Kulturë

Gjashtë strategji për të përmirësuar marrëdhëniet me klientët

Rreth një vit më parë, fillova të studioja strategjitë e marrëdhënieve të klientëve që implementojnë kompanitë shqiptare.

Published

on

Gjatë viteve, kompanitë shqiptare kanë zbatuar teknologji inovative, duke zhvilluar burime të reja dhe aftësi për të tërhequr dhe mbajtur klientët me anë të strategjive CRM (Customer Relationship Management).

Ata kanë kuptuar se për arritjen e suksesit në një mjedis konkurues biznesi, duhet të përqëndrohen në mbajtjen e një marrëdhënie pozitive me klientët, duke zbatuar strategji efektive që çojnë në kënaqësinë dhe besnikërinë e klientit.

Rreth një vit më parë, fillova të studioja strategjitë e marrëdhënieve të klientëve që implementojnë kompanitë shqiptare të telekomunikacionit dhe ndikimin e tyre në kënaqësinë dhe besnikërinë e klientëve. Zgjodha industrinë e telekomunikacionit sepse karakterizohet nga një konkurencë e fortë dhe është interesante të analizohet se si ndryshimet e tyre në strategji mund të formojnë performancën e tyre të biznesit.

Disa nga zbulimet kyçe mbi mënyrën se si Vodafone dhe Telekom janë duke maksimizuar marrëdhëniet me klientët i gjeni në vijim:

– Ata i përdorin platformat si pjesë integrale e strategjisë së tyre të biznesit. Ata janë duke përdorur sistemet CRM si një strategji kryesore për të kuptuar më mirë klientët e tyre, duke analizuar sjelljet e konsumatorëve dhe duke përdorur CRM për menaxhimin efektiv të marrëdhënieve për të gjeneruar më shumë kënaqësi dhe besnikëri ndaj klientit. Ata mësojnë më shpejt rreth tyre dhe e vënë atë mësim në veprim më shpejt se konkurrentët. Një nga avantazhet kryesore konkuruese është fokusi i tyre në menaxhimin efektiv të klientëve për të gjeneruar marrëdhënie afatgjata, si një nxitës kryesor i rritjes dhe përfitimit të qëndrueshëm.

– Ata ofrojnë një eksperiencë të mrekullueshme për konsumatorët. Strategjia e tyre e biznesit është e fokusuar në dhënien e një përvoje të kënaqshme për konsumatorët. Të gjitha aktivitetet e CRM që përfshijnë departamentet e marketingut, shitjes janë pjesë përbërëse e të kuptuarit të nevojave të klientëve, si suksesi i tyre themelor i biznesit. Ata kanë hartuar një strategji efektive në detaje, një përshkrim i të gjithë eksperiencës që kompania dëshiron t’i japë klientëve të saj. Ata e kuptojnë se eksperiencat e paharrueshme dhe pozitive janë thelbësore për kënaqësinë e klientit dhe besnikërinë e tij. Ata po i kushtojnë më shumë kohë aktiviteteve të tilla si kujdesi ndaj konsumatorëve dhe menaxhimi i klientëve, gjetja e zgjidhjeve për problemet e tyre, konsultimi dhe analizimi i klientëve të tyre kryesorë, si dhe ofrimi i paketave dhe ofertave që personalizohen sipas nevojave të tyre.

– Ata arrijnë rezultate më të larta në aktivitetet kyçe. Nëpërmjet këtyre platformave, ata u mundësojnë menaxherëve të shitjeve që të tërheqin më shumë konsumatorë, të menaxhojnë dhe të zhvillojnë në mënyrë efektive klientët e tyre ekzistues, të krijojnë marrëdhënie afatgjata duke ofruar përvojë më të lartë të konsumatorëve, si dhe duke rifituar klientët e tyre të humbur duke rivendosur me sukses marrëdhënie pozitive me ta.

– Ata i kuptojnë më mirë klientët e tyre. Këto kompani vlerësojnë opinionin e klientëve dhe inkurajojnë feedback-un e tyre. Ata po përdorin mënyra efektive për vlerësimin e shërbimit të tyre dhe marrjen e feedback-ut direkt nga klientët. Ata e dinë se çfarë e udhëheq besnikërinë e klientit. Duke njohur klientët e tyre ata mund të menaxhojnë dhe përmirësojnë vazhdimisht marrëdhëniet me ta, si dhe të merren më shpejt me ankesat. Ata menaxhojnë vazhdimisht problemet dhe përqendrohen në krijimin e një ‘customer experience’ që rrit kënaqësinë.

– Implementojnë strategji efektive të marrëdhënieve me klientët. Me mjetet e platformave CRM, ato po i shtojnë më shumë vlerë departamenteve të marketingut dhe shitjeve duke lehtësuar dhe siguruar shumë aktivitete të rëndësishme. Ata sigurojnë një eksperiencë unike për klientin duke organizuar aktivitete rreth nevojave të tyre.
Ata fuqizojnë punonjësit e tyre. Ata fokusohen në zhvillimin e burimeve njerëzore, aftësive dhe motivimit të tyre për të përdorur këto platforma menaxhimi si mjete efektive për të ofruar përvojë pozitive për klientët dhe për të menaxhuar në mënyrë efektive marrëdhëniet me ta. Ata kanë një fokus të qartë në menaxhimin, udhëheqjen dhe fuqizimin e punonjësve të tyre duke pajisur me mjetet e duhura për të ndërtuar marrëdhënie afatgjata me klientët dhe për të rritur kënaqësinë dhe besnikërinë e klientit.

Si përfundim menaxhimi efektiv i marrëdhënieve me klientët ka një ndikim pozitiv në ecurinë e biznesit. Kompanitë e suksesshme si Vodafone dhe Telekom janë duke i përdorur ato për të diferencuar dhe për të arritur vazhdimisht më shumë pjesë të tregut. Ata e dinë se klientët e kënaqur paguajnë përsëri me besnikërinë e tyre dhe janë të gatshëm të rekomandojnë miqtë e tyre. Shërbimi me cilësi të lartë i ofruar nga punonjësit e tyre është përparësia kryesore konkurruese që u ka dhënë atyre kënaqësinë maksimale të klientëve, besnikërinë dhe rritjen e qëndrueshme. (Renato Civili/Businessmag.al)

Magazinë

Anulohet koncerti i Kanye West në Korenë e Jugut

Published

on

Kompania koreano-jugore e tregtisë elektronike Coupang ka anuluar koncertin e Kanye West të planifikuar për në fund të majit “për shkak të polemikave të fundit që përfshijnë artistin”, tha kompania dhe një shitës biletash të hënën.

Coupang dhe pika e shitjes së biletave Interpark nuk dhanë hollësi mbi polemikat që përfshijnë West, i cili tani njihet si Ye, shkruan Reuters.

Polemika e fundit e reperit amerikan përfshin një këngë të publikuar këtë muaj të titulluar “Heil Hitler”, e cila vlerëson liderin nazist dhe arkitektin e Holokaustit.

Continue Reading

Magazinë

Denzel Washington nderohet nga Spike Lee në premierën e ‘Highest 2 Lowest’ në Kanë

Published

on

Spike Lee dhe Denzel Washington kanë përshkuar një rrugë të gjatë së bashku. Bashkëpunimi mes regjisorit dhe aktorit ka zgjatur për më shumë se 35 vjet, duke filluar me filmin Mo’Better Blues dhe përfshirë kryeveprën Malcolm X.

Një gjë që nuk e kishin përjetuar kurrë ishte ngjitja së bashku në tapetin e kuq të Festivalit të Filmit në Kanë — deri tani.

Kjo ndryshoi kur Lee prezantoi premierën e filmit të ri Highest 2 Lowest në Croisette.

