Lajmet

FSK e gatshme për të përmbushur misionin e saj si garantuese e sigurisë

Published

on

Në konferencën vjetore ndërkombëtare “FSK dhe Partnerët 2024” të organizuar nga Ministria e Mbrojtjes dhe Forcat e Sigurisë së Kosovës u tha se Forca e Sigurisë së Kosovës ka bërë përparime të jashtëzakonshme dhe se partnerët ndërkombëtarë e kanë ndihmuar FSK-në në krijimin e në modernizimin dhe fuqizimin e kapaciteteve të saj.

Zëvendësministri i Mbrojtjes, Shemsi Syla deklaroi se FSK përmes bashkëpunimit të ngushtë me partnerë qëndron e fortë dhe e gatshme për të përmbushur misionin e saj si garantues i sigurisë së Kosovës dhe kontribuues për paqen ndërkombëtare.

Syla u shpreh se Forca e Sigurisë së Kosovës është një simbol i krenarisë kombëtare dhe garancia jonë për një të ardhme të sigurt .

“E themeluar mbi vlerat e paqes demokracisë dhe përkushtimit të pashoq për vendin FSK sot është një simbol i krenarisë tonë kombëtare dhe garancia jonë për një të ardhme të sigurt. Këtë vit po e përmbyllim me suksese të përbashkëta me partnerët tanë ku përveç bashkëpunimit tonë të shumë anshëm duhet të theksoj edhe koordinim dhe bashkëveprimin për të kontribuar për luftën e drejtë dhe çlirimtare të Ukrainës….Partnerët tanë kanë luajtur një rol thelbësor në formësimin, modernizimin dhe fuqizimin e kapaciteteve tona….përmes këtij bashkëpunimi të ngushtë FSK sot qëndron e fortë dhe e gatshme për të përmbushur misionin e saj si garantues i sigurisë së Kosovës dhe kontribuues për paqen ndërkombëtare”, theksoi ai.

Ndërsa, Komandanti i Forcës së Sigurisë së Kosovës, Bashkim Jashari duke e konsideruar si thelbësore përkrahjen e partnerëve ndërkombëtare, theksoi se së bashku mund t’i shërbejnë paqes dhe parandalojnë luftërat.

Jashari u shpreh se mbështetja e partnerëve ndërkombëtare ka qenë thelbësore për zhvillimin e Forcës së Sigurisë së Kosovës.

“Kam theksuar vazhdimisht që ne trajnohemi, stërvitemi, bashkë zbarkohemi vetëm me shtetet e NATO-së dhe kjo është tregues i seriozitetit tonë për fokusin tonë strategjik për anëtarësimin në aleancën më të rëndësishme ushtarake në botë. Përderisa, përgatitemi të hyjmë në një fazë të planit gjithëpërfshirës të tranzicionit ne gjithashtu hyjmë në një fazë komplekse të zhvillimit të aftësive të reja dhe mirëmbajtjes së kapaciteteve aktuale. Gjithashtu kemi filluar planifikimin për periudhën pas PGJT-së mbi bazën e përudhën afatgjatë zhvillimore. Edhe këtë fazë do ta përfundojmë së bashku pasi që siguria globale kurrë nuk ka qenë më e sfiduar. Ne duhet të jemi të gatshëm ta përmbushim misionin tonë kushtetues dhe ligjor si dhe të mbështesim aleancën në përgjithësi e sfidave të sigurisë rajonale dhe globale”, deklaroi komandanti i FSK-së.

Christian Nawrat, drejtorit i Ekipit Ndërlidhës këshillues të NATO-së ( NALT) u shpreh se NATO mbetet e përkushtuar për të luajtur rolin e saj në mbështetjen e sigurisë dhe stabiliteti në Kosovë e rajon.

Nawrat theksoi po ashtu se NALT luan rol unik në mesin e ndërkombëtarëve të mbështesin Forcën e Sigurisë së Kosovës.

