Mjalti është një ushqim fantastik për shëndetin e njeriut. Mjalti i bën mirë organizmit nga jashtë brenda. Ai është veçanërisht i dobishëm për lëkurën dhe ndihmon në pastrimin dhe ushqimin e saj. Në këtë artikull do të mësoni se si mund të përdorni mjaltin në rutinën e përkujdesjes për lëkurën.

Maskë me mjaltë

Njerëzit që vuajnë nga lëkura e thatë apo eczema duhet të përdorin mjaltin. Mjalti është veçanërisht i rekomandueshëm në dimër kur lëkura thahet ndjeshëm. Lyejeni lëkurën me mjaltë në mbrëmje, mbajeni një orë dhe më pas shpëlajeni me ujë të ngrohtë.

Larja e lëkurës

Njerëzit që kanë akne si pasojë e lëkurës së thatë mund të gjejnë shpëtim tek mjalti. Përzieni një lugë çaji me mjaltë, lëngun e një limoni dhe dy lugë çaji me ujë. Me këtë masë kremoze mund të lani lëkurën. Limoni do të eliminojë qelizat e vdekura ndërsa mjalti do ta ushqejë lëkurën me vitamina.

Kundër plakjes

Ju mund të përgatisni një maskë për lëkurën që të luftojë shenjat e plakjes. Përzieni dy lugë gjelle me mjaltë, çerek avokadoje, një lugë çaji me tërshërë të thatë dhe dy lugë çaji me lëng limoni. Kjo maskë do të pastrojë lëkurën dhe do ta ushqejë atë me vitamin E dhe antioksidantë. Kjo maskë mund të aplikohet disa herë në javë ndërkohë që rezultatet e para vërehen pas një muaji.

Si të ruani cilësinë e mjaltit

Mjalti duhet ruajtur në një vend të errët dhe të freskët. Ai nuk duhet futur në frigorifer sepse ngurtësohet dhe nuk përhapet dot në lëkurë. Nëse e ruani në mënyrën e duhur, mjalti mund të rezistojë për vite të tëra.

Sipas një studim të ri, shikimi i njerëzve përmirësohet menjëherë pas konsumimit të çokollatës së zezë.

Një studim i realizuar në University of the Incarnate Word i San Antonio, zbuloi se çokollata e zezë menjëherë pas ngrënies mund të përmirësonte shikimin tuaj.

“Shumë pak studime kanë vënë re efektet pozitive të çokollatës së zezë në shikimin e njerëzve”, tha profesor Jeff Rabin.

Studimi u zhvillua për një periudhë kohore prej 52 ditësh. Në studim morën pjesë 9 burra dhe 21 femra që konsumuan çokollatë të zezë dhe të bardhë për të parë sesi do të ndikonte secila në shikimin e tyre.

Çokollata e zezë është e pasur me flavonol, një antioksidues shumë i rëndësishëm. Ndërsa çokollata e bardhë ka më pak përmbajtje flavonoli.

Flavanol është një përbërës bime, i tretshëm në ujë që shfaqet në shumë fruta, perime dhe bimë. Për një periudhë afatgjatë ngadalëson humbjen e funksioneve të trupit të njeriut që vuajnë nga sëmundje si Alzheimer dhe Parkinson si edhe që kanë presion të ulët të gjakut.

Gjithashtu flavanolet përmirësojnë rrjedhjen e gjakut në tru.

“Pas testimit të mprehtësisë vizuale, u arrit në përfundimin se konsumimi i çokollatës së zezë kishte sjellë 60% përmirësim të shikimi”, tha Dr. Rabin.

Por kjo nuk do të thotë se duhet të konsumoni pa masë çokollatë të zezë, sepse pavarësisht përfitimeve kanë edhe sheqer.

Gurët në veshka përbëhen ose nga kripëra minerale ose nga kripëra të tjera acidike.

Gurët formohen për shkaqe të ndryshme, ku përfshihen: ushqyerja e keqe, suplementët sintetikë të kalciumit, dehidratimi, alergjitë, mbipesha dhe mungesa e aktivitetit fizik.

Në këtë artikull të AgroWeb.org, do të zbuloni kurat më të mira natyrale kundër gurëve në veshka.

Ushqimet më të mira kundër gurëve në veshka

Uji

Dehidratimi është një nga shkaktarët më të mëdhenj të gurëve në veshka.

Përpiquni të pini nga 250 deri në 500 ml, pra një ose dy gota ujë çdo orë.

Barishtet

Njerëzit që kanë një regjim ushqimor me bazë bimore kanë më pak gurë në veshka dhe probleme me to.

Lëngu i limonit

Nëse e përzieni lëngun e limonit me ujë të ngrohtë, do të vëreni një reduktim të gurëve.

Ushqimet me magnez

Ushqimet e pasura me magnez siç janë avokado dhe banania, pakësojnë rrezikun e formimit të gurëve.

Ushqimet që shkaktojnë gurë në veshka

Ushqimet e pasura me acid oksalik

Në këtë listë përfshihen: spinaqi, domatet, patëllxhani, panxhari, selinoja, patatja e ëmbël, kikirikët, bajamet, boronicat, manaferrat, luleshtrydhet, majdanozi dhe kakaoja.

Lëngu i qitros

Lëngu i qitros duhet shmangur sepse rrit rrezikun e formimit të gurëve të veshkave.

Mishrat e përpunuar

Këto produkte shkaktojnë akumulim të kalciumit në veshka, që nxit formimin e gurëve.

Ushqimet e pasura me kalcium

Shmangni produktet e bulmetit si qumështi apo djathërat e përpunuar që shkaktojnë një akumulim të tepërt të kalçiumit në organizëm.

Kafeina

Kafeina e dehidraton organizmin dhe përkeqëson situatën me gurët në veshka.

5 trajtimet më të mira natyrale kundër gurëve në veshka

Magnezi

Magnezi është një mineral që pengon formimin e gurëve në veshka.

Konsumoni 250 mg magnez dy herë në ditë.

Vitamina B6

Vitamina B6 ul nivelet e kalciumit në organizëm dhe duhet marrë një sasi prej 50 mg e saj çdo ditë.

Atë e gjeni te arrorët si bajamet, arrat e tj.

Vitamina E

Sipas të dhënave të AgroWeb.org, kjo vitaminë ul nivelet e acideve dhe kalçiumit në organizëm.

Ekstrakti i boronicës së kuqe

Ky ekstrakt që tretet në ujë ul nivelet e kalçiumit në urinë.

Ekspertët rekomandojnë konsumin e 400 mg dy herë në ditë.

Aloe Vera

Lëngu i aloe verës pakëson sasinë e kristaleve në veshka.

Ekspertët rekomandojnë konsumin e çerek gote me lëng aloe në ditë./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Mosha kur femrat duhet të fillojnë t’i nënshtrohen mamografive të rregullta ka qënë prej një debat vitesh mes ekspertëve të shëndetit.

Por mjekët e Kolegjit Amerikan të Obstetërve dhe Gjinekologëve rekomandojnë që gratë të kryejnë mamografi të rregullta që në moshën 40 vjeçare, duke qenë se rreziku fillon të rritet pas kësaj moshe.

Ndërsa Shoqata Amerikane e Kancerit rekomandon që gratë të fillojnë ekzaminimet vjetore midis moshës 40 dhe 44 vjeç dhe të bëjnë mamografi vjetore duke filluar nga mosha 45 vjeç.

Por ekzaminimet e hershme mund të shoqërohen edhe me efekte të padëshiruara siç është edhe ekspozimi ndaj rrezatimit. Megjithatë, ekspertët të cilëve AgroWeb.org iu referohet, shprehen se ky rrezik është minimal dhe nuk duhet t’i dekurajojë pacientët të kryejnë kontrolle.

Edhe pse këshillat rreth moshës kur gratë duhet të fillojnë këto ekzaminime mund t’ju konfuzojnë, ato mbeten sërisht të dobimshme sepse mund të shpëtojnë jetë.

Në fakt mjekë të shumë këshillojnë që gratë duhet së pari t’i nënshtrohen një vlerësimi të rrezikut të kancerit të gjirit në moshën 25-vjeçare.

E nëse ato shfaqin rrezik, ajo çka rekomandohet është kryerje e mamografive vjetore që fillojnë në moshën 40-vjeçare. Identifikimi i kancerit në fazat e hershme është i rëndësishëm pasi jo përmirëson rezultatet tek pacientët, por siç e tham edhe më sipër mund të shpëtojë jetë.

Rreziku i kancerit të gjirit ndryshon për grupe të ndryshme demografike

Ekspertët thonë se duhet bërë më shumë për të siguruar që të gjithë gratë pa ndryshme racore dhe socio-ekonomike, të kenë akses në kryerjen e mamografisë dhe ekzaminimeve të rregullta.

Ekonomia, arsimi, dallimet kulturore, variancat gjenetike dhe aksesi në kujdes luajnë një rol në diagnozat dhe rezultatet.

Kanceri është një sëmundje shumë personale që ndryshon nga individi në individ me moshën, racën dhe historinë familjare, të cilat janë vetëm disa nga faktorët që duhet të merren parasysh.

Në fund të fundit, ekspertët pajtohen se fillimi i kontrolleve të rregullta në moshën 40 vjeçare është i dobishëm.

Gjithashtu sugjerohet që gratë rreth moshës 30-vjeçare të fillojnë të flasin me mjekët e tyre për rreziqet e kancerit të gjirit dhe të edukojnë veten. /AgroWeb.org