Klubi i Chichester City, Arsenal dhe bota e futbollit kanë shprehur ngushëllimet për humbjen e tij, ndërsa ndeshja e radhës e Chichesterit është shtyrë në shenjë respekti./S.K/KP/

Continue Reading

Lajmet

​Ronaldo i bën thirrje Ancelottit: Rikthejeni Neymarin në kombëtare

Published

on

Ronaldo Nazário ka kërkuar publikisht nga Carlo Ancelotti që të rikthejë Neymarin në ekipin kombëtar të Brazilit.

Sulmuesi legjendar e cilësoi 33-vjeçarin e Santos si një lojtar vendimtar për Seleção-n, duke theksuar se mungesa e tij është një boshllëk i madh.

Neymar, golashënuesi më i mirë i të gjitha kohërave i Brazilit me 79 gola në 128 ndeshje, nuk ka luajtur për kombëtaren që nga tetori i vitit 2023, kur pësoi një dëmtim të rëndë në gju.

Pas rikthimit nga aventura në Arabinë Saudite me Al Hilal, ai është shndërruar sërish në një figurë kyçe për Santos, por deri më tani Ancelotti nuk e ka thirrur në katër ndeshjet e tij në krye të Brazilit.

“Ne nuk kemi një lojtar tjetër si Neymar. Ai është vendimtar për Seleção-n braziliane. Njerëzit shpresojnë 100% që ai të shkojë në Kupën e Botës, sepse me të rezultatet tona do të ishin shumë më të mira,” tha Ronaldo.

Ancelotti, nga ana e tij, në muajin shtator nuk e kishte përjashtuar mundësinë e rikthimit të Neymarit, duke theksuar se ai duhet të rifitojë formën e duhur për të dhënë më të mirën në Kupën e Botës./S.K/KP/

Continue Reading

Lajmet

​FIFA po e mendon një propozim që mund të ndryshojë futbollin

Published

on

Edicioni i 100-vjetorit të Kupës së Botës, që do të zhvillohet në vitin 2030, mund të sjellë një risi të madhe me pjesëmarrjen e 64 ekipeve.

Sipas The Athletic, ideja tashmë nuk është vetëm një spekulim, por një propozim konkret i diskutuar në një takim të mbajtur në selinë amerikane të FIFA-s në Trump Tower, New York.

Në samit morën pjesë presidenti i FIFA-s, Gianni Infantino, sekretari i përgjithshëm Mattias Grafstrom dhe një delegacion i nivelit të lartë nga Amerika e Jugut, i kryesuar nga presidenti i CONMEBOL-it, Alejandro Domínguez.

Të pranishëm ishin gjithashtu presidentët e Paraguait dhe Uruguait, si dhe krerët e federatave të futbollit të Argjentinës, Paraguait dhe Uruguait.

Presidenti argjentinas Javier Milei mungoi për shkak të një takimi me Donald Trump.

Zgjerimi mendohet si një mënyrë për të nderuar edicionin e parë të Botërorit, i zhvilluar në Uruguaj më 1930, duke i dhënë më shumë peshë vendeve të Amerikës së Jugut- Argjentinës, Paraguait dhe Uruguait që aktualisht parashikohet të organizojnë vetëm nga një ndeshje hapëse, përpara se turneu të zhvendoset në Spanjë, Portugali dhe Marok.

Megjithëse po shqyrtohet për herë të parë në mënyrë zyrtare, që ideja është hedhur që në mars nga kreu i Federatës së Uruguait, Ignacio Alonso, në një mbledhje të Këshillit të FIFA-s.

Por jo të gjithë e shohin pozitivisht këtë mundësi. Presidenti i UEFA-s, Aleksander Ceferin, e ka cilësuar si “të tmerrshme”, ndërsa kreu i CONCACAF-it, Victor Montagliani, shprehu rezerva duke kujtuar se ende nuk është zhvilluar as Botërori i parë me 48 ekipe.

Vendimi final do të varet nga balancimi i interesave sportive, financiare dhe organizative mes FIFA-s dhe konfederatave kontinentale.

Nëse miratohet, Botërori i vitit 2030 do të hyjë në histori jo vetëm për jubileun e tij të 100-vjetorit, por edhe si turneu më i madh ndonjëherë në futbollin botëror./S.K/KP/

Continue Reading

Të kërkuara