

Kulturë
Frank Ocean do të rikthehet në festivalin “Coachella” në vitin 2023
Published
4 years agoon
By
UBT newsYlli i njohur amerikan, Frank Ocean, do të jetë ndër performuesit kryesor në festivalin e muzikës “Coachella” që mbahet në vitin 2023.
Këngëtari 33-vjeçar i cili nuk ka performuar live nga viti 2017, ishte planifikuar të performojë në edicionin e vitit 2020 të kësaj ngjarjeje madhore të muzikës, krahas yjeve të shumtë si: Travis Scott, Lana Del Rey, Lil Uzi Vert, Thom Yorke, dyshja e muzikës “Run the Jewels”, FKA twigs, DaBaby, 21 Savage, Lil Nas X dhe grupi “Rage Against the Machine”, por fatkeqësisht festivali u shty për shkak të pandemisë COVID-19.
Dhe derisa disa prej emrave më të shquar të muzikës do të rikthehen në skenën e kësaj ngjarjeje në prill të vitit të ardhshëm, Frank Ocean nuk do të ketë mundësi të performojë deri në vitin 2023.
Bashkëthemeluesi i festivalit, Paul Tollett, deklaroi për gazetën “LA Times”: “Aktualisht gjërat janë lëmsh. Unë thjeshtë po mundohem të jem sa më i drejtë me artistët dhe korrekt me të gjithë fansat e festivalit, si dhe të sigurohem që eventualisht të kenë mundësi t’i ndjekin performancat e të gjithë yjeve për të cilët kemi diskutuar”.
Edicioni i vitit 2022 i kësaj ngjarjeje megjithëkëtë do të përfshijë koncerte të muzikantëve të tillë, si reperi Travis Scott, grupi “Rage Against the Machine” dhe rep artistet Megan Thee Stallion dhe Doja Cat.
Festivali shumë të ndjekur nga publiku, “Coachella Valley Music and Arts Festival”, zyrtarisht do të rikthehet në pranverën e vitit të ardhshëm dhe mbahet në fundjavat e 15-17 dhe 22-24 prill 2022 në Kaliforni.
“Coachella”, që u detyrua të shtyhej 2 herë si pasojë e pandemisë, planifikohej të mbahej në prill të këtij viti, por shpresat që një gjë e tillë të ndodhë u shkatërruan në muajin janar, kur zyrtari i shëndetit publik i ngarkuar me qarkun Riverside, ku tradicionalisht mbahet festivali, e nënshkroi një urdhër të shëndetit publik që e anulonte këtë ngjarje dhe festivalin simotër të muzikës country, “Stagecoach”./koha
Magazinë
Tom Holland rikthehet në Skoci – xhiron SpiderMan-in në rrugët e Glasgout
Published
10 hours agoon
August 4, 2025By
UBT News
Aktori britanik, Tom Holland, është takuar me fansat në qendër të Glasgow gjatë xhirimeve të filmit më të ri të Marvel-it, “Spider-Man: Brand New Day”, që pritet të jetë kapitulli i ardhshëm në sagën e famshme të superheroit.
Xhirimet nisën të premten dhe pritet të zgjasin për dy javë, me rrugë të tëra të qytetit që janë transformuar për të imituar atmosferën e një qyteti amerikan.
Disa zona të Glasgout janë bllokuar për qarkullim, autoritetet paralajmëruan për ndërprerje e devijime të përkohshme, shkruan BBC. Holland u pa të dielën duke xhiruar një skenë aksioni me kostumin e Spider-Man, përpara se t’i afrohej një grupi fansash të mbledhur aty pranë.
Rreth 100 persona ndoqën momentet e xhirimit, aktori ndau disa çaste me ta jashtë kamerave. Ky është projekti i dytë që Tom xhiron në Skoci. Më herët, ai u pa në zona të ndryshme përreth Inverness dhe Moray për filmin “The Odyssey”, të drejtuar nga regjisori Christopher Nolan.
Glasgou është shndërruar në një nga destinacionet më të preferuara për filmat e mëdhenj të Hollywood-it.
Në vitet e fundit, qyteti ka shërbyer si sfond për filma si “The Flash”, “The Batman”, “Indiana Jones and the Dial of Destiny” dhe shumë të tjerë, duke zëvendësuar metropole si New York-u apo edhe Gotham City-n e famshëm.
Magazinë
John Krasinski rikthehet me pjesën e tretë të “A Quiet Place”
Published
13 hours agoon
August 4, 2025By
UBT News
John Krasinski ka konfirmuar se do të rikthehet si skenarist, regjisor dhe producent për filmin “A Quiet Place Part III”, pjesën e tretë të sagës së njohur horror. Përmes një njoftimi në rrjetet sociale, ai bëri të ditur se filmi do të dalë në kinema më 9 korrik 2027.
Ende nuk janë zbuluar detaje për kastin apo rrjedhën e ngjarjeve në këtë kapitull të ri. Krasinski shkroi, drejtoi, prodhoi dhe interpretoi në filmin e parë të serisë, përkrah bashkëshortes së tij, Emily Blunt, si dhe aktorëve Noah Jupe dhe Millicent Simmonds.
Filmat ndjekin mbijetues të ndryshëm në një botë të shkatërruar nga krijesa të rrezikshme që reagojnë ndaj zhurmës.
Vitin e kaluar u publikua filmi prequel “A Quiet Place: Day One”, me regji nga Michael Sarnoski dhe në rolin kryesor Lupita Nyong’o.
Magazinë
Tragjedi në koncertin e Oasis: Një fans humb jetën pas një rënie nga stadiumi në Wembley
