Lajmet

Gastronomët paralajmërojnë protesta

Vranica tha se do të bëjnë presion te Qeveria për realizimin e kërkesave të tyre.

Published

on

Pas hyrjes në fuqi të masave të reja kundër pandemisë, Shoqata e Gastronomëve ka paralajmëruar protesta, krejt kjo pas pakënaqësive karshi vendimeve të Qeverisë.

Sekretari i Shoqatës së Gastronomëve të Kosovës, Arian Vranica në një intervistë për Ekonomia Online tha se do të mbajnë takim me Këshillin drejtues për të marrë vendim pas masave të vendosura nga ekzekutivi. Ai tha se do të bëjnë presion te Qeveria për realizimin e kërkesave të tyre, sepse institucionet e vendit kanë rënë në gjumë dimëror.

Sipas tij, nëse gjendja vazhdon të jetë e qetë atëherë duhet të ketë lirim të masave sidomos në kohën e festave kur edhe vijnë bashkëatdhetarët, që ai i konsideron infuzion për ekonominë.

“Ne do të mbajmë takim me Këshillin drejtues të shoqatës së Gastronomëve të Kosovës dhe t’i shqyrtojmë pozicionet tona në raport me këtë situatë. Propozimet që do të bëhen në raport me Qeverinë e Kosovës edhe në rast të mos përgjigjes e cila nuk po ndodh tash e një kohë të gjatë ku institucionet kanë rënë në gjumë dimëror. Në rast se vazhdohet për pak ditë normalisht që do të diskutohet për organizimin e protestave. Ne tentojmë ta bëjmë presion sa më shumë. Ose do të ketë hapje në rast të mos mbështetjes së gastronomëve meqë rast po afrohet edhe diaspora dhe mund të konsiderohet infuzioni më i vetëm ekonomik në raport me sektorin e gastronomisë, ose të bëhet mbulimi i disa shpenzimeve dhe të shtyhet TVSh në shitje në 8% siç është deri me 31 dhjetor të këtij viti”, deklaroi ai.

Ai ka bërë të ditur se janë duke shqyrtuar mundësinë që të bëhen disa ndryshime ligjore sa i përket TVSh, e cila sipas tij duhet të shtyhet për vitin 2022.

 “Realisht ne jemi duke shqyrtuar disa veprime përpara. Jemi t’u dashtë me të gjitha grupet parlamentare të kuvendit për me inicua disa ndryshime ligjore për shembull TVSh në shitje të shtyhet për aq sa të ketë pandemi, së paku edhe për një vit. Duhet të bëhet një mbështetje financiare edhe për pronarët e klubeve të natës të sallave të dasmave si një lloj kompensimi i dëmit në raport me pronarët e lokaleve. Duhet të bëhet subvencionimi i punëtorëve për gjashtë muaj dhe duhet të shqyrtohet mbështetja në raport me subvencionimin e interesit të kredive të këtyre dy domeneve të cilat janë mbajtur të mbyllura për 19 muaj dhe nuk iu është siguruar asgjë në proporcion me atë mbyllje që e kanë bërë me këto dy domene për 19 muaj. Normalisht që këtë situatë po e kundërshtojmë dhe në rast se nuk ka mundësi shteti i Kosovës për t’i subvencionuar duhet m’i hapë. Ne jemi duke i kundërshtuar dhe në rast se nuk gjendet zgjidhje, ne do të mbajmë edhe protesta”, tha Vranica.

Sipas masave të reja antiCOVID, shërbimet e gastronomisë lejohet të zhvillojnë aktivitetin e tyre nga ora 05:00 deri në orën 23:00, muzika lejohet vetëm deri në orën 21:30.

Lajmet

Radoniqi për rezultatet e zgjedhjeve: Duhet t’i presim edhe ankesat nga PZAP

Published

on

By

Komisioni Qendror i Zgjedhjeve ka vendosur rinumërimin e fletëvotimeve të 16 kutive të votimit, ku pesë nga to janë për kryetarë të Komunave, ndërsa 11 të tjera për Kuvende Komunale.

Drejtori i sekretariatit të KQZ-së ka paraqitur sot para anëtarëve të Komisionit propozimin për rinumërimin e 16 vendvotimeve ku përfshihet një kuti e votimit në Deçan, një në Gllogoc, dy në Gjilan, një në Lipjan, dy në Prishtinë dy në Prizren, një në Shtime dhe një Suharekë.

Ndërsa, Drejtori i Sekretariatit të Komisionit Qendror të Zgjedhjeve, Besnik Buzhala ka treguar pse nuk janë shpallur rezultatet e zgjedhjeve lokale brenda afateve që ishte, pra sot. E kjo erdhi pas pyetjes së anëtarit të PDK-së në KQZ, Ilir Gashi, për këtë çështje.

Procesi i numërimit në QNR më së voni përfundon ditën e nesërme. Por për detaje  numërimit sipas rekomandimit varet sa fletëvotime janë e si ka me shku numërimi. Ndërsa sipas planit operacional që ka miratuar KQZ, shpallja përfundimtare e rezultateve është dashtë të ndodhte shumë me datë 22, meqenëse sot nuk kemi mujt me implementu një aktivitet. Mendoj që ky proces përfundon sa i përket numërimit të gjithë fletëvotimeve”, tha ai.

Këtu u plotësua edhe me ndërhyrjen e kryetarit të KQZ-së, Kreshnik Radoniqi, i cili tha e duhet të priten dhe vendimet e PZAP-së për ankesat.

“Pa paragjykuar ndonjë vendim të PZAP, sa e kemi pa PZAP është e vërshuar nga ankesat kështu që duhet me prit edhe ankesat nga PZAP para se me u shpall rezultati.

Në mbledhjen e KQZ-së anëtari i Lëvizjes Vetëvendosjes në KQZ, Sami Kurteshi ka bërë një thirrje për Prokurorinë që t’i hetojnë vendvotimet me asistencë.

“Ftoj Prokurorinë që t’i hetojë rastet me asistencë rrënjësisht, sepse nuk është e mundur që në një qytet të ketë 10% të votimeve me asistencë”, tha ai.

Në këtë mbledhje, KQZ vendosi edhe për dizajnin dhe përmbajtjen e fletëvotimeve për raundin e dytë të zgjedhjeve për Kryetarë të Komunave. Ky miratim u bë për të mundësuar zhvillimin e votimit jashtë Kosovës./EO

Continue Reading

Lajmet

UBT dhe Universiteti i Minho-s nënshkruajnë marrëveshje bashkëpunimi akademik në Braga

Published

on

By

Në kuadër të vizitës zyrtare në qytetin historik të Braga-s, Rektori i UBT-së, Prof. Dr. Edmond Hajrizi, dhe Rektori i Universitetit të Minho-s, Prof. Dr. Rui Vieira de Castro, nënshkruan një marrëveshje bashkëpunimi me qëllim forcimit të bashkëpunimit midis dy institucioneve.

Kjo marrëveshje ka si objektiv të promovojë shkëmbimin e studentëve të ciklit të parë dhe të dytë, duke ofruar mundësi për përvoja akademike dhe kulturore nga të dyja anët. Gjithashtu, marrëveshja parasheh mbikëqyrjen e përbashkët të tezave të masterit, nxitjen e hulumtimeve dhe inovacionit në fushat përkatëse.
Një aspekt i rëndësishëm i kësaj marrëveshjeje është lehtësimi dhe zhvillimi i përbashkët i planeve dhe kurrikulës së programeve me interes të përbashkët në përputhje me politikat zhvillimore dhe kërkesat e tregut.
Me këtë marrëveshje, dy rektorët u zotuan se do të angazhohen për të krijuar një partneritet të qëndrueshëm dhe të frytshëm, i cili do të sjellë përfitime të ndërsjella për të dyja institucionet./UBTNews

Continue Reading

Lajmet

​Kërkohet paraburgim ndaj të miturit për kontrabandimin e 5 shtetasve kinezë

Published

on

By

Prokuroria Themelore në Ferizaj, Departamenti për të Mitur, ka kërkuar nga Gjykata Themelore në Ferizaj, caktimin e masës së paraburgimit ndaj të miturit, nën dyshimet se ka kryer veprën penale kontrabandë me migrantë.

Ekziston dyshimi i bazuar se më 21 tetor 2025 rreth orës 20:20, në Seqishtë, Hani i Elezit, saktësisht te Parku memorial “Bllaca 99”, i mituri ka organizuar-kontrabanduar kalimin e jashtëligjshëm të migrantëve, saktësisht pesë persona me shtetësi kineze, duke kaluar vijën kufitare Kosovë-Maqedoni e Veriut.

Personi i mituri fillimisht ishte takuar dhe kishte komunikuar me personat në fjalë në shtetin e Serbisë, dhe kishin bërë marrëveshje që për secilin person të marrë pagesë në vlerë prej 20 euro, e më pas i merr personat nga shteti i Serbisë, hyjnë në shtetin e Kosovës, ku i mituri siguron një automjet, ku e drejton një person deri më tani i panjohur, dhe i fusin në veturë që të gjithë, e më pas të njëjtit i dërgon te vija kufitare Kosovë-Maqedoni Veriore, ku aty nga njësiti patrullues kufitar janë vërejtur dhe kanë arritur të ndalojnë që të gjithë dhe t’i shoqërojnë në stacionin policor kufitar rajoni Lindje-Kaçanik, ku i mituri edhe është arrestuar, me këtë kishte për të kryer veprën penale kontrabandim me migrantë.

I mituri me vendim të Prokurorit të Shtetit gjenden nën masën e ndalimit 24-orë./KP

Continue Reading

Lajmet

Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës

Published

on

Trajneri Anders Torstensson, njëri prej protagonistëve më të mëdhenj të Suedisë që është pagëzuar edhe si ‘Leicester suedez’, prej muajsh po lufton një betejë shumë më të fortë jashtë fushave të lojës.

Në gusht të vitit 2024, Torstensson mësoi një lajm të tmerrshëm; u diagnostikua me leucemi linfatike kronike.

“Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo ditë këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë.”, tha ai.

Por në anën tjetër diagnoza me kancer i ka mësuar Torstensson se nuk duhet marrë asgjë për të mirëqenë dhe nuk duhet të i shtyejmë gjërat për t’i bërë të nesërmen.

“Nuk marr asgjë për të mirëqenë dhe nuk i shtyj gjërat për t’i bërë të nesërmen, edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar cdo ditë me një kujdes të jashtëzakonshëm dhe nuk kemi bërë kompromis për asgjë.”, tha ai./S.K/EO/

Continue Reading

Të kërkuara