

Kulturë
Gazetarët që dokumentuan historinë e Kosovës: Ferid Selimi, Safet Zejnullahu dhe Musa Sabedini vlerësohen për kontributin në gazetari në kohën e okupimit
Published
1 year agoon
By
Betim GashiNë një ceremoni solemne të organizuar në Prishtinë për të nderuar 25-vjetorin e çlirimit të Kosovës, Asociacioni i Gazetarëve të Kosovës (AGK) ka ndarë mirënjohje të veçanta për më shumë se 400 profesionistë të medias nga Kosova, Shqipëria dhe Maqedonia e Veriut, si dhe për gazetarë ndërkombëtarë të cilët kontribuan në raportimin nga Kosova gjatë periudhës së okupimit dhe luftës në vitet 1998-1999.
Mirënjohjet u ndanë për të njohur dhe vlerësuar kontributin e jashtëzakonshëm të këtyre individëve në rrugën drejt lirisë së shtypit dhe të informimit gjatë kohës kur Kosova përballej me sfidat më të mëdha historike. Çdo mirënjohje u shoqërua me fjalë falenderimi dhe përshëndetje për të gjithë ata që me profesionalizmin dhe vendosmërinë e tyre, kontribuan në dokumentimin dhe shpërndarjen e lajmeve në një kohë të vështirë për vendin.
Ferid Selimi, dekan i Fakultetit të Medias dhe Komunikimit në UBT, u nderua me një nga mirënjohjet për kontributin e tij në fushën e gazetarisë gjatë kësaj periudhe të vështirë. Ai ka shprehur emocionin e tij për këtë vlerësim dhe ka falënderuar Asociacionin e Gazetarëve të Kosovës për vlerësimin dhe për njohjen e punës së tij dhe të të gjithë atyre që bashkëpunuan me të.
“Ishte fund korriku a fillim gushti i vitit 1983, (asokohe, unë 20 vjeçar) kur së bashku me Qani Mehmedin (Redaktor i atëhershëm në revistën javore “Zëri i Rinisë”, Qaniu tashmë i ndjerë) zhvilluam intervistën e parë me Nerimane Kamberin (aso kohe 16 vjeçare) që sapo kishte botuar romanin e saj të parë në gjuhën frënge në Belgjikë. Për kohën ishte sensacion, sepse Nerimanja 16 vjeçare ishte bërë autorja më e re shqiptare që kishte botuar roman. Intervista me titull: “Vasha e ambicieve të mëdha” u botua në Zëri i Rinisë. Ishte ky shkrimi i parë imi më serioz në gazetari, e që më hapi udhë për gazetar. Pas 41 viteve angazhim në gazetari, në fillim si ndjekës dhe shkrues i ngjarjeve, e më pas edhe në edukimin e brezave të rinj, në vitin 2024, AGK më ndan Mirënjohje me motivin: “Për kontribut të jashtëzakonshëm në gazetari dhe media, në rrethana të okupimit, para dhe gjatë luftës në Kosovë 1998-99” Faleminderit!”, shkruan Selimi.
Safet Zejnullahu, ligjërues në Fakultetin Media dhe Komunikim në UBT, është një nga ata gazetarë që kontribuoi gjatë periudhës së okupimit dhe luftës në Kosovë në vitet 1998-1999. Ai është nderuar me çmimin për “kontributin e jashtëzakonshëm në gazetari dhe media, në rrethana të okupimit, para dhe gjatë luftës në Kosovë”.
Përveç kontributit në fushën e gazetarisë, Zejnullahu vlerëson dhe përmend me respekt dhe mirënjohje kolegët dhe udhëheqësit e tjerë të QIK-ut dhe të zyrave të Kosovës nëpër botë, që ndihmuan në shpërndarjen e lajmeve dhe mundën terrin informativ.
“1990-1999 – koha kur gazetarët shqiptarë e fituan betejën e tyre kundër Serbisë. Më erdhi sot mirënjohja nga AGK për kontribut në gazetarinë e Kosovës në rrethana okupimi, aparteidi e lufte. Faleminderit AGK! Kontributin më të madh në këtë periudhë (edhe jetësor, sepse nuk besoj se do ta kaloj asnjëherë atë angazhim, përkushtim e, mbi të gjitha, sukses e arritje kulmore si media) e kam dhënë në Qendrën për Informim të Kosovës (QIK). Bashkë me kolegët e medieve të tjera, atyre vendore e atyre ndërkombëtare, e mundëm terrin informative të imponuar nga Serbia. Një luftë e fituar edhe në fushën e medias, një detyrë e kryer me nder nga të gjitha gazetarët”, shkruan Zejnullahu.
