Sport
Furia e Trepçës ndalet nga skocezët!
Trepça ka pësuar një humbje të ngushtë prej 76:80 ndaj Caledonia Gladiators në ndeshjen e grupit të FIBA Europe Cup, e zhvilluar në shtëpi. Ndeshja u karakterizua nga katër çerekë të luftuar, me skocezët që arritën të mbajnë avantazhin në momentet vendimtare.
Çereku i parë nisi me një barazim të fortë, ku asnjëra skuadër nuk arriti të shkëputet në mënyrë të dukshme. Trepça e përfundoi këtë periudhë me 24 pikë, ndërsa Caledonia Gladiators arriti të regjistrojë 26 pikë, duke e përfunduar këtë çerek të barabartë.
Në çerekun e dytë, skocezët treguan më shumë efikasitet, duke fituar këtë periudhë me 11:19. Me këtë, ata shkuan në pushim me një epërsi prej 10 pikësh, 35:45.
Pjesa e tretë ishte më e mirë për Trepçën, e cila arriti të rikthejë veten. Me një performancë më të fortë, vendasit shënuan 23 pikë, ndërsa Caledonia Gladiators regjistroi 16, duke e përfunduar këtë çerek me rezultat 58:61.
Në çerekun e katërt, Trepça vazhdoi të luftojë, duke afruar shifrat në 74:75 në momentet e fundit. Megjithatë, skocezët ishin më të vëmendshëm dhe menaxhuan situatën, duke siguruar fitoren me rezultat përfundimtar 76:80.
Malik Johnson ishte lojtari më i mirë i Trepçës, duke kontribuar me 16 pikë, pesë kërcime dhe gjashtë asistime. Kjo humbje shënon të tretën për Trepçën në këtë edicion të FIBA Europe Cup, ndërsa Caledonia Gladiators regjistroi fitoren e parë në grup.
Skuadra nga Kosova do të kërkojë të rikuperohet në ndeshjet e ardhshme për të përmirësuar pozitat e saj në grup./UBTNews/
Kevin De Bruyne, një nga futbollistët më të mëdhenj në historinë e Manchester Cityt, ka konfirmuar se do të largohet nga klubi në fund të këtij sezoni, kur dhe përfundon kontrata e tij me kampionët e Anglisë.
Në një postim emocionues në rrjetet sociale, mesfushori belg shprehu mirënjohjen për periudhën e tij te “Citizens”, duke e cilësuar këtë kapitull si më të mirin në karrierën e tij. De Bruyne, që iu bashkua Cityt në vitin 2015 nga Wolfsburgu, ka fituar 16 trofe, përfshirë gjashtë tituj të Premier League dhe Ligën e Kampionëve në vitin 2023, një arritje historike për klubin.
Një nga lojtarët më të rëndësishëm të epokës së Pep Guardiolës, De Bruyne është njohur për vizionin e tij të jashtëzakonshëm, pasimet precize dhe ndikimin në lojën e ekipit. Deri tani, nuk është zbuluar ende destinacioni i tij i ardhshëm, por largimi i tij shënon fundin e një epoke të lavdishme për Manchester Cityn.
Granit Xhaka po tregon përse është një nga mesfushorët më të rëndësishëm në futbollin europian. Sipas statistikave të fundit nga “Bundesliga Match Facts”, mesfushori shqiptar nga Kosova, i cili luan për Bayer Leverkusen, kryeson Bundesligën për performancën më të lartë në pasime.
Me 1966 pasime të suksesshme, Xhaka arrin një performancë pasimi prej 67.0, duke lënë pas rivalët e tij kryesorë, Angelo Stiller të Stuttgart dhe Joshua Kimmich të Bayern Munich. Ky sukses është një tjetër tregues i aftësive të jashtëzakonshme të Xhakës në fushë, dhe vjen në një sezon të shkëlqyer për Leverkusen, që po lufton për titullin në Bundesligë dhe ka shfaqur një stil loje dominues nën drejtimin e trajnerit Xabi Alonso.
Roli i Xhakës në këtë ekip është kyç, duke qenë dirigjenti i mesfushës dhe një faktor vendimtar në ndërtimin e aksioneve sulmuese të skuadrës. Performanca e tij ka qenë thelbësore për sukseset e Leverkusen këtë sezon dhe e pozicionon atë si një nga lojtarët më të shquar në Bundesliga.
Do të hapet sot xhiro e 27 e Superligës së Kosovës në futboll dhe do të zhvillohen dy ndeshjet mjaftë interesante.
Padyshim se vëmendja kryesore do të jetë në stadiumin “Liman Gegaj” në Malishevë, aty ku do të përballen Malisheva dhe Prishtina.
Ky ballafaqim sa rëndësi të madhe pasi që këto dy skuadra janë në luftë direkte për pozitën e tretë që siguron pjesëmarrjen në garat evropiane në sezonin e ardhshëm.
Aktualisht, Malisheva është e renditur në vendin e tretë me 41 pikë, kurse Prishtina e katërta me 35 sosh. Ndeshja do të zhvillohet me fillim nga ora 15:00.
Ndeshja tjetër e cila zhvillohet në të njëjtën kohë është ajo ndërmjet Feronikelit 74’ dhe Dritës. Derista Drita tashmë është një hap larg titullit kampion si liderë me 57 pikë, Feronikeli po lufton për ta shmangur largimin nga Superliga, edhe pse duke mjaftë mision i pamundur pasi ka vetëm 14 pikë në vendin e fundit.
E zbulon studimi i fundit, ja pse njerëzit me sy blu janë të veçantë
Pse autizmi diagnostikohet më rrallë te vajzat dhe gratë?
Vajza e Tom Hanks flet për fëmijërinë e saj: Vite plot konfuzion dhe dhunë
Një mundësi për të ndikuar në shëndetin dhe mirëqenien shoqërore me Fakultetin e Psikologjisë në UBT
Osmani në Sofje, takoi presidentin bullgar dhe mbretin e Jordanisë
Rivarrosen mbetjet mortore të 10 viktimave të luftës
Kur është koha e duhur për të përdorur vajin e peshkut
Kevin De Bruyne njofton largimin nga Manchester City në fund të sezonit
Shpërthejnë përleshjet në Sudanin e Jugut, 30 të vdekur
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë