Shëndeti

Gjashtë ushqime që mund t’i hani pa shtuar peshë

Është me rëndësi të zgjidhni me mençuri se çfarë do të hani.

Published

3 years ago

June 7, 2022

Betim Gashi

Shkencëtarët dhe mjekët kanë sugjeruar se është e dobishme dhe madje e nevojshme të hahet në mbrëmje.

Megjithatë për të shmangur ndjenjën e të ngrënit të tepërt dhe problemet e mundshme me stomakun dhe shtimin në peshë, është e rëndësishme të zgjidhni me mençuri se çfarë do të hani, duke marrë parasysh madhësinë e porcionit.

Vezët

Vezët janë një burim i proteinave të plota që përmbajnë aminoacide esenciale dhe japin shpejt një ndjenjë të ngopjes. Omëletat janë gjithashtu një opsion i mirë për darkë, por vetëm nëse i gatuani me një sasi minimale vaji (ose pa vaj).

Djathë dhe rrush

Një pjesë e vogël e djathit është vetëm rreth 100 kalori, dhe sjell shumë kënaqësi dhe përfitime në formën e triptofanit, proteinave dhe kazeinës. Në veçanti, kazeina mund t’ju ndihmojë të ndiheni më të kënaqur dhe është e mirë për shëndetin e muskujve nëse e merrni para gjumit. Pak rrush, i cili është i pasur me melatonin, mund të ketë një efekt të dobishëm në gjumë.

Mishi i gjelit të detit

Për njerëzit që preferojnë një vakt më të rëndë, mund të themi se gjeli i detit është një depo e vërtetë e triptofanit dhe proteinave të shëndetshme. Është më mirë të zgjidhni këtë produkt në vend të pulës, sepse trupi ynë e ka më të lehtë për tu tretur.

Humus me shkopinj perimesh

Baza e kësaj pjate janë qiqrat. Qiqrat janë të pasura me vitaminë B6 e cila është e rëndësishme për sintezën e serotoninës. Nëse vendosni për një meze të lehtë të natës vonë, shtesa më e mirë për këtë pjatë të pasur janë kastraveci, kungull i njomë ose karota.

Misër i gatuar

Për një meze të lehtë të natës vonë, është më mirë të zgjidhni misër të zier në vend të misrit të konservuar. Ky produkt mund të ndihmojë në largimin e kolesterolit të tepërt nga trupi. Dhe mbani mend që të mos shtoni shumë kripë.

Peshku

Për një darkë të vonë, është më mirë të zgjidhni peshk me vaj. Për shembull, ju mund të zgjidhni merluc të pasur me lëndë ushqyese si acidet yndyrore omega-3 të njohur për aftësinë e tyre për të zbërthyer yndyrat. Proteina në peshk është gjithashtu e mirë për metabolizmin.

Shëndeti

Ushqimet më të mira kundër fryrjes së stomakut

Published

2 days ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

2 days ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!