Shëndeti

​Shpërthimet e shkurtra të aktivitetit intensiv mund të zvogëlojnë rrezikun e vdekjes së parakohshme

Disa minuta aktivitet energjik, mund të zvogëlojnë në mënyrë dramatike mundësinë e vdekjes së hershme.

Publikuar

Sipas një studimi britaniko-australian, njerëzit që bëjnë tre minuta aktivitet të fuqishëm çdo ditë, si ngjitja e shkallëve, kanë 39 për qind më pak rrezik për të vdekur nga çdo shkak.

Pavarësisht nëse është duke luajtur me qenin ose duke bërë punët intensive të shtëpisë, vetëm disa minuta aktivitet energjik në jetën tuaj të përditshme mund të zvogëlojnë në mënyrë dramatike mundësinë e vdekjes së hershme, sipas një studimi të raportuar nga gazeta Guardian.

Hulumtimi i udhëhequr nga shkencëtarët nga Universiteti i Sidneit zbuloi se njerëzit e moshës së mesme, të cilët nuk ushtrojnë në kohën e lirë në palestër, për shembull, dhe që arrijnë të bëjnë tre aktivitete shumë të shkurtra intensive në ditë, kanë një rrezik 39 për qind më të ulët të vdekjes se ata që nuk merren me ndonjë aktivitet intensiv.

Mark Hamer, profesor i mjekësisë, sportit dhe ushtrimeve në University College London dhe bashkautor i studimit, tha se rezultatet theksojnë rëndësinë e ushtrimeve të rregullta.

“Mund të jetë diçka si të luash me fëmijët. Është e mundur që të shihni se autobusi juaj është gati të niset, kështu që ju duhet të ecni jashtëzakonisht shpejt për të kapur autobusin. Mund të jetë që jetoni në një ndërtesë apartamentesh dhe duhet t’i çoni sendet ushqimore të blera lart shkallëve”, tha ai. “Janë përpjekje kaq të shkurtra të fuqishme në jetën e përditshme”.

Hamer dhe kolegët raportuan në revistën Nature Medicine se ata analizuan të dhënat nga BioBank në Britaninë e Madhe – një iniciativë kërkimore që krahasoi të dhënat gjenetike, stilin e jetës dhe shëndetin e më shumë se 500.000 njerëzve që nga fillimi i vitit 2006.

Ekipi u fokusua në më shumë se 25.000 subjekte me një moshë mesatare 61.8- vjeç, të cilët thanë se nuk ushtroheshin në kohën e tyre të lirë, përveç një shëtitjeje rekreative në javë.

Si pjesë e studimit të BioBank, këta subjekte mbanin gjithashtu një gjurmues aktiviteti në kyçin e dorës për një periudhë prej shtatë ditësh.

Ekipi zbuloi se gati 89 për qind e pjesëmarrësve u përfshinë në breshëri të shkurtra të aktivitetit të fuqishëm, shumica dërrmuese që zgjasin vetëm një ose dy minuta.

Shkencëtarët ndoqën shëndetin e pjesëmarrësve për një mesatare prej 6.9 vitesh, duke zbuluar se 852 vdiqën, përfshirë 511 nga kanceri dhe 266 nga sëmundjet kardiovaskulare.

Pasi morën parasysh faktorë të tillë si statusi i pirjes së duhanit, mosha, gjinia dhe mjekimet, ekipi zbuloi se ata që bënin vetëm tre minuta aktivitet energjik çdo ditë kishin një rrezik 39 për qind më të ulët për të vdekur nga çfarëdo shkaku gjatë periudhës së ndjekjes në krahasim me atyre që nuk kishin aktivitete të tilla.

Ata zbuluan se mesatarisht 11 minuta aktivitet energjik në ditë lidhej me një rrezik më të ulët të vdekjes 48 për qind.

Ndikimi ishte edhe më i theksuar në rastin e vdekjeve nga sëmundjet kardiovaskulare.

Subjektet që bënin tre minuta aktivitet energjik çdo ditë kishin një rrezik 49 për qind më të ulët për të vdekur nga sëmundjet kardiovaskulare dhe 30 për qind më të ulët për të vdekur nga kanceri, krahasuar me ata që nuk bënin një aktivitet të tillë.

Ata me 11 minuta aktivitet në ditë kishin 65 për qind më pak rrezik për të vdekur nga sëmundjet kardiovaskulare dhe 49 për qind më pak rrezik për të vdekur nga kanceri.

Të rriturve u rekomandohet aktualisht 150 minuta ushtrime të moderuara deri të shpejta në javë ose 75 minuta aktivitet të fuqishëm në javë. Sidoqoftë, udhëzimet e përditësuara të publikuara nga ekspertët kryesorë mjekësorë të Britanisë së Madhe në vitin 2019 sugjerojnë se edhe përpjekjet intensive shumë të shkurtra mund të shtohen.

“Mesazhi – gjithçka ka rëndësi – është vërtet i mirë. Unë mendoj se shumica e njerëzve ndoshta mund të përpiqen të jenë më aktivë në jetën e tyre të përditshme dhe kjo nuk do të thotë që ju duhet të bëni një anëtarësim në palestër”, tha Hamer.

Shëndeti

Hurmat – fruti me vlera të larta ushqyese

Për shkak të vetive të tyre shumë të dobishme, vendet arabe çdo ditë i përdorin hurmat.

Publikuar

nga

Në të kaluarën ishin të njohura si “buka e shkretëtirës”. Tani është vërtetuar se hurmat njëjtë sikur bajamet dhe rrushi i thatë bëjnë pjesë në grupin e ushqimeve me vlera të shumta ushqyese.

Për shkak të vetive të tyre shumë të dobishme, vendet arabe çdo ditë i përdorin hurmat. Ato lehtë mblidhen, ruhen dhe transportohen, andaj edhe janë të disponueshme shumë lehtë në mbarë botën, ashtu edhe te ne.

Sheqerërat natyrale që përmbajnë në vete janë në formë të glukozës dhe fruktozës. Hurmat e thata të grira, të vendosura në ujë, i cili ka qëndruar gjatë tërë natës, paraqesin një ilaç shumë të mirë nëse dëshironi ta forconi zemrën dhe funksionet e saj vitale.

Hurmat gjithashtu janë një ilaç efektiv dhe shumë efikas kundër dhimbjes së kokës dhe kundër plakjes, shkruan femina.al. Ato i qetësojnë nervat dhe është e vërtetuar shkencërisht se për shkak të përmbajtjes së madhe të kalciumit, magnezit dhe fosforit mund të ndikojnë në mënyrë preventive kundër kancerit.

Hurmat e forcojnë trupin, zvogëlojnë kolesterolin në gjak, rregullojnë procesin e tretjes dhe e mbrojnë stomakun nga parazitët dhe bakteriet.

Megjithatë duhet të kemi kujdes në sasinë që konsumojmë, e veçanërisht nëse keni problem me peshën e shtuar, pasi që vetëm një hurmë përmban 20 kalori.

Vazhdo të lexosh

Lajmet

Studimi: Mbi 1 miliard njerëz në mbarë botën janë obezë

Normat më të larta janë në Tonga dhe Samoa Amerikane për gratë dhe Samoa dhe Nauru Amerikane për burrat.

Publikuar

nga

Mbi 1 miliard njerëz në mbarë botën po jetojnë me obezitet, thotë studimi i publikuar në The Lancet. Në mesin e tyre janë 880 milionë të rritur dhe 159 milionë fëmijë, sipas të dhënave të vitit 2022.

Normat më të larta janë në Tonga dhe Samoa Amerikane për gratë dhe Samoa dhe Nauru Amerikane për burrat, me rreth 70-80% të të rriturve që jetojnë me obezitet.

Nga rreth 190 vende, Britania e Madhe renditet në vendin e 55-të më të lartë për meshkujt dhe në vendin e 87-të për femrat.

Ekipi ndërkombëtar i shkencëtarëve thotë se ka nevojë urgjente për ndryshime të mëdha në mënyrën se si trajtohet obeziteti.

Obeziteti mund të rrisë rrezikun e zhvillimit të shumë gjendjeve serioze shëndetësore, përfshirë sëmundjet e zemrës, diabetin e tipit 2 dhe disa lloje kanceri./UBTNews/

Vazhdo të lexosh

Shëndeti

Shenjat që tregojnë se nuk konsumoni mjaftueshëm ujë

Dehidrimi mund të ndodh në nivel të ulët, mesatar si dhe në nivel të lartë, në bazë të niveleve që trupi ndodhet ne dehidrim edhe shenjat ndryshojnë.

Publikuar

nga

Më shumë se gjysma e popullsisë vuajnë nga dehidrimi, mirëpo shumica nuk e vërejnë këtë proces i cili ndodh në trupin e tyre.

Dehidrimi mund të ndodh në nivel të ulët, mesatar si dhe në nivel të lartë, në bazë të niveleve që trupi ndodhet ne dehidrim edhe shenjat ndryshojnë.

Shenjat e dehidrimit të nivelit të ulët dhe mesatarë janë si dëshira e shpeshtë për të pirë ujë, goja jonë zakonisht ndodhet në gjendje të thatë, lodhja, merakosja dhe hutimet e tepërta gjatë ditës, ngjyra e urinës është e verdhë e mbylltë, kokëdhimbja, marramendja, aroma e pakëndshme e gojës, dhimbje të muskujve etj.

Ndërsa shenjat e dehidrimit të nivelit të lartë janë si etja e tepërt për ujë, lëkura e thatë, marramendja e tepërt, nëse nuk djersiteni në temperaturë të lartë apo pas një aktiviteti etj.

Vazhdo të lexosh

Lajmet

Zakonet e shëndetshme që mbrojnë sistemin imunitar

Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Publikuar

nga

Zakonet e shëndetshme gjatë stinës së dimrit janë thelbësore për ruajtjen e shëndetit dhe mirëqenies. Aq shumë saqë mund të mbrojnë edhe nga ftohjet, gripi dhe ethet gjatë ndryshimit të stinëve. Disa ushqime shërbejnë dhe punojnë për të forcuar mbrojtjen natyrore të trupit, ndërsa të tjerat funksionojnë anasjelltas.

Përveç ushqimeve që hamë, ka edhe disa pengesa të tjera natyrore që i mbrojnë njerëzit. Ato përfshijnë barrierat fizike, si lëkura dhe trakti respirator, si dhe linja e dytë që janë enzima brenda traktit tretës.

Disa mënyra se si mund ta ndihmojmë sistemin imunitar përfshijnë;

Gjumi i mjaftueshëm

Gjumi është një shtyllë e dytë e shëndetit dhe shpesh neglizhohet në shoqërinë e sotme që ecën me ritme të shpejta. Shumë nuk gjejnë kohë për këto shtatë deri në tetë orë dhe përfundojnë duke ulur qelizat e tyre Vrasëse Natyrore (NK) që luftojnë citokinat inflamatore. Për ata që nuk kanë njohuri, këto citokina inflamatore nxisin disa probleme shëndetësore si artriti reumatoid si dhe sëmundja e Cohn.

Ngrënia e zarzavateve me gjethe

Zgjidhni zarzavatet me gjethe pasi janë të rëndësishme për ruajtjen e një ekuilibri të shëndetshëm të vitaminave dhe mineraleve të nevojshme për sistemin imunitar. Disa nga vitaminat më të rëndësishme për funksionimin e përditshëm përfshijnë vitaminën B12, si dhe kalciumin, hekurin, zinkun dhe madje edhe jodin.

Djersitni më shumë

Ushtrimi është po aq i rëndësishëm në ruajtjen e shëndetit të mirë të sistemit imunitar, sepse qelizat T vrasëse përmirësohen me çdo rutinë ushtrimesh sipas gjetjeve të reja. Megjithatë, është e rëndësishme që të përfshihen vetëm nivele të moderuara të stërvitjes, dhe çdo gjë më shumë se 90 minuta, mund të ndikojë në mënyrë të kundërt tek imuniteti.

Mbani një peshë të shëndetshme

Është e rëndësishme të ruani një peshë të shëndetshme që është optimale për gjatësinë e çdo personi. Në rastet kur pesha luhatet në ekstrem, funksioni imunitar gjithashtu mund të ulet.

Mospirja e duhanit

Pirja e duhanit është një nga vrasësit më të heshtur, ndërton mukozë brenda rrugëve të frymëmarrjes dhe madje u ofron baktereve një terren të favorshëm për infeksionet e sipërme të frymëmarrjes.

Vazhdo të lexosh

Të kërkuara