

Lajmet
FSK e gatshme për mbrojtjen e vendit, partnerët ndërkombëtarë mbështesin ushtrinë
Maqedonci tha se partneriteti është shumë i rëndësishëm.
Published
2 years agoon
By
UBT newsMinistri i Mbrojtjes, Ejup Maqedonci, tha se partneriteti është shumë i rëndësishëm për të ballafaquar sfidat dhe operacionet e sigurisë në interesa të përbashkëta.
Maqedonci ka folur edhe për sulmin terrorist të 24 shtatorit në Banjskë, për të cilin tha se sulmi kundrejt Kosovës ka përfunduar pa sukses falë ndërhyrjeve së Policisë së Kosovës dhe koordinimit të mirë me partnerët.
“Duke ju falënderuar Policisë së Kosovës dhe profesionalizmit të jashtëzakonshëm dhe koordinimit të mirë me partnerët, ky sulm flagrant nuk pati sukses, sidoqoftë ne jemi ende të vetëdijshëm se kërcënimi ende ekziston përderisa Serbia ka 48 baza operacionale përgjatë kufirit me Kosovë. Dhe përderisa Serbia vazhdon të ketë qasje homogjeniste drejt fqinjëve të saj me lejoni të theksoj se Kosova nuk do të ketë kërcenim, por ne jemi të përgatitur të jemi miq të gjithëve. Në vitet e fundit Kosova ka bërë arritje të mëdha sa i përket zhvillimit të kapacitetit të sigurisë dhe mbrojtjes. Brenda dy viteve buxheti për Ministrinë e Mbrojtjes dhe FKS-në është rritur për 120 për qind. Po ashtu kemi dyfishuar numrin e personelit ushtarak kemi bërë investime të dyfishta në sistemin e armatimit dhe kemi marr pjesë në ushtrime të përbashkëta multinacionale”, tha Maqedonci.
Ai tha se FSK-ja janë të përcaktuar për të rritur bashkëpunimet me partnerët ndërkombëtarë.
“Republika e Kosovës dhe Ministria e Mbrojtjes dhe FSK-ja janë të përcaktuar të rrisin bashkëpunimin me partnerët, me formësimin e shtegut drejt integrimit në institucionet euroatlantike dhe në NATO. Roli i partnerëve nuk është vetëm i rëndësishëm por është fondamental , përkundër kërcënimeve partnerët tonë global dhe regjional dhe sfidat e tjera mbesin d.m.th. të i ndajmë së bashku me partnerët tonë të besueshme të botës demokratike. Bashkëpunimi në mes partnerëve është sot shumë i rëndësishëm për të ballafaquar me sfida të vjetra dhe të reja sa i përket sigurisë, rëndësia e bashkëpunimit tonë arritjen e sukseseve në operacionet e kanë dëshmuar këtë në pjesën veriore të vendit me 24 shtator, d.m.th. grupet terroriste të inkurajuar nga institucionet Serbe janë munduar që të marrin territor dhe të destabilizojnë vendin tonë”, tha Maqedonci.
Komandanti i FSK-së, Bashkim Jashari tha se FSK-ja nuk do te ishte këtu nëse nuk do kishte mbështetjen nga vendet aleatë me trajnime ushtarake.
Jashari tha se së bashku me ministrin e Mbrojtës kanë një bashkëpunim të rregullt dhe sipas tij, rasti i fundit më Banjskë është mesazh që FSK-ja duhet të jetë gjithmonë e gatshme.
“Kërkoj nga ju mbështetje, sepse duke u stërvitur dhe aftësuar së bashku ne rrisim gatishmërinë e vendeve tona ndaj kërcënimeve në rritje të sigurisë. Jam i sigurt që ju si përfaqësues ushtarak jeni të informuar për rastin e sulmit terrorist të 24 shtatorit në veri të Kosovës. FSK së bashku me Ministrinë e Mbrojtjes ka qenë në koordinim të ngushtë me të gjitha institucionet vendore dhe ndërkombëtare të sigurisë. Rasti i sulmit të fundit si zhvillim i sigurisë në botë, janë të tregues të qartë që FSK duhet të jetë çdo herë e gatshme të kryej misionin e saj Kushtetues dhe ligjor”, theksoi ai.
Ambasadori i Amerikës në Kosovë, Jeff Hovenier tha se janë të gatshëm të mbështesin një forcë shumë etnike ushtarake për Kosovën. Ai tha se ShBA ka dhënë ndihmë mbi 23 milionë FSK-së dhe Ministrisë së Mbrojtjes.
“Qeveria e Shteteve të Bashkuara të Amerikës është e përkushtuar për të mbështetur zhvillimin e FSK përmes asistencës dy palëshe ShBA dhe Kosovë. Një ndër prioritetet tona strategjike është që të mbështesim planin 10 vjeçar të FSK-së në force racionale, shumetnike, te veprueshme, e aftë për të kryer mision mbrojtës dhe mbikëqyrje civile, një qëllim aq i rëndësishëm që dua të them se ne kemi mbështetur dhe jemi të gatshme të mbështesim një trasnzicion një forcë profesionale shumë etnike, ndërvepruese me NATO, të aftë për të kryer veprime nën mbikëqyrjen civile i cili është rol i përshtatshëm për një forcë ushtarake dhe shtet demokratik. Gjithashtu gjatë këtij viti 47 oficerë të FSK-së përfituan arsimim, profesional ushtarak në shkollat ushtarak në ShBA krahë për krahë me homologët e tyre amerikanë, dhe ata kanë zhvilluar aftësitë e tyre. Gjithashtu kemi financuar ose së shpejt do të financojmë pesë këshilltarë në fushën e komunikimit të strategjisë inteligjencës dhe sigurisë kibernetike. Këta ekspert janë këtu në ministri dhe ofrojnë praktikat e tyre dhe këshillat e tyre më të mira për të ndihmuar Kosovën për të gjitha këta sektorë” tha Hovenier.
Ambasadori i Gjermanisë, Joern Rohde u shpreh se Gjermania vazhdon të jetë partnere e fuqishme e Kosovës, sepse sipas tij Kosova është një partnere e shkëlqyeshme për transformimin e FSK-së.
“Gjermania është dhe vazhdon të jetë një partnere e fuqishme e Kosovës që nga pavarësia në të gjitha fushat dhe në këtë drejtim mbështesim gjithë procesin e transformimit të FSK-së. FSK është një partnere e shkëlqyeshme për këtë arsyeje më tej do të intensifikojmë bashkëpunimin ndërmjet ministrit të mbrojtjes së Gjermanisë dhe FSK-së” tha Rohde.
Ambasadori i Turqisë në Kosovë, Sabri Tunç Angılı, theksoi se Turqia do të jetë gjithmonë partnere e Kosovës për të forcuar bashkëpunimin për një të ardhme të ndritshme.
Ai ka falënderuar ekipin e kërkim shpëtimit të Kosovës për ndihmën që u kanë ofruar gjatë tërmetit në Turqi.
“Kjo konferencë tregon përkushtimin e madh tonë për Kosovën , d.m.th. Turqia është shumë e interesuar që të arrihet stabiliteti në të gjithë vendin. Këto lidhje përcaktojnë gjithashtu politika tona të mbrojtjes dhe lidhjen e fortë që e kemi për të forcuar paqen dhe stabilitetin me rajon dhe më gjerë. D.m.th. në këtë lidhje do të falënderoja ekipin e kërkim shpëtimit të cilët kanë dhënë kontributin e tyre në tërmetin në vendin tonë. Marrëveshjet bashkëpunimin final mes Kosovës dhe Turqisë luajnë një rol të rëndësishëm deri më tani. Turqia 14 milionë dollar ka mbështetur FSK-në dhe përafërsisht çdo ditë marrin pjesë në trajnime që ofrohen nga shteti Turqisë për pjesëtarë të FSK-së. Ata janë trajnuar gjithashtu edhe nga ekipet trajnuese ushtarake edhe në Kosovë dhe 50 anëtarë të pjesëmarrësve të FSK-së kanë marrë trajtim mjekësor në Turqi kjo na ndihmon neve që të forcojmë bashkëpunimin tonë. Turqia gjithmonë do të jetë një partnerë i besueshëm dhe Kosova do të ketë një të ardhme të ndritshme”, shtoi Angili
Zëvendës ambasadori i Britanisë së Madhe në Kosovë, Paul O’Connor theksoi se KFOR-i britanik është i fokusuar përreth kufijve të Kosovës, ai ka vlerësuar edhe punën e policisë dhe gatishmërinë e saj për të ndihmuar popullatën sa i përket sigurisë
“Mbretëria e bashkuar ka partneritet me Kosovën në disa fusha, por në përgjithësi partneriteti i sigurisë pas ndërhyrjes së NATO-së në Kosovë, është shumë i rëndësishëm në identifikimin e këtij partneritet, të cilin e lidhim edhe me ngjarjen e fundit dhe kërkoj nga komandanti i KFOR-it ashtu siç e keni thënë ju se KFOR-i britanik është i përkushtuar përreth vijës kufitare të Kosovës, dëshiroj të ndërlidhem përgjigjen e policisë së Kosovë se në lidhje me rastin e fundit në veri që ka bërë një punë të mrekullueshme dhe po ashtu vigjilencën e Forcës së Sigurisë së Kosovës që të ndihmojë popullatën në këtë drejtim”, tha O’Connor.

Ministrja e Ekonomisë, Artane Rizvanolli ka deklaruar se kanë ftuar për takim bizneset dhe odat sot nga ora 13:00 lidhur me vendimin për daljen në treg të lirë të bizneseve, porse siç tha ajo, kanë presion nga odat ekonomike që të mos mbajnë takime.
Në një konferencë për media, Rizvanolli tha se disa nga bizneset hezitojnë të vinë në takimin e sotëm.
“Kemi dëgjuar se bizneset kanë presion nga Oda Ekonomike e Kosovës për të mos marrë pjesë në takime. Disa kanë thënë hezitojnë të vinë në takimin e sotëm, pasi nuk ndjehen mirë në një pozitë të tillë“, ka thënë Rizvanolli.
Ajo po ashtu ka thënë se duhet kaluar ky tranzicion.
“OEK që sot ka vendos të bart problemin, dhe t’i bllokojë rrugët nuk ka ndërmarrë asnjë hap t’i përgatit bizneset. Kjo është sfidë të cilës nuk mund t’i ikim, duhet të kalojmë në këtë tranzicion. Qeveria do të jetë në çdo hap dhe betejë me secilin prej tyre“, ka shtuar Rizvanolli.
Ndërsa ka thënë se deklaratat që KESCO blen energjinë me 30 euro dhe do të shes në treg të lirë është dezinformatë.
“Është dezinformatë që ka qarkulluar, nuk është e saktë që KESCO do të blejë energjinë me 30 euro dhe do të shes në treg të lirë“, nënvizoi ajo.
Bizneset kanë protestuar sot me bllokimin e disa hyrjeve në Prishtinë kundër vendimit për kalimin e bizneseve në tregun e lirë të energjisë elektrike më 1 qershor. Përfaqësuesit e bizneseve kërkojnë shtyrje të këtij procesi për një vit, në të kundërtën paralajmërojnë pasoja të rënda për ekonominë vendore.
Lajmet
Përfundon protesta e bizneseve me kërkesën për reflektimin e institucioneve
Published
6 hours agoon
May 29, 2025By
UBTnews
Ka përfunduar protesta e organizuar nga bizneset dhe odat e bizneseve, e cila ka qenë kundër vendimit për liberalizimin e tregut të energjisë. Bizneset protestuan me bllokimin e disa hyrjeve në Prishtinë kundër vendimit për kalimin e bizneseve në tregun e lirë të energjisë elektrike më 1 qershor.
Kryetari i Odes Ekonomike të Kosovës, Lulzim Rafuna tha se kërkesa mbetet që institucionet t’ua mundësojnë bizneseve një faze të tranzicionit.
“Arritëm në fund të protestës, jemi të kënaqur me efektin e protestës, pjesëmarrjen e protestës. Kërkesa jonë mbete që institucionet e vendit të reflektojnë, t’ua mundësojnë biznesit një fazë të tranzicionit, as më shumë, as më pak se sa e kanë pasur bizneset në vendet e rajonit dhe më gjerë. Kërkojmë që të reflejtonë nëse nuk do të ketë reflektim, ne do të vazhdojmë, këshilli protestues do të takohet dhe do të shohim hapat e tjerë”, tha Rafuna.
Rafuna paralajmëroi se protesta do të radikalizohet nëse nuk ka reflektim nga institucionet shtetërore.
“Qoftë se nuk do të ketë refkeltim, protesta do të shkojnë duke u radikalizuar. Arsyeja ka qenë për shkak të ushtrimeve Defender që janë duke u zhvilluar në Kosovës, kjo është vetëm dita e parë e protestës, nuk nënkupton kjo që në të ardhmen nuk do të bllokohet”, shtoi Rafuna./KP
