

Aktualitet
Gjermani: Trieli para zgjedhjeve: Laschet e Scholz grinden, Baerbock e qetë
Published
4 years agoon
By
Betim GashiPozitivja në fillim: Më në fund në Gjermani kemi fushatë zgjedhore. Kandidatët kryesorë në debatin televiziv të ARD dhe ZDF nuk harxhojnë shumë kohë për t’iu kundërvënë njëri-tjetrit. Prokoruria në Osnabryk javën e kaluar kreu kontrolle në Ministrinë e Financave të drejtuar nga kancelari për kandidat, Olaf Scholz për të mbledhur më shumë të dhëna për larje parash. Bëhet fjalë nëse Olaf Scholz veproi energjikisht sa duhet kundër këtij fenomeni.
Sulmi dhe kundërsulmi – Më shumë gjallëri në finalen e fushatës zgjedhore
Kandidati për kancelar, Armin Laschet, kryeministër i landit, Renani-Veriore Vestfali e sulmoi Scholzin frontalisht. “Nëse ministri im i Financave do punonte si ju, atëherë do kishim një problem.” Scholz kundërpërgjigjet, se nuk hetohet kundër ministrisë së tij, por prokuroria ka dashur vetëm të mbledhë informacione. “Zoti Laschet ju duhet të më lejoni t’iu akuzoj, qartë: këtë përshtyje të gabuar e keni bërë qëllimisht.”
Ndjehet qartë: Kanë mbetur vetëm dy javë deri në zgjedhje. “Triel”, kështu quhet debati zyrtarisht mes tre kandidatëce. Olaf Scholz, ministër Financash dhe zëvendëkancelar kandidon për socialdemokratët, Armin Laschet për Unionin konservator, CDU/CSU dhe Annalena Baerbock për Të Gjelbrit.
Armin Laschet nën presion, Unioni bie ndjeshëm në sondazhe
Laschet duhet të kalojë në ofensivë
Armin Laschet ka hequr dorë nga pozicioni i i vetëpërmbajtjes në javët e fundit dhe po kalon në sulm. Kandidati konservator nuk ka rrugë tjetër, nëse i beson një sondazhi të Institutit të Opinionit, INSA nga fundjava, SPD arrin 26% të votave,Unioni i CDU/CSU kap 20%, dhe të Gjelbrit 15%. Për një kohë të gjatë, Unioni kryesonte. Vetëm në javët e fundit SPD ka ecur përpara. Prandaj Laschet kaloi në sulm në kongresin e partisë, CSU në Nuremberg. “Në të gjitha vendimet e kohës së pasluftës, socialdemokratët kanë qenë në anën e gabuar.” Gjithmonë kur ka pasur kriza, SPD ka menduar për rritje tatimesh dhe borxhe. SPD u kundërpërgjigj duke folur për një “fushatë denigruese.”
Annalena Baerbock
Annalena Baerbock dëgjon dhe qëndron e qetë
Kandidatja e të Gjelbërve, Annalena Baerbock dhe kryetare e partisë, që në ssondazhe në pranverë madje edhe kryesonte, mbetet jashtë grindjes mes Unionit dhe SPD në debatin 90 minutësh. Të dy burrat grinden, Baerbock hesht. Në disa tema debatohet për detaje: Mësimi pas kohës së krizës së Coronës? Ka pak nuanca ndryshimi në qëndrimet e kandidatëve. Baerbock nuk e refuzon parimisht një detyrim vaksinimi për disa grupe si mjekët e infermierët, Laschet dhe Scholz po.