Published
15 hours agoon
August 4, 2025By
UBT News
Një ngjarje tragjike ka ndodhur gjatë koncertit të Oasis në Wembley, kur një fans rreth 40 vjeç, humbi jetën pas një rënie të mundshme nga një lartësi e stadiumit.
Sipas Policisë Metropolitane, oficerët dhe shërbimi i emergjencës u përgjigjën menjëherë pas raportimeve se një person ishte lënduar rreth orës 22:20, dhe se burri kishte pësuar lëndime që mund të lidhen me një rënie nga lartësia.
Mediat britanike raportojnë se dyshohet se ai ka rënë nga pjesa e sipërme e stadiumit. Dëshmitarët e ngjarjes e përshkruan si “horror”, ndërkohë që policia ka bërë thirrje për çdo informacion të mundshëm që mund të ndihmojë në sqarimin e ngjarjes.
Në një deklaratë zyrtare, grupi britanik Oasis reagoi me trishtim për këtë humbje tragjike, duke shprehur ngushëllimet e tyre për familjen dhe miqtë e viktimës.
Lifestyle
Këto këshilla ju ndihmojnë që të menaxhoni paratë gjatë pushimeve
Published
16 hours agoon
August 4, 2025By
UBT News
Po niseni? Ndoshta jashtë? Para mbylljes fatale të gazit merrni një minutë kohë për menaxhimin e parave. Ja këshillat e Geronimo Emili, president i CashlessWay, për një verë “pa lekë”.
1. Përpiquni të përdorni pagesat elektronike në qoftë se keni mundësi, janë të sigurta, komode dhe mund të kontrolloni më mirë buxhetin.
2. Mos vendoni kurrë asnjë letër në portofolet me PIN.
3. Më mirë t’i memorizosh me një emër falso në rubrikën e telefonit kodet e ndryshme, mbase duke u vënë para një prefix telefoni, kështu për të ngatërruar sa më shumë të jetë e mundur një ndërhyrje të mundshme. Bëjeni, edhe memoria më e stërvitur, ka momente të vështira.
4. Në rubrikë memorizoni edhe numrin e call centerit të bankës tuaj, kështu që mund të kërkoni ndihmë ose të pezulloni kartën. Mbani mend që nuk është e nevojshme “të digjni” kartën e pagesës: për dyshimin më të vogël të humbjes telefononi dhe zëvendësojeni, mundeni ta aktivizoni në rast konstatimi. Sot nxirren lehtë njoftimet për të bërë pagesën nëpërmjet sms dhe email, kështu që mund të keni edhe konfirmimin e transaksioneve të ndodhura në kohë reale.
5. Verifikoni që kartat e pagesës të jenë të aktivizuara për jashtë. Në dyqane mund të paguani nëpërmjet kartës, kartës bankomat ose kartës së parapaguar. Dukshëm duhet të jenë të gjitha të aktivizuara në qarqet ndërkombëtare. P.sh në qoftë se paguani me kartën Bankomat (ATM jashtë), do t’ju kërkohet të përdorni qarkun Maestro. Në qoftë se nuk e keni, bëni një kartë të parapaguar, është e mirë për të limituar dëmet në rast të mashtrimit apo klonimit.
6. Verifikoni që kartat të jenë në gjendje të mirë dhe shiriti magnetik, në qoftë se akoma e keni, të funksionojë. Mund të jetë e dobishme sidomos në USA.
7. Në qoftë se keni nevojë për cash, shmangni sa më shumë të jetë e mundur tërheqjen duke përdorur kartën e kreditit. Komisionet janë të larta mes 4 dhe 6%. Më mirë karta bankomat që ka komision 2%, por ka një limit të përdorimit të përditshëm që varion nga vendi në vend.
8. Në qoftë se keni nevojë për valutë lokale të ndryshme nga Euro, përpiquni t’i ndryshoni para se të niseni, këmbimi në aeroport ose në zona turistike ka një taksë që nuk është e favorshme. Megjithatë në shumë raste mund të negocioni.
9. Bëhuni të larmishëm sa më shumë të jetë e mundur për të qenë më pak të dobët në raste mashtrimi.
10. Në qoftë se keni nevojë për të ndihmuar ekonomikisht fëmijët tuaj, gjëja më e mirë është wallet elektronik që konsiston në një transferim imediat në rast nevoje si nga banka në wallet edhe nga wallet në wallet.
Ka oferta të ndryshme, më të mira janë ato të lidhura me një kartë fizike kështu që në vazhdim të transferimit vazhdon në qoftë se është e nevojshme edhe një tërheqje cash e menjëhershme.

Klubi i fëmijërisë së Diogo Jota merr vendim fantastik në nderim të tij

Dardanët lëshojnë një njoftim të rëndësishëm

Ballkani mëson kundërshtarin e mundshëm në play-off të Conference League

Zbulohet skuadra e re e Son Heung-min

Greva e punëtorëve të sigurimit në QKUK drejt fundit: Nënshkrimi i kontratës për tender pritet nesër

“Dardanët” lëshojnë një njoftim të rëndësishëm

Mbyllen hetimet për Ilir Metën, avokati: Mali i akuzave ra poshtë

Raporti informues për zgjedhje lokale 2025, KQZ: U refuzuan 569 aplikime për regjistrim për votim me postë

Në zgjedhjet parlamentare 2025 numri më i ulët i votave të pavlefshme 2.83 për qind
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit