Lajmet

Gazetari i BBC-së lë profesionin teksa hetimet mbi intervistën e tij historike me Princeshën Diana po përfundojnë

Published

5 years ago

on

Gazetari i BBC-së, i cili zhvilloi një intervistë “bombë” në 1995 me Princeshën Diana, ka dhënë dorëheqje për arsye shëndetësore, pak para se të botohet një raport që heton nëse ai veproi në mënyrë jo të duhur për të siguruar lejen e Dianës për ta intervistuar.

Martin Bashir është akuzuar për përdorimin e dokumenteve të falsifikuara për të bindur Princeshën që ta realizonte intervistën me të, intervistë me të cilën ajo shkaktoi krizë brenda familjes mbretërore duke treguar detajet rreth prishjes së martesës së saj me Princin Charles.

Një zëdhënës i BBC-së tha se raporti i kryer nga ish-gjykatësi Lord Dyson, pritet të dalë “shumë shpejt”. Korporata njoftoi se Bashir, i cili po lufton me çështje të shumta shëndetësore për disa muaj, do të tërhiqet nga roli i tij aktual si redaktor i religjionit.

Prej kohësh u pretendua që Bashir ka përdorur dokumente të falsifikuara që sugjeronin që stafi i pallatit po punonte kundër Princeshës Diana dhe po paguhej për ta spiunuar atë, ka raportuar spikeri i CNN dhe korrespondenti i Max Foster.

Vëllai i Princeshës Diana, Charles Spencer ka pohuar se Bashir e mashtroi atë duke i treguar deklaratat e rreme të bankës, duke e shtyrë atë të prezantonte gazetarin me motrën e tij.

Gjatë intervistës, Diana i tha Bashirit se ishin “tre persona” në martesën e saj me Charles, duke iu referuar Camilla Parker Bowles, me të cilën Charles do të martohej më vonë.

Pallati Buckingham u shokua nga intervista e vitit 1995, sipas Charles Anson, sekretari i shtypit i mbretëreshës në atë kohë. “Nuk kishim asgjë të thoshim”, i tha Anson më parë CNN.

Drejtori i Përgjithshëm i BBC-së, Tim Davie tha në një deklaratë vitin e kaluar se ai “do të bëjë gjithçka që është e mundur për të arritur në fund të kësaj”, pasi ai njoftoi hetimin e pavarur.

Bashir nuk ka komentuar publikisht në lidhje me akuzat, dhe zyra e shtypit të BBC tha: “Martin Bashir nuk dëshiron të kontaktohet nga media dhe nuk do të bëjë komente publike në këtë kohë. Ai na bëri me dije për vendimin e tij muajin e kaluar, pak para se të ripranohej në spital për një tjetër procedurë kirurgjikale në zemrën e tij”, thuhej në email.

“Megjithëse ai iu nënshtrua një operacioni të madh në fund të vitit të kaluar, ai po përballet me disa çështje të vazhdueshme dhe ka vendosur të përqendrohet në shëndetin e tij. Ne i urojmë shërim të plotë dhe të shpejtë”, u tha nga Zyra e BBC./UBTNews

(Arjeta Ibishi, studente në Media dhe Komunikim në UBT)

Related Topics:
Continue Reading

Lajmet

Kuvendi i Kosovës ratifikon katër marrëveshje ndërkombëtare të kredisë

Published

3 hours ago

on

April 10, 2026

By

Në seancën e mbajtur të premten, deputetët e Kuvendit të Kosovës kanë miratuar disa projektligje që mundësojnë ratifikimin e marrëveshjeve të kredisë me institucione të rëndësishme ndërkombëtare.

Projektligjet e miratuara, të cilat u përfaqësuan nga Ministria e Financave, përfshijnë:

Zhvillimi i Sektorit Financiar: Marrëveshja me Asociacionin Ndërkombëtar për Zhvillim (IDA) për mbështetjen e projektit të sektorit financiar në vend.

Energjia dhe Klima: Marrëveshja me bankën gjermane KfW për programin e kredisë që synon reformat në sektorin e energjisë dhe mbrojtjen e klimës.

Politika Publike: Marrëveshja me Agjencinë Franceze për Zhvillim (AFD) për programin e kredisë të bazuar në politikat e përgjithshme shtetërore.

Tregtia dhe Transporti: Marrëveshja me Asociacionin Ndërkombëtar për Zhvillim për projektin “Lehtësimi i Tregtisë dhe Transportit në Ballkanin Perëndimor 2.0”.

Këto marrëveshje synojnë të forcojnë infrastrukturën ekonomike dhe të lehtësojnë integrimin rajonal përmes investimeve në sektorë strategjikë për Kosovën.

