Sport
Fundjava e legjionarëve, Daku shënon dy gola, gjen rrugën e rrjetës edhe Mehmeti, Laçi jep asist
Kombëtarja shqiptare është futur në javën vendimtare të përgatitjeve për edicionin e ri kualifikues për Kupën e Botës. Trajneri Silvinjo pritet të shpallë listën e lojtarëve të grumbulluar për këtë cikël në fund të javës, ndërkohë që legjionarët e Kombëtares vazhdojnë të tregojnë formë të shkëlqyer me klubet e tyre.
Mirlind Daku ka qenë një protagonist absolut për Rubin Kazan në fitoren 2-1 ndaj Spartak Moskës. Sulmuesi i Kombëtares shqiptare shënoi të dy golat e fitores që në pjesën e parë të ndeshjes, duke e çuar numrin e tij të golave në kampionat në 11. Performanca e tij ka qenë një ndër arsyet kryesore që ekipi i tij të arrijë tri pikët e rëndësishme.
Rrugën e rrjetës këtë fundjavë e gjeti edhe Anis Mehmeti. Futbollisti kuqezi realizoi një penallti të sigurt në minutën e 54-t të ndeshjes Bristol City – Hull City, duke vendosur baraspeshën 1-1 në këtë përballje. Në fund, ndeshja përfundoi në barazim 1-1, ndërsa Mehmeti vazhdon të tregojë formë të mirë për ekipin e tij.
Qazim Laçi dha një asist të rëndësishëm për Sparta Pragën në derbin çek të kampionatit, ku skuadra e tij mundi 2-0 Slavia Pragën. Në minutën e 51-të, mesfushori kuqezi bëri një pasim të saktë nga goditja e këndit për Zelenyn, i cili shënoi dhe zhbllokoi takimin, duke e çuar ekipin e tij drejt fitores.
Nga lojtarët e Kombëtares, disa prej tyre u aktivizuan si titullarë me skuadrat e tyre këtë fundjavë. Mes tyre ishin Elhan Kastrati, Berat Gjimshiti, Arlind Ajeti, Enea Mihaj, Marash Kumbulla, Amir Abrashi, Medon Berisha, Adrion Pajaziti, Feta Fetai, Jasir Asani, Keidi Bare, Myrto Uzuni dhe Rey Manaj. Ndërsa, disa lojtarë dhanë kontributin e tyre si zëvendësues, përfshirë Ivan Balliu, Ylber Ramadani, Taulant Seferi, Ernest Muçi, Arbër Hoxha dhe Arbnor Muja.
Kombëtarja shqiptare vazhdon të mbështetet në performancat e mirë të legjionarëve të saj për të arritur objektivat në kualifikueset për Kupën e Botës, dhe ky fundjavë ka qenë një tjetër dëshmi e rëndësishme e angazhimit dhe suksesit të lojtarëve kuqezi./UBTNews/
Sezoni 2025/26 në Superligën e Kosovës në futboll do të fillojë këtë fundjavë.
Katër ndeshje të dielën dhe një të hënën do të zhvillohen në kuadër të javës së parë.
Dukagjini do të jetë nikoqir i Prishtinës, Malisheva e pret Prishtinën e Re që debuton në Superligë, ndërsa Llapi do të udhëtojë për t’u ndeshur me Drenicën e inkuadruar në elitë këtë sezon.
Drita do ta nis mbrojtjen e titullit në udhëtim, ku përballet me Ferizajn, kurse Gjilani do të jetë nikoqir i nënkampionit, Ballkanit.
Të gjitha ndeshjet nisin nga ora 16:30.
Futbollisti i Kombëtares së Zvicrës, Andi Zeqiri është duke kërkuar një klub të ri gjatë merkatos së verës.
Ashtu raporton edhe gazeta e famshme “helvetike”, Blick, me lojtarin shqiptar që tashmë i ka treguar edhe klubit Genk KRC që dëshiron largimin.
26-vjeçari ishte afër marrëveshjes me Borussia Monchengladbach, por duket se ka dështuar dhe tashmë janë hapur dyert për të biseduar me skuadra të reja.
Skuadra belge kërkon 3 milionë euro për shërbimet e sulmuesit shqiptar.
Zeqiri sezonin e kaluar ishte i huazuar te skuadra tjetër në Belgjikë, Standard Liege.
Milani ka bërë zyrtare nënshkrimin me mbrojtësin e djathtë zviceran, Zachary Athekame, nga skuadra e Young Boys.
Lojtari 20-vjeçar ka nënshkruar një kontratë pesëvjeçare, e cila do ta mbajë në “San Siro” deri në vitin 2030.
Ish-mbrojtësi i Xamax do të mbajë fanellën me numrin 24 te “Rossonerët”. Sipas raportimeve, Milani ka paguar një tarifë prej 10 milionë eurosh për kartonin e tij, ndërsa Young Boys kanë ruajtur një klauzolë prej 10 për qind për çdo shitje të ardhshme.
Athekame është lojtar i gjithanshëm në krahun e djathtë, i aftë të luajë si mbrojtës i krahut, por edhe më përpara në mesfushë.
Ka 10 paraqitje me përfaqësuesen U21 të Zvicrës. Gjatë sezonit 2024/2025 me Young Boys, Athekame zhvilloi 30 ndeshje në kampionat, ku regjistroi dy asiste dhe luajti mbi 1700 minuta. Ai ishte pjesë kyçe e skuadrës në Ligën e Kampionëve, duke luajtur në të gjitha tetë ndeshjet e fazës së grupeve.
Para se të kalonte te Young Boys, 20-vjeçari ka luajtur për Xamax dhe është formuar në akademinë e Bejune.
Transferimi i tij te Milani shihet si një hap i madh në karrierën e tij.
Moti sot: Diell dhe me vranësira të shpërndara
Sa ka ndryshuar pas 25 vitesh lokacioni ku u xhirua seriali ikonik “Teletubbies”?
Një shegë në ditë kundër infeksioneve të veshkave
Sezoni i ri në Superligë nis në fundjavë, ndeshje mjaft interesante na presin
Qendra Kinematografike e Kosovës emëron Këshillin e ri Profesional
Ndalohet nga policia, prishen pushimet e Leonardo DiCaprios në Ibiza
Microsoft u kërkon përdoruesve ta injorojnë përsëri këtë gabim
Zelensky dhe Macron bien dakord të takohen pas samitit Trump-Putin
Andi Zeqiri në kërkim të një skuadre të re, dëshiron largimin nga kampionati belg
-
Lajmet nga UBT2 months agoUBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months agoUBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months agoUBT organizoi Akademi Përkujtimore në nder të Prof. Dr. Naser Kamberit