Ku qëndron problemi me digjitalizimin në Gjermani? Baerbock thotë, se Unioni CDU/CSU në 16 vite në pushtet as luftën kundër ndryshimit të klimës dhe as digjitalizimin nuk e kanë kthyer në çështje prioritare të kancelares. Të Gjelbrit duan të investojnë 50 miliardë euro në infrastrukturë, zgjerimin e hekurudhës, në parqe eolikë. Tani duhet të veprohet, “ndryshe do të bëhet shumë shtrenjë më vonë”, thotë Baerbock. Më pak ambiciozë u shprehën Laschet dhe Scholz, të dy duan nuk ta rrisin shumë çmimin e benzinës.
Politika e jashtme? Afganistani? Nuk janë tema
Olaf Scholz
Dy javë para zgjedhjeve në Gjermanipo dominon politika e brendshme. Bëhet fjalë për pensionet, për tatimet, për burokracinë dhe idenë e sigurimit social qytetar. Ajo që shihet është, se SPD dhe Të Gjelbrit janë pranë në këto tema. Politika e jashtme nuk zë vend shumë të madh në këto debate, asnjë fjalë për Afganistanin, as për 20 vjetorin e sulmeve terroriste të 11 shtatorit. Edhe temat si armiqësia ndaj të huajve, antisemitizmi apo racizmi e përçarja e shoqërisë nuk preken në debat.
Ende në sondazhe 30% e votuesve janë të pasigurtë, se për kë do të vendosin në 14 ditët e ardhshme. Një sondazh i shpejtë pas gjysmës së parë të debatit televiziv të dielën nxorri Olaf Scholzin si fitues.
You may like
Bota
Kievi: Rusia ka grumbulluar 110,000 trupa pranë qytetit strategjik ukrainas
Published
1 day agoon
June 28, 2025By
UBTNews
Rusia ka grumbulluar 110,000 trupa në afërsi të Pokrovskut, si pjesë e përpjekjeve të saj për të marrë kontrollin e qytetit strategjik në lindje të Ukrainës, tha të premten shefi i ushtrisë ukrainase.
Oleksandr Syrskyi tha të premten se zona përreth Pokrovskut ishte “vendi më i nxehtë” përgjatë vijës së frontit prej 1,200 kilometrash (745 milje) që shtrihet në të gjithë lindjen.
Forcat ruse janë përpjekur të pushtojnë Pokrovskun për gati një vit , duke organizuar një ofensivë të ashpër pas tjetrës. Por, pavarësisht se ka një avantazh të qartë për sa i përket numrit të trupave dhe armëve në dispozicion, Moska nuk ka arritur ta marrë qytetin.
Pokrovsk është një objektiv strategjik për Moskën. Presidenti rus Vladimir Putin e ka bërë të qartë se qëllimi i tij është të pushtojë të gjitha rajonet lindore të Ukrainës, Donetsk dhe Luhansk, të cilat forcat e tij i kanë pushtuar pjesërisht.
Kievi dhe aleatët e tij akuzojnë presidentin rus, Vladimir Putin, për zvarritje të përpjekjeve për paqe, në mënyrë që forcat e tij të mund të pushtojnë më shumë territor ukrainas.
Edhe pse nuk është një qytet i madh, Pokrovsk ndodhet në një rrugë kyçe furnizimi dhe hekurudhë që e lidh atë me qendra të tjera ushtarake në zonë. Së bashku me Kostiantynivka, Kramatorsk dhe Sloviansk, ai formon shtyllën kurrizore të mbrojtjes ukrainase në pjesën e rajonit të Donetskut që është ende nën kontrollin e Kievit.