 

Continue Reading

Lajmet

Miratohet rezoluta për mbrojtjen e të vërtetës së luftës

Published

4 hours ago

on

April 10, 2026

By

Kuvendi i Kosovës ka miratuar me 90 vota pro dhe asnjë kundër- Rezolutën për mbrojtjen e historisë dhe të vërtetës së luftës në Kosovë.

Ky propozim i Partisë Demokratike të Kosovës (PDK) bëri bashkë pozitën dhe opozitën, të cilat votuan unanimisht për të mbrojtur vlerat e luftës çlirimtare dhe për të parandaluar tentativat për rishikimin e historisë.

Përmes këtij votimi, deputetët treguan unanimitet, duke vlerësuar se mbrojtja e sakrificës së popullit dhe e të vërtetës historike është një obligim kombëtar që qëndron mbi dallimet politike.

Continue Reading

Lajmet

Super fundjavë futbolli në Evropë

Published

4 hours ago

on

April 10, 2026

By

Të shtunën në Premier League zhvillohen disa përballje interesante ku Arsenal FC pret AFC Bournemouth në ora 13:30, ndërsa në ora 16:00 luajnë Brentford FC kundër Everton FC dhe Burnley FC ndaj Brighton & Hove Albion, ndërsa në mbrëmje Liverpool FC përballet me Fulham FC në ora 18:30.

Në La Liga, Real Sociedad luan ndaj Deportivo Alavés në ora 14:00, Elche CF pret Valencia CF në ora 16:15, ndërsa derbi i madh mes FC Barcelona dhe RCD Espanyol luhet në ora 18:30, dhe në mbrëmje Sevilla FC përballet me Atlético Madrid.

Në Bundesliga, në orën 15:30 zhvillohen disa duele të forta ku Borussia Dortmund luan ndaj Bayer 04 Leverkusen, RB Leipzig pret Borussia Mönchengladbach, FC Heidenheim përballet me 1. FC Union Berlin dhe VfL Wolfsburg luan ndaj Eintracht Frankfurt, ndërsa në ora 18:30 FC St. Pauli pret Bayern Munich.

Të dielën në Premier League në ora 15:00 zhvillohen tri ndeshje ku Crystal Palace FC pret Newcastle United FC, Nottingham Forest FC luan ndaj Aston Villa FC dhe Sunderland AFC përballet me Tottenham Hotspur FC, ndërsa në ora 17:30 luhet superndeshja mes Chelsea FC dhe Manchester City FC.

Në La Liga, në ora 14:00 CA Osasuna pret Real Betis, në ora 16:15 RCD Mallorca luan ndaj Rayo Vallecano, në ora 18:30 RC Celta de Vigo përballet me Real Oviedo dhe në ora 21:00 Athletic Club luan ndaj Villarreal CF.

Në Bundesliga, në ora 15:30 1. FC Köln përballet me SV Werder Bremen dhe VfB Stuttgart luan ndaj Hamburger SV, ndërsa në ora 19:30 1. FSV Mainz 05 pret SC Freiburg.

Continue Reading

Lajmet

Gjobitja e investitorit për shembjen e rrugës në kryeqytet: Përparim Rama kërkon edhe heqjen e licencave

Published

5 hours ago

on

April 10, 2026

By

Kryetari i Prishtinës, Përparim Rama, ka bërë të ditur se janë ndërmarrë masa ndëshkimore ndaj përgjegjësve për shkatërrimin e rrugës “Don Shtjefën Kurti”.

Sipas të parit të komunës, investitori ka shpërfillur urdhrin paraprak për mbylljen e gropës në sektorët 4 dhe 5, çka ka çuar në shqiptimin e gjobave të majme.

Për këtë shkelje, kompania investuese është ndëshkuar me 30 mijë euro, ndërsa personi përgjegjës ligjor me 3 mijë euro të tjera. Përveç sanksioneve financiare, Rama ka kërkuar masa edhe ndaj stafit teknik që ka mbikëqyrur punimet.

“Deri më sot nuk janë prezantuar vendimet e inxhinierëve mbikëqyrës, prandaj kërkojmë nga Oda e Inxhinierëve të Republikës së Kosovës, inicimin e procedurave për tërheqjen e licencave të inxhinierëve mbikëqyrës”, ka deklaruar Rama.

Kryetari theksoi se mungesa e raporteve dhe vendimeve nga inxhinierët mbikëqyrës është e papranueshme, duke insistuar që Oda e Inxhinierëve të reagojë menjëherë për të sanksionuar profesionalisht ata që lejuan këtë dëmtim të infrastrukturës publike.

 

Continue Reading

Të kërkuara