Lajmet
Krasniqi: PDK nesër do të fillojë betejën ligjore për të kundërshtuar vendimin e ZRRE-së
Published
7 hours agoon
May 29, 2025By
UBTnews
Kryetari i Partisë Demokratike të Kosovës, Memli Krasniqi deklaroi se nga nesër do të fillojnë betejën ligjore për anulimin e vendimit për liberalizim të tregut energjetik. Ai tha se fillimisht do të bëjnë kundërshtim administrativ në Zyrën e Rregullatorit të Energjisë, meqë siç u shpreh ai, ky është një vendim “i tmerrshëm dhe krim kundër ekonomisë së Kosovës”.
Në konferencë për media, pas dështimit të përpjekjes së 23-të për konstituim të Kuvendit, Krasniqi foli edhe për protestën e sotme të bizneseve.
“Në emër të PDK-së e shpreh solidarizimin tonë me mbi 140 mijë punëtorë të mbi 1 mijë bizneseve kosovare, të cilët sot në masë të madhe janë duke protestuar simbolikisht duke dalur nëpër rrugë magjistrale që e rrethojnë Prishtinën për tu dëgjuar zëri i tyre që deri tash është injoruar pikërisht nga qeveria dhe organet varëse të tyre, të cilat tashmë kanë vendosur që të ju shtrenjtojnë tarifat e energjisë, jo 16 për qind siç na i kanë shtrenjtuar të gjithëve për herën e tretë, por gati 300 për qind. Është e turpshme që kryeministri në detyrë i krahason punëtorët e Kosovës, bizneset e Kosovës me grupet dhe bandat kriminale në veri të vendit”, shtoi Krasniqi.
Vendimi për liberalizim të tregut energjetik, Krasniqi tha se është dashur të shtyhet derisa të ketë krijim të kushteve.
“Nëse nuk ndalet ky vendim për çka kemi kërkuar në vazhdimësi, kemi dhënë edhe argumentet tona pse, gjithsesi do të ketë ngritje të çmimeve të shërbimeve, produkteve, të cilat do t’i paguajnë qytetarët e Kosovës. Gjë që do të ngrisë inflacionin më tutje dhe do të vështirësojë barrën dhe mirëqenien e familjeve kosovare. PDK nesër do të fillojë betejën ligjore për këtë rast. Ne kemi shpresuar deri tash që do të ketë racionalitet, që do t’i thirrin mendjes, që do ta shtyjnë vendimin, sepse e vërteta është që s’ka treg të lirë. Nuk mund të kesh treg të hapur kur e ke vetëm një kompani që shet rrymë. 90 të licencuara është një mashtrim, sepse 18 prej tyre nuk ofrojnë shërbim, është vetëm një është monopol…Nesër do të bëjmë kundërshtim administrativ si hap të parë, në ZRRE për të vazhduar betejën ligjore deri në anulimin e këtij vendimi sepse është një vendim i tmerrshëm që është krim kundër ekonomisë të Republikës së Kosovës”, përfundoi Krasniqi./kosovapress
Lajmet
Qëndrimet e njëjta: Kuvendi nuk konstituohet as pas tentimit të 23-të
Published
7 hours agoon
May 29, 2025By
UBTnews
Deputetët e Kuvendit të Kosovës kanë dështuar të enjten – për herë të 23-të radhazi – ta konstituojnë përbërjen e nëntë parlamentare, të dalë nga zgjedhjet e shkurtit.
Dështimi për ta bërë Kuvendin e ri ka zhytur vendin në një ngërç politik duke e lënë atë edhe pa qeveri të re, kur kanë kaluar më shumë se tre muaj nga mbajtja e zgjedhjeve.
Dështimet e njëpasnjëshme po ndodhin pavarësisht thirrjeve nga brenda dhe jashtë vendit për të lëvizur përpara me krijimin e institucioneve.
Të enjten, ligjbërësit refuzuan për të trembëdhjetën herë rresht ta formonin një komision për mbikëqyrjen e një votimi të fshehtë për kreun e ri të organit ligjvënës.
Çështja e votimit të fshehtë – që u propozua më 1 maj nga kryesuesi i seancës, Avni Dehari, pasi e propozuara e Lëvizjes Vetëvendosje (LVV) për kryetare të Kuvendit, Albulena Haxhiu, nuk arriti në disa votime t’i merrte 61 votat e nevojshme për t’u konfirmuar në post – është dërguar në Gjykatën Kushtetuese të Kosovës nga partitë që në legjislaturën e kaluar ishin në opozitë.
Ato thonë se është jokushtetuese mënyra se si LVV-ja po tenton që kryeparlamentari të votohet përmes formës së fshehtë, dhe i kanë kërkuar Kushtetueses të marrë “një masë të përkohshme për ndalim të mbajtjes së seancave, derisa me prioritet ta trajtojë këtë lëndë dhe ta marrë një vendim”
Partia Demokratike e Kosovës (PDK), Lidhja Demokratike e Kosovës (LDK), Aleanca për Ardhmërinë e Kosovës (AAK) dhe Lista Serbe refuzuan sërish, në vazhdimin e seancës konstituive, të dielën, ta propozonin një përfaqësues që do të siguronte mbarëvajtjen e votimit të fshehtë.
Seanca konstituive do të vazhdojë të shtunën e 31 majit.
Deri më tani, deputetët kanë kaluar vetëm dy pika të agjendës së seancës konstituive: raportin e Komisionit të përkohshëm për verifikimin e mandateve dhe atë të betimit të deputetëve.
Por, procesi ka ngecur te pika e tretë: zgjedhja e kryeparlamentarit.
Haxhiu e LVV-së po konsiderohet si figurë përçarëse nga dy parti parlamentare: PDK-ja dhe AAK-ja.
Këto dy subjekte kanë kërkuar që LVV-ja të nxjerrë emër tjetër për kryeparlamentar. LDK-ja, ndërkaq, ka thënë se nuk ka vota për asnjë të propozuar të LVV-së për postin e kryeparlamentarit.
Propozimi për kryeparlamentar është e drejtë ekskluzive e fitueses së zgjedhjeve, LVV-së, e cila ngul këmbë se Haxhiu e meriton të zgjidhet dhe, ndonëse ka kërkuar marrëveshje politike me partitë e tjera, e ka përjashtuar mundësinë të sjellë kandidat tjetër pos saj./REL/

Raportohet për të paktën 44 të vrarë në Gazë

Izraeli njofton për vendbanime të reja në Bregun Perëndimor

Rizvanolli akuzon OEK për pengesa

Përfundon protesta e bizneseve me kërkesën për reflektimin e institucioneve

Këto ushqime ju mbajnë të ngopur më gjatë

Edukimi sportiv në nivele kampionësh – UBT dhe Qendra e Xhudos në bashkëpunim model

OKB: Sulmet e Rusisë me dronë në Herson të Ukrainës përbëjnë krim lufte

Krasniqi: PDK nesër do të fillojë betejën ligjore për të kundërshtuar vendimin e ZRRE-së

Qëndrimet e njëjta: Kuvendi nuk konstituohet as pas tentimit të 23-të
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur