Lajmet

Gazmend Hoxha merr zyrtarisht detyrën si drejtor i përgjithshëm i Policisë

Detyrën atij ia dorëzoi ushtruesi i detyrës së drejtorit të Përgjithshëm, Kolonel Fehmi Hoti.

Published

3 years ago

March 13, 2023

Betim Gashi

Këtë të hënë, në ambientet e Drejtorisë së Përgjithshme të Policisë së Kosovës, u organizua ceremonia zyrtare e marrjes së detyrës nga drejtori i ri i Përgjithshëm i Policisë së Kosovës, Kolonel Gazmend Hoxha.

Detyrën atij ia dorëzoi ushtruesi i detyrës së drejtorit të Përgjithshëm, Kolonel Fehmi Hoti.

“Të pranishëm në ceremoni të pranim-dorëzimit ishin stafi i lartë menaxhues si dhe ushtruesi i detyrës së drejtorit të Përgjithshëm Kolonel Fehmi Hoti, i cili ia dorëzoi zyrtarisht detyrën z.Hoxha, duke i uruar shumë suksese në detyrën e drejtorit të Përgjithshëm, si dhe duke i ofruar përkrahje dhe bashkëpunim të ndërsjellë”, thuhet në njoftim.

Emërimi i drejtorit të ri është bërë 6 muaj pas dorëheqjes së Samedin Mehmetit, nga pozita e Drejtorit të Përgjithshëm të Policisë së Kosovës.

Për këto 6 muaj, Policia e Kosovës, kishte funksionuar me ushtrues detyre të drejtorit të përgjithshëm.

Mehmeti kishte dhënë dorëheqje pas rastit të dhunimit të 1-vjeçare nga disa persona.

Related Topics:policia Policia e Kosoves Gazmend Hoxha

Up Next

Numri i të vdekurve nga tërmetet në Turqi rritet në 48 mijë e 448

Don't Miss

Bislimi takoi ambasadorin e ri të Turqisë, diskutuan për marrëdhëniet bilaterale

Lajmet

Një grua raporton se është dhunuar në Podujevë

Published

5 minutes ago

October 7, 2025

UBTnews

Një grua në Podujevë ka raportuar në polici se është dhunuar.

Sipas raportit 24-orësh të Policisë së Kosovës, rasti ka ndodhur më 6 tetor 2025, kur viktima, shtetase e Kosovës, ka njoftuar autoritetet se është dhunuar nga një person i dyshuar, gjithashtu shtetas kosovar.

Në lidhje me rastin është njoftuar prokurori, ndërsa hetimet janë duke vazhduar.

“Më 06.10.2025 viktima femër kosovare, ka raportuar se është dhunuar nga i dyshuari mashkull kosovar. Në lidhur me rastin është njoftuar prokurori. Rasti nën hetime.” thuhet në njoftim nga Policia e Kosovës./D.B/UBTNews

Lajmet

Osmani pret në takim dy ministre nga Belgjika

Published

7 minutes ago

October 7, 2025

UBTnews

Presidentja Vjosa Osmani pret sot në takim dy ministre nga Belgjika.

Sipas agjendës së presidentes, takimi i saj me ministren belge të Drejtësisë, Annelies Verlinden si dhe atë të Migracionit dhe Integrimit Social, Anneleen Van Bossuyt zhvillohet në orën 09:30.

“Në orën 09:30, Presidentja e Republikës së Kosovës, Vjosa Osmani pret në takim Ministren e Drejtësisë së Belgjikës, Annelies Verlinden si dhe Ministren e Azilit dhe Migracionit, si dhe e Integrimit Social, Anneleen Van Bossuyt”, thuhet në një njoftim të presidencës./D.B/EO

Lajmet

Qeveria në detyrë mblidhet sot në orën 12:00

Published

11 minutes ago

October 7, 2025

UBTnews

Qeveria në detyrë do të zhvillojë sot, në orën 12:00, një mbledhje të saj. Lajmi është bërë i ditur përmes një komunikate për media nga Zyra e Kryeministrit.

Në njoftim nuk janë dhënë detaje mbi agjendën apo arsyet e thirrjes së mbledhjes./D.B