40 zjarre shpërthyen gjatë 24 orëve të fundit në Greqi, 33 prej të cilëve u shuan menjëherë në fazën e tyre fillestare, por zjarrfikësit ende po luftojnë me shtatë të tjerë që nga mbrëmja e së premtes.
Një zjarr në shkurre të ulëta në zonën Argithea të Peanias, Atikë, u vu nën kontroll të pjesshëm.
Sipas Departamentit të Zjarrfikësve, zjarri shpërtheu rreth orës 18:30 pranë një fshati dhe përfshiu një total prej 50 zjarrfikësish me dy njësi komandosh pyjore, 15 kamionë zjarrfikës dhe vullnetarë, dy aeroplanë dhe katër helikopterë.
Banorët e fshatit Boura Papangelaki në zonën e Peanias morën një paralajmërim përmes shërbimit të mesazheve të emergjencës 112 për të qenë në gatishmëri dhe për të ndjekur udhëzimet e autoriteteve, në rast se duhet të evakuohen, shkruabn ANA.
Oficerët lokalë të hetimit dhe hetuesit e Departamentit të Zjarrfikësve po hetojnë shkaqet e zjarreve.
Departamenti i Zjarrfikësve u bën thirrje të gjithë qytetarëve të jenë veçanërisht të kujdesshëm dhe të ndjekin direktivat e autoriteteve në rast zjarri.
Bota
Irani konfirmon vrasjen e një shkencëtari tjetër bërthamor në sulmet ajrore izraelite
Published
2 days agoon
June 27, 2025By
UBTnews
Irani konfirmoi sot vrasjen e një shkencëtari tjetër bërthamor gjatë sulmit të fundit ushtarak të Izraelit kundër vendit, raporton Anadolu.
Sipas agjencisë gjysmëzyrtare të lajmeve Tasnim, Universiteti i Shkencës dhe Teknologjisë i Iranit njoftoi se inxhinieri Soleiman Soleiman, i diplomuar në Departamentin e inxhinierisë kimike, u vra në sulmet izraelite.
Tasnim tha se Soleimani ishte një “shkencëtar bërthamor i Iranit i cili u vra në sulmet e regjimit sionist”.
Konfirmimi vjen pas pretendimit të Izraelit se ka vrarë 11 ekspertë bërthamorë dhe kishte goditur disa qendra kërkimore të lidhura me programin bërthamor të Teheranit si pjesë e një operacioni ushtarak 12-ditor.
Teherani nuk ka dhënë detaje të mëtejshme mbi rrethanat e vdekjes së Soleimanit ose vendndodhjen e saktë të sulmit.
Konflikti 12-ditor midis Izraelit dhe Iranit shpërtheu më 13 qershor pasi Izraeli nisi sulme ajrore ndaj caqeve ushtarake, bërthamore dhe civile iraniane, duke vrarë të paktën 606 persona dhe duke plagosur 5.332 të tjerë, sipas Ministrisë së Shëndetësisë së Iranit.
Teherani nisi sulme hakmarrëse me raketa dhe dronë ndaj Izraelit, duke vrarë të paktën 29 persona dhe duke plagosur më shumë se 3.400, sipas shifrave të publikuara nga Universiteti Hebraik i Kudsit.
Konflikti u ndal me një armëpushim të sponsorizuar nga SHBA-ja që hyri në fuqi më 24 qershor.
Bota
Gjykata refuzon të shtyjë gjykimin kundër Netanyahut
Published
2 days agoon
June 27, 2025By
UBTnews
Një gjykatë në Izrael refuzoi kërkesën e kryeministrit Benjamin Netanyahu, për të shtyrë dëshmimin e tij në gjyqin për korrupsion, pasi presidenti amerikan, Donald Trump, tha se ky rast gjyqësor duhet të anulohet.
Të enjten, avokati i Netanyahut i kërkoi gjykatës që të mos e thërriste kryeministrin për të dhënë dëshminë për dy javë, duke thënë se atij i duhet të përqendrohet në “çështje të sigurisë” pas luftës 12-ditore mes Izraelit dhe Iranit.
Gjykata e qarkut në Jerusalem tha në vendimin e publikuar online se “forma aktuale [e kërkesës së Netanyahut] nuk ofron bazë apo justifikim të detajuar për anulimin e seancave dëgjimore”.
Trump tha të enjten se gjykimi kundër Netanyahut ishte një “gjueti shtrigash”, duke shtuar se gjykimi “duhet të anulohet menjëherë ose të falet ky hero i madh”.
Netanyahu e ka falënderuar Trumpin për mbështetjen e tij në luftën e shkurtër të Izraelit kundër Iranit, që përfundoi me një armëpushim të arritur më 24 qershor.
Kryeministri izraelit ka mohuar çdo keqbërje dhe mbështetësit e tij e kanë përshkruar gjykimin si të motivuar politikisht.
Në rastin e parë penal, ai dhe gruaja e tij, Sara, akuzohen se kanë pranuar më shumë se 260.000 euro në formë të dhuratave luksoze sikurse cigare, bizhuteri dhe shampanja nga miliarderë në këmbim të favoreve politike.
Në dy raste të tjera, Netanyahu akuzohet se tentoi të negocionte mbulim më favorizues nga dy media izraelite.
Gjatë mandatit aktual, që e ka nisur në fund të vitit 2022, Qeveria e Netanyahut kishte propozuar një sërë reformash gjyqësore që kritikët thanë se ishin të dizajnuara që të dobësonin rolin e gjykatave.
Netanyahu ka kërkuar disa herë shtyrje që kur nisi gjykimi ndaj tij në maj të vitit 2020, duke përmendur si arsyetim luftën në Gazë që nisi më 2023 dhe më pas luftimet në Liban, si dhe gjatë këtij muaji konfliktin me Iranin./REL

KQZ hap periudhën për ndërrimin e Qendrës së Votimit për zgjedhjet lokale

Serbët festojnë Vidovdanin mes masave të shtuara të Policisë së Kosovës

Kievi: Rusia ka grumbulluar 110,000 trupa pranë qytetit strategjik ukrainas

40 zjarre shpërthejnë në Greqi

PDK me kërkesë të qartë, zhbllokimi i Kuvendit sipas Kushtetueses
Trump flet sërish për Kosovën e Serbinë: Ishin gati për luftë të madhe, unë e ndala
Kriza politike, sot takimi i liderëve

Irani konfirmon vrasjen e një shkencëtari tjetër bërthamor në sulmet ajrore izraelite

Gjykata refuzon të shtyjë gjykimin kundër Netanyahut
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT4 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT organizon debat rreth zgjerimit të BE-së dhe ruajtjes së vlerave evropiane