Aktualitet

Gastronomët i reagojnë Hotit

Published

5 years ago

October 15, 2020

Betim Gashi

Kryeministri i Kosovës, Avdullah Hoti dje në një konferencë për media deklaroi se rastet e reja me COVID-19 në Kosovë po vijnë nga gastronomia dhe institucionet tjera. Shefi i Qeverisë deklaroi se është e papërgjegjshme nga ana e institucioneve që të moskujdesen për mirëmbajtjen e plotë të masave të vendosura.

Pas deklaratave të kryeministrit Hoti, ka reaguar shoqata e gastronomeve të Kosovës, teksa ka kërkuar që të bëhen hulumtime më të sakta për këtë çështje.

“Ne që nga data 25/09/2020 lejohemi për të funksionuar edhe brenda, deri në ora 23:30 dhe me orar të lejuar të muzikës deri në ora 21:00.Shtimi i rasteve me COVID sipas IKSHPK – së ka fillur të shtohet që nga data 09/10/2020, andaj lidhur me këto deklarata ne mund të themi që të bëhen hulumtime më të sakta për këtë çështje, dhe ju inkurajojmë që të veprohet me subjektivitet për sa i përket respektimit të masave nga gastronomia. Meqenëse nuk qëndron se të gjitha lokalet nuk i respektojnë ato, përkundrazi jemi duke i respektuar ato në shumicën e rasteve. Andaj, siç e kemi diskutuar me Ministrin Zemaj, duhet që për secilin biznes që nuk i respekton këto masa të merret vendim adekuat.”, thuhet në reagimin e shoqatës së gastronomëve.

Shoqata e gastronomëve thekson se duke marrë parasysh që sektori i gastronomisë është një prej sektorëve më vital të Republikës së Kosovës, aludimi në faktor të rritjes së shpërthimit të infeksioneve të reja me Covid-19, shton presion direkt në punën dhe veprimtarinë e gastronomëve.

“Çështje si e tillë, duhet të diskutohet dhe të gjenden faktorët e saktë të rritjes së rasteve, marrë për bazë paralajmërimet e ekpertëve të epidemiologjisë për valën e re të pandemisë nga muaj më parë, e jo të lëshojmë sinjale që masat duhet të shtrëngohen, gjë e cila me shumë gjasë aludon edhe për neve. SHGK ju bën apel institucioneve përkatëse të vendit, që sa më pak të shkaktojnë dëm e regres e sa më shumë të ofrojnë ndihmë e progres, pasiqë masat e ndërmarrura gjerë më tani i kanë dhënë goditjen më të madhe sektorit tonë, që nga paslufta. Gjendja në të cilën po kalojmë, përkundër iniciativave përkrahëse të fundit të Qeverisë dhe të atyre që pritet të hyjnë në fuqi në Kuvend, do të ndjehet edhe më shumë tani e tutje, me uljen e temperaturave atmosferike, e kjo do të vazhdojë sigurtë më së paku deri në fund të vitit tjetër.”, thuhet më tej në reagimin e tyre./UBTNews

Kemi kuptuar që Qeveria e Kosovës ka dhënë deklarata të cilat e theksojnë sektorin e gastronomisë si një prej faktorëve…
Posted by Shoqata e Gastronomeve të Kosovës on Wednesday, October 14, 2020

Related Topics:Avdullah Hoti Gastronomia

Up Next

Prezantohet Master Plani i ujitjes së tokave bujqësore të Kosovës

Don't Miss

Komuna e Kamenicës ndan nga 200 euro për foshnjet e porsalindura

Vendi

Exit Polli e nxjerrë fitues Përparim Ramën në Prishtinë

Published

1 hour ago

November 9, 2025

Driton Iseni

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Lajmet

Rektori Hajrizi viziton UniMarconi në Romë

Published

1 day ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Aktualitet

Fundjavë me shi dhe rënie të temperaturave

Published

2 days ago

November 8, 2025

UBT News

Instituti Hidrometeorologjik bën të ditur se sot do të mbajë mot i vranët dhe me intervale me diell.

IHK njofton se vranësirat vende-vende parashihen të sjellin riga shiu.

Temperaturat minimale do të lëvizin ndërmjet 4 dhe 7 gradë Celsius, kurse temperaturat maksimale ndërmjet 13 deri në 18 gradë Celsius.

/A.Z/UBT News/

Lajmet

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

2 days ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.