Shëndeti

Gjashtë profesionet që mund t’i bëjnë njerëzit me fobi sociale

Kjo është një dukuri që ndikon në të gjithë sferat e jetës, por sidomos gjatë gjithë proceseve të punësimit.

Published

2 years ago

October 14, 2022

Betim Gashi

Ankthi social ose siç njihet ndryshe si fobia sociale, është një çrregullim që e vuajnë shumë persona gjatë jetës së tyre. Kjo është një dukuri që ndikon në të gjithë sferat e jetës, por sidomos gjatë gjithë proceseve të punësimit. Ajo ju bën të ndiheni sikur jeni gjatë gjithë kohës nën vëzhgim, por edhe të gjykuar nga të tjerët. Kjo bën që të ndiheni në stres, si të pavlerë, të sëmurë e në fund të izoluar.

A dëshironi ta dini nëse bëni pjesë në këtë grup të njerëzve? Atëherë këto janë disa nga simptomat e këtij çrregullimi:

1. Rrahje të shpejtë të zemrës;

2. Tensioni i muskujve;

3. Marramendje;

4. Ndjesi e të vjellit;

5. Skuqje në fytyrë dhe kraharor;

6. Djersitje e duarve dhe në fytyrë;

7. Ndjesi shqetësimi në stomak dhe diarre;

8. Pamundësi për të marrë frymë mirë;

9. Nxehtësi ose ftohtësi në trup;

10. Dridhje e duarve, këmbëve;

11. Të folurit bëhet i pakuptueshëm nga dridhjet, frymëmarrja jo e mirë dhe ngarkesa emocionale

Edhe pse këto simptoma kanë nevojë për trajtim për ta “rregulluar” këtë çrregullim të ankthit shoqëror, janë disa punë të cilat mund t’i bëni për t’ju përshtatur.

Kontabilist

Kontabilistët përgatisin regjistrime financiare për kompanitë dhe bizneset. Janë të mirëorganizuar dhe të përqendruar në detaje. Ata mund të punojnë në grupe, por po aq mirë edhe vetëm.

Bibliotekist

Bibliotekistët menaxhojnë informacione, por edhe i ndihmojnë njerëzit të gjejnë materiale për hulumtimet e tyre personale dhe profesionale të fushës. Detyrat e tyre të punës mund të ndryshojnë, bazuar në llojin e punës që e bëjnë, por edhe në çfarë lloj bibliotekash ose librarish punojnë, shembull në ato publike, të shkollës, apo libraritë mjekësore.

Zhvillues të softuereve

Këta profesionistë janë mendjet kreative pas programeve kompjuterike. Disa krijojnë aplikacione, të cilat i lejojnë njerëzit të bëjnë detyra specifike në kompjuter dhe pajisje tjera. Parashikohet që deri në vitin 2029 kërkesa e tregut për zhvilluesit e softuerëve do të rritet deri në 22%.

Profesionistët e statistikave

Këta profesionistë mbledhin dhe analizojnë të dhëna duke i aplikuar teknikat matematikore dhe statistikore, për të zgjidhur probleme. Ata dizajnojnë gjetje, pyetësorë dhe sondazhe për të mbledhur të dhëna. Edhe kjo është po ashtu një punë që ka të ardhme të ndritur, sepse parashihet që deri në vitin 2029 të ketë rritje prej 33%.

Përkthyes

Përkthyesit i kthejnë informacionet prej një gjuhe në një gjuhë tjetër. Në ditët e sotme pothuajse e gjithë puna e tyre është kthyer në përkthyes përmes mjeteve elektronike. Gjersa disa përkthyes punojnë si punonjës të pavarur, duke kryer shërbime për klientë të ndryshëm në të njëjtën kohë, ata mund të punësohen edhe në ndonjë kompani ose ndonjë institucion me punë të plotë ose të pjesshme, për t’i ndihmuar njerëzit të kuptohen qoftë drejtpërdrejt ashtu edhe përmes materialeve.

Shkrues

Shkruesit krijojnë përmbajtje për lloje të ndryshme të mediave, përfshirë këtu marketingun, blogjet, librat, magazinat, po aq mirë edhe për filmat dhe titrat televizive. Shumë shkrues janë të vetëpunësuar, mjafton ta kenë një kompjuter dhe të kenë talent në të shkruar.

Ndonëse nga Byroja e Statistikave të Punës të SHBA-ve është parashikuar që puna e tyre do të bjerë për 2% deri në vitin 2029, ata ende mund të përshtaten me të gjitha format e mediave dhe të shkruajnë për to./Akademi Pune/

Related Topics:marramendje profesione stres tension

Up Next

Alergjitë e vjeshtës dhe astma, si mund të ndikojnë në shëndetin tuaj dhe çfarë të bëni

Don't Miss

Si ta kuptoni nëse vuani nga magnezi?

Shëndeti

Pse peshku është më i mirë se mishrat e tjerë?

Published

1 day ago

January 29, 2025

Albina Zeneli

Mishi i peshkut, ndryshe nga mishrat e tjerë, përmban me shumicë acide yndyrore të pangopura të emërtuara si 11-13 dhe Omega-3.

