Lajmet

Gërvalla thotë se nuk mund të ndalet anëtarësimi i Kosovës në KiE

Publikuar

Shefja e diplomacisë kosovare, Donika Gërvalla ka reaguar pasi Kosova mbeti jashtë agjendës së Këshillit të Evropës, duke thënë se vendi tashmë ka përmbushur të gjitha kriteret dhe se anëtarësimi në këtë organizatë evropiane nuk mund të ndalet.

Në ministerialin e sotëm të Këshillit të Evropës, i cili shënoi 75-vjetorin e themelimit të organizatës më të rëndësishme për mbrojtjen e të drejtave të njeriut në kontinentin tonë, kishte intervenime nga shtete të ndryshme anëtare të cilat kërkuan anëtarësimin e Kosovës në Këshillin e Evropës.

Ministrja Gërvalla tha se vendimi për të lënë Kosovën jashtë agjendës së KiE është në shpërputhje me thirrjen e Asamblesë Parlamentare të Këshillit të Evropës, e cila në Opinionin e saj tha se Kosova duhet të anëtarësohet, pa parakushte shtesë.

Ajo tha se letra dërguar nga Qeveria e Kosovës në KiE për draft-statutin e asociacionit është bërë me qëllim të tejkalimit të bllokadës që kishte krijuar vendosja e parakushtit të fundit nga BE-ja për hyrjen e vendit në organizatën e madhe evropiane.

“Edhe pse oferta jonë, e konsultuar me partnerë të shteteve anëtare, në këmbim të një vendimi pozitiv sot në Komitet të Ministrave ofroi një platformë të gjerë të punës së përbashkët, ajo ofertë nuk u mor parasysh. Rrjedhimisht ajo letër me ofertë e humbi vetvetiu aktualitetin dhe relevancën pas mbledhjes së sotshme të Komitetit të Ministrave”, ka thënë Gërvalla.

Ministrja Gërvalla tha se dalja në krah të Serbisë dhe lobimit të saj kundër Kosovës në KiE nga disa vende anëtare të BE-së, ka privuar qytetarët e Kosovës nga të drejtat dhe mundësitë që ofrojnë mekanizmat e kësaj organizate, veçanërisht për komunitetet e pakicës etnike dhe komunitetet e tjera të margjinalizuara.

“Kosova i ka plotësuar të gjitha kriteret e kushtet për anëtarësim në Këshillin e Evropës (KiE). Nga opinioni i Departamentit Ligjor të Këshillit të Evropës që konfirmon se nuk ka asnjë pengesë ligjore për anëtarësim si shtet evropian, nga votimi i ambasadorëve më 24 prill 2023 me 33 vota për nga 46 sosh, nga raporti pozitiv i tre juristëve eminentë te raporti i raportueses Dora Bakoyannis, nga dy mbledhjet e Këshillit për Çështje Politike e Demokraci (në Paris me 27 mars dhe në Strasburg më 16 prill 2024) e deri te votimi i Asamblesë Parlamentare më 16 prill 2024 me 131 vota për, kundrejt 29 kundër”.

Gërvalla tha se anëtarësimi i Kosovës nuk mund të ndalet, edhe nëse vonohet për shkak të ndonjë kundërshtari të Kosovës apo lobimit të Serbisë.

“Jemi në rrugë të drejtë dhe po bëjmë punë të mbarë. Nuk kemi lënë gur pa lëvizur, gjithnjë përbrenda kushtetutshmërisë e ligjshmërisë, për interesin e Kosovës”, ka përfunduar Gërvalla.

Lajmet

“Jemi thellësisht të tronditur”- reagojnë nga Trafiku Urban lidhur me aksidentin me fatalitet në Keqekollë

Publikuar

nga

Kompania e transportit publik Trafiku Urban ka reaguar pas aksidentit të rëndë që ndodhi mbrëmë në Keqekollë, ku si pasojë e ndeshjes mes një veture dhe autobusit ka humbur jetën një person dhe janë lënduar 14 të tjerë.

Përmes një komunikate për media, nga Trafiku Urban janë shprehur thellësisht të tronditur për ngjarjen tragjike, teksa u kanë shprehur ngushëllime familjarëve të viktimës.

“Jemi thellësisht të tronditur nga ngjarja tragjike e ndodhur mbrëmë në Keqekollë, ku nga aksidenti mes një veture dhe autobusit të Trafikut Urban, humbi jetën shoferi i veturës, dhe u lënduan 14 udhëtarë. Gjendja e të lënduarve është stabile dhe mbrëmë janë liruar nga QKUK-ja”.

Ndërmarrja shpreh ngushëllimet më të thella familjarëve të viktimës për humbjen e më të dashurit të tyre dhe uron shërim të shpejtë për të lënduarit!”, thuhet në reagim.

Ndryshe, në aksidentin e rëndë ka humbur jetën shoferi i veturës, ndërsa janë lënduar 14 persona tjerë të cilët kanë kërkuar ndihmë mjekësore në spital.

Vazhdo të lexosh

Lajmet

22 vjet burg për keqpërdorim detyre, zbulim fshehtësie zyrtare e vrasje të rëndë

Publikuar

nga

Gjykata Themelore në Prishtinë, Departamenti Special ka vendosur në çështjen penale ndaj gjashtë të pandehurve me inicialet N.S., M.R., S.A., D.M., Z.J. dhe R.B.

N.S. është dënuar me katër vjet heqje lirie dhe 4.500 euro gjobë për vepër penale të ricilësuar nga krimi i organizuar në keqpërdorim të pozitës apo autoritetit zyrtar dhe vepër penale mbajtja në pronësi, kontroll ose posedim të paautorizuar të armëve. Ndaj të njëjtit, u shqiptua edhe dënimi plotësues – konfiskimi i sendeve të përdorura apo të destinuara për të kryer vepër penale, të cilat u urdhërua që të shkatërrohen pas plotfuqishmërisë së aktgjykimit.

M.R. është dënuar me 10 vjet burg dhe 10.000 euro gjobë për vepër penale pjesëmarrja ose organizimi i grupit kriminal të organizuar lidhur me veprën penale vrasje e rëndë.

E akuzuara S.A., është liruar nga akuza për vepër penale pjesëmarrja ose organizimi i grupit kriminal të organizuar lidhur me veprën penale vrasja e rëndë dhe veprën penale keqpërdorim i pozitës apo autoritetit zyrtar.

D.M. është dënuar me katër vjet burg për vepër penale në bashkëkryerje keqpërdorim i pozitës apo autoritetit zyrtar. I njëjti është liruar nga akuza për vepër penale zbulim i fshehtësisë zyrtare.

Z.J. është dënuar me katër vjet dhe 10.000 euro gjobë për vepër penale në bashkëkryerje keqpërdorim i pozitës apo autoritetit zyrtar dhe vepër penale mbajtja në pronësi, kontroll ose posedim të paautorizuar të armëve. Ndaj të njëjtit, u shqiptua edhe dënimi plotësues – konfiskimi i sendeve të përdorura apo të destinuara për të kryer vepër penale, të cilat u urdhërua që të shkatërrohen pas plotfuqishmërisë së aktgjykimit.

Për të akuzuarin R.B., u refuzua akuza për vepër penale pjesëmarrja ose organizimi i grupit kriminal të organizuar lidhur me vepër penale vrasja e rëndë dhe veprën penale keqpërdorim i pozitës apo autoritetit zyrtar.

Të akuzuarit M.R., me vendim të veçantë iu caktua masa e paraburgimit deri në plotfuqishmëri të aktgjykimit por duke mos e kaluar dënimin e vërtetuar – shqiptuar me aktgjykim.

Të dëmtuarit për realizimin e kërkesës pasurore – juridike u udhëzuan në kontest të rregullt civil.

Të akuzuarit S.A. dhe R.B., u liruan nga shpenzimet e procedurës për shkak të marrjes së aktgjykimit lirues respektivisht, refuzues ndaj tyre. Të akuzuarit N.S., M.R., D.M. dhe Z.J., secili veç e veç u obliguan të paguajnë 350 euro në emër të shpenzimeve të procedurës penale dhe 100 euro në emër të Fondit për Kompensim të Viktimave të Krimit.

Palët e pakënaqura kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë – Departamenti Special.

Vazhdo të lexosh

Lajmet

“Bashkë për Mitrovicën”, kryetari Hamza inspekton punimet nga asfaltimi i rrugës “Ali Zeneli”

Publikuar

nga

Në vazhdën e realizimit të projekteve të ndryshme kapitale në fushën e infrastrukturës, Komuna e Mitrovicës ka filluar asfaltimin e rrugës “Ali Zeneli”.

Punimet i ka inspektuar kryetari i komunës, Bedri Hamza, i cili ka thënë se me vite të tëra, me mijëra mitrovicas kanë jetuar në këtë rrugë, pa infrastrukturën e nevojshme për jetë të dinjitetshme dhe se këtë gjendje rrënjësisht janë duke e ndryshuar.

“Sot i inspektova punimet që po shkojnë drejt fundit dhe jam i bindur që kjo lagje do të bëhet prej ambienteve më moderne, më të rregullta dhe me hapësira gjelbëruese të integruara në peizazhin urban të Mitrovicës”, është shprehur Hamza.

Vazhdo të lexosh

Lajmet

MPJD dënon fuqishëm ndalimin e mbajtjes së edicionit 11-të të festivalit “Mirëdita, dobar dan!”

Publikuar

nga

Ndalimi i festivalit “Mirëdita, Dobar dan” në Serbi me urdhër të ish-zëdhënësit të regjimit gjenocidal të Millosheviqit, aktualisht Zëvendëskryeministër dhe Ministër i Punëve të Brendshme, Ivica Daqiq, është edhe një dëshmi e vazhdimit të politikës, mendësisë dhe veprimeve të regjimit të kaluar.

Këtë fushatë të egër publikisht e nisi njeriu i listave të zeza dhe ish shefi i BIA, Vulin, të cilit pastaj iu bashkua ai që duhej të ishte në krye të organizimit të festivalit dhe mirëvajtjes së tij, Ministri i Kulturës, Nikola Selakoviq. Kjo dëshmon qartë se si regjimi autoritar i presidentit serb Vuçiq funksionon, dhe se ky regjim është vazhdimësi besnike e politikave, mendësisë dhe veprimeve kriminale të regjimit të Millosheviqit.

Ky vendim i qeverisë serbe vërteton edhe një herë se qeveria serbe është kundër çdo lloji dialogu në mes Kosovës dhe Serbisë.

Ministria e Punëve të Jashtme dhe Diasporës i bënë thirrje bashkësisë ndërkombëtare që të dënojnë me gjuhën më të ashpër veprime të tilla të autoriteteve të Serbisë për ndalimin e festivalit i cili është mbajtur 10 herë, në Kosovë dhe Serbi dhe që kishte për qëllim të bashkonte artin, kulturën, aktivistë të të drejtave të njeriut e të paqes dhe që synonte të krijonte ura bashkëpunimi dhe nxiste ndërtimin e paqes në rajon.

Ministria e Punëve të Jashtme dhe Diasporës nëpërmjet Zyrës Ndërlidhëse të Republikës së Kosovës në Serbi po përcjell nga afër të gjitha zhvillimet e fundit dhe do t’ju njoftojë në kohë reale për zhvillimet e reja mbi këtë çështje.

Vazhdo të lexosh

Të kërkuara