Lajmet
Gastronomët ankohen se iu ka rënë puna, tregojnë disa arsye që kanë quar në ulje
Sektori i gastronomisë në Kosovë është duke u ballafaquar me një lloj krize të qarkullimit të punës, sidomos pas liberalizimit të vizave për qytetarët. Kështu ka thënë sekretari i Shoqatës së Gastronomëve, Arian Vranica, i cili ka theksuar se kjo sezon verore për gastronominë nuk ishte edhe aq me fat.
Vranica thotë se në këtë krizë të gastronomisë, ka ndikuar edhe liberalizimi i vizave për qytetarët e Kosovës, pasi që shumica e punëtorëve në këtë sektorë kanë lëshuar vendet e tyre të punës për një jetë më të mirë.
Vranica, ka thënë se në për sallat e dasmave ka pasur një ulje të interesimit për organizimin e ahengjeve, në këtë rast për dasmat.
“Ka pasur rritje, por ajo periudhë ka qenë e shkurtër, nëse krahasojmë me vitin e kaluar, në përgjithësi si gastronomi, edhe në sektor ku përfshijnë salla të dasmave, diskotekat, jeta e natës, restorantet, baret, kafeteritë, mesatarisht mund të themi se në sektor, për shembull, i sallave dasmave ka pasur një ulje të interesimit për organizime të tilla. Është duke kapërcyer një lloj krize, që nuk e di se a është ndërrimi i gjeneratave, apo çka është më shumë si pasojë e kësaj”, ka thënë Vranica.
Sipas Vranicës, nga ana e bizneseve ka pasur ankesa të shumta, pasi që sipas tyre ka edhe një ulje të qarkullimit dhe të aftësisë shpenzuese në përgjithësi të njerëzve.
Vranica shton se punëtorët e këtij sektori nuk po munden t’ia dalin mjaftueshëm me të ardhurat mujore.
“Ka pas ankesa shumë nga bizneset sepse ka pasur, sipas tyre, edhe një ulje të qarkullimit dhe të aftësisë shpenzuese në përgjithësi të njerëzve, sepse nuk është që po kalojnë në një krizë ekonomike vetëm qytetarët pasi që qytetarët e bëjnë edhe pjesën e qarkullimit… Po shihen pasojat, jo vetëm në kuptimin e qarkullimit por edhe të menaxhimit të brendshëm ku punëtorët nuk po munden me ia dalë mjaftueshëm për të quar muajin e tyre ashtu siç duhet. Por është një raport shumë i ndërlikuar mes kërkesës dhe ofertës që po determinon dhe reflekton problemet e tilla”, ka shtuar ai.
Vranica shton se sipas disa hulumtimeve që ai ka bërë, mbi 100 mijë persona kanë provuar të gjejnë punë në vende të tjera.
“Ne e dimë se rininë e kemi jashtëzakonisht të madhe dhe nëse kjo rini na largohet jashtë vendit dhe shpenzon në një vend tjetër normalisht që është pasojë për neve. Është një sezon komplet ndryshe, nga aspekti i aktiviteteve që ka ndihmuar ka qenë i pasur, sepse është edhe “Sunny Hilli” gjatë sezonës. Kisha shpresuar me qenë në një kohë pak më vonë, sepse do të ishte jashtësezonal dhe do të ishte një mini sezon për neve sepse në pikën e sezonit ndodhi edhe Sunny Hilli. Do të ishte një vlerë e shtuar për bizneset dhe të gjithë qytetarët… Sipas disa hulumtimeve, diku mbi 100 mijë persona kanë provuar të gjejnë punë edhe në vende të tjera”, është shprehur ai.
Përveç ankesave nga sektori i gastronomisë , edhe qytetarët ankohen për shtrenjtimin e pijeve dhe ushqimit në kafe barët e natës gjatë sezonit veror.
Lajmet
Përparim Rama: Mjetet ende nuk janë bartur nga Ministria e Financave në buxhetin e Komunës së Prishtinës
Moment emocional në Fashion Awards në Londër, Sienna Miller zbulon se është shtatzënë
Ambasada amerikane fton shtetasit e saj në Kosovë për një takim me Prattipatin
Talenti shqiptar befason sërish, Lara Colturi e treta në Kupën e Botës
Botohen veprat e Xhemail Mustafës, një jetë e përkushtuar për dijen dhe atdheun
Mbrëmje emocionale! Dua Lipa i dedikon këngë Shakirës, ajo i kthen përgjigjen me lavde
Përparim Rama: Mjetet ende nuk janë bartur nga Ministria e Financave në buxhetin e Komunës së Prishtinës
Dy persona goditen nga rryma në Gjilan, po ndërronin njehsorët
Mos vuaj më! Ky kombinim i shtëpisë shëron dhimbjen e fytit shpejt
Rrahmani në mesin e më të mirëve të vitit në Serie-A
-
Aktualitet1 month agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet3 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoUBT shpall thirrjen për Konferencën Ndërkombëtare të Gjuhës dhe Kulturës 2025