

Lajmet
Gabimet më të mëdha që po bëni me flokët në dimër
Pjesa më e madhe e vajzave nuk tregojnë kujdes gjatë periudhës së dimrit me flokët.
Published
4 years agoon
By
Betim GashiKoha e ftohtë dhe ndryshimi i temperaturave janë të dëmshme për flokët, të cilët janë shumë të ndjeshëm dhe reagojnë njëlloj si çdo pjesë tjetër delikate e trupit. Por nëse për lëkurën e thatë ka mënyra natyrale për ta zbutur, flokët kërkojnë kujdes më të madh. Pjesa më e madhe e vajzave nuk tregojnë kujdes gjatë periudhës së dimrit me flokët.Shpesh bëjnë gabime të cilat i dëmtojnë shumë ato. Më poshtë janë renditur pesë gabimet që duhet t’i shmangni gjatë periudhës së ftohtë të vitit.
Larja me ujë të nxehtë
Ndërsa jashtë bën shumë ftohtë, qetësinë duket se e gjen në dush me ujë të nxehtë, por pak janë ato që mendojnë se kjo është shumë e dëmshme për flokët. Sa më i nxehtë të jetë uji në dush, aq më shumë eliminon yndyrën natyrale të tyre dhe u zhduk shkëlqimin. Siç këshillohet nga specialistët, temperatura optimale që duhet të përdorësh në dush është jo më shumë se 45 gradë celcius, aq sa ta ndiesh të nxehtin në lëkurë, por jo sa ajo të skuqet. Natyrisht, nëse mundesh, uji i ftohtë është edhe më i mirë për flokët.
Larja pak minuta para daljes nga shtëpia
Edhe dushi në mëngjes është një zgjidhje për t’u ngrohur para se të dalësh nga shtëpia. Por as kjo nuk është një zgjidhje e mirë. Siç rekomandojnë specialistët, të paktën 30 minuta pas dushit nuk duhet të dalësh nga shtëpia. Pas larjes, flokët janë më të hollë dhe kontakti i menjëhershëm me ambientin e ftohtë do të thotë këputje majash dhe dehidratim.
Kapela (kapuçi)
“Në dimër, kur ajri ka shumë lagështirë, sklapi ka nevojë absolute për t’u mbrojtur”, – thotë Leslie Baumann, dermatologe në Miami. Por ajo shton gjithashtu se përdorimi i vazhdueshëm i kapelave ose kapuçëve, ashtu si nga njëra anë janë mbrojtës të skalpit, nga ana tjetër shmangin ajrojsjen e flokëve duke i bërë ata më problematikë. Nga ana tjetër, sigurohu që kapela apo kapuçi të jenë shumë të pastër, sepse bakteret që mund të përmbajnë janë shumë të dëmshëm për shëndetin e flokëve.
Ndryshimi drastik i ngjyrave
Nga biondia në brune dhe anasjelltas. Kjo nuk është e këshillueshme në asnjë sezon, por sidomos në dimër, kur lagështira e ajrit është më e madhe dhe ndikon drejtpërdrejt në flokë, këshillojnë dermatologët. Biondet e hapura që mund të duken shumë seksi në verë, në dimër mund të kenë probleme për shkak se kanë flokë më delikatë dhe më të ndjeshëm ndaj temperaturave. Kështu, nëse do të ndryshosh rrënjësisht ngjyrën, prit deri në pranverë. Nëse je bionde, këshillohet të shkosh në tone pak më të errëta, gold ose bezhë për t’u dukur më bukur, por edhe për t’iu përshtatur dimrit.
Maskat natyrale
Mungesa e trajtimit të flokëve me maska natyrale ndikon në tharjen e lëkurës së skalpit gjatë dimrit dhe për më tepër, edhe në eliminimin e yndyrës natyrale. Rekomandohet të paktën një herë në javë maska me të verdhë veze dhe vaj ulliri, ose edhe maska të tjera natyrale me produktet që ke në shtëpi./Classlifestyle
Aktualitet
Cakolli nga KDI: Kandidaturat pa marrëveshje, Dehari pjesë aktive e problemit
Published
9 seconds agoon
August 22, 2025By
UBT News
Eugen Cakolli nga KDI ka thënë se konstituimi i Kuvendit nuk po dështon më për mungesë numrash, por për mungesë vullneti dhe përgjegjësie. Për subjektin më të madh parlamentar, Lëvizjen Vetëvendosje, Cakolli tha se me vetëdije po gjejnë taktika që s’çojnë askund dhe shtoi se propozimi i kandidaturave pa marrëveshje politike është insistim në bllokadë.
“Ata që duhet ta zgjidhin situatën, po zgjedhin me vetëdije taktika që nuk çojnë askund. Prandaj, seanca e sotme ishte thjesht një episod tjetër i absurditetit parlamentar. Propozimi i kandidaturave pa marrëveshje politike madje për herë të tretë nga radhët e ekzekutivit, edhe kur dihet se nuk ka vota për to nga partitë e tjera është veç insistim në bllokadë”.
