Lajmet

Gërvalla deklarohet për gabimet e MPJ-së në Twitter

Published

5 years ago

May 25, 2021

Betim Gashi

Ministrja e Punëve të Jashtme dhe Diasporës, Donika Gërvalla ka thënë janë të drejta kritikat e adresuara lidhur me postimin e djeshëm në Twitter, i cili ishte me gabime gjuhësore i shkruar në gjuhën angleze.

“Ju jap plotësisht të drejtë, e marr përgjegjësinë politike. Nuk kam çfarë zbukuroj, ashtu është, kemi marrë të njëjtin tekst e kemi zgjeruar, mendojmë që tani kemi një tekst të kuptueshëm. Kosova synon, dëshiron dhe do të jetë gjithmonë në anën e aleatëve të saj. Mesazhi nuk është që Kosova është e fortë, mund ta keni keqkuptuar por ai mesazh dëshiron të tregojë që Kosova fortë qëndron në krahun e aleatëve të saj. Në aspektin gjuhësor, e vetmja gjë që mund të them është se e kemi kuptuar dhe shikojmë të ardhmen mos të ndodh më. Ju siguroj që gjashtë apo tetë sy shohin më shumë se katër sy, andaj në të ardhmen do të kemi më shumë sy që shohin. Rreth kësaj teme nuk di çfarë të shtoj”, deklaroi ajo.

Ajo ka folur edhe për shkarkimin e ambasadorëve.

“Sa i përket mos shkarkimit të konsujve politik. Shkarkimi 13 ambasadorëve në të njëjtën kohë dhe afati i dhënë atyre që deri më 30 gusht të ushtrojnë funksionin e tyre, e pamundëson marrjen e hapave radikal në shkarkime më të mëdha. Hapi i parë është shkarkimi i ambasadorëve politikë, e dyta është zëvendësimi i ambasadorëve”, u shpreh Gërvalla.

Këto deklarata, Gërvalla i dha pas pyetjeve nga deputetja e PDK-së, Ariana Musliu-Shoshi.

“Lidhur me postimin e djeshëm, mos keni filluar të mendoni që Kosova tani me qeverinë tuaj është me e fortë dhe perëndimi i dobët. Diplomacia dixhitale është një nga shtyllat e diplomacisë moderne, diplomacia dixhitale nuk lejon skandale të tilla. Dhe e dyta, pse nuk i shkarkuat konsujt e përgjithshëm politik”, ka pyetur Musliu-Shoshi.

MPJ rikthen ‘tweet’-in e fshirë me përmirësime

Ministrja e Jashtme po raporton para Komisionit për Punë të Jashtme dhe Diasporë.

Related Topics:mpj Donika Gervalla - Schwarz

Up Next

Kosova do të marrë vaksina edhe nga disa shtete të BE-së

Don't Miss

Njerëzit janë në panik për blerje të shtëpive, pasiqë çmimet po rriten në të gjithë botën

Lajmet

Ekstradohen nga Gjermania dhe Franca dy persona të kërkuar nga Kosova

Published

1 hour ago

December 24, 2025

UBTnews

Dy persona të kërkuar me urdhërarrest ndërkombëtar janë ekstraduar për në Kosovë, në kuadër të bashkëpunimit ndërkombëtar policor.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, më 23 dhjetor 2025 ka realizuar ekstradimin e dy shtetasve kosovarë, L.V. (1990) dhe A.M. (1991). Njëri prej tyre është ekstraduar nga Gjermania, ndërsa tjetri nga Franca.

Sipas njoftimit zyrtar, ekstradimi është bërë falë bashkëpunimit të ngushtë me autoritetet e këtyre dy shteteve. Të dyshuarit ishin arrestuar nga autoritetet gjermane dhe franceze, pasi kërkoheshin me urdhërarrest ndërkombëtar të lëshuar nga institucionet e drejtësisë së Republikës së Kosovës.
Të njëjtit dyshohen se kanë qenë të përfshirë në vepra penale të ndara dhe se i janë shmangur drejtësisë.

Pas ekstradimit, ata u janë dorëzuar njësive përkatëse të Policisë së Kosovës në rajonin e Prishtinës, përkatësisht atë të Gjilanit, për vazhdimin e procedurave të mëtejme ligjore.

Lajmet

Punëtorët e KEK-ut në protestë, kërkojnë rritje pagash

Published

1 hour ago

December 24, 2025

UBTnews

Sindikatа e Re e Korporatës Energjetike të Kosovës (SRKEK) sot po organizon një protestë paqësore me punëtorët e KEK-ut, para zyrave qendrore të ndërmarrjes në sheshin “Nëna Terezë” në Prishtinë.

Kjo protestë po mbahet si reagim ndaj kërkesës për rritje pagash, ku punëtorët kërkojnë trajtim më të drejtë dhe përmirësim të kushteve ekonomike në përputhje me përgjegjësitë dhe rrezikun e punës së tyre. Protesta po vazhdon, e cila ka nis nga ora 11:00.

Lajmet

Energjia gjatë sezonit të dimrit, KOSTT mban konferencë për media

Published

2 hours ago

December 24, 2025

UBTnews

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Lajmet

Arb Manaj lojtari më i vlefshëm në Superligë, i afrohet vlerës së milionëshit

Published

2 hours ago

December 24, 2025

UBT News

Sulmuesi i Dritës, Arb Manaj të dielën e kaluar e fitoi “Topin e Artë” në futbollin e Kosovës, si futbollisti më i mirë i Superligës, i cili iu dha nga Federata e Futbollit e Kosovës.

Manaj tashmë është edhe futbollisti më i vlefshëm i Superligës së Kosovës, së bashku me futbollistin e Ballkanit, Giovannin.

Sipas “Transfermarkt”, dy lojtarët vlerësohen me 800 mijë euro, me Manajn që me përditësimin e fundit ka arritur këtë shifër dhe është vendosur si i pari në listë.

Manaj këtë sezon ka shënuar tre gola në Superligën e Kosovës, teksa dy të tillë i ka shënuar në Ligën e Konferencës, në fazën e ligës.

Top 5-shen e futbollistëve më të vlefshëm e mbyllin Muhamet Hyseni (650 mijë euro), Senad Jarovic (600 mijë euro) dhe Raddy Ovouka (600 mijë euro)./S.K/EO/