“NATO mbetet e përkushtuar për të luajtur rolin e saj në mbështetjen e sigurisë dhe stabiliteti në Kosovë e mbarë rajonin… Puna jonë ndihmon strukturën civile që mbikëqyrë FSK-në në zhvillimin e politikave aq të nevojshme. Puna jonë mbështete FSK-në, veçanërisht garden kombëtare për të zhvilluar aftësitë për të mbështetur autoritete civile në rangimin e krizave. Ne po punojmë brenda këtij mandati që ka edhe shumë për të bërë. Duke ofruar këshilla tona si ekip shumë kombësh bazuar në mandati e FSK luajmë rol unik në mesin e ndërkombëtarëve që mbështesin FSK… Aleatët tanë mbesin në të njëjtin synim që të mbështesim përpjekjet e FSK për të krijuar një forcë të aftë për të ju ofrua mundësi individuale pa dallim gjinie e përkatësi etnike. NATO mirëpret përparimin e një FSK me gjithëpërfshirse”, theksoi drejtorit i NALT-it.

Ambasadori i Italisë në Kosovë, Antonello De Riu u shpreh se dialogu është rruga e duhur për zgjidhjen e çështjeve në mes Kosovës dhe Serbisë.

Sipas tij ndaj kërcënimeve të fundit në pjesën veriore të vendit, përfshirë edhe sulmin terrorist në Banjskë, FSK ka treguar profesionalizëm duke shmangur të gjitha provokimet që kanë mund të qojnë në eskalime të ndryshme.

“Ka sfida sidomos kjo çështja e fundit e Rusisë dhe ato qëllimet e Serbisë të këqija në Kosovë dhe kërkojnë një qasje të jashtëzakonshme. Është shumë esenciale kjo të adresohet dhe ngritja e personelit të KFOR në kontrollimin e kufirit ka qenë shumë kruciale. Po ashtu, dëshirojmë të them se sulmi i vitit të kaluar që është kryer nga një grup i paramilitarëve dhe ministria e Mbrojtjes dhe FSK ka treguar profesionalizëm të vërtetë dhe duke shmangur të gjitha provokacionet dhe retorikat e tyre që kanë mund të qojnë në eskalime të ndryshme. Është shumë e rëndësishme që të krijohet një dialog dhe kjo çështje të kryhet përmes dialogut dhe përmes bashkëpunimit me komunitetin ndërkombëtarë dhe të sigurohemi që forca te mos jetë në shprehje dhe të ndajmë prosperitetin dhe në këtë kontekst NATO dhe anëtarët e QUINT-it janë të gatshëm të ofrojnë lehtësimin e dialogut dhe të gjejmë një zgjidhje për çështjet qe deri tani janë te pazgjidhura. Unë pres të bëjmë një qasje të bashkëpunimit të të gjitha palët mund t’i kalojnë këto sfida”, tha ai.

Ambasadori i Mbretërisë së Bashkuar në Kosovë, Jonathan Hargreaves tha se janë të kënaqur me progresin e FSK-së dhe e mbështesin plotësisht rrugëtimin euroatlanik të Kosovës.

“Jemi të kënaqur me progresin e FSK për të siguruar që FSK është profesionale dhe gjithëpërfshirëse dhe llogaridhënëse. Ne jemi shumë të kënaqur me rolin tonë këtu është shumë e rëndësishme për stabilitetin regjional dhe jemi të kënaqur që mund të vazhdojmë me kontributin tonë në punën e NALT-it dhe kontributin në FKS dhe ministri të Mbrojtjes. Jemi të kënaqur me trajnimet e pjesëtarëve të FSK-së që marrin në Mbretëria e Bashkuar… jemi të lumtur që FSK ka ofruar mbështetjen për Ukrainën dhe stabilitetin në Evropë, FSK ka zbarkuar ekipe në operacionin interfleks ku ka ofruar për Ukrainën në formën e këmbësorisë për pesë muaj me radhë zbarkim… FSK ka shënuar arritje të jashtëzakonshme për të cilat ne iu urojme shumë. FSK është ende në rrugë për krijimin e aftësive dhe forcimin e tyre dhe po ashtu në një rrugë për integrimin euro atlantik për të cilin ne e mbështesim plotësisht”, tha ai.

Në konferencën vjetore ndërkombëtare “FSK dhe Partnerët 2024” morën pjesë përfaqësues të lartë shtetërorë, të Ministrisë së Mbrojtjes dhe FSK-së, ambasadorë, atashe të mbrojtjes të Republikës së Kosovës, si dhe përfaqësues tjerë diplomatikë dhe atashetë ushtarakë të të gjitha shteteve partnere të Kosovës

Lajmet

​Lëndohet ylli i Interit

Published

on

Futbollisti Henrikh Mkhitaryan është detyruar të lërë fushën në minutën e 32-të të ndeshjes kundër Napolit për shkak të një problemi fizik.

Sipas testeve mjekësore të kryera në Institutin “Humanitas” në Rozzano, mesfushori armen ka pësuar tendosje muskulore në muskulin semitendinosus të kofshës së majtë.

Interi njoftoi se gjendja e tij do të rivlerësohet javën e ardhshme, ndërsa koha e rikuperimit ende nuk është përcaktuar.

Skuadra e Cristian Chivu do të përballet të mërkurën (29 tetor) me Fiorentinën në “San Siro”, ndërsa më 2 nëntor udhëton në Verona për sfidën ndaj ekipit vendas./S.K/KP/

Continue Reading

Lajmet

​De Bruyne mbyll vitin 2025, dyshohet për një dëmtim të rëndë

Published

on

Kevin De Bruyne rrezikon ta mbyllë para kohe vitin 2025 pas lëndimit të pësuar në ndeshjen Napoli–Inter.

Mesfushori belg u detyrua të largohej nga fusha menjëherë pas shënimit të golit nga penalltia, pasi ndjeu dhimbje në kofshën e djathtë dhe më pas u pa me paterica në pankinë.

Sipas Gazzetta dello Sport, dyshohet për një këputje të rëndë në bicepsin femoris, e cila mund ta mbajë jashtë fushave për disa muaj. Napoli shpreson që dëmtimi të mos ketë prekur zonën ku lojtari u operua në vitin 2023 gjatë kohës së tij te Manchester City.

Nëse konfirmohet se bëhet fjalë për një dëmtim serioz, De Bruyne mund t’i nënshtrohet një operacioni, gjë që do ta detyronte të mungojë për pjesën e mbetur të sezonit. Edhe në rastin më të mirë, ai pritet të qëndrojë jashtë për dy ose tre muaj, duke i dhënë fund praktikisht vitit 2025.

Napoli ndërkohë mund të detyrohet të bëjë ndryshime në listën e Ligës së Kampionëve, me mundësi që në vend të belgut të përfshihet njëri mes Marianuccit apo Mazzocchit. Rezultatet e ekzaminimeve priten të përcaktojnë kohën e rikuperimit të mesfushorit./S.K/KP/

Continue Reading

Lajmet

​Juventusi shkarkon trajnerin Tudor

Published

on

Humbja ndaj Lazios i ka kushtuar trajnerit Igor Tudorit, ku klubi bardhezi ka vendosur ta shkarkojë trajnerin kroat pas një serie rezultatesh të dobëta në fillim të këtij sezoni.

Sipas La Gazetta dello Sport detyrën e përkohshme të trajnerit do ta marrë Massimo Brambilla, deri në emërimin e pasardhësit të ri.

Nën drejtimin e Tudorit, Juventusi ka zhvilluar tetë ndeshje në Serie A, ku ka grumbulluar vetëm 12 pikë dhe ndodhet aktualisht në vendin e tetë të renditjes.

Në fazën e grupeve të Champions League, bardhezinjtë kanë siguruar vetëm dy pikë në tre takime, çka ka thelluar krizën e skuadrës torineze./S.K/KP/

Continue Reading

Lajmet

Vihen nën mbrojtje Liqeni i Ujmanit dhe Mali Mokna

Published

on

Zëvendësministri në detyrë i Infrastrukturës Hysen Durmishi, ka njoftuar se kanë vënë nën mbrojtje Malin Mokna dhe Liqenin e Ujmanit. 

Ai ka thënë se javën e kaluar ka nënshkruar vendimin për mbrojtje paraprake të “Malit Mokna dhe Liqenit të Ujmanit”, i cili sipas tij është nga vendimet më të rëndësishme për mbrojtjen e natyrës në Kosovë.

“Me këtë vendim, Republika e Kosovës bëhet shteti me përqindjen më të lartë të territorit nën mbrojtje të natyrës në gjithë Ballkanin Perëndimor. Pas një studimi njëvjeçar në terren, është konstatuar se kjo zonë përbën pasuri të rrallë natyrore, me biodiversitet të pasur dhe peizazhe me rëndësi të veçantë ekologjike e shkencore”, ka shkruar Durmishi.

Ai ka shkruar se zona me sipërfaqe prej 192.19 km² tashmë vihet nën mbrojtje paraprake, siç ka thënë duke e ngritur në 12.4% përqindjen e territorit të Kosovës që mbrohet ligjërisht./S.K/EO/

Continue Reading

Të kërkuara