Sport

Giresse i gatshëm për debutim te Kosova: Objektivat në Ligën e Kombeve janë maksimale

Kosova më 24 mars luan në Prishtinë ndaj Burkina Fasos, kurse pesë ditë më vonë në Zyrih përballet me Zvicrën.

Published

3 years ago

on

Përzgjedhësi i Kombëtares së Kosovës në futboll, Alain Giresse, ka thënë të hënën se është i gatshëm për të debutuar në krye të Kombëtares së Kosovës për dy ndeshjet e këtij muaji. Në konferencën për shtyp të mbajtur në Prishtinë, Giresse deklaroi se ky grumbullim do t’i shërbejë për t’u njoftuar me lojtarët.

Kosova më 24 mars luan në Prishtinë ndaj Burkina Fasos, kurse pesë ditë më vonë në Zyrih përballet me Zvicrën. Ai tha se është shumë normale për një trajner të ri që t’i njoh kapacitet e lojtarëve, por jo për të ndërruar komplet strukturën.

“Pas publikimit të listës së lojtarëve për këto dy ndeshje, me rëndësi është njoftimi më lojtarët, që të njihemi së bashku, pastaj të njoftohen me mënyrën e organizimit, punës dhe si do të funksionojmë në këto dy miqësore. Padyshim, do të tentojmë të ftojmë pothuajse të gjithë lojtarët e ftuar. Është shumë normale për një trajner të ri që t’i njoh kapacitet e lojtarëve, por jo për të ndërruar komplet strukturën. Duhet të vazhdojmë me dinamikën e ekipit aty ku ka mbetur. Secili lojtar duhet ta tregojë veten në lidhje me objektivat që i kemi para vetes”, ka thënë Giresse.

Në konferencën për shtyp, Giresse ka thënë se sulmuesi Emir Sahiti që është ftuar për herë të parë te Kosova, do të mungojë për shkak të lëndimit dhe pritet të zëvendësohet.

“Po ashtu, sot do të mbajmë një stërvitje prej orës 18:30, ndonëse nuk u planifikua”, është shprehur Giresse, që ka folur edhe për situatën e Leart Paqaradës.

“Jam i informuar që ka ndodhur një problem me lojtarin, do të shohim se çka do të ndodhë në të ardhmen. Do të duhet të njihem më shumë me lojtarët dhe ka gjasa që të ftohet edhe ai”, deklaroi ai.

Giresse ka thënë se dy miqësoret e këtij muaji, do t’i shërbejnë për t’u përgatitur sa më mirë për Ligën e Kombeve, e cila nis në muajin qershor. Ndërsa, sa i përket objektivave në këtë ligë, Giresse tha se ato janë maksimale.

“Janë dy ndeshje që na shërbejnë të përgatitemi sa më mirë për Ligën e Kombeve, në të cilën do të futemi me ambicie maksimale”, u shpreh Giresse.

Related Topics:
Continue Reading

Sport

Top 10 futbollistet më të paguara krahasuar me 10 futbollistët më të paguar

Published

14 minutes ago

on

July 22, 2025

By

Disa futbolliste të njohura, përfshirë Megan Rapinoe dhe Alisha Lehmann, kanë folur hapur kohët e fundit për këtë çështje. Të dhënat tregojnë qartë kontrastin e madh mes pagave të 10 futbollisteve më të paguara në botë krahasuar me homologët e tyre meshkuj.

UEFA Women’s Euro po zhvillohet në Zvicër, ku yjet më të mëdha të futbollit të femrave, përfshirë fituesen e Topit të Artë 2024, Aitana Bonmatí, po shkëlqejnë. Të martën, më 22 korrik, Anglia përballet me Italinë në një gjysmëfinale shumë të pritur në Lancy, ndërsa të mërkurën, më 23 korrik, Gjermania do të luajë kundër Spanjës në Zurich.

Pavarësisht talentit të madh dhe të ardhurave më të larta që po sjell futbolli i femrave, lojtarët ende fitojnë një pjesë të vogël të shumave që marrin futbollistët meshkuj. Kjo nuk është një çështje e re. Për vite me radhë, ish-kapitenia e SHBA-ve, Megan Rapinoe, me 203 ndeshje me përfaqësuesen, ka qenë një nga zërat më të fortë për këtë temë, ndërsa ylli i Zvicrës dhe Juventusit, Alisha Lehmann, e tha hapur mendimin e saj në vitin 2024.

Në një intervistë për La Repubblica, ajo u shpreh:

“Unë nuk jam një yll, jam një person normal. Shkoj në shtëpi, gatuaj, bëj gjërat si të gjithë. Pas stërvitjes, shpesh i them Douglasit [Luiz]: ‘Nuk është e drejtë. Ne bëjmë të njëjtin profesion, por ai fiton njëqind mijë herë më shumë se unë.’