Ky është bashkëpunimi i pestë dhe shënon herën e parë që Denzel Washington merr pjesë në Kanë si aktor kryesor, që prej paraqitjes së tij në Much Ado About Nothing në vitin 1993.

Duke e ndjerë rëndësinë e këtij momenti, drejtori i përgjithshëm i festivalit, Thierry Frémaux, njoftoi para shfaqjes së filmit se Denzel Washington do të nderohej me Palmën e Artë për arritje në karrierë.

Një video emocionuese që përshkruante momentet më të rëndësishme të fituesit të dyfishtë të Çmimit Oscar u shfaq para më shumë se 2,000 të pranishmëve në Teatrin Grand Lumière. Publiku shpërtheu në duartrokitje, gjatë skenave nga interpretimi legjendar i Washington në rolin e Alonzo Harris në Training Day (2001).

Pas kësaj, Washington doli në skenë me Spike Lee-n, i cili kishte veshur kostum me vija të holla në ngjyrat e Knicks-ave — një homazh i mundshëm për veshjen që kishte mbajtur gjatë xhirimeve të Malcolm X. Washington, i emocionuar, pranoi çmimin duke thënë:

“Ju lutem, uluni,” iu drejtua audiencës mes duartrokitjeve.  “Kjo ishte surprizë për mua e ndihem i prekur. Faleminderit nga zemra. Ishte një privilegj i madh të bashkëpunoja sërish me vëllain tim, vëllain nga një nënë tjetër, Spike.”

Filmi i tyre i ri, Highest 2 Lowest, është rishpikje e guximshme e klasikës së vitit 1963 nga Akira Kurosawa, High and Low.

Në versionin origjinal, Toshirō Mifune interpretonte një biznesmen të fuqishëm japonez që përfshihet në një dramë rrëmbimi. Në adaptimin e Lee-t, ngjarja zhvendoset në Nju Jork, ku Denzel Washington luan David King, një mogul muzike i njohur për instinktin e tij të pakrahasueshëm.

Jeffrey Wright luan rolin e shoferit të King, një ish-i dënuar me një të kaluar të trazuar. Ndërkohë, A$AP Rocky debuton në një rol të rëndësishëm si Yung Felon, një reper i ri që përpiqet të tërheqë vëmendjen e King. Partnerja e Rocky-t, Rihanna, ishte gjithashtu e pranishme në premierë për të mbështetur filmin.

Pas përfundimit të filmit, publiku shpërtheu në duartrokitje të gjata në këmbë. Megjithatë, Washington nuk qëndroi për fundin e shfaqjes. Ai u largua pas marrjes së çmimit për t’u kthyer në Broadway, ku luan në një prodhim të Othello-s.

“Nuk mund të dalësh nga e njëjta derë nga e cila hyre.” Duket se Washington e mori këtë këshillë për zemër.

Highest 2 Lowest do të shfaqet në kinematë amerikane më 22 gusht dhe do të transmetohet në Apple TV+ më 5 shtator.

Festivali i Filmit në Kanë përfundon më 24 maj.

Continue Reading

Lifestyle

Çfarë bëjnë ndryshe njerëzit e suksesshëm? Sekreti që fshihet në zakonet e vogla

Published

on

A është suksesi një mister i madh, apo një grumbull zakonesh të vogla që përsëriten çdo ditë.

Nuk ka një formulë të vetme, por një gjë është e qartë: njerëzit që ndërtojnë rrugën drejt suksesit nuk presin motivimin – ata mbështeten te rutina.

Në dukje e thjeshtë, por e fortë: kjo është forca e zakoneve të përditshme. Zgjohet herët, vendosin kufij të qartë, kanë një mënyrë të tyre për të menaxhuar stresin dhe nuk lënë vend për vendime spontane kur bëhet fjalë për mirëqenien.

Por ndoshta më e rëndësishmja, dinë të zgjedhin më mirë, sidomos në ato momente kur tundimi për t’u kthyer te “e vjetra” është më i fortë se logjika.

Në jetën reale, këto momente duken ndryshe për secilin prej nesh. Stresi në punë pas një takimi të vështirë. Një trafik i pafund që shteron durimin. Një dalje me miqtë ku rutina merr përparësi ndaj zgjedhjes. Janë këto çaste — të vogla, të përsëritshme, ndonjëherë të padukshme  që formojnë drejtimin tonë.

Psikologët i quajnë “mikro-zgjedhje”. Në praktikë, janë vendime të vogla që përcaktojnë nëse jemi në linjë me versionin më të mirë të vetes, apo thjesht po përsërisim një zakon që nuk na shërben më.

Për shumë të rritur që ndodhen në këtë udhëkryq të zakonshëm, të vazhdojnë me të njëjtën rutinë apo të provojnë një alternativë më të përshtatshme — zgjedhja për të kaluar nga cigaret tek një teknologji si IQOS është bërë pjesë e këtij transformimi. Jo si një vendim i madh, por si një zakon i ri që përputhet më shumë me identitetin e tyre dhe zgjedhjet më të mira.

Nëse sheh përtej fasadës së arritjeve, njerëzit e suksesshëm nuk janë perfektë por të vetëdijshëm.

Ata zëvendësojnë zakone që nuk përputhen më me vlerat e tyre, qoftë një mënyrë reagimi, mënyrë pushimi, apo edhe zgjedhje që dikur dukej e padëmshme, por tani ndjehet e tepërt.

Në fund, suksesi nuk vjen gjithmonë me fanfara. Ndonjëherë, lind në heshtje, kur zgjedh diçka ndryshe nga dje.

Një zakon i ri. Një mënyrë tjetër për të filluar ditën. Ose thjesht një vendim i vogël që përputhet më shumë me ty.

Dhe ndoshta, aty ku fillon edhe transformimi i vërtetë.

Continue Reading

Magazinë

Një horror në Netflix po lë pa fjalë shikuesit: Ç’dini për Brand New Cherry Flavor?

Published

on

Nëse jeni në kërkim të një seriali horror që nuk ngjan me asgjë tjetër që keni parë më parë, atëherë “Brand New Cherry Flavor” mund të jetë pikërisht ajo që ju duhet.

Pavarësisht se ka kaluar thuajse i pavërejtur kur u publikua në vitin 2021, seriali po përjeton një “rilindje” të vonuar falë komenteve virale në Reddit dhe valës së re të shikuesve që po e zbulojnë tani.

Me Rose Salazar në rolin kryesor, ngjarja ndjek një regjisore të re që arrin në Los Angeles në vitet ‘90 me ëndrrën për të bërë një film horror. Por shpejt e gjen veten të zhytur në një botë të errët, të çuditshme dhe plot magji, ku hakmarrja, ritualet dhe halucinacionet bëhen realitet.

Komentet e fansave janë të qarta: ky është një nga serialet më të çuditshëm dhe më tronditës të Netflix, dhe është pikërisht kjo arsyeja pse po pëlqehet aq shumë. “Është seriali më i frikshëm që kam parë ndonjëherë. I errët, vizualisht i mrekullueshëm dhe absolutisht i pazakontë,” shkruan një përdorues në IMDb, ku ka një vlerësim prej 8/10.

Ndryshe nga frikat klasike apo serialet me përbindësha të zakonshëm, “Brand New Cherry Flavor” eksploron anën më të thellë dhe më të turbullt të psikikës njerëzore, duke dhënë ndjesinë e një ëndrre të frikshme nga e cila nuk zgjohesh dot.

Seriali është i disponueshëm në Netflix. Ndoshta nuk është për të gjithë, nëse guxoni ta shihni, gjasat janë që nuk do ta harroni kurrë.

Continue Reading

Të kërkuara