Lajmet

FSShK kërkon të procedohet ligji për pagat, paralajmërohen veprime të ashpëra sindikale

Syla: Për shkak të politikave të gabuara vetëm këtë vit mbi 120 punëtorë shëndetësorë kanë ikur nga Kosova.

Publikuar

3 vjet më parë

më

Federatat e Sindikatave të Shëndetësisë së Kosovës (FSShK) këtë të hënë kanë protestuar para Qeverisë së Kosovës. Ata po kërkojnë që brenda këtij viti të procedohet ligji i pagave në të kundërtën paralajmërojnë edhe ashpërsim të veprimeve sindikale.

Nën thirrje “stop diskriminimit të punëtorëve shëndetësor nga politikbërja”, “mos harroni punëtorët shëndetësorë”, kryetari i FSSHK -së, Blerim Syla, tha se për shkak të politikave të gabuara karshi punëtorëve shëndetësorë vetëm këtë vit mbi 120 punëtorë shëndetësorë kanë ikur nga Kosova. Ai kërkoi nga qeveria që të jetë transparente dhe ti ftoj për dialog social rreth ligjit të pagave.

Në mënyrë simbolike ata kanë lënë para qeverisë papuçe dhe mantilat e bardhë. Ndërsa, në përkrahje të punëtorëve shëndetësorë kishin dalë edhe BSPK dhe SBAShKU.

Etiketa
Vazhdo të lexosh

Lajmet

​Mos respektimi i rregullave në komunikacion, shqiptohen 2 mijë e 280 gjoba për një ditë

Publikuar

4 minuta më parë

më

4 Korrik, 2024

nga

Policia e Kosovës brenda 24 orëve të fundit ka shqiptuar 2 mijë e 280 tiketa të trafikut.

Në statistikat e policisë poashtu thuhet se janë bërë 24 aksidente trafiku me të lënduar, 32 aksidente me dëme materiale.

Sipas policisë 22 persona janë arrestuar, 13 persona në mbajtje si dhe 1 person në vuajtje të dënimit.

Vazhdo të lexosh

Lajmet

Protestuesit kundër Netanyahut bllokojnë autostradën e Tel Avivit

Publikuar

18 minuta më parë

më

4 Korrik, 2024

nga

Protestuesit kanë bllokuar autostradën kryesore Ayalon në qendër të Tel Avivit, raporton Channel 12.

Ata po kërkojnë që të arrihet një marrëveshje me Hamasin për t’i kthyer robërit izraelitë në shtëpi dhe mbajtjen e zgjedhjeve të parakohshme parlamentare.

“Izraeli ka nevojë për një qeveri të përgjegjshme dhe të arsyeshme që do të garantojë një të ardhme më të mirë për shtetin e Izraelit”, citoi The Times of Israel të thoshte një protestues./UBTNews/

Vazhdo të lexosh

Lajmet

Vdes në QKUK punëtori që u rrëzua në vendin e punës

Publikuar

23 minuta më parë

më

4 Korrik, 2024

nga

Një person ka humbur jetën derisa po trajtohej në Qendrën Klinike Universitare të Kosovës (QKUK), pasi ishte rrëzuar nga një objekt në vend të punës.

Policia e Kosovës njoftoi se ai është rrëzuar në Lipjan, e për rastin është arrestuar pronari i firmës ndërtimore dhe pronari i pronës. Në vendin e ngjarjes kanë dalë njësitet policore, prokurori dhe inspektori i punës.

Të arrestuarit janë dërguar në mbajtje, e trupi i pajetë është dërguar për obduksion.

Rasti po trajtohet si “asgjësim, dëmtim ose heqje e pajisjeve mbrojtëse dhe rrezikim i sigurisë në vendin e punës”.

Kjo është vdekja e parë sivjet e një punëtori që u lëndua në vendin e punës. Inspektorati i Punës gjatë qershorit kishte thënë se ka ulje të jashtëzakonshme të aksidenteve me fatalitet në vendin e punës.

Vazhdo të lexosh

Lajmet

Osmani uron ShBA-në: Aleancë që vazhdon t’i mbijetojë kohës dhe sfidave

Publikuar

32 minuta më parë

më

4 Korrik, 2024

nga

Presidentja e Kosovës, Vjosa Osmani ka uruar Shtetet e Bashkuara të Amerikës (ShBA) për 248-vjetorin e shpalljes së pavarësisë duke thënë se populli i Kosovës feston krahas popullit amerikan.

Në një postim në Facebook, e para e vendit ka thënë se aleanca e Kosovës me ShBA-të vazhdon t’i mbijetojë kohës dhe sfidave dhe në këtë ditë kujtohen vlerat e idealet mbi të cilat janë ndërtuar Shtetet e Bashkuara.

“Aleancë që vazhdon t’i mbijetojë kohës dhe sfidave. Sot, populli i Kosovës feston krahas popullit amerikan. Sot, kujtojmë vlerat e idealet mbi të cilat janë ndërtuar Shtetet e Bashkuara dhe aleanca jonë e fuqishme! Aleatëve tanë amerikanë: Gëzuar 4 Korriku! Happy Fourth of July”, thuhet në urimin e Osmanit.

Vazhdo të lexosh

Të kërkuara