Cakolli tha se problematike mbetet edhe sjellja jokonsistente dhe arbitrare e kryesuesit të seancës, Avni Dehari, i cili për një muaj rresht shkeli Kushtetutën me udhëheqjen e seancës.
“Në seancën e kaluar lejoi dy kandidatura, sot vetëm një. Për më tepër, ai po vazhdon t’i thërrasë seancat në afatin maksimal 48 orësh edhe pse ka të drejtë dhe do të duhej t’i thirrte më shpesh, madje disa herë brenda ditës nëse është e nevojshme, derisa të votohet një kandidat/e me të paktën 61 vota. Kjo mënyrë e menaxhimit të seancës nga Avni Dehari nuk është neutrale, por është pjesë aktive e problemit”, tha Cakolli.
Lëvizja Vetëvendosje sot propozoi ministrin në detyrë Hekuran Murati për kryeparlamentar, duke qenë e vetëdijshme se partitë tjera në Kuvend kanë thënë se s’votojnë për deputetët që shërbyen si ministra në Qeverinë Kurti.
Pas ky propozimi s’e mori mbështetjen e nevojshme, Dehari ndërpreu seancën për të vazhduar të dielën.
Aktualitet
Studimet që formojnë liderët e së nesërmes – Master në Shkenca Politike në UBT
Published
14 minutes agoon
August 22, 2025By
Driton Iseni
Studimet master në UBT ju mundësojnë të kualifikoheni për një karrierë të suksesshme dhe të aftësoheni profesionalisht në punën tuaj të përditshme, duke u bërë pjesë e një ekosistemi arsimor modern dhe gjithëpërfshirës.
UBT ka marrë akreditimin për programin Shkenca Politike në nivelin master, duke ofruar një kurrikulë bashkëkohore të ndërtuar mbi standardet dhe praktikat më të mira ndërkombëtare. Ky program është i konceptuar për të ndihmuar studentët të kuptojnë më thellë sistemet politike, proceset vendimmarrëse, marrëdhëniet ndërkombëtare, si dhe zhvillimet globale që ndikojnë në demokraci, qeverisje dhe shoqëri.
Përmes këtij programi, studentët fitojnë:
- Njohuri teorike të avancuara mbi politikat publike, qeverisjen, marrëdhëniet ndërkombëtare dhe sistemet politike.
- Aftësi praktike për analizimin e proceseve politike, hartimin e politikave dhe zbatimin e tyre në nivel lokal e global.
- Mundësi për t’u përfshirë në projekte kërkimore, debate akademike dhe simulime të institucioneve politike ndërkombëtare.
- Mentorim nga profesorë, ekspertë dhe praktikues me përvojë në fushën e shkencave politike.
Shkencat Politike në UBT shquhen për qasjen unike ndërdisiplinore, duke i lidhur studimet politike me fusha të tjera si ekonomia, drejtësia, diplomacia, siguria dhe teknologjia. Kjo u jep studentëve një perspektivë të gjerë dhe aftësi të fuqishme për të kuptuar e ndikuar në zhvillimet politike në Kosovë, rajon dhe botë.
Ky program hap horizonte të reja karriere për studentët në institucione shtetërore, organizata ndërkombëtare, organizata joqeveritare, media, diplomaci, institute kërkimore dhe sektorin privat.
Bota
Kolera në Sudan vret gati 1100 njerëz, ndërsa sëmundja përhapet në të gjithë vendin
Published
28 minutes agoon
August 22, 2025By
UBT News
Shpërthimi i kolerës në Sudan po përkeqësohet këtë vit, duke vrarë gati 1100 njerëz që nga janari dhe duke i tendosur sistemet tashmë të brishta të kujdesit shëndetësor, njoftoi sot Organizata Botërore e Shëndetësisë (OBSH).
Të gjitha 18 shtetet e Sudanit kanë raportuar raste të kolerës, u tha gazetarëve në Gjenevë zëdhënësi i OBSH-së, Christian Lindmeier.
“Mbi 100,000 raste dhe më shumë se 2,741 vdekje janë raportuar që nga korriku 2024,” tha ai.
Sipas zëdhënësit, janë raportuar 6491 raste dhe 130 vdekje, dhe 52% e të gjitha vdekjeve u raportuan nga Darfurit Jugor.
Ai tha se po bëhen përpjekje për të nisur urgjentisht një fushatë vaksinimi kundër kolerës në lokalitetet prioritare të Darfurit Jugor. El Fasher në Darfurin e Veriut po vuan nga një krizë e rëndë humanitare dhe e shëndetit publik e shkaktuar nga rrethimi, zhvendosja dhe mungesa e ushqimit, me kolera që shton presion mbi shërbimet e kufizuara, vuri në dukje Lindmeier.
Në të gjithë vendin, 38% e objekteve shëndetësore janë jofunksionale dhe 62% funksionojnë vetëm pjesërisht, shtoi ai.
Ai tha se shkalla e vaksinimit të fëmijëve ka rënë nga më shumë se 90% në vitin 2022 në vetëm 48%. Ndërkohë, gati 20 mijë fëmijë janë shtruar në qendrat e stabilizimit këtë vit për kequshqyerje të rëndë akute me ndërlikime.
OBSH-ja ka verifikuar 177 sulme ndaj institucioneve të kujdesit shëndetësor që nga prilli i vitit 2023, duke çuar në 1176 vdekje dhe 362 lëndime.
Lindmeier tha se OBSH-ja vazhdon të ofrojë furnizime dhe të mbështesë qendrat shëndetësore, por qasja mbetet shumë e kufizuar.
Aktualitet
Vuçiq fton protestuesit në debat publik mes tensioneve dhe akuzave për dhunë
Published
31 minutes agoon
August 22, 2025By
UBT News
Presidenti i Serbisë, Aleksandar Vuçiq, ka ftuar përfaqësuesit e protestuesve në një debat publik, që mund të mbahej përpara të gjitha televizioneve dhe portalet.
“Ftoj përfaqësuesit e lëvizjes së bllokadës në një bisedë dhe debat publik mbi vizionet, të flasim për planet dhe programet tona për të ardhmen dhe që së bashku të dënojmë dhunën në rrugët tona”, tha Vuçiq në videon e publikuar më 22 gusht.
Presidenti serb tha se protestat po zgjasin tash e nëntë muaj dhe se një pjesë e njerëzve në vendin tonë duan ndryshime.
“Së pari këto u paraqitën si kërkesa për drejtësi, e më pas hapur filluan të flasin për ndryshime politike dhe për kërkesa për zgjedhje, edhe pse më parë i mohonin. Pavarësisht gjithçkaje të keqe që mendoj për kërkesat e tyre, besoj se është shumë e rëndësishme të dëgjojmë njëri-tjetrin. Mendoj se është me rëndësi vendimtare që të rifillojmë dialogun në Serbinë tonë”, theksoi Vuçiq.
Ai nënvizoi se në periudhën e kaluar është përpjekur t’i dëgjojë kundërshtarët e tij politikë, por pranoi se nuk e ka bërë gjithmonë këtë gjë sa duhet.
Në fund të video-adresimit ai tha se beson se do të japë gjithçka nga vetja për të treguar respekt, por se dëshiron që të dëgjohet edhe pala tjetër.
“Kjo është oferta ime, më shumë se e drejtë. Dua të hyj në debat dhe dua që të dyja palët të paraqesin vizionin dhe planet e tyre. Për Serbinë, në këtë moment, kjo është gjëja më e rëndësishme. Më pas qytetarët do të kenë mundësinë të shohin se cili vizion është real dhe i vërtetë”, tha presidenti serb.
Kujtojmë se në Serbi, për më shumë se nëntë muaj po mbahen protesta, ku kërkesa kryesore është përcaktimi i përgjegjësisë për vdekjen e 16 personave në shembjen e strehës prej betoni në Stacionin Hekurudhor në Novi Sad.
Studentët, që udhëheqin protestat, kanë shtuar edhe kërkesën për shpalljen e zgjedhjeve të parakohshme parlamentare. Ata e konsiderojnë këtë një hap të pashmangshëm, pasi shteti nuk ka bërë asgjë lidhur me përgjegjësinë për tragjedinë në Novi Sad.
Lidhur me raportimet për përdorim të tepruar të forcës nga policia serbe veçanërisht ndaj të miturve, gazetarëve dhe grave, përfshirë rastin kur një polic e kërcënoi një studente të ndaluar me përdhunim ka reaguar edhe Komisionarja për Mbrojtjen e Barazisë në Serbi, Brankica Jankoviq.
Ajo ka kërkuar që dhuna të ndalet dhe u ka bërë thirrje pjesëtarëve të Ministrisë së Punëve të Brendshme që të trajtojnë të gjithë qytetarët në Serbi në mënyrë të barabartë./rel

Cakolli nga KDI: Kandidaturat pa marrëveshje, Dehari pjesë aktive e problemit

Studimet që formojnë liderët e së nesërmes – Master në Shkenca Politike në UBT

Lil Nas X arrestohet dhe dërgohet në spital

Kolera në Sudan vret gati 1100 njerëz, ndërsa sëmundja përhapet në të gjithë vendin

Vuçiq fton protestuesit në debat publik mes tensioneve dhe akuzave për dhunë

Çka fshihet pas ndjesisë së shpimit në duar e këmbë?

Rënie e madhe e numrit të nxënësve shqiptarë në Luginën e Preshevës

Moscertifikimi i Listës Serbe: SHBA e Gjermania kërkojnë proces zgjedhor të lirë nga politizimi

Regjistrohen mbi 13 000 votues jashtë Kosovës për votim me postë
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit