Lajmet

Gjermani: Çmimet e parkimit në varësi të madhësisë së makinës

Makinat më të vogla do të tarifohen me 120 euro.

Published

4 years ago

October 20, 2021

Betim Gashi

Pronarët e makinave në Tubingen, një qytet në Gjermaninë jugperëndimore do të shohin që kostot e tyre do të rriten ndjeshëm.

Në parkingjet në qendër të qytetit do të vendosen tarifa të reja, të cilat do të bazohen në madhësinë që ka makina. Kjo është pjesë e një politike për ta bërë drejtimin e një makine më të shtrenjtë dhe për të nxitur udhëtimin me autobus ose tren, sipas Euronews.al.

Ndërsa çmimi ka qenë 30 € në vit për çdo pronar makine, ata që kanë makina të mëdha nga janari do të duhet të paguajnë një shumë prej 180 eurosh.

Makinat më të vogla do të tarifohen me 120 euro, kosto e rritur katërfish. Një ide e tillë ka shkaktuar reagime të ndryshme

“Kjo është e pakuptimtë, një makinë është një makinë. Ata që kanë nevojë për një hapësirë të mendojnë ndryshe, unë mendoj se është një kufizim,” – u shpreh një qytetar.

“Ato janë të mëdha, të rënda, janë të pista dhe bllokojnë edhe më shumë trafikun. Kur ato do të duhet të paguanin dy herë, do ta dukej edhe më mirë,” – u shpreh një tjetër.

Autoritetet synojnë të shpëtojnë qytetin nga dioksidi i karbonit deri në vitin 2030 dhe thonë se kanë si qëllim zgjerimin e transportit lokal që kushton më lirë.

Aktualitet

Irani ka lëshuar mbi 100 dronë drejt Izraelit

Published

1 hour ago

June 13, 2025

Albina Zeneli

Një zëdhënës i ushtrisë izraelite tha se Irani ka lëshuar më shumë se 100 dronë drejt Izraelit gjatë orëve të fundit, pasi vendi premtoi hakmarrje për sulmet izraelite.

Zëdhënësi tha se 200 aeroplanë luftarakë izraelitë morën pjesë në sulmet kundër më shumë se 100 objektivave në Iran gjatë natës.

Sipas reuters, ai tha se Izraelin e presin “disa orë të vështira”. Sirena ajrore ranë paraprakisht në Izrael, ndërsa vendi u përgatit për hakmarrjen.

Në reagim të menjëhershëm pas sulmit, udhëheqësi suprem i Iranit tha se Izraeli “duhet të presë një ndëshkim të ashpër”.

“Regjimi sionist i ka sjellë vetes një fat të hidhur dhe të dhimbshëm, dhe me siguri do të përballet me të”, u shpreh ai.

Ndryshe, Izraeli ka nisur një fushatë të paprecedentë sulmesh ajrore mbi territorin iranian, në një operacion të koduar “Luanin që Ngrihet” (Operation Rising Lion), duke goditur objektiva strategjike që përfshijnë uzina bërthamore, baza ushtarake dhe ndërtesa të lidhura me Gardën Revolucionare Iraniane.

Lajmet

Vijon gjykimi për rastin “Banjska”, dëshmojnë dy zyrtarë policorë

Published

2 hours ago

June 13, 2025

UBTNews

Po mbahet seanca gjyqësore në rastin “Banjska”, ku sot pritet të dëgjohen dëshmitë e dy zyrtarëve policorë, Fahri Shala dhe Sedat Dushi.

Të akuzuarit Dushan Maksimoviq, Blagoje Spasojeviq dhe Vladimir Toliq, të cilët ndodhen në masë paraburgimi, u sollën në seancë nën masa të rrepta sigurie.

Më 11 shtator 2023, kryeprokurori i Prokurorisë Speciale të Kosovës, Blerim Isufaj, kishte konfirmuar aktakuzën për këtë rast, në të cilin mbeti i vrarë rreshteri i Policisë së Kosovës, Afrim Bunjaku.

Deri më tani, në këtë proces gjyqësor kanë dëshmuar edhe zyrtarët policorë Avni Shala, Elez Peci, Mirsad Kryeziu, Çlirim Shaqiri dhe Alban Rashiti.

Lajmet

Presidentja Osmani pritet në takim nga Perandori i Japonisë

Published

2 hours ago

June 13, 2025

UBTNews

Presidentja e Republikës së Kosovës, Vjosa Osmani, është takuar me Lartmadhërinë e Tij, Perandorin e Japonisë, gjatë vizitës së saj zyrtare në Tokio.

Në këtë takim, Presidentja Osmani theksoi lidhjet e veçanta dhe miqësinë e qëndrueshme mes Kosovës dhe Japonisë, të ndërtuara mbi vlerat e përbashkëta, respektin dhe besimin e ndërsjellë.

Ajo shprehu mirënjohjen e popullit të Kosovës për mbështetjen e vazhdueshme që Japonia ka dhënë ndër vite, si dhe falënderoi Perandorin për mikpritjen.

Në fund të takimit, Presidentja uroi popullin japonez për mirëqenie, shëndet dhe zhvillim të mëtejshëm.