Kulturë
Gjëra që s’duhet t’i vishni kurrë nëse do udhëtoni me avion
Këshilla për t’i bërë udhëtimet tuaja.
Pavarësisht nëse jeni duke zgjedhur një veshje për një fluturim të shkurtër apo për një distancë të gjatë, është e rëndësishme që të ndiheni rehat dhe në të njëjtën kohë të qëndroni “larg telasheve”. Më poshtë gjeni disa këshilla për t’i bërë udhëtimet tuaja sa më të rehatshme duke ju treguar se çfarë nuk duhet të vishni. Fluturim të mbarë!
1. Rroba të ngushta
Xhinset tuaja të ngushta mund t’ju duken shumë mirë në trup, por mund ta bëjnë fluturimin e pakëndshëm. Zgjidhni diçka që lejon qarkullimin e duhur të gjakut.
2. Lente kontakti
Në një avion, lagështia mesatare mund të arrijë deri në 20%, gjë që do t’i bëjë lentet tuaja të thahen dhe të shkaktojnë acarim në sy. Nëse keni një fluturim të gjatë, rekomandohet që t’i hiqni lentet, veçanërisht nëse do të flini.
3. Materiale që mund të marrin flakë shpejt
Edhe pse emergjencat e fluturimit janë të pazakonta, është gjithmonë mirë të jesh i përgatitur. Disa materiale ose detaje veshjesh si thekët apo pëlhurat shumë të holla, nëse mundeni, ndosha do ishte mirë t’i evitonit.
4. Takat e larta
Siguria e aeroportit do t’ju kërkojë të hiqni këpucët. Jo vetëm që pjesa e takës mund të përdoret potencialisht për të ruajtur sende të ndaluara, por shpesh këpucët me takë kanë një bazë metalike, që do të ndezë alarmin. Askujt nuk i pëlqen të qëndrojë zbathur në dyshemenë e aeroportit. Për më tepër, këmbët tuaja mund të fryhen gjatë fluturimit, kështu që këpucët e ngushta duhet të shmangen. Edhe një herë: Vishni diçka të rehatshme.
5. Edhe nëse është verë, në avion do të jetë freskët
Fluturimet shpesh mbahen në anën më të ftohtë për të parandaluar, në rastet më ekstreme, të fikëtit. Fakti që nuk lëvizni, do t’ju bëjë të keni edhe më shumë ftohtë. Prandaj, kini parasysh këtë kur të përzgjidhni veshjen.
6. Aksesorë metalikë, ose veshjet që kanë copëza metalike
Mund të ketë metal në vendet që nuk do t’i prisnit, të tilla si këpucët, mbështjellësit e çamçakëzit dhe telat e brendshëm në reçipeta. Nëse nuk i keni këto, do të kaloni shumë më shpejt në sigurinë e aeroportit.
7. Veshjet e komplikuara
Nuk do donit ta gjenit veten në tualetet e ngushtë të avionit, duke u përpjekur të hiqni jumpsuit-in tuaj. Duke menduar këtë dhe faktin që do qëndroni ulur për ca orë, zgjidhni veshjet më të rehatshme.
8. Parfum
Teksa fluturoni, do të jeni në një zonë të vogël, por të mbushur plot. Shmangni parfumet e rënda për hir të bashkëudhëtarëve tuaj.
9. Pëlhura që sjellin kruarje
Vishni materiale me të cilat mund të merrni frymë lirisht dhe që nuk ju acarojnë lëkurën, për shembull në zonën e fytit, siç ndodh me bluza/veshje të caktuara.
10. Bluza me tekst ose grafike fyese
Ka njerëz që u është ndaluar të vazhdojnë fluturimin për shkak të mënyrës së veshjes. Arsyet mund të jenë të shumëfishta: Shumë dekolte, bluzë me shkrim ofendues, këmbë të zhveshura etj. Edhe pse disa nga këto vendime janë të diskutueshme, përpiquni të qëndroni të arsyeshëm kur zgjidhni veshjen tuaj.
Në kuadër të aktiviteteve të Ditëve të Artit dhe Dizajnit, Fakulteti i Artit dhe Dizajnit në UBT do të organizojë një aktivitet të veçantë kulturor dhe akademik në bashkëpunim me Ambasadën e Japonisë në Kosovë dhe Asociacionin e Miqësisë Kosovaro-Japoneze.
Aktiviteti do të mbahet më 26 maj 2026, duke filluar nga ora 11:00, në Parkun Shkencor, Inovativ dhe Teknologjik të UBT-së në Lipjan, dhe do të sjellë diskutime, prezantime dhe ligjërata që ndërlidhin kulturën, artin dhe zhvillimet moderne të Japonisë.
Ngjarja do të hapet me fjalën përshëndetëse të dekanes së Fakultetit të Artit dhe Dizajnit, Prof. Dr. Ariana Gjoni, ndërsa më pas pjesëmarrësit do t’i drejtohen me fjalë rasti Prof. Afërdita Statovci dhe përfaqësuesja e Asociacionit të Miqësisë Kosovaro-Japoneze, znj. Luljeta Arifi.
Pjesë qendrore e aktivitetit do të jetë ligjërata me temën “Japonia në Ditët Moderne”, e cila do të mbahet nga z. Hiroyasu Tanigaki nga Ambasada e Japonisë në Kosovë, duke ofruar një pasqyrë mbi zhvillimin, kulturën dhe ndikimin modern të Japonisë në botë.
Ky aktivitet synon të forcojë bashkëpunimin kulturor dhe akademik ndërmjet Kosovës dhe Japonisë, si dhe të krijojë hapësira frymëzuese për studentët dhe pjesëmarrësit në kuadër të Ditëve të Artit dhe Dizajnit në UBT.
Ditari: Lajmet kryesore që shënuan datën 25 maj – 1993-1998?
Humb jetën një 7-vjeçar në Elbasan pasi u përplas nga një veturë
Guardiola mbyll epokën e artë te Manchester City
REL: Kongresistët amerikanë në Ballkan, vizitë edhe në Preshevë
Përfshihet nga flakët një kompleks banesor në Tiranë, shkaku dyshohet një shkëndijë elektrike
Mundësi për marrëveshje SHBA–Iran, por paqartësitë mbeten të mëdha
Natë zhgënjyese për Juventus F.C. dhe AC Milan, mbesin jashtë Championsit
Monica Bellucci shkëlqen në Kanë me fustan elegant të Fendi
Ermonela Jaho nderohet me titullin prestigjioz francez “Chevalier des Arts et des Lettres”
-
Lajmet3 months agoKoordinatorja e projektit AKIL-EU në UBT, prof. Manjola Zaçellari, referon në University of Oxford
-
Lajmet3 months agoPërfundon seanca e sotme në Hagë për pengim të drejtësisë
-
Opinione3 months agoAvdimetaj: Ekonomia e Kosovës e rrezikuar nga luhatjet në tregut ndërkombëtar
-
Lajmet2 months agoProf. Dr. Marigona Bekteshi Ferati, recensuese e 20 punimeve shkencore në revista ndërkombëtare të indeksuara në Web of Science dhe Scopus (Q1)