Magazinë

Gisele Bündchen bëhet pjesë e nismës mjedisore të Princit William në Brazil

Published

2 hours ago

on

Supermodelja braziliane Gisele Bündchen do t’i bashkohet ekipit të Princit William në një nismë të rëndësishme mjedisore në Brazil.

Princi i Uellsit themeloi më 2020 “Çmimin Earthshot”, i cili ka për qëllim të vlerësojë individë e ide novatore që ofrojnë zgjidhje konkrete për mbrojtjen e planetit.

Gisele do të jetë pjesë e panelit që do të përzgjedhë fituesit e çmimit, krahas emrave të njohur si Cate Blanchett, David Attenborough dhe Ngozi Okonjo-Iweala.  Ky grup do të zgjedhë projektet më të spikatura nga 15 finalistët që punojnë për të mbrojtur natyrën, pastruar ajrin, ringjallur oqeanet, reduktuar mbeturinat dhe luftuar ndryshimet klimatike.

Bündchen është i përfshirë në çështje mjedisore, ka kontribuar në krijimin e Projektit të Ujërave të Pastra në Brazil, në mbrojtjen e kafshëve e promovimin e qëndrueshmërisë. Përmes Fondacionit Luz, mbështet shëndetin, arsimin e të drejtat e grave e fëmijëve.

Në deklaratën e saj, supermodelja u shpreh se është krenare të përfaqësojë Brazilin dhe theksoi se “çdo veprim ka rëndësi – i vogël apo i madh – për të mbrojtur planetin tonë.”

Ndërkohë, Princi William pritet të marrë pjesë në disa aktivitete në Rio de Janeiro, përpara se të udhëtojë drejt konferencës së klimës së OKB-së që do të mbahet në Belem më 6 tetor. /A.Z/UBT News/

Related Topics:
Continue Reading

Magazinë

Angelina Jolie në krizë financiare? Zbulohen detajet e reja nga beteja me Brad Pitt

Published

1 hour ago

on

October 13, 2025

By

Konflikti mes ish-çiftit të famshëm të Hollivudit, Angelina Jolie dhe Brad Pitt, po bëhet gjithnjë e më i ashpër, ndërsa dokumentet e fundit gjyqësore zbulojnë detaje të reja për vështirësitë financiare të aktores pas divorcit.

Vështirësitë pas ndarjes dhe kujtimet e dhimbshme në Miraval

Në dosjet e paraqitura në gjykatë, fituesja e “Oscar”-it rrëfen se periudha pas ndarjes ka qenë emocionalisht e vështirë për të dhe gjashtë fëmijët – Maddox, Pax, Zahara, Shiloh, Knox dhe Vivienne. Pas divorcit, Jolie i dorëzoi Pitt-it kontrollin mbi shtëpitë familjare në Los Angeles dhe mbi Château Miraval, pronën luksoze në Francë ku çifti u martua dhe kaloi disa nga momentet më të lumtura të familjes.

“Shpresoja që kjo do ta qetësonte pas një periudhe të vështirë dhe traumatike”, ka shkruar ajo në dokumentet gjyqësore, duke shtuar se as ajo dhe as fëmijët nuk janë kthyer më kurrë në Miraval, pasi ajo shtëpi u kujton kujtime tepër të dhimbshme.

Probleme financiare dhe hua nga Pitt

Aktorja tregon se pas divorcit, iu desh të kërkonte vend të ri për të jetuar me fëmijët, fillimisht me qira, ndërsa për dy vite kishte hequr dorë nga puna për t’u përqendruar tek mirëqenia e tyre emocionale. Kjo periudhë e la Jolie-n në vështirësi financiare, saqë – sipas saj – u detyrua të kërkonte hua para nga Pitt, e madje me interes.

“Isha e shqetësuar për fëmijët e vendosa të mos punoja për disa vite. Por kjo më vuri në një situatë të rëndë financiare,” ka deklaruar ajo.

Përplasja për Miraval

Çështja kryesore që i mban ende të lidhur në gjykatë është prona Miraval dhe kompania e verërave që e shoqëron atë.

Pitt ka paditur ish-bashkëshorten, duke pretenduar se shiti aksionet e saj pa miratimin e tij, ndërsa Jolie mbron qëndrimin se kishte të drejtë ligjore ta bënte shitjen e nuk kishte pse të kërkonte lejen e tij. Aktorja shton se kursimet ishin të lidhura me Miraval dhe se nuk kishte kërkuar alimentacion apo ndihmë financiare nga Pitt, gjë që e detyroi të përdorte fondet e përbashkëta për të mbuluar shpenzimet e saj.