Zejnullahu duke falënderuar AGK-në, kujton edhe bashkëpunëtorët e asaj kohe të cilëve me emër e mbiemër ia rikujtoi dhe vlerësoi kontributin.
“Ndjej për borxh (për gjeneratat e reja) të sjell këtu emrat e të gjithë atyre që dhanë kontribut në QIK: Nismëtarët: Ibrahim Berisha, Mehmet Kraja, Avni Spahiu, Lindita Aliu. Ekipi që barti barrën më të madhe në kohën më të vështirë: Enver Maloku, Xhemail Mustafa, Sabedin Haliti, Muhamet Hamiti, Skender Hyseni, Hilmi Zogiani, Shefki Ukaj, Bajram Mjeku, Safet Zejnullahu, Vjosa Sadriu, Refki Morina, Nazim Lleshi, Ibrahim Gashi, Ramadan Muçolli, Sanije Berisha, Fatmir Hadri, Adnan Ruhani, Remzi Ademi, Edmond Hajrullaaga, Mujë Ferati, Behram Krasniqi, Ismet Berisha”, shkruan ligjëruesi Zejnullahu në rrjetin e tij social në Facebook. Pa harruar asnjëherë kontributin e udhëheqësve dhe personelit të zyrave të Kosovës anekënd globit, të cilët i shpërndanë lajmet tona (në shqip, anglisht, gjermanisht e frëngjisht). Kontribut i veçantë: të gjithë kryetarët e Komisioneve për Informim nëpër të gjitha vendbanimet e Kosovës. Pa ta, informatat nuk do të arrinin me kohë dhe do të duhej kohë për t’i verifikuar. Shënim: Le të mos harrojmë se, në krye me Enver Malokun, QIK-u nxori gazetën e parë të mbrëmjes në Kosovë”, shkruan Zejnullahu.
Musa Sabedini, ligjërues në Fakultetin Media dhe Komunikim në UBT, u nderua po ashtu me çmimin për “kontributin e jashtëzakonshëm në gazetari dhe media, në rrethana të okupimit, para dhe gjatë luftës në Kosovë”. Sabedini shprehet se ky vlerësim i jep vlerë dhe kuptim punës sfiduese të të bërit gazetari në Kosovë.
“Kjo është një mirënjohje e dhënë nga AGPK-ja, një falënderim nga zemra. Realisht ditën kur janë ndarë mirënjohjet isha në Tiranë dhe nuk kisha mundësi të isha prezent edhe pse realisht nuk më kanë informuar që do të marrë mirënjohje. Megjithatë pas katër çmimeve të fituara për gazetari hulumtuese dhe shumë mirënjohje e shpërblime tjera, që ndërlidhën me punën time profesionale në gazetari, edhe kjo mirënjohje i jep vlerë dhe kuptim punës sonë shumë sfiduese, e të dobishme për shoqërinë dhe vet ngritjen e cilësisë, në të bërit gazetari në Kosovë”, shkruan Sabedini në rrjetin e tij social.
Në këtë ceremoni, me mirënjohje u nderuan mbi 400 gazetarë, kameramanë e fotoreporterë, nga Kosova, Shqipëria e Maqedonia e Veriut, si dhe ata ndërkombëtarë që kanë raportuar në atë kohë nga Kosova./UBTNews/
D.E
Magazinë
Jennifer Aniston: Romancë e re për aktoren?
Published
1 hour agoon
July 11, 2025By
UBT News
Jennifer Aniston është lidhur me burra të ndryshëm gjatë viteve, por këtë herë i dashuri i saj i ri i supozuar nuk është nga showbiz, ose të paktën jo në mënyrën që e imagjinojmë ne.
Sipas thashethemeve të publikuara nga Page Six, ajo është duke u takuar me Jim Curtis, një hipnotizues me mbi gjysmë milioni ndjekës në Instagram.
Të dy u fotografuan së bashku me pushime në Mallorca me miqtë e yllit të Morning Show, Jason Bateman dhe gruan e tij Amanda Anka.
Si u takuan?
Aniston zbuloi në prill se kishte vendosur të provonte hipnozën për të kapërcyer frikën e saj nga fluturimi, pa specifikuar nëse kishte punuar me Curtis.
Megjithatë, kjo nuk është hera e parë që ajo është parë nga media me këtë hipnotizues. Sipas informacionit të publikuar nga InStyle, ata kishin qëndruar më parë së bashku në qershor në një hotel luksoz në Kaliforni.
Aniston ka qene e martuar më parë me Brad Pitt (2000-2005), me të cilin ajo u divorcua kur ai filloi një lidhje me Angelina Jolie, dhe më pas me Justin Theroux (2015-2018).
