Lajmet

Gazetari amerikan, Evan Gershkovich dënohet me 16 vjet burg

Published

on

Gazetari amerikan, Evan Gershkovich u shpall fajtor sot për “spiunazh” në Rusi dhe u dënua me 16 vjet burg, një akuzë e cila nuk u vërtetua kurrë nga Moska dhe u refuzua nga personi në fjalë, të afërmit e tij dhe Shtetet e Bashkuara të Amerikës.

Gazetari 32-vjeçar i “Wall Street Journal” dhe ish-gazetari i AFP-së do të duhet të vuajë dënimin në një koloni penale me një regjim të rëndë”, urdhëroi gjyqtari Andreï Mineyev, sipas një gazetari të AFP-së i pranishëm në seancë.

Kjo do të thotë kushte shumë të rrepta burgimi, krahasuar me regjimin normal. Gershkovich u arrestua në mars 2023. Ai u dënua për mbledhjen e informacionit mbi fabrikën e pajisjeve të mbrojtjes ”Uralvagonzavod”, në Nizhny Tagil, e cila shtrihet 130 kilometra në veri të Ekaterinburgut, për llogari të CIA-s. Ashtu si shumë gazetarë perëndimorë, Gershkovich kishte punuar dhe hulumtuar në Rusi me akreditim nga Ministria e Jashtme në Moskë.

Kremlini tha se kohët e fundit bisedime ishin duke u zhvilluar në lidhje me një shkëmbim të të burgosurve rusë të mbajtur në SHBA për lirinë e Gershkovichit. Ndalimi i shtetasve amerikanë në Rusi shpesh çon në negociata të vështira midis Moskës dhe Uashingtonit./UBTNews/

Aktualitet

FSK-ja realizon ushtrimin fushor “Ujku shigjetë” pesë ditë

Published

on

Trupat e Forcës së Sigurisë së Kosovës do të realizojnë ushtrimin fushor “Ujku Shigjetë” për pesë ditë.

FSK-ja ka njoftuar se gjatë këtyre ditëve do të ketë lëvizje të konvojeve nga bazat në drejtim të rajonit të Gjakovës, ndërkohë ka kërkuar mirëkuptimin e qytetarëve.

“Njoftojmë gjithë qytetarët e Republikës së Kosovës, se nga data 31 gusht deri më 05 shtator 2025 Forca e Sigurisë së Kosovës do të realizojë ushtrimin fushorë ‘Ujku Shigjetë’, në kuadër të përgatitjeve për validimin e Regjimentit të tretë.

Gjatë kësaj periudhe do ketë lëvizje të konvojeve nga vendbanimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës”, thuhet në njoftimin e FSK-së

Continue Reading

Aktualitet

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Published

on

Komisioni Qeveritar për Personat e Zhdukur, përmes një njoftimi ka bërë të ditur se sot nga ora 10:45, mbahen homazhe te Monumenti i Personave të Zhdukur. Kryesuesi i Komisionit Qeveritar për Personat e Zhdukur, Andin Hoti, ka bërë të ditur se deri më tani janë punuar 17 lokacione në Kosovë në kuadër të kërkimeve për personat e zhdukur.

Hoti tregoi se në 7 prej tyre janë zbuluar mbetje mortore.

“17 lokacione është punuar deri më tani në Kosovë, 7 prej tyre ka pasur gjetje të mbetjeve mortore (të cilat janë dërguar për analizë në Laborator të ICMP)”, u shpreh Hoti.

Sipas tij, aktualisht janë përfunduar disa gërmime, derisa pritën edhe 5 lokacione të gërmohet.

“Aktualisht i kemi përfunduar gërmimet në Vushtrri dhe Klinë në një lokacion. Janë edhe minimum 5 lokacione tjera që pritet të ndërmarrin veprim ekipet”, deklaroi Hoti.

Ai ka konfirmuar se mbetjet mortore të 9 individëve janë gjetur në lokacionet në Kosovë.

Në përpjekje për të ndriçuar fatin e të zhdukurve, lokacionet e gërmimeve mbeten pikë kyçe në procesin e kërkimit dhe identifikimit të mbetjeve mortore.

Continue Reading

Aktualitet

Një vdekje e dyshimtë në Skenderaj

Published

on

Një person është gjetur pa shenja jete në Skenderaj ditën e sotme ku policia po e heton si vdekje të dyshimtë.

“Është raportuar për një viktimë mashkull kosovar pa shenja jete. Në vendin e ngjarjes kanë dalë njësit relevante policore si dhe emergjenca ku mjeku kujdestar ka konstatuar vdekjen e viktimës”, thuhet në njoftim.

“Me vendim të prokurorit, trupi i pajetë është dërguar në IML për obduksion”, thuhet në raportin e PK-së.

Continue Reading

Aktualitet

Gucati: Së shpejti do të dalim me emrat e eksponentëve të VV-së që çuan dokumentacione në Hagë

Published

on

Kryetari i OVL-UÇK, Hysni Gucati ka deklaruar të enjten se brenda Lëvizjes Vetëvendosje ka dëshmitarë të Gjykatës Speciale.

Në një konferencë për media, ai përmendi emrin e ministres së Jashtme në detyrë, Donika Gërvalla, duke thënë se ajo ka dorëzuar dokumente në këtë gjykatë.

“Ne jemi bazuar gjithmonë në punimin shkencor duke parë Dimal Bashën që e ka bërë në vitin 2012, ku Dimal Basha thotë se në vitet e ’90-ta, Ushtria Çlirimtare e Kosovës është financuar nga dilerë të drogës, ku aty përfshihen të gjithë dëshmorët, ata që kanë rënë. Besoj e dini, që disa eksponentë të VV-së që janë aty sot, në Parlamentin e Kosovës kanë deponuar dokumentacione të Gjykatën Speciale në Hagë. Ministra Gërvalla gjithqysh, por ka edhe të tjerë”, u shpreh Gucati.

Sipas tij, janë disa këshilltarë të ministrave, ku paralajmëron se emrat e tyre do të dalin shumë shpejt.

“Shumë shpejt do të dalim me emra, ne nuk kemi nevojë t’i frikësohemi askujt. Ka ardhur koha ta ndajmë sharpin nga sheqeri, dhe të kuptohet një herë e mirë se kush e do vendin dhe kush nuk e do”, tha tutje kreu i OVL-UÇK-së.

Ai shton se i vjen turp për deputetët e Kosovës që votuan Dimal Bashën për kryetar të Kuvendit.

Continue Reading

Të kërkuara