Nga simbol dashurie në burim konflikti

Dikur vendi ku u kurorëzua dashuria e tyre, Miraval është kthyer sot në një mollë sherri.

“Miraval ishte një nga investimet tona më të mëdha. U martuam atje, kalova një pjesë të shtatzënisë e solla binjakët tanë në atë shtëpi. Ishte e dhimbshme të ndahesha nga këto kujtime, veçanërisht për fëmijët,” ka shkruar Jolie.

Çfarë kërkon Jolie tani?

Aktorja po kërkon nga Pitt 33,000 dollarë për të mbuluar shpenzimet ligjore, beteja për Miraval vazhdon pa një zgjidhje përfundimtare. /A.Z/UBT News/

Continue Reading

Magazinë

Priscilla Presley përballet me akuza për fshehje pasurie dhe manipulim të trashëgimisë së Elvis

Published

3 days ago

on

October 10, 2025

By

Në Shtetet e Bashkuara janë publikuar detaje të reja lidhur me një padi serioze ndaj Priscilla Presley, e cila akuzohet për fshehjen e bizhuterive me vlerë të madhe dhe kujtimeve të rralla të Elvis Presley-t.

Ish-aktorja 80-vjeçare po përballet gjithashtu me akuza për përpjekje për të marrë kontrollin e pasurisë së familjes Presley, përfshirë edhe pronën ikonike “Graceland”.

Padia është ngritur në Gjykatën e Lartë të Los Anxhelosit nga ish-partnerët e saj të biznesit, Brigitte Kruse dhe Kevin Fialko, të cilët kërkojnë një dëmshpërblim prej të paktën 50 milionë dollarësh.

Ata pretendojnë se Priscilla ka shkelur kontratat, ka kryer mashtrim dhe ka tentuar të përjashtojë vajzën e saj, Lisa Marie Presley, nga e drejta trashëgimore.

Një nga akuzat më të ndjeshme ka të bëjë me momentin tragjik të janarit 2023, kur Lisa Marie pësoi arrest kardiak. Dokumentet sugjerojnë se Priscilla ka kërkuar fikjen e aparateve që e mbanin në jetë vajzën e saj vetëm disa orë pas pranimit në spital, gjë që ka shkaktuar reagime të forta në publik.

Ajo akuzohet se ka fshehur një koleksion bizhuterish me vlerë 25 milionë dollarë, ndërsa në dokumente kishte deklaruar 6 mijë dollarë për të shmangur pagesat tatimore ndaj autoriteteve amerikane.

Koleksioni i dyshuar është ruajtur në një vend të fshehtë, i menaxhuar nga drejtoresha e arkivave të Graceland-it, Angie Marchese. Sipas paditësve, Priscilla i ka larguar nga puna sapo ka mësuar se ata kishin ndërmend të informonin autoritetet për fshehjen e pasurisë.

Avokati i Priscilla, Marty Singer, i ka hedhur poshtë akuzat, duke i cilësuar “absurde dhe të pabazuara”.

Ai ka deklaruar se padia është përpjekje për të njollosur reputacionin e saj dhe manovër nga individë që vetë janë nën hetim për përvetësim fondesh dhe abuzim ndaj një personi të moshuar. /A.Z/UBT News/

Continue Reading

Magazinë

Pas ndarjes nga Brad Pitt, Jolie lë pas përjetë “shtëpinë e kujtimeve” në Francë

Published

3 days ago

on

October 10, 2025

By

Angelina Jolie ka zbuluar se nuk është kthyer më në pronën e saj të njohur në Francë, “Château Miraval”, që prej ndarjes nga Brad Pitt në vitin 2016.

Çifti, i cili kishte qenë bashkë për 12 vjet dhe ishte martuar më 2014, vazhdon të jetë i përfshirë në një betejë të gjatë ligjore për pronësinë e vreshtit, që dikur konsiderohej “zemra e jetës së tyre familjare”.

Sipas dokumenteve gjyqësore të siguruara nga revista People, aktorja ka deklaruar: “I dhashë Bradit kontrollin dhe të drejtën e plotë të qëndrimit në shtëpitë tona familjare në Los Angeles dhe në Miraval, pa asnjë kompensim financiar, me shpresën se kjo do ta bënte më të qetë në sjelljen e tij ndaj meje pas një periudhe të vështirë dhe traumatike.”

Në të njëjtin dokument, 50-vjeçarja thekson se ajo dhe fëmijët nuk janë rikthyer më kurrë në atë pronë, për shkak të kujtimeve të dhimbshme që lidhen me ngjarjet që çuan në divorc.

Jolie shpjegon se pas ndarjes filloi të kërkonte një shtëpi të re për veten dhe fëmijët: “Fillimisht mora me qira një shtëpi, kërkoja një zgjidhje më të qëndrueshme. Doja që Brad të mbetej pjesë e rëndësishme e jetës së fëmijëve, ndaj kërkova të blija një pronë pranë shtëpisë së tij. Në atë kohë, kursimet ishin të lidhura me ‘Miravalin’ e nuk i kisha kërkuar Bradit asnjë mbështetje financiare apo alimentacion.”

Aktorja, e cila është nënë e gjashtë fëmijëve Maddox (24 vjeç), Pax (21), Zahara (20), Shiloh (19) dhe binjakëve Vivienne e Knox (17) – e ka përshkruar vreshtin si një vend me domethënie të veçantë për familjen e saj:

“‘Miravali’ ishte një nga investimet tona të para të mëdha. Ishte qendra e jetës familjare. U martuam atje, kalova pjesë të shtatzënisë atje dhe binjakët tanë i solla në shtëpi nga spitali pikërisht në ‘Miraval’.”

Sipas saj, largimi nga ajo pronë ka qenë një përvojë e dhimbshme: “Të shkëputesha papritur nga shtëpia dhe kujtimet e mia ka qenë shumë e vështirë, sidomos për fëmijët, të cilët e patën të rëndë këtë ndryshim.”

Nga ana tjetër, një burim i afërt me Brad Pitt ka reaguar ndaj deklaratave të aktores, duke i cilësuar ato si “justifikime”.

“Kjo është një mosmarrëveshje tregtare, e ndarë nga çështja e divorcit. Është për të ardhur keq, por jo surprizë,” – ka thënë burimi.

Brad dhe Angelina, e finalizuan divorcin në dhjetor të vitit 2024, por ende mbeten në konflikt për pronësinë e “Château Miraval”. Pas ndarjes, Jolie e shiti pjesën e saj të aksioneve në vresht në vitin 2021 kompanisë “Tenute del Mondo”, që është pjesë e Stoli Group.

Në shkurt të vitit 2022, Pitt e paditi ish-bashkëshorten, duke pretenduar se ajo e kishte shitur pjesën e saj pa miratimin e tij – në kundërshtim me marrëveshjen që ndalonte secilin të shiste pa pëlqimin e tjetrit.

Në shtator të po atij viti, Jolie reagoi me një padi kundër Pittit, duke e akuzuar aktorin se kishte nisur “një luftë hakmarrëse” ndaj saj që nga momenti kur ajo kërkoi divorcin. /A.Z/UBT News/

 

Continue Reading

Magazinë

“Dua të bëhem nënë”, Selena Gomez ndan dëshirën më të madhe të jetës së saj

Published

3 days ago

on

October 10, 2025

By

Selena Gomez ka emocionuar ndjekësit e saj duke treguar se dëshiron me gjithë zemër të bëhet nënë.

Në një story të publikuar në Instagram, këngëtarja dhe aktorja festoi rikthimin në vazhdimin e serialit “Wizards of Waverly Place”.

Duke folur për rolin e saj, Gomez u shpreh: “Alex Russo është një nënë. Shpresoj që edhe unë një ditë të bëhem një e tillë.”

Në vazhdimin e serialit, zbulohet se personazhi i Alex është nëna e Billie Russo-s, e interpretuar nga aktorja e re Janice LeAnn Brown. Pas transmetimit të episodit, Gomez dhe Brown ndanë emocionet e tyre për bashkëpunimin, si në set ashtu edhe jashtë tij.

“Ishte shumë emocionuese, si për mua ashtu edhe për të,” – tha Brown në një intervistë.

Gomez shtoi se ndjehet e lidhur me rolin e saj, duke theksuar se “ndihet si Alex” dhe se personazhi e ka ndihmuar ta formësojë më shumë si person. Në një podcast të mëparshëm me Jay Shetty, ajo dhe partneri i saj Benny Blanco folën për dëshirën e tyre për të krijuar një familje.

“Nuk e di çfarë do të ndodhë, por i dua fëmijët. Më pëlqen t’i bëj të qeshin, janë shumë të ëmbël. Kur të vijë ajo ditë, do të jem shumë e emocionuar,” – u shpreh Gomez.

Ndërkohë, Blanco shtoi se sa herë që Selena sheh fëmijë, ajo menjëherë afrohet dhe kalon kohë duke folur me ta, duke treguar anën e saj të butë dhe të dashur, raporton People. /A.Z/UBT News/

Continue Reading

Të kërkuara