‘Kupa e Botës për Femra ishte ndoshta eventi i pestë më i ndjekur sportiv në botë. E pabesueshme, u ndoq më shumë se Super Bowl. Prandaj, nëse mendon pak, është e qartë që duhet të kemi të njëjtën pagesë, të paktën në nivel kombëtar.’”

Megjithëse është bërë përparim, siç ishte vendimi i Federatës Amerikane të Futbollit më 2022 për pagë të barabartë mes ekipeve të burrave dhe grave, diferenca në shumë fusha të tjera mbetet shumë e theksuar.

Top 10 futbollistet më të paguara në botë (2024)

Sipas GiveMeSport, këto janë të ardhurat vjetore të tyre:

Aitana Bonmatí – 835,000 £

Alexia Putellas – 584,000 £

Sam Kerr – 449,000 £

Racheal Kundananji – 385,000 £

Keira Walsh – 382,000 £

Ada Hegerberg – 332,000 £

Marta – 322,000 £

Wendie Renard – 298,000 £

Christine Sinclair – 288,000 £

Trinity Rodman – 214,000 £

Krahasuar me pagat mesatare në vendet respektive, këto janë shifra të larta. Por, në raport me futbollistët meshkuj, janë të papërfillshme.

Top 10 futbollistët më të paguar në botë (prill 2025)

Përfshirë pagat dhe të ardhurat nga sponsorët:

Cristiano Ronaldo – 173 milion £

Lionel Messi – 110 milion £

Neymar – 95 milion £

Kylian Mbappe – 90 milion £

Karim Benzema – 85 milion £

Mohamed Salah – 70 milion £

Kevin De Bruyne – 50 milion £

Erling Haaland – 50 milion £

Robert Lewandowski – 45 milion £

Sadio Mane – 40 milion £

Ky kontrast vazhdon të nënvizojë pabarazinë e madhe që ekziston ende në botën e futbollit.

Continue Reading

Lajmet

​Drita përballet sot me Copenhagen në Ligën e Kampionëve

Published

2 hours ago

on

July 22, 2025

By

Skuadra e Dritës do të luajë sot sfidën e parë të raundit të dytë kualifikues në Ligën e Kampionëve kundër gjigantëve danezë të FC Copenhagen, ku ndeshja do të zhvillohet në “Parken Stadium” të Kopenhagës, me fillim nga ora 19:00.

Kjo është një sfidë e rëndësishme për ekipin nga Gjilani, që synon të shkruajë një kapitull të ri në historinë e saj evropiane përballë një kundërshtari me përvojë të madhe në arenën ndërkombëtare..

Për të kaluar në këtë fazë, Drita në raundin e parë e eliminoi skuadrën Differdange.

Continue Reading

Lajmet

Ballkani nis aventurën evropiane në “Fadil Vokrri”

Published

3 hours ago

on

July 22, 2025

By

Nënkampioni i Kosovës, Ballkani është gati të shkruajë një tjetër kapitull në arenën evropiane në përballje me skuadrën malteze FC Floriana.

Sonte me fillim nga ora 20:30 në stadiumin “Fadil Vokrri” në Prishtinë, suharekasit do të përballen me skuadrën malteze FC Floriana në ndeshjen e parë të raundit të dytë të UEFA Conference League.

Me përgjegjësinë e përfaqësimit të republikës, Ballkani synon të hedhë një tjetër hap drejt ëndrrës evropiane.

Continue Reading

Lajmet

​Interi përgatit ofertë të përmirësuar për Lookman

Published

18 hours ago

on

July 21, 2025

By

Interi është gati të dërgojë një ofertë të përmirësuar për yllin e Atalantës, Ademola Lookman, i vlerësuar me 50 milionë euro nga klubi bergamask raporton La Gazzetta dello Sport

Bisedimet midis dy klubeve pritet të vazhdojnë sot, pasi Interi ka arritur tashmë një marrëveshje për kushtet personale me fituesin e fundit afrikan të Topit të Artë.

Sipas burimeve të Gazzetta-s, Interi ka paraqitur një ofertë në formë huazimi me detyrim blerjeje, ndërsa Atalanta këmbëngul për një transferim të përhershëm për shumën e plotë.

Megjithëse raportohet se një marrëveshje mund të arrihet për rreth 45 milionë euro duke përfshirë bonuset, Interi ende nuk ka bërë një ofertë të re konkrete për sulmuesin 27-vjeçar.

Ndërkohë, pavarësisht spekulimeve të mëhershme, nuk ka pasur kontakte të fundit nga Napoli për Lookmanin.

Burime të afërta me situatën konfirmojnë për Football Italia se interesimi i fundit i Napolit daton që nga qershori, dhe nuk ka pasur zhvillime të reja që atëherë. Lookman, i cili shkëlqeu sezonin e kaluar me fanellën e Atalantës dhe u shpall Lojtari Afrikan i Vitit, shihet si një përforcim kyç nga zikaltrit në merkato.

Continue Reading

Të kërkuara