Aktualitet

Gati 100 mijë punëtorë të Volkswagenit iu bashkuan grevës

Published

on

Një ditë grevë në pothuajse të gjitha fabrikat e gjigantit gjerman Volkswagen në Gjermani, ka përfunduar në mëngjesin e së martës, ndërsa sindikata e punëtorëve ka thënë se gati 100.000 punëtorë i janë bashkuar protestës.

Greva është thirrur nga sindikata për të protestuar kundër paralajmërimeve për ulje pagash, mbyllje të disa fabrikave dhe zvogëlimit të numrit të punëtorëve në Volkswagen, kompanisë më të madhe në Evropë për prodhim të automjeteve.

Shefat e kompanisë, në anën tjetër, kanë përsëritur se uljet e shpenzimeve janë të domosdoshme, në mënyrë që kompania të mbetet konkurrente të treg, që të rriten fitimet, dhe ato më pas të investohen në automjetet e së ardhmes, përfshirë ato elektrike.

Volkswagen është përballur me rënie të kërkesës dhe rritje të madhe të konkurrencës ndërkombëtare, sidomos prej tregjeve kineze.

Gjiganti gjerman ka pasur vështirësi në lansim dhe reklamim të modeleve elektrike të makinave.

Udhëheqës të sindikatës së punëtorëve kanë thënë se ky është paralajmërimi i parë kundër planeve të ashpra të menaxhmentit të kompanisë dhe që nëse nuk merren parasysh kërkesat, protesta do të ketë sërish përgjatë dimrit./REL/

Aktualitet

Valë e të nxehtit ekstrem godet Spanjën

Published

on

Continue Reading

Aktualitet

Estonia nis revolucionin digjital në shkolla: Inteligjenca Artificiale, pjesë e çdo klase

Published

on

Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.

Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.

U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.

Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”

Ministrja estoneze e arsimit, Kristina Kallas, gjatë një vizite në Londër  ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”

Continue Reading

Bota

Izraeli bombardon shtëpinë e gazetarit në Gaza – 8 të vdekur

Published

on

By

Të paktën tetë persona janë vrarë dhe disa të tjerë janë plagosur pas një sulmi ajror të ushtrisë izraelite që goditi shtëpinë e gazetarit Osama el-Arbid në zonën As-Saftavi, në veri të Rripit të Gazës, mëngjesin e sotëm. Sipas raportimeve të Al Jazeera, gazetari el-Arbid i ka mbijetuar sulmit dhe është nxjerrë i gjallë nga rrënojat.

Burime shëndetësore të Al Jazeera-s konfirmojnë se që nga orët e para të mëngjesit, të paktën 15 persona janë vrarë nga bombardimet izraelite në pjesë të ndryshme të Gazës.

Në një tjetër incident tragjik, tre palestinezë humbën jetën pasi ushtria izraelite hapi zjarr ndaj një grupi qytetarësh pranë një pike shpërndarjeje të ndihmës humanitare, e ngritur nga një organizatë e mbështetur nga Izraeli dhe SHBA.

Ndërkohë, në qytetin jugor të Rafahut, autoritetet lokale raportuan për 46 persona të plagosur dhe shtatë të zhdukur si pasojë e një sulmi tjetër ajror të martën.

Situata në Gaza vazhdon të përshkallëzohet, ndërsa organizatat ndërkombëtare për të drejtat e njeriut po bëjnë thirrje për ndaljen e menjëhershme të dhunës dhe mbrojtjen e civilëve, përfshirë gazetarët dhe punonjësit humanitarë.

Continue Reading

Aktualitet

PDK thërret konferencë për media

Published

on

Partia Demokratike e Kosovës (PDK) ka paralajmëruar një konferencë për media që do të mbahet sot në selinë qendrore të partisë.

Sipas njoftimit për media nga ky subjekt politik, konferenca pritet të nisë në orën 11:00.

Megjithatë, nuk janë dhënë detaje lidhur me temën apo arsyen e kësaj konference.

Continue Reading

Të kërkuara