Yndyrat të cilat përmbajnë shumë acide yndyrore të pangopura, janë më pak të rrezikshmet sa i përket shëndetit të zemrës dhe të enëve të gjakut. Vajrat bimore përmbajnë më shumë acide yndyrore të pangopura krahasuar me vajrat shtazore më i miri është vaji i peshkut.

Acidet yndyrore të vajit të peshkut luajnë rol të rëndësishëm në sistemin nervor dhe në shëndetin e trurit të fëmijëve.

Në rastet kur këto acide mungojnë në periudhën e foshnjërisë, në moshat e mëvonshme mund të vihet re prirje drejt depresionit.

Studimet kanë zbuluar se konsumi i peshkut te të rriturit luan rol të rëndësishëm në mbrojtjen e shëndetit të zemrës dhe të enëve të gjakut.

Fakti që acidet yndyrore gjenden edhe në qumështin e nënës, është mëse i mjaftueshëm për të kuptuar rëndësinë e vajit të peshkut.

Ky ushqim i pajisur me dobi të këtij niveli që na është ofruar në emër të shëndetit, duhet konsumuar sa më shumë të jetë e mundur dhe duhet të jemi të kujdesshëm që të jetë i freskët.

Shëndeti

Dieta me vezë/ A është efektive për humbjen në peshë?

Published

1 day ago

January 29, 2025

Albina Zeneli

Një nga temat me interesante në kërkimet shkencore për dietat dhe jetesën e shëndetshme është roli i vezeve dhe proteinave që trupi mund të marrë prej tyre.

Veza është burim i pasur i proteinave, acidit folik e vitaminës B12, të cilat mund t’i japin trupit një numër të madh të elementeve ushqyes.

Çfarë është dieta e vezëve?

Përshkruan plan ushqimor të përqendruar rreth vezëve. Kjo është mënyrë e re për të humbur peshë duke përdorur ushqime bazuar në një nga mënyrat më të zakonshme të të ngrenit siç janë vezët e pules. Ky program është një plan me kalori të ulëta, përmban pak karbohidrate dhe me sasi të larta të proteinave, i projektuar për të ndihmuar në humbjen e peshës në mënyrë të shpejtë, pa humbur masën muskulare.

Çfarë përmban dieta e vezëve?

Nuk është një plan formal diete apo ushqyerje i përcaktuar në një libër apo një vakt që mund ta blini në restorant. Megjithëse ka shumë versione të kësaj diete, ajo konsiston në përfshirjen e 1 veze në ditë në vaktet tuaja ose në ushqyerjen vetëm me vezë të ziera.

Hani tre vakte në ditë duke përjashtuar ngrënien ne mes të vakteve dhe do të pini vetëm ujë. Të gjitha llojet e dietave kërkojnë që veza të jetë pjesë kryesore e vakteve. Përveç saj do të përfshini mish pule, peshk e perime të ziera që nuk përmbajnë karbohidrate.

Çfarë thonë ekspertët?

Vezët janë thesar i vogël që ofron proteina, kolinë, vitaminë D, lutein e shumë vlera tjera. Dieta e vezëve është e varfër në karbohidrate, gjë që çon në rritjen e ndjenjës së urisë. Konsumimi i ushqimeve të njëjta çdo ditë bëhet i mërzitshëm. Edhe pse dieta e vezëve mund të jetë mënyrë e shpejtë për të humbur peshë, është e rëndësishme të konsultoheni me ekspertë në fushën e nutricionizmit. /UBT News/

Kuriozitete

Studimi i ri: Inteligjenca artificiale mund t’i identifikojë gratë që rrezikohen nga kanceri në gji

Published

1 day ago

January 29, 2025

Albina Zeneli

Inteligjenca artificiale mund t’i identifikojë gratë që janë të rrezikuara nga kanceri në gji, disa vjet para se të diagnostikohen, ka thënë Instituti Norvegjez i Shëndetit Publik të martën.

Pesë hulumtuesve të këtij Instituti, Universitetit të Kalifornisë dhe Universitetit të Uashingtonit, u është dhënë qasje në programin komercial të inteligjencës artificiale, i cili në mënyrë retroaktive ka analizuar mamografitë e 116.495 grave që kanë marrë pjesë në programin norvegjez në periudhën 2004 – 2018.

Në total, 1.607 e grave janë përballur më vonë kancer në gji. Algoritmi ka arritur të verifikojë cilat gra kanë pasur rrezik më të madh të zhvillimit të kancerit në gji, madje edhe se cili prej gjinjve ka qenë më i rrezikuar, katër deri në gjashtë vjet para diagnostikimit.

“Ne e kemi vërejtur se gjiri që ka zhvilluar kancer, ka pasur pikë në sistem dyfish më shumë, sesa gjiri tjetër”, ka thënë Solveig Hofvind, gruaja që udhëheq programin për detektim të kancerit në gji përmes programit me inteligjencë artificiale.

“Studimi tregon se algoritmet që tashmë janë të qasshme në treg mund të përdoren për të zhvilluar programe detektimi edhe më të personalizuara”, ka thënë ajo, raporton REL.

Sipas Organizatës Botërore të Shëndetësisë, 670.000 gra kanë vdekur nga kanceri në gji më 2022. Kjo, është forma më e shpeshtë e kancerit që zhvillohet, studimu është publikuar edhe në revistën e Rrjetit të Shoqatës Mjekësore Amerikane, ndër revistat më me nam në botë.