Magazinë
Orlando Bloom postoi foto me Katy Perry-n sikur të mos ishin ndarë
Published
18 hours agoon
July 10, 2025By
UBT News
Orlando Bloom dhe Katy Perry duket se kanë konfirmuar zyrtarisht ndarjen e tyre, pas muajsh spekulimesh që u shtuan sidomos pas paraqitjes vetëm të aktorit në dasmën e Jeff Bezos dhe Lauren Sánchez në Venecia. Megjithatë, një foto në Instagramin e Bloom duket se flet për një përmirësim të marrëdhënies mes tyre, ose mbase një raporti miqësor e të shëndetshëm, sidomos për hir të fëmijëve.
Pak ditë pas ceremonisë luksoze të Bezos dhe Sánchez, Bloom publikoi në Instagram një seri fotosh nga pushimet familjare në Bregun e Amalfit në Itali, ku shfaqej i lumtur së bashku me vajzën 4-vjeçare, Daisy, që ka me Katy Perry, dhe djalin e tij 14-vjeçar, Flynn, nga lidhja e mëparshme me Miranda Kerr. Në njërën nga fotografitë, ata duken duke buzëqeshur të gjithë së bashku në një varkë, duke dhënë përshtypjen se gjithçka mes tyre është e qetë dhe pa drama.
Lidhja mes Bloom dhe Perry filloi më 2016, pasi u panë së bashku në një festë pas ndarjes së çmimeve Golden Globes. Pas një ndarjeje të shkurtër në 2017, u rikthyen dhe u fejuan në Ditën e Shën Valentinit të vitit 2019. Vajza e tyre, Daisy Dove Bloom, lindi në vitin 2020.
Lajmi për ndarjen u konfirmua përmes një deklarate të përbashkët nga përfaqësuesit e çiftit, e cila u publikua disa ditë më parë:
“Për shkak të interesit të shtuar publik dhe diskutimeve të vazhdueshme rreth marrëdhënies së tyre, përfaqësuesit konfirmojnë se Katy dhe Orlando kanë ndryshuar natyrën e marrëdhënies së tyre gjatë muajve të fundit, duke u përqendruar te bashkëprindërimi i vajzës së tyre.”
Pavarësisht ndarjes, ata po ruajnë raport të shëndetshëm familjar dhe fansat mund të shohin më shumë nga këto momente në postimin e fundit të Orlandos.
Magazinë
A do të rikthehet “Squid Game” me sezon të katërt? – “Loja ka mbaruar” thotë regjisori i serialit
Published
23 hours agoon
July 10, 2025By
UBT News
Finalja e sezonit të tretë të “Squid Game” vjen me një mesazh të qartë: “Game over (Loja mbaroi)”.
Në episodin e fundit, personazhi i njohur si Front Man aktivizon protokollet e evakuimit, teksa rojet me uniforma rozë braktisin dhomën e kontrollit dhe, më pas, edhe vetë ishullin. Në ekranet e qendrës komanduese shfaqet fjalia e famshme: “Loja mbaroi”, kjo nuk vlenpër ngjarjen në serial, por për vetë serialin.
“Squid Game” nuk do të ketë sezon të katërt, shkruan Netflix.
Kjo është konfirmuar nga regjisori, Hwang Dong-hyuk, i cili verën e kaluar publikoi një letër për fansat e tha: “Jam i emocionuar që fara që u mboll me krijimin e ‘Squid Game’ ka rritur një pemë që tani po jep frytin përfundimtar të kësaj historie”.
Ai shtoi se sezoni i tretë do të jetë i fundit dhe finalja do të transmetohet në vitin 2025. Tashmë, gjashtë episodet e fundit janë në dispozicion për t’u parë dhe përfaqësojnë fundin e udhëtimit të Gi-hun dhe gjithë lojës.
Hwang nuk kishte planifikuar që protagonisti Gi-hun të vdiste në sezonin e tretë, por gjatë shkrimit, realizoi se kishte nevojë për fund domethënës:
“E ndjeva se ishte koha ta mbyllja udhëtimin e Gi-hun dhe t’i përcillja publikut një mesazh: Nëse ndjekim vetëm interesin tonë të menjëhershëm, pa vetëpërmbajtje, pa sakrifica dhe pa bashkëpunim, nuk kemi të ardhme”.
Ky mesazh final u përçua përmes një episodi emocional e kuptimplotë, ku zbulohet se kush fiton, kush humb dhe kush mbijeton nga loja.
Krijuesi i serisë tregon se realizimi i 22 episodeve ka qenë rrugëtim i lodhshëm, por i paharrueshëm:
