Sport

FFK ndan çmimet për sportistët më të mirë të vitit 2020

Published

6 years ago

December 24, 2020

Betim Gashi

Federata e Futbollit të Kosovës (FFK), në një ceremoni të veçantë ka ndarë sot çmimet për sportistët më të mirë të vitit “Laureatët e vitit 2020”.

Në një ceremoni të ngushtë, ku morën pjesë vetëm fituesit, FFK ndau çmimet për: Lojtarit më të mirë në futsall, klubi më i mirë në futsall, futbollistja më e mirë, klubi i vitit në kategorinë e femrave, trajneri më i mirë i vitit, gjyqtari i vitit, golashënuesi më i mirë i vitit, Ekipi më Fair Play, Klubi i vitit, Formacioni i vitit dhe Lojtari më i mirë i Superligës.

Këto janë të gjitha çmimet e ndara nga FFK:

Trajneri më i mirë i vitit: Ardian Nuhiu (trajner i FC Dritës)

Futbollisti më i mirë i Kosovës për vitin 2020: Mërgim Vojvoda

Gjyqtari më i mirë: Mervan Bejtullahu

Futbollisti më i mirë për vitin 2020 në Kosovë në futsall: Jeton Rukovci

Klubi më i mirë në futsall për vitin 2020: FC Prishtina

Futbollistja më e mirë për vitin 2020: Blerta Shala

Klubi më i mirë për vitin 2020 në kategorinë e femrave: Mitrovica

Golashënuesi i vitit 2020: Mirlind Daku

Klubi më fair-play i vitit 2020: Feronikeli

Lojtari më i mirë i Superligës së Kosovës për vitin 2020: Armend Thaçi

Klubi më i mirë për vitin 2020: FC Drita

Vendi

Akil Gjakova mbyll garën pa medalje në Abu Dhabi

Published

16 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

16 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

18 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/