Sot, Champions League rikthehet me javën e 5-të të grupeve, ku do të luhen 9 ndeshje të zjarrta. Supersfida e mbrëmjes është padyshim përballja mes Bajern Mynih dhe PSG, dy skuadra të cilat kanë ambicie të mëdha për të ngritur trofeun e lavdishëm të Champions League në fund të sezonit.

Përveç kësaj ndeshje, do të kemi edhe sfida interesante në fushë. Interi do të përballet me Leipzigun, ndërsa Barcelona do të luajë përballë Brestit, një ndeshje që premton emocione. Po ashtu, një tjetër përballje e nxehtë është ajo mes Spartës së Pragës dhe Atletiko Madridit, dy skuadra që luftojnë për kualifikim në fazën e ardhshme të turneut.

Në këtë mbrëmje të mbushur me futboll të shkëlqyer, në fushë priten edhe dy futbollistët e Kombëtares shqiptare, Qazim Laçi dhe Indrit Tuci, që do të përfaqësojnë vendin e tyre.

Në këtë atmosferë të tensionuar dhe me shumë përballje të forta, shpresojmë që të shohim ndeshje të jashtëzakonshme dhe performanca të shkëlqyera nga futbollistët më të mirë të botës./UBTNews/

Armando Broja ka luajtur dje ndeshjen e parë zyrtare me fanellën e Evertonit, pasi ishte testuar disa herë në miqësore brenda grupit në radhët e skuadrës angleze. Sulmuesi i Kombëtares shqiptare, luajti me ekipin U21 në ndeshjen kundër Watford, në mënyrë që të fillonte të merrte minutat dhe ritmin e ndeshjeve të mirëfillta pas dëmtimti të gjatë në tendinë.

Broja ishte titullar në këtë sfidë, ku e rëndësishme mbi të gjitha ishte që ai të rifillonte të kapte ritmin e ndeshjes, teksa tentoi disa herë të linte shenjën e tij me gjuajtje drejt portës.

Ai luajti vetëm në pjesën e parë dhe klubi i Evertonit shpjegoi se ishte ndërruar në pushim, ashtu siç ishte planifikuar më parë, duke qetësuar tifozët të cilët kërkonin informacione pse ai nuk ishte në fraksionin e dytë të lojës. Broja pritet të vijojë të luajë një minutazh më të gjatë në një ndeshje tjetër të U21, para se t’i bashkohet skuadrës së parë të Everton.

Gjyqtari nga Bosnje e Hercegovina, Feđa Trbonja e goditi me trofe trajnerin e kickboxit të Fight Club Arbër, Migjen Basha.

Incidenti ka ndodhur pas meçit të garuesit nga Kosova, Nart Mehmeti dhe garuesit nga Podgoriva Luka Heber, luftë e cila përfundoi me fitoren e kickboksierit vendas.

Duke qenë i bindur se garuesit kosovar iu bë e padrejtë, trajneri Basha kërkoi sqarime nga gjyqtari, bisedë kjo e cila përfundoi me goditjen e këtij të fundit ndaj trajnerit kosovar.

Një ngjarje të tillë, kryetari i Federatës së Kick boksit të Kosovës, Fatmir Makolli po e konsideron si “shumë të rënë”

“Kjo është një ngjarje shumë e rëndë që ka ndodhur në Cetinje (të Malit të Zi) ndaj trajnerit tonë…Shihet qartë aty se çfarë reagimi ka pasur referi, mendoj që ai ka qenë shumë i ngarkuar dhe është ndonjë nacionalist shumë i madh, por sipas disa të dhënave, ai është edhe serb dhe në atë mënyrë të reagojë unë për vete jam befasuar, nuk kam parë ngjarje të tillë aq të keqe duke e sulmuar trajnerin”, thotë fillimisht Makolli.

Madje i pari i Federatës së Kickboksit thotë se kjo mund të ketë ardhur edhe për shkak se gjyqtarit në fjalë, por edhe të pranishmëve të tjerë mund t’iu ketë penguar prezenca e shqiptarëve aty.

“Dihet që ne si shtet ndoshta e kemi penguar, e pengojnë shqiptarët kur marrin pjesë dhe e ka pritur ndoshta edhe momentin. Nuk e di a i keni dëgjuar sharjet dhe ofendimet që janë bërë ndaj shtetit tonë nga publiku dhe ne duhet të reagojmë shumë fuqishëm për t’i ndërprerë këto në të ardhmen”, thekson Makolli.

Makolli bënë të ditur se tashmë është takuar me Presidentin e Komitetit Olimpik të Kosovës Ismet Krasniqin dhe se së shpejti pritet të dalin me një reagim të përbashkët për ta dënuar këtë incident.

“Është mirë të ndërpriten këto ngjarje, incident ndodhi në Rumani, tani në Kick-boks, nesër do të ndodh edhe në federata të tjera dhe ndaj garuesve tjerë, besoj që ne këtë duhet na ndalojmë dhe të reagojmë sa më fuqishëm. Unë jam në kontakte edhe me Ministrinë e Sportit dhe me Komitetin Olimpik, madje pak më parë kisha takim me kryetarin (e KOK-ut) dhe në të ardhmen ne do të reagojmë së bashku me të gjitha institucionet e sportit”, shton më tutje Makolli.

Në fund i pari Federatës së Kick box-it ta se pret që Komisioni Disiplinor i Federatës Evropianë të Kick box-it të marrë vendim për pezullimin e gjyqtarit në fjalë për një periudhë shumë të gjatë kohore nga ndarja e drejtësisë në këtë sport.