“E ndjej një ndjesi të ëmbël dhe të hidhur që gjithçka mori fund. Do të më mungojnë skenat si konvikti me krevate trefish që më shkaktonin ankth, shkallët labirintike ku gjithmonë humbja rrugën për të dhënë udhëzime, apo arenat e lojërave që më dhembte t’i shembnim pas xhirimeve”.
Ai shton: “Madje edhe lodhja fizike nga ditët e gjata në set do të më mungojë. Por më shumë se gjithçka tjetër, do të më mungojnë kujtimet që krijuam së bashku”.
Hwang e përmbyll me një reflektim emocional: “Ajo që mbetet në thelb është gëzimi që ndjenim kur krijonim diçka. Kur pashë që ajo që kisha vizualizuar në mendjen time po merrte jetë përpara syve të mi — edhe më mirë sesa e kisha imagjinuar — ajo ndjesi ishte e paçmuar. Do ta mbaj mend gjatë”.
Seriali i plotë “Squid Game” është i disponueshëm për t’u rishikuar në Netflix.
Magazinë
“Frikë nga më e keqja”/ Shëndeti i Mbretit Charles ndez alarmet në pallat
Published
2 days agoon
July 9, 2025By
UBT News
Shëndeti i Mbretit Charles III ka qenë nën mikroskop që nga diagnoza e tij me kancer në fillim të vitit 2024, dhe shfaqja e tij e fundit me një sy të skuqur shkaktoi shqetësim të ri midis vëzhguesve mbretërorë.
Më 8 korrik, monarku 76-vjeçar mirëpriti Presidentin Francez Emmanuel Macron dhe gruan e tij, Brigitte, në Kështjellën Windsor për një vizitë shtetërore, të shoqëruar nga Mbretëresha Camilla, Princi William dhe Kate Middleton.
Fotot nga eventi, që tregonin një sy të djathtë të kuq, i çuan fansat në tërbim, me disa që spekuluan mbi X-in rreth lidhjeve të mundshme me trajtimin e vazhdueshëm për kancerin. Pallati i Buckingham-it ndërhyri shpejt për të qetësuar stuhinë, duke shpjeguar se Charles kishte një hemorragji subkonjunktivale, një enë gjaku të shpërthyer në syrin e tij.
Sipas Klinikës Mayo, kjo gjendje, ndërsa është alarmante për t’u parë, është e padëmshme, e ngjashme me mavijosje në lëkurë, që shkaktohet nga diçka aq e thjeshtë sa një kollë ose teshtimë.
Burime nga Pallati theksuan se kjo nuk ka lidhje me trajtimin e kancerin, të cilin e ka ndjekur që nga diagnoza e tij pas një procedure për zmadhimin e prostatës në janar 2024. Transparenca e Pallatit pasqyron qasjen e tyre ndaj përditësimeve të mëparshme shëndetësore, si kur Charles u shtrua shkurtimisht në spital në mars 2025 për efekte anësore të trajtimit.
Reagimi i publikut ka qenë një përzierje shqetësimi dhe lehtësimi.
A është syri i kuq i Charles një tregues i udhëtimit të tij me kancerin?
Krahasuar me shqetësimet e kaluara shëndetësore, si shtrimi i tij në spital në mars ose thashethemet për planet e funeralit të quajtur Operacioni Ura Menai, ky incident duket më pak i rëndë.
Në vitin 2022, Charles u pa me sy të skuqur në Luton, gjë që i atribuohet alergjive ose thatësisë së mundshme, duke sugjeruar se ky nuk është një problem i ri, por tërheq vëmendjen për shkak të betejës së tij me kancerin.

Tentimi i 45-të për ta bërë Kuvendin

Trump kërcënon me tarifa prej 35% për mallrat kanadeze

11 korrik – Dita Botërore e Popullsisë

Shëndeti i zorrëve, si ta mbroni sistemin tretës?

Jennifer Aniston: Romancë e re për aktoren?

Real Madrid i hapur për shitjen e Rodrygos – por vendimi i mbetet lojtarit

Enesa Hamiti, Menaxhere e Platformave Digjitale në Onima Co., ligjëron për strategjitë e monetizimit në përmbajtjen online

Hendersoni largohet nga Ajaxi

Rubio: SHBA-ja dhe Rusia kanë shkëmbyer ide të reja për bisedimet për paqe në Ukrainë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT1 month ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT1 month ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore