Sport

Gattuso: Vuaj nga Myasthenia por nuk i frikësohem vdekjes

Published

6 years ago

December 24, 2020

Betim Gashi

Skuadra e Napolit është duke kaluar nëpër një periudhë negative të rezultateve pa fitore në tre ndeshjet e fundit dhe duket se në formën e tyre ka ndikuar edhe situata jo e mirë shëndetësore e trajnerit Gennaro Gattuso.

Në fakt, ish mesfushori i Milanit në ndeshjet e fundit është paraqitur me syze dhe me njërin sy të mbyllur dhe u raportua se ai po vuan nga një sëmundje e quajtur “Myasthenia” e cila ka të bëjë me dobësimin e muskujve të qepallave të syrit dhe si rezultat ndodh mbyllja e pavullnetshme e syrit.

Tani në lidhje me këtë ka folur edhe vetë Gattuso duke zbuluar se atij i është përmendur edhe vdekja si pasojë e kësaj sëmundje.

“Sëmundja ime quhet Myasthenia dhe unë nuk jam vetja prej 10 ditësh. Kjo është hera tretë që më godet kjo sëmundje por kësaj radhe goditja është më e fortë. Më thanë që edhe mund të vdes dhe kam edhe një muaj jetë, por unë jam ende gjallë’, tha Gattuso.

“Të shohësh turbull është diçka shumë e rëndë por edhe kjo do të kalojë. I inkurajojë të gjithë të rinjtë që të mos dorëzohen kur diçka nuk shkon mirë. Jeta është e bukur. Kam 10 vite me këtë sëmundje por jam i bindur se syri im do të rikthehet prapë edhe pse thuhet se është diçka e pashërueshme. Besoj se së shpejti prapë do të dukem më i bukur.” tha në fund Gattuso.

Related Topics:Napoli UBTSPORT Gattuso Myasthenia

Up Next

Shaqiri e Thiago pranë rikthimit nga lëndimi

Don't Miss

FFK ndan çmimet për sportistët më të mirë të vitit 2020

Vendi

Akil Gjakova mbyll garën pa medalje në Abu Dhabi

Published

17 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

17 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

19 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/