Aktualitet

Gjermania liron sërish masat kufizuese për udhëtimet

Published

4 years ago

on

Nëse një vend klasifikohet si një zonë e variantit të virusit, udhëtimi nga atje në Gjermani është pothuajse i pamundur. Gjermania ka ndryshuar prapë listën e vendeve për udhëtime.

Qeveria federale ka vendosur të pezullojë një pjesë të madhe të kufizimeve, të vendosura më parë ndaj Portugalisë, Britanisë së Madhe dhe Irlandës së Veriut, si dhe Rusisë, Indisë dhe Nepalit, për shkak të përhapjes në këto vende të varianteve veçanërisht ngjitëse të virusit Corona. 

Instituti Robert Koch njoftoi se këto vende do të hiqen nga lisa e vendeve të variantit të rrezikshëm të virusit dhe do të futen në listën e vendeve me rrezikshmëri të lartë, prej ditës së mërkurë. Kjo do të thotë se të gjithë udhëtarët nga këto vende prapë mund të futen në Gjermani. Personat e vaksinuar plotësisht dhe ata që janë shëruar nga Covid-19, nuk janë të detyruar të futen në karantinë, ndërsa personat e tjerë duhet të futen në karantinë, por mund ta shkurtojnë ate.

Kush ishte më gjatë në listë

India ishte klasifikuar si një zonë e variantit të virusit në fund të prillit, Nepali dhe Britania e Madhe u futën në këtë listë në maj, ndërsa vendi anëtar i Bashkimit Evropian,Portugalia si dhe Rusia, u futën në këtë listë në qershor. Për vendet në këtë listë, që konsiderohet edhe si kategoria më e lartë e rrezikut nga virusi Corona, ka kufizime drastike për hyrje në Gjermani. Konkretisht, kjo do të thotë se kompanitë ajrore, autobusët dhe trenat nuk lejohen të transportojnë njerëz nga zona të ndryshme të virusit në Gjermani, nëse nuk janë shtetas gjermanë ose nuk kanë një vendbanim në Gjermani. E nëse dikush futet në Gjermani nga zonat e varianteve të virusit, atëherë duhet të jetë në karantinë 14 ditë – pavarësisht se a është i vaksinuar apo i shëruar.

Me heqjen e këtyre vendeve nga lista e vendeve me variante të virusit, dhe renditja në vende me rrezikshmëri të lartë, hiqet edhe ndalimi i udhëtimit të shtetasve të këtyre vendeve në Gjermani, që do të thotë se hyrja në Gjermani është e mundur përsëri për të gjithë personat që duan të vijnë në këtë vend. Personat e vaksinuar plotësisht si dhe ata të shëruar nuk duhet të futen në karantinë. Ndërsa të tjerët duhet të futen në karantinë për dhjetë ditë, por karantinën mund ta shkurtojnë pas pesë ditësh, nëse bëjnë një test dhe rezultati del negativ.

Frika nga Delta

Kancelarja Angela Merkel kishte njoftuar që javën që shkoi se mund të ketë lehtësime për disa vende, por pa përmendur emrin e tyre. Një javë më parë, në samitin e BE-së në Bruksel, ajo kishte këmbëngulur pa sukses, për rregulla unike për udhëtime në BE, me qëllim parandalimin e përhapjes së variantit Delta të virusit Corona.

Ky variant është përhapur ndërkohë dukshëm edhe në Gjermani, pavarësisht faktit që numri i infektimeve në këtë vend ka rënë shumë kohët e fundit dhe është shumë më i ulët se në Portugali apo Britani të Madhe. Pas heqjes së këtyre pesë vendeve nga lista e vendeve të variantit Corona, tani kanë mbetur vetëm edhe 11 vende në këtë listë. Ndër to janë edhe Brazili, Uruguai, Afrika e Jugut dhe disa vende në Afrikë./DW

Related Topics:
Continue Reading

Aktualitet

UBT dhe Policia e Kosovës nënshkruajnë marrëveshje bashkëpunimi për forcimin e kapaciteteve në teknologji dhe siguri publike

Published

6 hours ago

on

September 23, 2025

By

Në një hap të rëndësishëm për avancimin e fushës së teknologjisë informative dhe komunikimit, UBT dhe Policia e Kosovës kanë nënshkruar marrëveshje bashkëpunimi.

Ky partneritet ka për qëllim ngritjen e kapaciteteve profesionale dhe ofrimin e mundësive të reja për zhvillimin e burimeve njerëzore, arsimimin dhe trajnimin e specialistëve të Policisë në fushën e sigurisë publike dhe teknologjisë.

Marrëveshja u nënshkrua nga Rektori i UBT-së, Prof. Dr. Edmond Hajrizi dhe Drejtori i Përgjithshëm i Policisë së Kosovës, Kolonel Gazmend Hoxha, me qëllim forcimin e bashkëpunimit akademik dhe praktik mes dy institucioneve.

Marrëveshja e arritur do të mundësojë zhvillimin e formave të reja të bashkëpunimit në fushat e arsimit, trajnimit profesional dhe përdorimit të teknologjive inovative, që janë thelbësore për të përmbushur kërkesat e sigurisë publike në një botë gjithnjë e më digjitalizuar. Pjesë e këtij bashkëpunimi është gjithashtu ndihma për forcimin e kapaciteteve të Policisë për t’u përballur me sfidat e reja që paraqiten në nivel kombëtar dhe ndërkombëtar.

UBT mbetet i angazhuar në zhvillimin e vazhdueshëm të programeve akademike dhe përgatitjes së ekspertëve të nivelit të lartë, të gatshëm për t’u integruar në sektorët më të rëndësishëm të shoqërisë.

 

Continue Reading

Aktualitet

Nxënësit e UBT International Smart Schools fitues të çmimit “Best Youth-Led Initiative” në Balkan International Youth Summit 2025

Published

10 hours ago

on

September 23, 2025

By

Nxënësit e UBT International Smart Schools u nderuan me çmimin “Best Youth-Led Initiative” gjatë Balkan International Youth Summit for Peace 2025, për projektet e tyre inovative të prezantuara në kuadër të S!NERGY Youth Innovation Forum.

Marta Çerkini dhe Endrit Krasniqi garuan me projektet e tyre në këtë forum, ku projekti i nxënëses Marta Çerkini u shpall fituese si një nga projektet më të mira. Ky çmim vlerëson fuqinë e udhëheqjes së të rinjve, iniciativën dhe kreativitetin e tyre, duke nënvizuar rëndësinë e pjesëmarrjes së të rinjve në ndërtimin e shoqërive gjithëpërfshirëse dhe të qëndrueshme.

Programi përfshiu trajnimin Peace Designer Training, i cili përgatiti nxënësit për të zhvilluar projekte inovative me ndikim social dhe për të kontribuar në promovimin e paqes dhe bashkëpunimit ndërkombëtar.

Continue Reading

Aktualitet

Inovacion, qëndrueshmëri dhe ndikim social: Fjalimi i Rektorit Hajrizi në samitin e të rinjve

Published

10 hours ago

on

September 23, 2025

By

Rektori i UBT-së, Prof. Dr. Edmond Hajrizi, mori pjesë në Balkan International Youth Summit for Peace 2025, një ngjarje e rëndësishme që mblodhi mbi 120 të rinj nga më shumë se 40 shtete të botës, së bashku me personalitete akademike, politikanë dhe përfaqësues të shoqërisë civile.

Në kuadër të samitit, Rektori Hajrizi mbajti një fjalim rreth temës: “Leading beyond boundaries: Innovation, Sustainability and Social Impact at UBT”, ku theksoi rëndësinë e inovacionit dhe zhvillimit të qëndrueshëm në arsim, si dhe rolin e UBT-së në fuqizimin e të rinjve si liderë të së ardhmes.

Ai theksoi se përmes edukimit dhe projekteve ndërkombëtare, studentët e UBT-së mësojnë të krijojnë ndikim social pozitiv, të ndërtojnë ura bashkëpunimi dhe të përfshihen aktivisht në shoqëri.

Samiti, i organizuar nga Youth and Students for Peace Balkan (YSP Balkan) në bashkëpunim me komunat e Mitrovicës së Jugut, Mitrovicës së Veriut dhe Leposaviqit, zhvilloi tre ditë të plota dialogu, aktivitete inovative dhe programe kulturore që nxisin shkëmbimin ndërkulturor dhe forcimin e bashkëpunimit ndërkombëtar midis të rinjve.

Continue Reading

Aktualitet

Rektori Hajrizi, nderohet me mirënjohje në Samitin Ndërkombëtar të të Rinjve për Paqe në Ballkan 2025

Published

10 hours ago

on

September 23, 2025

By

Rektori i UBT-së, Prof. Dr. Edmond Hajrizi, u nderua në Balkan International Youth Summit for Peace 2025, ngjarje që mblodhi mbi 120 të rinj nga më shumë se 40 shtete të botës, së bashku me personalitete akademike, politike dhe përfaqësues të shoqërisë civile.

Samiti, i organizuar nga Youth and Students for Peace Balkan (YSP Balkan) në bashkëpunim me komunat e Mitrovicës së Jugut, Mitrovicës së Veriut dhe Leposaviqit, zhvilloi tre ditë dialogu, inovacioni dhe aktivitete kulturore.

Në mirënjohje, thuhet: “Në njohje të kontributit tuaj të shquar për fuqizimin e të rinjve si qytetarë aktivë dhe për mbështetjen e iniciativave që përputhen me Objektivat e Zhvillimit të Qëndrueshëm të Kombeve të Bashkuara. Përmes përkushtimit tuaj ndaj dialogut, edukimit dhe bashkëpunimit, ju keni avancuar vlerat e paqes, drejtësisë dhe përfshirjes, duke frymëzuar të rinjtë të marrin përgjegjësi në formësimin e komuniteteve të tyre dhe të ardhmes sonë të përbashkët”.

Prof. Dr. Hajrizi u vlerësua për mbështetjen e vazhdueshme që UBT dhe UBT International Smart Schools i kanë dhënë nismave për paqe, përfshirjes së të rinjve dhe ndërtimit të urave ndërkombëtare të bashkëpunimit.

Continue Reading

Të kërkuara